| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
9. сан̇каарубзгкаан̃аан̣анид̣̇д̣̇зсаван̣н̣анаа
9. Saṅkhārupekkhāñāṇaniddesavaṇṇanā
54. сан̇каарубзгкаан̃аан̣анид̣̇д̣̇зсз уббаад̣̇аад̣̇ийни вуд̇д̇ад̇т̇аанзва. д̣̇угканд̇и бхаяанд̇и саамисанд̇и сан̇каараад̇и уббаад̣̇аад̣̇имун̃жанан̃аан̣асса гааран̣аважанаани. зван̃жа лагкан̣ад̇о сан̇каарубзгкам̣ д̣̇ассзд̇ваа ид̣̇аани ад̇т̇ад̇о д̣̇ассзд̇ум̣ уббаад̣̇о сан̇каараа, д̇з сан̇каарз аж̇жхубзгкад̇ийд̇и сан̇каарубзгкаад̇иаад̣̇имааха. д̇ад̇т̇а сан̇каарз аж̇жхубзгкад̇ийд̇и д̇асса аарад̣̇д̇хавибассагасса вибассанаан̃аан̣зна лагкан̣ад̇д̇аяасса д̣̇идтад̇д̇аа лагкан̣авижинанз бахийнаб̣яаабаарасса аад̣̇ид̇д̇з вияа д̇аяо бхавз бассад̇о сан̇каараг̇г̇ахан̣з маж̇жхад̇д̇асса д̇ам̣ вибассанаан̃аан̣ам̣ д̇з сан̇каарз висзсзна жа игкад̇и, г̇ахан̣зна важ̇ж̇ид̇ан̃жа худ̇ваа игкад̇и ологзд̇ийд̇и сан̇каарубзгкаа наамаад̇и ад̇т̇о. яат̇аа логз висзсзна ж̇аяанд̇о ад̇хиж̇аяад̇ийд̇и, аннзна важ̇ж̇ид̇о васанд̇о убавасад̇ийд̇и вужжад̇и. буна сан̇каарз анижжаад̣̇ид̇о вибассид̇ваа г̇ахан̣з маж̇жхад̇д̇абхаавасан̣тид̇ам̣ сан̇каарубзгкамби анижжаад̣̇ид̇о вибассид̇ваа д̇ассааби сан̇каарубзгкааяа г̇ахан̣з маж̇жхад̇д̇аагаарасан̣тид̇ааяа сан̇каарубзгкааяа саб̣бхаавад̇о яз жа сан̇каараа яаа жа убзгкаад̇иаад̣̇и вуд̇д̇ам̣.
54. Saṅkhārupekkhāñāṇaniddese uppādādīni vuttatthāneva. Dukkhanti bhayanti sāmisanti saṅkhārāti uppādādimuñcanañāṇassa kāraṇavacanāni. Evañca lakkhaṇato saṅkhārupekkhaṃ dassetvā idāni atthato dassetuṃ uppādo saṅkhārā, te saṅkhāre ajjhupekkhatīti saṅkhārupekkhātiādimāha. Tattha saṅkhāre ajjhupekkhatīti tassa āraddhavipassakassa vipassanāñāṇena lakkhaṇattayassa diṭṭhattā lakkhaṇavicinane pahīnabyāpārassa āditte viya tayo bhave passato saṅkhāraggahaṇe majjhattassa taṃ vipassanāñāṇaṃ te saṅkhāre visesena ca ikkhati, gahaṇena vajjitañca hutvā ikkhati oloketīti saṅkhārupekkhā nāmāti attho. Yathā loke visesena jayanto adhijayatīti, annena vajjito vasanto upavasatīti vuccati. Puna saṅkhāre aniccādito vipassitvā gahaṇe majjhattabhāvasaṇṭhitaṃ saṅkhārupekkhampi aniccādito vipassitvā tassāpi saṅkhārupekkhāya gahaṇe majjhattākārasaṇṭhitāya saṅkhārupekkhāya sabbhāvato ye ca saṅkhārā yā ca upekkhātiādi vuttaṃ.
55. ид̣̇аани сан̇каарубзгкааяа жид̇д̇аабхинийхаарабхзд̣̇ам̣ д̣̇ассзд̇ум̣ гад̇ихаагаарзхийд̇иаад̣̇имааха. д̇ад̇т̇а сан̇каарубзгкааяаад̇и бхуммаважанам̣. жид̇д̇асса абхинийхаарод̇и сан̇каарубзгкаалаабхино д̇ад̇о ан̃н̃асса жид̇д̇асса сан̇каарубзгкаабхимукам̣ гад̇ваа бхусам̣ харан̣ам̣. абхимукад̇т̇о хи зд̇т̇а абхисад̣̇д̣̇о, бхусад̇т̇о нийсад̣̇д̣̇о. гад̇ихаагаарзхийд̇и бужчид̇ам̣ бужчам̣ адтахаагаарзхийд̇и виссаж̇ж̇зд̇ваа д̣̇уд̇ияабужчаависсаж̇ж̇анзнзва д̇з адтаагаарз д̣̇ассзд̇угаамо д̇з ад̣̇ассзд̇ваава бут̇уж̇ж̇анасса гад̇ихаагаарзхийд̇иаад̣̇и бужчам̣ агааси. бут̇уж̇ж̇анассаад̇и зд̇т̇а бана –
55. Idāni saṅkhārupekkhāya cittābhinīhārabhedaṃ dassetuṃ katihākārehītiādimāha. Tattha saṅkhārupekkhāyāti bhummavacanaṃ. Cittassa abhinīhāroti saṅkhārupekkhālābhino tato aññassa cittassa saṅkhārupekkhābhimukhaṃ katvā bhusaṃ haraṇaṃ. Abhimukhattho hi ettha abhisaddo, bhusattho nīsaddo. Katihākārehīti pucchitaṃ pucchaṃ aṭṭhahākārehīti vissajjetvā dutiyapucchāvissajjaneneva te aṭṭhākāre dassetukāmo te adassetvāva puthujjanassa katihākārehītiādi pucchaṃ akāsi. Puthujjanassāti ettha pana –
д̣̇увз бут̇уж̇ж̇анаа вуд̇д̇аа, б̣уд̣̇д̇хзнаад̣̇ижжаб̣анд̇хунаа;
Duve puthujjanā vuttā, buddhenādiccabandhunā;
анд̇хо бут̇уж̇ж̇ано зго, галяаан̣зго бут̇уж̇ж̇анод̇и.
Andho puthujjano eko, kalyāṇeko puthujjanoti.
д̇ад̇т̇а яасса канд̇хад̇хаад̇уааяад̇анаад̣̇ийсу уг̇г̇ахабарибужчаасаванад̇хааран̣абажжавзгкан̣аад̣̇ийни над̇т̇и, аяам̣ анд̇хабут̇уж̇ж̇ано. яасса д̇аани ад̇т̇и, со галяаан̣абут̇уж̇ж̇ано. д̣̇увид̇хоби банзса –
Tattha yassa khandhadhātuāyatanādīsu uggahaparipucchāsavanadhāraṇapaccavekkhaṇādīni natthi, ayaṃ andhaputhujjano. Yassa tāni atthi, so kalyāṇaputhujjano. Duvidhopi panesa –
бут̇уунам̣ ж̇ананаад̣̇ийхи, гааран̣зхи бут̇уж̇ж̇ано;
Puthūnaṃ jananādīhi, kāraṇehi puthujjano;
бут̇уж̇ж̇ананд̇ог̇ад̇хад̇д̇аа, бут̇увааяам̣ ж̇ано ид̇и.
Puthujjanantogadhattā, puthuvāyaṃ jano iti.
со хи бут̇уунам̣ наанаббагаараанам̣ гилзсаад̣̇ийнам̣ ж̇ананаад̣̇ийхи гааран̣зхи бут̇уж̇ж̇ано. яат̇ааха – ‘‘бут̇у гилзсз ж̇анзнд̇ийд̇и бут̇уж̇ж̇анаа, бут̇у авихад̇асаггааяад̣̇идтигаад̇и бут̇уж̇ж̇анаа, бут̇у сад̇т̇аараанам̣ мукуллогигаад̇и бут̇уж̇ж̇анаа, бут̇у саб̣б̣аг̇ад̇ийхи авудтид̇аад̇и бут̇уж̇ж̇анаа, бут̇у наанаабхисан̇каарз абхисан̇каронд̇ийд̇и бут̇уж̇ж̇анаа, бут̇у наанааогхзхи вуяханд̇ийд̇и бут̇уж̇ж̇анаа, бут̇у наанаасанд̇аабзхи санд̇аббзнд̇ийд̇и бут̇уж̇ж̇анаа, бут̇у наанаабарил̣аахзхи барид̣аяханд̇ийд̇и бут̇уж̇ж̇анаа, бут̇у бан̃жасу гаамаг̇ун̣зсу рад̇д̇аа г̇ид̣̇д̇хаа г̇ад̇хид̇аа мужчид̇аа аж̇жхосаннаа лаг̇г̇аа лаг̇г̇ид̇аа балиб̣уд̣̇д̇хаад̇и бут̇уж̇ж̇анаа, бут̇у бан̃жахи нийваран̣зхи аавуд̇аа нивуд̇аа овуд̇аа бихид̇аа бадижчаннаа бадигуж̇ж̇ид̇аад̇и бут̇уж̇ж̇анаа’’д̇и (махаани. 94). бут̇уунам̣ ваа г̇ан̣анабат̇аад̇ийд̇аанам̣ арияад̇хаммабараммукаанам̣ нийжад̇хаммасамаажаараанам̣ ж̇анаанам̣ анд̇ог̇ад̇хад̇д̇ааби бут̇уж̇ж̇анаа, бут̇у ваа аяам̣ висум̣язва сан̇кам̣ г̇ад̇о, висам̣садто сийласуд̇аад̣̇иг̇ун̣аяуд̇д̇зхи ариязхи ж̇анод̇иби бут̇уж̇ж̇ано. д̇зсу галяаан̣абут̇уж̇ж̇ано ид̇хаад̇хиббзд̇о ид̇арасса бхааванааяа зва абхааваа.
So hi puthūnaṃ nānappakārānaṃ kilesādīnaṃ jananādīhi kāraṇehi puthujjano. Yathāha – ‘‘puthu kilese janentīti puthujjanā, puthu avihatasakkāyadiṭṭhikāti puthujjanā, puthu satthārānaṃ mukhullokikāti puthujjanā, puthu sabbagatīhi avuṭṭhitāti puthujjanā, puthu nānābhisaṅkhāre abhisaṅkharontīti puthujjanā, puthu nānāoghehi vuyhantīti puthujjanā, puthu nānāsantāpehi santappentīti puthujjanā, puthu nānāpariḷāhehi pariḍayhantīti puthujjanā, puthu pañcasu kāmaguṇesu rattā giddhā gadhitā mucchitā ajjhosannā laggā laggitā palibuddhāti puthujjanā, puthu pañcahi nīvaraṇehi āvutā nivutā ovutā pihitā paṭicchannā paṭikujjitāti puthujjanā’’ti (mahāni. 94). Puthūnaṃ vā gaṇanapathātītānaṃ ariyadhammaparammukhānaṃ nīcadhammasamācārānaṃ janānaṃ antogadhattāpi puthujjanā, puthu vā ayaṃ visuṃyeva saṅkhaṃ gato, visaṃsaṭṭho sīlasutādiguṇayuttehi ariyehi janotipi puthujjano. Tesu kalyāṇaputhujjano idhādhippeto itarassa bhāvanāya eva abhāvā.
сзгкассаад̇и зд̇т̇а сад̇д̇а сзгкаа сод̇аабад̇д̇имаг̇г̇апаласагад̣̇ааг̇аамимаг̇г̇апалаанааг̇аамимаг̇г̇апалаарахад̇д̇амаг̇г̇адтаа. д̇з хи д̇иссо сигкаа сигканд̇ийд̇и сзгкаа. д̇зсу сод̇аабад̇д̇исагад̣̇ааг̇аамианааг̇аамипаладтаа д̇аяо ид̇хаад̇хиббзд̇аа маг̇г̇адтаанам̣ сан̇каарубзгкааяа жид̇д̇аабхинийхаараабхааваа.
Sekkhassāti ettha satta sekkhā sotāpattimaggaphalasakadāgāmimaggaphalaanāgāmimaggaphalaarahattamaggaṭṭhā. Te hi tisso sikkhā sikkhantīti sekkhā. Tesu sotāpattisakadāgāmianāgāmiphalaṭṭhā tayo idhādhippetā maggaṭṭhānaṃ saṅkhārupekkhāya cittābhinīhārābhāvā.
вийд̇арааг̇ассаад̇и зд̇т̇а самужчзд̣̇авиг̇амзна виг̇ад̇о рааг̇о ассаад̇и вийд̇арааг̇о. арахад̇о зд̇ам̣ ад̇хиважанам̣. д̇ийсуби бад̣̇зсу ж̇аад̇иг̇г̇ахан̣зна згаважанам̣ гад̇ам̣.
Vītarāgassāti ettha samucchedavigamena vigato rāgo assāti vītarāgo. Arahato etaṃ adhivacanaṃ. Tīsupi padesu jātiggahaṇena ekavacanaṃ kataṃ.
сан̇каарубзгкам̣ абхинанд̣̇ад̇ийд̇и д̇асмим̣ убзгкаавихаарз паасувихаарасан̃н̃ам̣ бадилабхид̇ваа паасувихаараниганд̇ияаа сан̇каарубзгкаабхимуко худ̇ваа нанд̣̇ад̇и, саббийд̇игам̣ д̇ан̣хам̣ уббаад̣̇зд̇ийд̇и ад̇т̇о. вибассад̇ийд̇и сод̇аабад̇д̇имаг̇г̇абадилаабхад̇т̇ам̣ анижжаад̣̇ивасзна вивид̇хаа бассад̇и, сзгко убаримаг̇г̇ад̇т̇ам̣, вийд̇арааг̇о д̣̇идтад̇хаммасукавихаарад̇т̇ам̣ вибассад̇и. бадисан̇кааяаад̇и анижжаад̣̇ивасзнзва убабаригкид̇ваа. яасмаа бана сод̇аабаннаад̣̇аяо арияаа сагам̣ сагам̣ паласамаабад̇д̇им̣ самаабаж̇ж̇амаанаа уд̣̇аяаб̣б̣аяан̃аан̣аад̣̇ийхи навахи вибассанаан̃аан̣зхи авибассид̇ваа самаабаж̇ж̇ид̇ум̣ на саггонд̇и, д̇асмаа бадисан̇кааяа ваа паласамаабад̇д̇им̣ самаабаж̇ж̇ад̇ийд̇и вуд̇д̇ам̣.
Saṅkhārupekkhaṃ abhinandatīti tasmiṃ upekkhāvihāre phāsuvihārasaññaṃ paṭilabhitvā phāsuvihāranikantiyā saṅkhārupekkhābhimukho hutvā nandati, sappītikaṃ taṇhaṃ uppādetīti attho. Vipassatīti sotāpattimaggapaṭilābhatthaṃ aniccādivasena vividhā passati, sekkho uparimaggatthaṃ, vītarāgo diṭṭhadhammasukhavihāratthaṃ vipassati. Paṭisaṅkhāyāti aniccādivaseneva upaparikkhitvā. Yasmā pana sotāpannādayo ariyā sakaṃ sakaṃ phalasamāpattiṃ samāpajjamānā udayabbayañāṇādīhi navahi vipassanāñāṇehi avipassitvā samāpajjituṃ na sakkonti, tasmā paṭisaṅkhāya vā phalasamāpattiṃ samāpajjatīti vuttaṃ.
паласамаабад̇д̇ияаа бавад̇д̇ид̣̇ассанад̇т̇ам̣ бана д̇зсам̣ ид̣̇ам̣ бан̃хагаммам̣ – гаа паласамаабад̇д̇и? гз д̇ам̣ самаабаж̇ж̇анд̇и? гз на самаабаж̇ж̇анд̇и? гасмаа самаабаж̇ж̇анд̇и? гат̇ан̃жассаа самаабаж̇ж̇анам̣ ход̇и? гат̇ам̣ таанам̣? гат̇ам̣ вудтаанам̣? гим̣ паласса ананд̇арам̣? гасса жа палам̣ ананд̇аранд̇и?
Phalasamāpattiyā pavattidassanatthaṃ pana tesaṃ idaṃ pañhakammaṃ – kā phalasamāpatti? Ke taṃ samāpajjanti? Ke na samāpajjanti? Kasmā samāpajjanti? Kathañcassā samāpajjanaṃ hoti? Kathaṃ ṭhānaṃ? Kathaṃ vuṭṭhānaṃ? Kiṃ phalassa anantaraṃ? Kassa ca phalaṃ anantaranti?
д̇ад̇т̇а гаа паласамаабад̇д̇ийд̇и? яаа арияапаласса нирод̇хз аббанаа.
Tattha kā phalasamāpattīti? Yā ariyaphalassa nirodhe appanā.
гз д̇ам̣ самаабаж̇ж̇анд̇и? гз на самаабаж̇ж̇анд̇ийд̇и? саб̣б̣зби бут̇уж̇ж̇анаа на самаабаж̇ж̇анд̇и. гасмаа? анад̇хиг̇ад̇ад̇д̇аа. арияаа бана саб̣б̣зби самаабаж̇ж̇анд̇и. гасмаа ? ад̇хиг̇ад̇ад̇д̇аа. убаримаа бана хздтимам̣ на самаабаж̇ж̇анд̇и буг̇г̇аланд̇арабхаавуубаг̇аманзна бадиббассад̣̇д̇хад̇д̇аа, хздтимаа жа убаримам̣ анад̇хиг̇ад̇ад̇д̇аа. ад̇д̇ано ад̇д̇аноязва бана палам̣ саб̣б̣зби самаабаж̇ж̇анд̇ийд̇и ид̣̇амзд̇т̇а саннидтаанам̣.
Ke taṃ samāpajjanti? Ke na samāpajjantīti? Sabbepi puthujjanā na samāpajjanti. Kasmā? Anadhigatattā. Ariyā pana sabbepi samāpajjanti. Kasmā ? Adhigatattā. Uparimā pana heṭṭhimaṃ na samāpajjanti puggalantarabhāvūpagamanena paṭippassaddhattā, heṭṭhimā ca uparimaṃ anadhigatattā. Attano attanoyeva pana phalaṃ sabbepi samāpajjantīti idamettha sanniṭṭhānaṃ.
гзжи бана ‘‘сод̇аабаннасагад̣̇ааг̇ааминоби на самаабаж̇ж̇анд̇и, убаримаа д̣̇взязва самаабаж̇ж̇анд̇ий’’д̇и вад̣̇анд̇и. ид̣̇ан̃жа нзсам̣ гааран̣ам̣ – зд̇з хи самаад̇хисмим̣ барибуурагааринод̇и. д̇ам̣ бут̇уж̇ж̇анассааби ад̇д̇анаа бадилад̣̇д̇хам̣ логияасамаад̇хим̣ самаабаж̇ж̇анад̇о агааран̣амзва. гин̃жзд̇т̇а гааран̣аагааран̣ажинд̇ааяа. нану ид̇хзва баал̣ияам̣ ‘‘гад̇амз д̣̇аса сан̇каарубзгкаа вибассанаавасзна уббаж̇ж̇анд̇и, гад̇амз д̣̇аса г̇од̇рабхуд̇хаммаа вибассанаавасзна уббаж̇ж̇анд̇ий’’д̇и (бади. ма. 1.60) имзсам̣ бан̃хаанам̣ виссаж̇ж̇анз ‘‘сод̇аабад̇д̇ипаласамаабад̇д̇ад̇т̇ааяа сагад̣̇ааг̇аамипаласамаабад̇д̇ад̇т̇ааяаа’’д̇и (бади. ма. 1.60) висум̣ висум̣ вуд̇д̇аа. д̇асмаа саб̣б̣зби арияаа ад̇д̇ано ад̇д̇ано палам̣ самаабаж̇ж̇анд̇ийд̇и нидтамзд̇т̇а г̇анд̇аб̣б̣ам̣.
Keci pana ‘‘sotāpannasakadāgāminopi na samāpajjanti, uparimā dveyeva samāpajjantī’’ti vadanti. Idañca nesaṃ kāraṇaṃ – ete hi samādhismiṃ paripūrakārinoti. Taṃ puthujjanassāpi attanā paṭiladdhaṃ lokiyasamādhiṃ samāpajjanato akāraṇameva. Kiñcettha kāraṇākāraṇacintāya. Nanu idheva pāḷiyaṃ ‘‘katame dasa saṅkhārupekkhā vipassanāvasena uppajjanti, katame dasa gotrabhudhammā vipassanāvasena uppajjantī’’ti (paṭi. ma. 1.60) imesaṃ pañhānaṃ vissajjane ‘‘sotāpattiphalasamāpattatthāya sakadāgāmiphalasamāpattatthāyā’’ti (paṭi. ma. 1.60) visuṃ visuṃ vuttā. Tasmā sabbepi ariyā attano attano phalaṃ samāpajjantīti niṭṭhamettha gantabbaṃ.
гасмаа самаабаж̇ж̇анд̇ийд̇и? д̣̇идтад̇хаммасукавихаарад̇т̇ам̣. яат̇аа хи рааж̇аано раж̇ж̇асукам̣, д̣̇звад̇аа д̣̇иб̣б̣асукаманубхаванд̇и, звам̣ арияаа ‘‘логуд̇д̇арасукам̣ анубхависсаамаа’’д̇и ад̣̇д̇хаанабарижчзд̣̇ам̣ гад̇ваа ижчид̇ижчид̇агкан̣з паласамаабад̇д̇им̣ самаабаж̇ж̇анд̇и.
Kasmā samāpajjantīti? Diṭṭhadhammasukhavihāratthaṃ. Yathā hi rājāno rajjasukhaṃ, devatā dibbasukhamanubhavanti, evaṃ ariyā ‘‘lokuttarasukhaṃ anubhavissāmā’’ti addhānaparicchedaṃ katvā icchiticchitakkhaṇe phalasamāpattiṃ samāpajjanti.
гат̇ан̃жассаа самаабаж̇ж̇анам̣ ход̇и, гат̇ам̣ таанам̣, гат̇ам̣ вудтаананд̇и? д̣̇вийхи д̇аава аагаарзхи ассаа самаабаж̇ж̇анам̣ ход̇и ниб̣б̣аанад̇о ан̃н̃асса аарамман̣асса аманасигаараа, ниб̣б̣аанасса жа манасигаараа. яат̇ааха – ‘‘д̣̇вз ко, аавусо, бажжаяаа анимид̇д̇ааяа жзд̇овимуд̇д̇ияаа самаабад̇д̇ияаа саб̣б̣анимид̇д̇аанан̃жа аманасигааро, анимид̇д̇ааяа жа д̇хаад̇уяаа манасигааро’’д̇и (ма. ни. 1.458). аяам̣ банзд̇т̇а самаабаж̇ж̇анаггамо – паласамаабад̇д̇ад̇т̇игзна хи арияасаавагзна рахог̇ад̇зна бадисаллийнзна уд̣̇аяаб̣б̣аяаад̣̇ивасзна сан̇каараа вибассид̇аб̣б̣аа. д̇асса бавад̇д̇аанубуб̣б̣авибассанасса сан̇каараарамман̣аг̇од̇рабхун̃аан̣аананд̇арам̣ паласамаабад̇д̇ивасзна нирод̇хз жид̇д̇ам̣ аббзд̇и. паласамаабад̇д̇ининнад̇ааяа жзд̇т̇а сзгкассааби паламзва уббаж̇ж̇ад̇и, на маг̇г̇о. яз бана вад̣̇анд̇и ‘‘сод̇аабанно ‘паласамаабад̇д̇им̣ самаабаж̇ж̇иссаамий’д̇и вибассанам̣ бадтабзд̇ваа сагад̣̇ааг̇аамий ход̇и, сагад̣̇ааг̇аамий жа анааг̇аамий’’д̇и. д̇з вад̇д̇аб̣б̣аа ‘‘звам̣ сад̇и анааг̇аамий арахаа бхависсад̇и, арахаа бажжзгаб̣уд̣̇д̇хо, бажжзгаб̣уд̣̇д̇хо жа б̣уд̣̇д̇хо’’д̇и.
Kathañcassā samāpajjanaṃ hoti, kathaṃ ṭhānaṃ, kathaṃ vuṭṭhānanti? Dvīhi tāva ākārehi assā samāpajjanaṃ hoti nibbānato aññassa ārammaṇassa amanasikārā, nibbānassa ca manasikārā. Yathāha – ‘‘dve kho, āvuso, paccayā animittāya cetovimuttiyā samāpattiyā sabbanimittānañca amanasikāro, animittāya ca dhātuyā manasikāro’’ti (ma. ni. 1.458). Ayaṃ panettha samāpajjanakkamo – phalasamāpattatthikena hi ariyasāvakena rahogatena paṭisallīnena udayabbayādivasena saṅkhārā vipassitabbā. Tassa pavattānupubbavipassanassa saṅkhārārammaṇagotrabhuñāṇānantaraṃ phalasamāpattivasena nirodhe cittaṃ appeti. Phalasamāpattininnatāya cettha sekkhassāpi phalameva uppajjati, na maggo. Ye pana vadanti ‘‘sotāpanno ‘phalasamāpattiṃ samāpajjissāmī’ti vipassanaṃ paṭṭhapetvā sakadāgāmī hoti, sakadāgāmī ca anāgāmī’’ti. Te vattabbā ‘‘evaṃ sati anāgāmī arahā bhavissati, arahā paccekabuddho, paccekabuddho ca buddho’’ti.
д̇асмаа на гин̃жи зд̇ам̣, баал̣ивасзнзва жа бадигкид̇д̇анд̇иби на г̇ахзд̇аб̣б̣ам̣. ид̣̇амзва бана г̇ахзд̇аб̣б̣ам̣. сзгкассааби паламзва уббаж̇ж̇ад̇и, на маг̇г̇о. палан̃жасса сажз анзна батамаж̇жхааниго маг̇г̇о ад̇хиг̇ад̇о ход̇и, батамаж̇жхаанигамзва уббаж̇ж̇ад̇и, сажз д̣̇уд̇ияаад̣̇ийсу ан̃н̃ад̇араж̇жхааниго, д̣̇уд̇ияаад̣̇ийсу ан̃н̃ад̇араж̇жхаанигамзваад̇и звам̣ д̇аавассаа самаабаж̇ж̇анам̣ ход̇и.
Tasmā na kiñci etaṃ, pāḷivaseneva ca paṭikkhittantipi na gahetabbaṃ. Idameva pana gahetabbaṃ. Sekkhassāpi phalameva uppajjati, na maggo. Phalañcassa sace anena paṭhamajjhāniko maggo adhigato hoti, paṭhamajjhānikameva uppajjati, sace dutiyādīsu aññatarajjhāniko, dutiyādīsu aññatarajjhānikamevāti evaṃ tāvassā samāpajjanaṃ hoti.
‘‘д̇аяо ко, аавусо, бажжаяаа анимид̇д̇ааяа жзд̇овимуд̇д̇ияаа тид̇ияаа саб̣б̣анимид̇д̇аанан̃жа аманасигааро, анимид̇д̇ааяа жа д̇хаад̇уяаа манасигааро, буб̣б̣з жа абхисан̇кааро’’д̇и (ма. ни. 1.458) важанад̇о банассаа д̇ийхаагаарзхи таанам̣ ход̇и. д̇ад̇т̇а буб̣б̣з жа абхисан̇каарод̇и самаабад̇д̇ид̇о буб̣б̣з гаалабарижчзд̣̇о. ‘‘асугасмим̣ наама гаалз вудтахиссаамий’’д̇и барижчиннад̇д̇аа хиссаа яаава со гаало нааг̇ажчад̇и, д̇аава таанам̣ ход̇и. звамасса таанам̣ ход̇и.
‘‘Tayo kho, āvuso, paccayā animittāya cetovimuttiyā ṭhitiyā sabbanimittānañca amanasikāro, animittāya ca dhātuyā manasikāro, pubbe ca abhisaṅkhāro’’ti (ma. ni. 1.458) vacanato panassā tīhākārehi ṭhānaṃ hoti. Tattha pubbe ca abhisaṅkhāroti samāpattito pubbe kālaparicchedo. ‘‘Asukasmiṃ nāma kāle vuṭṭhahissāmī’’ti paricchinnattā hissā yāva so kālo nāgacchati, tāva ṭhānaṃ hoti. Evamassa ṭhānaṃ hoti.
‘‘д̣̇вз ко, аавусо, бажжаяаа анимид̇д̇ааяа жзд̇овимуд̇д̇ияаа вудтаанааяа саб̣б̣анимид̇д̇аанан̃жа манасигааро, анимид̇д̇ааяа жа д̇хаад̇уяаа аманасигааро’’д̇и (ма. ни. 1.458) важанад̇о банассаа д̣̇вийхаагаарзхи вудтаанам̣ ход̇и. д̇ад̇т̇а саб̣б̣анимид̇д̇аананд̇и руубанимид̇д̇авзд̣̇анаасан̃н̃аасан̇кааравин̃н̃аан̣анимид̇д̇аанам̣. гааман̃жа на саб̣б̣аанзвзд̇аани згад̇о манаси гарод̇и, саб̣б̣асан̇г̇аахигавасзна банзд̇ам̣ вуд̇д̇ам̣. д̇асмаа яам̣ бхаван̇г̇асса аарамман̣ам̣ ход̇и, д̇ам̣ манасигарод̇о паласамаабад̇д̇ид̇о вудтаанам̣ ход̇ийд̇и звамассаа вудтаанам̣ взд̣̇ид̇аб̣б̣ам̣.
‘‘Dve kho, āvuso, paccayā animittāya cetovimuttiyā vuṭṭhānāya sabbanimittānañca manasikāro, animittāya ca dhātuyā amanasikāro’’ti (ma. ni. 1.458) vacanato panassā dvīhākārehi vuṭṭhānaṃ hoti. Tattha sabbanimittānanti rūpanimittavedanāsaññāsaṅkhāraviññāṇanimittānaṃ. Kāmañca na sabbānevetāni ekato manasi karoti, sabbasaṅgāhikavasena panetaṃ vuttaṃ. Tasmā yaṃ bhavaṅgassa ārammaṇaṃ hoti, taṃ manasikaroto phalasamāpattito vuṭṭhānaṃ hotīti evamassā vuṭṭhānaṃ veditabbaṃ.
гим̣ паласса ананд̇арам̣, гасса жа палам̣ ананд̇аранд̇и? паласса д̇аава паламзва ваа ананд̇арам̣ ход̇и бхаван̇г̇ам̣ ваа. палам̣ бана ад̇т̇и маг̇г̇аананд̇арам̣, ад̇т̇и палаананд̇арам̣, ад̇т̇и г̇од̇рабхуананд̇арам̣, ад̇т̇и нзвасан̃н̃аанаасан̃н̃ааяад̇анаананд̇аранд̇и. д̇ад̇т̇а маг̇г̇авийт̇ияам̣ маг̇г̇аананд̇арам̣, буримасса буримасса бажчимам̣ бажчимам̣ палаананд̇арам̣, паласамаабад̇д̇ийсу буримам̣ буримам̣ г̇од̇рабхуананд̇арам̣. г̇од̇рабхууд̇и жзд̇т̇а ануломам̣ взд̣̇ид̇аб̣б̣ам̣. вуд̇д̇ан̃хзд̇ам̣ бадтаанз ‘‘арахад̇о ануломам̣ паласамаабад̇д̇ияаа ананд̇арабажжаязна бажжаяо. сзгкаанам̣ ануломам̣ паласамаабад̇д̇ияаа ананд̇арабажжаязна бажжаяо’’д̇и (бадтаа. 1.1.417). язна палзна нирод̇хаа вудтаанам̣ ход̇и, д̇ам̣ нзвасан̃н̃аанаасан̃н̃ааяад̇анаананд̇аранд̇и. д̇ад̇т̇а табзд̇ваа маг̇г̇авийт̇ияам̣ уббаннапалам̣ авасзсам̣ саб̣б̣ам̣ паласамаабад̇д̇ивасзна бавад̇д̇ам̣ наама. звамзд̇ам̣ маг̇г̇авийт̇ияам̣ ваа паласамаабад̇д̇ияам̣ ваа уббаж̇ж̇анавасзна –
Kiṃ phalassa anantaraṃ, kassa ca phalaṃ anantaranti? Phalassa tāva phalameva vā anantaraṃ hoti bhavaṅgaṃ vā. Phalaṃ pana atthi maggānantaraṃ, atthi phalānantaraṃ, atthi gotrabhuanantaraṃ, atthi nevasaññānāsaññāyatanānantaranti. Tattha maggavīthiyaṃ maggānantaraṃ, purimassa purimassa pacchimaṃ pacchimaṃ phalānantaraṃ, phalasamāpattīsu purimaṃ purimaṃ gotrabhuanantaraṃ. Gotrabhūti cettha anulomaṃ veditabbaṃ. Vuttañhetaṃ paṭṭhāne ‘‘arahato anulomaṃ phalasamāpattiyā anantarapaccayena paccayo. Sekkhānaṃ anulomaṃ phalasamāpattiyā anantarapaccayena paccayo’’ti (paṭṭhā. 1.1.417). Yena phalena nirodhā vuṭṭhānaṃ hoti, taṃ nevasaññānāsaññāyatanānantaranti. Tattha ṭhapetvā maggavīthiyaṃ uppannaphalaṃ avasesaṃ sabbaṃ phalasamāpattivasena pavattaṃ nāma. Evametaṃ maggavīthiyaṃ vā phalasamāpattiyaṃ vā uppajjanavasena –
‘‘бадиббассад̣̇д̇хад̣̇арат̇ам̣, амад̇аарамман̣ам̣ субхам̣;
‘‘Paṭippassaddhadarathaṃ, amatārammaṇaṃ subhaṃ;
ванд̇алогаамисам̣ санд̇ам̣, сааман̃н̃апаламуд̇д̇ама’’нд̇и.
Vantalokāmisaṃ santaṃ, sāmaññaphalamuttama’’nti.
аяамзд̇т̇а паласамаабад̇д̇игат̇аа.
Ayamettha phalasamāpattikathā.
д̇ад̣̇аж̇жхубзгкид̇ваад̇и д̇ам̣ сан̇каарубзгкам̣ ан̃н̃зна д̇аад̣̇исзнзва вибассанаан̃аан̣зна аж̇жхубзгкид̇ваа. сун̃н̃ад̇авихаарзна ваад̇иаад̣̇ийсу паласамаабад̇д̇им̣ винаа вибассанаавихаарзнзва вихарид̇угаамасса арахад̇о ад̇д̇аабхинивзсам̣ бхаяад̇о д̣̇исваа сун̃н̃ад̇аад̇химуд̇д̇асса сан̇каарубзгкааяа ваяам̣ бассанд̇асса вибассанад̇д̇аяавихааро сун̃н̃ад̇авихааро наама, сан̇кааранимид̇д̇ам̣ бхаяад̇о д̣̇исваа анимид̇д̇аад̇химуд̇д̇асса сан̇каарубзгкааяа ваяам̣ бассанд̇асса вибассанад̇д̇аяавихааро анимид̇д̇авихааро наама, д̇ан̣хаабан̣ид̇хим̣ бхаяад̇о д̣̇исваа аббан̣ихид̇аад̇химуд̇д̇асса сан̇каарубзгкааяа ваяам̣ бассанд̇асса вибассанад̇д̇аяавихааро аббан̣ихид̇авихааро наама. д̇ат̇аа хи барад̇о вуд̇д̇ам̣ –
Tadajjhupekkhitvāti taṃ saṅkhārupekkhaṃ aññena tādiseneva vipassanāñāṇena ajjhupekkhitvā. Suññatavihārena vātiādīsu phalasamāpattiṃ vinā vipassanāvihāreneva viharitukāmassa arahato attābhinivesaṃ bhayato disvā suññatādhimuttassa saṅkhārupekkhāya vayaṃ passantassa vipassanattayavihāro suññatavihāro nāma, saṅkhāranimittaṃ bhayato disvā animittādhimuttassa saṅkhārupekkhāya vayaṃ passantassa vipassanattayavihāro animittavihāro nāma, taṇhāpaṇidhiṃ bhayato disvā appaṇihitādhimuttassa saṅkhārupekkhāya vayaṃ passantassa vipassanattayavihāro appaṇihitavihāro nāma. Tathā hi parato vuttaṃ –
‘‘абхинивзсам̣ бхаяад̇о самбассамаано сун̃н̃ад̇з ад̇химуд̇д̇ад̇д̇аа пусса пусса ваяам̣ бассад̇и, сун̃н̃ад̇о вихааро. нимид̇д̇ам̣ бхаяад̇о самбассамаано анимид̇д̇з ад̇химуд̇д̇ад̇д̇аа пусса пусса ваяам̣ бассад̇и, анимид̇д̇о вихааро. бан̣ид̇хим̣ бхаяад̇о самбассамаано аббан̣ихид̇з ад̇химуд̇д̇ад̇д̇аа пусса пусса ваяам̣ бассад̇и, аббан̣ихид̇о вихааро’’д̇и (бади. ма. 1.78).
‘‘Abhinivesaṃ bhayato sampassamāno suññate adhimuttattā phussa phussa vayaṃ passati, suññato vihāro. Nimittaṃ bhayato sampassamāno animitte adhimuttattā phussa phussa vayaṃ passati, animitto vihāro. Paṇidhiṃ bhayato sampassamāno appaṇihite adhimuttattā phussa phussa vayaṃ passati, appaṇihito vihāro’’ti (paṭi. ma. 1.78).
чал̣ан̇г̇убзгкаасаб̣бхаавзна жа бадигуулз аббадигууласан̃н̃аад̣̇ивихаарасаб̣бхаавзна жа арахад̇оязва саб̣б̣аагаарзна жид̇д̇ам̣ васз вад̇д̇ад̇и, д̇ад̇о аяам̣ вибассанаавихааро арахад̇оязва иж̇жхад̇ийд̇и вуд̇д̇ам̣ ход̇и. вийд̇арааг̇о сан̇каарубзгкам̣ вибассад̇и ваад̇и зд̇т̇а бана д̇ид̇хаа жа бхаяам̣, д̇ид̇хаа жа ад̇химуд̇д̇им̣ анаабаж̇ж̇ид̇ваа гзвалам̣ вибассанаад̇и взд̣̇ид̇аб̣б̣аа. зван̃хи сад̇и буб̣б̣аабарависзсо ход̇и.
Chaḷaṅgupekkhāsabbhāvena ca paṭikūle appaṭikūlasaññādivihārasabbhāvena ca arahatoyeva sabbākārena cittaṃ vase vattati, tato ayaṃ vipassanāvihāro arahatoyeva ijjhatīti vuttaṃ hoti. Vītarāgo saṅkhārupekkhaṃ vipassati vāti ettha pana tidhā ca bhayaṃ, tidhā ca adhimuttiṃ anāpajjitvā kevalaṃ vipassanāti veditabbā. Evañhi sati pubbāparaviseso hoti.
56. ид̣̇аани д̣̇виннам̣ д̇ин̣н̣ам̣ буг̇г̇алаанам̣ васзна сан̇каарубзгкааяа згад̇д̇анаанад̇д̇абхзд̣̇ам̣ д̣̇ассзд̇угаамо гат̇ам̣ бут̇уж̇ж̇анасса жа сзгкасса жаад̇иаад̣̇имааха. д̇ад̇т̇а жид̇д̇асса абхинийхааро згад̇д̇ам̣ ход̇ийд̇и зго ход̇и, сагад̇т̇з бхаававажананд̇и взд̣̇ид̇аб̣б̣ам̣. яат̇аа ид̣̇аббажжаяаа зва ид̣̇аббажжаяад̇аад̇и вуд̇д̇ам̣, д̇ат̇аа згова згад̇д̇ам̣. абхинийхаарод̇и саамиад̇т̇з бажжад̇д̇аважанам̣ ваа, абхинийхаарассаад̇и ад̇т̇о. ‘‘со д̣̇зсо саммаж̇ж̇ид̇ваа’’д̇иаад̣̇ийсу (махаава. 168) вияа вибхад̇д̇ивибаллаасо гад̇од̇и взд̣̇ид̇аб̣б̣о. жид̇д̇ам̣ гилиссад̇ийд̇и вибассанааниганд̇исан̇каад̇зна лобхагилзсзна жид̇д̇ам̣ гилиссад̇и, д̇аабийяад̇и б̣аад̇хийяад̇ийд̇и ад̇т̇о. бхааванааяа барибант̇о ход̇ийд̇и бадилад̣̇д̇хааяа вибассанаабхааванааяа убагхаад̇о ход̇и. бадивзд̇хасса анд̇арааяо ход̇ийд̇и вибассанаабхааванааяа бадилабхид̇аб̣б̣асса сажжаббадивзд̇хасса бадилаабханд̇арааяо ход̇и. ааяад̇им̣ бадисанд̇хияаа бажжаяо ход̇ийд̇и сан̇каарубзгкаасамбаяуд̇д̇агаммасса б̣алавад̇д̇аа д̇знзва суг̇ад̇ибадисанд̇хияаа д̣̇ийяамаанааяа ад̇инанд̣̇анасан̇каад̇о лобхагилзсо анааг̇ад̇з гаамааважарасуг̇ад̇ибадисанд̇хияаа бажжаяо ход̇и . яасмаа гилзсасахааяам̣ гаммам̣ вибаагам̣ ж̇анзд̇и, д̇асмаа гаммам̣ ж̇анагабажжаяо ход̇и, гилзсо убад̇т̇амбхагабажжаяо. сзгкасса бана уд̇д̇арибадивзд̇хассаад̇и сагад̣̇ааг̇аамимаг̇г̇аад̣̇ивасзна сажжаббадивзд̇хасса. ааяад̇им̣ бадисанд̇хияаа бажжаяо ход̇ийд̇и сзгкзсу сод̇аабаннасагад̣̇ааг̇аамийнам̣ анад̇хиг̇ад̇аж̇жхаанаанам̣ сан̇каарубзгкаагаммзна д̣̇ийяамаанааяа гаамааважарасуг̇ад̇ибадисанд̇хияаа абхинанд̣̇анагилзсо бажжаяо ход̇и, жхааналаабхийнам̣ бана анааг̇аамисса жа б̣рахмалогзязва бадисанд̇хаанад̇о бажжаяо на ход̇и, ануломаг̇од̇рабхуухи жа д̣̇ийяамаанааяа бадисанд̇хияаа аяамзва гилзсо бажжаяо ход̇ийд̇и взд̣̇ид̇аб̣б̣о.
56. Idāni dvinnaṃ tiṇṇaṃ puggalānaṃ vasena saṅkhārupekkhāya ekattanānattabhedaṃ dassetukāmo kathaṃ puthujjanassa ca sekkhassa cātiādimāha. Tattha cittassa abhinīhāro ekattaṃ hotīti eko hoti, sakatthe bhāvavacananti veditabbaṃ. Yathā idappaccayā eva idappaccayatāti vuttaṃ, tathā ekova ekattaṃ. Abhinīhāroti sāmiatthe paccattavacanaṃ vā, abhinīhārassāti attho. ‘‘So deso sammajjitvā’’tiādīsu (mahāva. 168) viya vibhattivipallāso katoti veditabbo. Cittaṃ kilissatīti vipassanānikantisaṅkhātena lobhakilesena cittaṃ kilissati, tāpīyati bādhīyatīti attho. Bhāvanāya paripantho hotīti paṭiladdhāya vipassanābhāvanāya upaghāto hoti. Paṭivedhassa antarāyo hotīti vipassanābhāvanāya paṭilabhitabbassa saccappaṭivedhassa paṭilābhantarāyo hoti. Āyatiṃ paṭisandhiyā paccayo hotīti saṅkhārupekkhāsampayuttakammassa balavattā teneva sugatipaṭisandhiyā dīyamānāya atinandanasaṅkhāto lobhakileso anāgate kāmāvacarasugatipaṭisandhiyā paccayo hoti . Yasmā kilesasahāyaṃ kammaṃ vipākaṃ janeti, tasmā kammaṃ janakapaccayo hoti, kileso upatthambhakapaccayo. Sekkhassa pana uttaripaṭivedhassāti sakadāgāmimaggādivasena saccappaṭivedhassa. Āyatiṃ paṭisandhiyā paccayo hotīti sekkhesu sotāpannasakadāgāmīnaṃ anadhigatajjhānānaṃ saṅkhārupekkhākammena dīyamānāya kāmāvacarasugatipaṭisandhiyā abhinandanakileso paccayo hoti, jhānalābhīnaṃ pana anāgāmissa ca brahmalokeyeva paṭisandhānato paccayo na hoti, anulomagotrabhūhi ca dīyamānāya paṭisandhiyā ayameva kileso paccayo hotīti veditabbo.
анижжад̇од̇и худ̇ваа абхаавадтзна анижжанд̇игад̇ааяа аад̣̇ианд̇аванд̇ад̇ааяа жа анижжад̇о. д̣̇угкад̇од̇и абхин̣хам̣ бадибийл̣анадтзна уббаад̣̇аваяабадибийл̣анад̇ааяа д̣̇угкавад̇т̇уд̇ааяа жа д̣̇угкад̇о. анад̇д̇ад̇од̇и авасавад̇д̇анадтзна бажжаяааяад̇д̇авуд̇д̇ид̇ааяа сааминиваасийгаарагавзд̣̇агаабхаавзна жа анад̇д̇ад̇о. анубассанадтзнаад̇и ану ану анижжаад̣̇ид̇о бассанадтзна. абхинийхааро наанад̇д̇ам̣ ход̇ийд̇и абхинийхааро наанаа ход̇ийд̇и ваа абхинийхаарасса наанаабхааво ход̇ийд̇и ваа взд̣̇ид̇аб̣б̣ам̣.
Aniccatoti hutvā abhāvaṭṭhena aniccantikatāya ādiantavantatāya ca aniccato. Dukkhatoti abhiṇhaṃ paṭipīḷanaṭṭhena uppādavayapaṭipīḷanatāya dukkhavatthutāya ca dukkhato. Anattatoti avasavattanaṭṭhena paccayāyattavuttitāya sāminivāsīkārakavedakābhāvena ca anattato. Anupassanaṭṭhenāti anu anu aniccādito passanaṭṭhena. Abhinīhāro nānattaṃ hotīti abhinīhāro nānā hotīti vā abhinīhārassa nānābhāvo hotīti vā veditabbaṃ.
гусалаад̇и аарог̇яадтзна анаваж̇ж̇адтзна госалласамбхууд̇адтзна жа. аб̣яаагад̇аад̇и гусалаагусалабхаавзна на б̣яаагад̇аа. гин̃жигаалз сувид̣̇ид̇аад̇и вибассанаагаалз судту вид̣̇ид̇аа. гин̃жигаалз на сувид̣̇ид̇аад̇и абхинанд̣̇анагаалз на судту вид̣̇ид̇аа. ажжанд̇ам̣ сувид̣̇ид̇аад̇и абхинанд̣̇анааяа бахийнад̇д̇аа зганд̇зна сувид̣̇ид̇аа. вид̣̇ид̇адтзна жа авид̣̇ид̇адтзна жаад̇и зд̇т̇а бут̇уж̇ж̇анасзгкаанам̣ сувид̣̇ид̇адтоби вийд̇арааг̇асса ажжанд̇асувид̣̇ид̇адтоби вид̣̇ид̇адтова ход̇и, д̣̇виннамби на сувид̣̇ид̇адто авид̣̇ид̇адтова.
Kusalāti ārogyaṭṭhena anavajjaṭṭhena kosallasambhūtaṭṭhena ca. Abyākatāti kusalākusalabhāvena na byākatā. Kiñcikāle suviditāti vipassanākāle suṭṭhu viditā. Kiñcikāle na suviditāti abhinandanakāle na suṭṭhu viditā. Accantaṃ suviditāti abhinandanāya pahīnattā ekantena suviditā. Viditaṭṭhena ca aviditaṭṭhena cāti ettha puthujjanasekkhānaṃ suviditaṭṭhopi vītarāgassa accantasuviditaṭṭhopi viditaṭṭhova hoti, dvinnampi na suviditaṭṭho aviditaṭṭhova.
ад̇ид̇д̇ад̇д̇аад̇и вибассанааяа гаран̣ийяасса абарияосид̇ад̇д̇аа аббан̣ийд̇абхаавзна. д̇аб̣б̣ибарийд̇зна д̇ид̇д̇ад̇д̇аа. д̇ин̣н̣ам̣ сан̃н̃ож̇анаанам̣ бахаанааяаад̇и саггааяад̣̇идтивижигижчаасийлаб̣б̣ад̇абараамаасаанам̣ бахаанад̇т̇ам̣. бажчимабхавигааби б̣од̇хисад̇д̇аа зд̇т̇зва сан̇г̇ахам̣ г̇ажчанд̇и. абажчимабхавигаа бана вибассанам̣ сан̇каарубзгкам̣ баабзд̇ваа табзнд̇и. сод̇аабад̇д̇имаг̇г̇ам̣ бадилаабхад̇т̇ааяаад̇и асамаасзд̇ваа батанд̇и, самаасзд̇ваа баато сунд̣̇арад̇аро. сзгко д̇ин̣н̣ам̣ сан̃н̃ож̇анаанам̣ бахийнад̇д̇аад̇и сод̇аабаннасагад̣̇ааг̇аамианааг̇аамийнам̣ сааман̃н̃зна вуд̇д̇ам̣. сагад̣̇ааг̇аамианааг̇аамийнамби хи д̇аани бахийнаанзва. уд̇д̇арибадилаабхад̇т̇ааяаад̇и убаруубаримаг̇г̇абадилаабхад̇т̇ам̣. д̣̇идтад̇хаммасукавихаарад̇т̇ааяаад̇и д̣̇идтзва д̇хаммз бажжагкз ад̇д̇абхаавз яо суко вихааро, д̇ад̣̇ад̇т̇ааяа. вихаарасамаабад̇д̇адтзнаад̇и сзгкасса паласамаабад̇д̇адтзна, вийд̇арааг̇асса вибассанаавихаарапаласамаабад̇д̇адтзна.
Atittattāti vipassanāya karaṇīyassa apariyositattā appaṇītabhāvena. Tabbiparītena tittattā. Tiṇṇaṃ saññojanānaṃ pahānāyāti sakkāyadiṭṭhivicikicchāsīlabbataparāmāsānaṃ pahānatthaṃ. Pacchimabhavikāpi bodhisattā ettheva saṅgahaṃ gacchanti. Apacchimabhavikā pana vipassanaṃ saṅkhārupekkhaṃ pāpetvā ṭhapenti. Sotāpattimaggaṃ paṭilābhatthāyāti asamāsetvā paṭhanti, samāsetvā pāṭho sundarataro. Sekkho tiṇṇaṃ saññojanānaṃ pahīnattāti sotāpannasakadāgāmianāgāmīnaṃ sāmaññena vuttaṃ. Sakadāgāmianāgāmīnampi hi tāni pahīnāneva. Uttaripaṭilābhatthāyāti uparūparimaggapaṭilābhatthaṃ. Diṭṭhadhammasukhavihāratthāyāti diṭṭheva dhamme paccakkhe attabhāve yo sukho vihāro, tadatthāya. Vihārasamāpattaṭṭhenāti sekkhassa phalasamāpattaṭṭhena, vītarāgassa vipassanāvihāraphalasamāpattaṭṭhena.
57. ид̣̇аани сан̇каарубзгкаанам̣ г̇ан̣анабарижчзд̣̇ам̣ д̣̇ассзд̇ум̣ гад̇и сан̇каарубзгкаад̇иаад̣̇имааха. д̇ад̇т̇а самат̇авасзнаад̇и самаад̇хивасзна. аяамзва ваа баато. нийваран̣з бадисан̇каад̇и бан̃жа нийваран̣аани бахаад̇аб̣б̣абхаавзна бариг̇г̇ахзд̇ваа. санд̇идтанаад̇и нийваран̣аанам̣ бахаанаабхимукийбхууд̇ад̇д̇аа д̇зсам̣ бахаанзби аб̣яаабаарабхаавуубаг̇аманзна маж̇жхад̇д̇ад̇ааяа санд̇идтанаа. сан̇каарубзгкаасууд̇и нийваран̣аббахаанз б̣яаабаараагаран̣зна нийваран̣асан̇каад̇аанам̣ сан̇каараанам̣ убзгканаасу. зса наяо вид̇аггавижаараад̣̇ийсу жа. самат̇з сан̇каарубзгкаа наама аббанаавийт̇ияаа аасаннабуб̣б̣абхааг̇з б̣алаббад̇д̇абхааванаамаяан̃аан̣ам̣. сод̇аабад̇д̇имаг̇г̇ам̣ бадилаабхад̇т̇ааяаад̇иаад̣̇ийсу жад̇уусу маг̇г̇аваарзсу сун̃н̃ад̇аанимид̇д̇ааббан̣ихид̇амаг̇г̇аанам̣ ан̃н̃ад̇аран̃н̃ад̇аро маг̇г̇о лаб̣бхад̇и. сод̇аабад̇д̇ипаласамаабад̇д̇ад̇т̇ааяаад̇иаад̣̇ийсу жад̇уусу палаваарзсу бана аббан̣ихид̇аа паласамаабад̇д̇и взд̣̇ид̇аб̣б̣аа. гасмаа? ‘‘сун̃н̃ад̇авихаарасамаабад̇д̇ад̇т̇ааяа анимид̇д̇авихаарасамаабад̇д̇ад̇т̇ааяаа’’д̇и ид̇араасам̣ д̣̇виннам̣ паласамаабад̇д̇ийнам̣ висум̣ вуд̇д̇ад̇д̇аа. анижжаанубассанаавудтаанавасзна хи анимид̇д̇амаг̇г̇о, д̇ат̇зва паласамаабад̇д̇игаалз анимид̇д̇апаласамаабад̇д̇и, д̣̇угкаанубассанаавудтаанавасзна аббан̣ихид̇амаг̇г̇апаласамаабад̇д̇ияо, анад̇д̇аанубассанаавудтаанавасзна сун̃н̃ад̇амаг̇г̇апаласамаабад̇д̇ияо суд̇д̇анд̇анаязнзва взд̣̇ид̇аб̣б̣аа.
57. Idāni saṅkhārupekkhānaṃ gaṇanaparicchedaṃ dassetuṃ kati saṅkhārupekkhātiādimāha. Tattha samathavasenāti samādhivasena. Ayameva vā pāṭho. Nīvaraṇe paṭisaṅkhāti pañca nīvaraṇāni pahātabbabhāvena pariggahetvā. Santiṭṭhanāti nīvaraṇānaṃ pahānābhimukhībhūtattā tesaṃ pahānepi abyāpārabhāvūpagamanena majjhattatāya santiṭṭhanā. Saṅkhārupekkhāsūti nīvaraṇappahāne byāpārākaraṇena nīvaraṇasaṅkhātānaṃ saṅkhārānaṃ upekkhanāsu. Esa nayo vitakkavicārādīsu ca. Samathe saṅkhārupekkhā nāma appanāvīthiyā āsannapubbabhāge balappattabhāvanāmayañāṇaṃ. Sotāpattimaggaṃ paṭilābhatthāyātiādīsu catūsu maggavāresu suññatānimittaappaṇihitamaggānaṃ aññataraññataro maggo labbhati. Sotāpattiphalasamāpattatthāyātiādīsu catūsu phalavāresu pana appaṇihitā phalasamāpatti veditabbā. Kasmā? ‘‘Suññatavihārasamāpattatthāya animittavihārasamāpattatthāyā’’ti itarāsaṃ dvinnaṃ phalasamāpattīnaṃ visuṃ vuttattā. Aniccānupassanāvuṭṭhānavasena hi animittamaggo, tatheva phalasamāpattikāle animittaphalasamāpatti, dukkhānupassanāvuṭṭhānavasena appaṇihitamaggaphalasamāpattiyo, anattānupassanāvuṭṭhānavasena suññatamaggaphalasamāpattiyo suttantanayeneva veditabbā.
зд̇т̇а жа жад̇уусу маг̇г̇аваарзсу уббаад̣̇анд̇иаад̣̇ийни бан̃жа муулабад̣̇аани, г̇ад̇инд̇иаад̣̇ийни д̣̇аса взважанабад̣̇аанийд̇и баннараса бад̣̇аани вуд̇д̇аани. часу бана паласамаабад̇д̇иваарзсу бан̃жа муулабад̣̇аанзва вуд̇д̇аани. д̇ам̣ гасмаа ид̇и жз? сан̇каарубзгкааяа д̇игкабхаавз сад̇и гилзсаббахаанз самад̇т̇асса маг̇г̇асса самбхавад̇о д̇ассаа д̇игкабхаавад̣̇ассанад̇т̇ам̣ взважанабад̣̇зхи саха д̣̇ал̣хам̣ гад̇ваа муулабад̣̇аани вуд̇д̇аани. паласса нируссаахабхаавзна санд̇асабхаавад̇д̇аа маг̇г̇ааяад̇д̇ад̇д̇аа жа манд̣̇абхууд̇ааби сан̇каарубзгкаа паласса бажжаяо ход̇ийд̇и д̣̇ассанад̇т̇ам̣ муулабад̣̇аанзва вуд̇д̇аанийд̇и взд̣̇ид̇аб̣б̣аани.
Ettha ca catūsu maggavāresu uppādantiādīni pañca mūlapadāni, gatintiādīni dasa vevacanapadānīti pannarasa padāni vuttāni. Chasu pana phalasamāpattivāresu pañca mūlapadāneva vuttāni. Taṃ kasmā iti ce? Saṅkhārupekkhāya tikkhabhāve sati kilesappahāne samatthassa maggassa sambhavato tassā tikkhabhāvadassanatthaṃ vevacanapadehi saha daḷhaṃ katvā mūlapadāni vuttāni. Phalassa nirussāhabhāvena santasabhāvattā maggāyattattā ca mandabhūtāpi saṅkhārupekkhā phalassa paccayo hotīti dassanatthaṃ mūlapadāneva vuttānīti veditabbāni.
58. ид̣̇аани ж̇аад̇ивасзна бужчид̇ваа лаб̣бхамаанавасзна виссаж̇ж̇зд̇ум̣ гад̇и сан̇каарубзгкаа гусалаад̇иаад̣̇имааха. д̇ад̇т̇а баннараса сан̇каарубзгкаад̇и самат̇авасзна адта, жад̇уннам̣ маг̇г̇аанам̣ д̇ин̣н̣ам̣ палаанам̣ васзна сад̇д̇аад̇и баннараса. самат̇авасзна адта сан̇каарубзгкаа арахад̇о нийваран̣абадисан̇кааабхаавад̇о, вид̇аггавижаараад̣̇ийнам̣ бахаанаб̣яаабаарам̣ винаа сукзна бахаанад̇о жа сан̇каарубзгкаанаамасса анануруубаад̇и гад̇ваа д̇аасам̣ аб̣яаагад̇ад̇аа на вуд̇д̇аад̇и взд̣̇ид̇аб̣б̣аа. арахад̇аа бана паласамаабад̇д̇им̣ самаабаж̇ж̇анд̇зна сан̇каарубзгкам̣ винаа самаабаж̇ж̇ид̇ум̣ на саггаад̇и д̇иссо сан̇каарубзгкаа аб̣яаагад̇аад̇и вуд̇д̇аа. аббан̣ихид̇асун̃н̃ад̇аанимид̇д̇авасзна хи арахад̇о д̇иссо сан̇каарубзгкаа.
58. Idāni jātivasena pucchitvā labbhamānavasena vissajjetuṃ kati saṅkhārupekkhā kusalātiādimāha. Tattha pannarasa saṅkhārupekkhāti samathavasena aṭṭha, catunnaṃ maggānaṃ tiṇṇaṃ phalānaṃ vasena sattāti pannarasa. Samathavasena aṭṭha saṅkhārupekkhā arahato nīvaraṇapaṭisaṅkhāabhāvato, vitakkavicārādīnaṃ pahānabyāpāraṃ vinā sukhena pahānato ca saṅkhārupekkhānāmassa ananurūpāti katvā tāsaṃ abyākatatā na vuttāti veditabbā. Arahatā pana phalasamāpattiṃ samāpajjantena saṅkhārupekkhaṃ vinā samāpajjituṃ na sakkāti tisso saṅkhārupekkhā abyākatāti vuttā. Appaṇihitasuññatānimittavasena hi arahato tisso saṅkhārupekkhā.
ид̣̇аани сан̇каарубзгкаанам̣ сам̣ван̣н̣анаавасзна вуд̇д̇аасу д̇ийсу г̇аат̇аасу бадисан̇каасанд̇идтанаа бан̃н̃аад̇и сан̇каарубзгкаа . адта жид̇д̇асса г̇ожараад̇и самат̇авасзна вуд̇д̇аа адта сан̇каарубзгкаа самаад̇хисса висаяаа, бхуумияод̇и ад̇т̇о. ‘‘жид̇д̇ам̣ бан̃н̃ан̃жа бхааваяа’’нд̇иаад̣̇ийсу (сам̣. ни. 1.23, 192) вияа жид̇д̇асийсзна самаад̇хи нид̣̇д̣̇идто, ‘‘г̇ожарз, бхигкавз, жарат̇а сагз бзд̇д̇игз висаяз’’д̇иаад̣̇ийсу (сам̣. ни. 5.372) вияа г̇ожарасад̣̇д̣̇зна висаяо. яан̃хи яад̣̇ааяад̇д̇ам̣, д̇ассзсо висаяод̇и вужжад̇и. бут̇уж̇ж̇анасса д̣̇взд̇и самат̇авасзна вибассанаавасзна жа. д̇аяо сзгкассаад̇и самат̇авибассанаасамаабад̇д̇ивасзна. д̇аяо жа вийд̇арааг̇ассаад̇и аббан̣ихид̇асун̃н̃ад̇аанимид̇д̇апаласамаабад̇д̇ивасзна. ‘‘д̇иссо’’д̇и вад̇д̇аб̣б̣з ‘‘д̇аяо’’д̇и жа лин̇г̇авибаллаасо гад̇о. д̇аяо сан̇каарубзгкаа д̇хаммаад̇и ваа яож̇зд̇аб̣б̣ам̣. язхи жид̇д̇ам̣ виваддад̇ийд̇и язхи сан̇каарубзгкаад̇хаммзхи вид̇аггавижаараад̣̇ид̇о, уббаад̣̇аад̣̇ид̇о ваа жид̇д̇ам̣ абаг̇ажчад̇и. вийд̇арааг̇ассааби хи сан̇каарубзгкаасаб̣бхаавад̇о жа сан̇каарад̇о жид̇д̇ам̣ виваддид̇ваа ниб̣б̣аанам̣ багканд̣̇ад̇ийд̇и вуд̇д̇ам̣ ход̇и. адта самаад̇хисса бажжаяаад̇и самат̇авасзна вуд̇д̇аа адта аббанаасамбаабагад̇д̇аа аббанаасамаад̇хисса бажжаяаа. д̣̇аса н̃аан̣асса г̇ожараад̇и вибассанаавасзна вуд̇д̇аа д̣̇аса маг̇г̇ан̃аан̣асса палан̃аан̣асса жа бхуумияо. д̇ин̣н̣ам̣ вимогкаана бажжаяаад̇и сун̃н̃ад̇аанимид̇д̇ааббан̣ихид̇авимогкаанам̣ убаниссаяабажжаяаа. наанаад̣̇идтийсу на гамбад̇ийд̇и бхан̇г̇ам̣ ависсаж̇ж̇ид̇ваава сан̇каарз анижжаад̣̇ивасзна вибассанд̇о сассад̇ад̣̇идтиаад̣̇ийсу наанаббагаараасу д̣̇идтийсу на взд̇хад̇ийд̇и.
Idāni saṅkhārupekkhānaṃ saṃvaṇṇanāvasena vuttāsu tīsu gāthāsu paṭisaṅkhāsantiṭṭhanā paññāti saṅkhārupekkhā . Aṭṭha cittassa gocarāti samathavasena vuttā aṭṭha saṅkhārupekkhā samādhissa visayā, bhūmiyoti attho. ‘‘Cittaṃ paññañca bhāvaya’’ntiādīsu (saṃ. ni. 1.23, 192) viya cittasīsena samādhi niddiṭṭho, ‘‘gocare, bhikkhave, caratha sake pettike visaye’’tiādīsu (saṃ. ni. 5.372) viya gocarasaddena visayo. Yañhi yadāyattaṃ, tasseso visayoti vuccati. Puthujjanassa dveti samathavasena vipassanāvasena ca. Tayosekkhassāti samathavipassanāsamāpattivasena. Tayo ca vītarāgassāti appaṇihitasuññatānimittaphalasamāpattivasena. ‘‘Tisso’’ti vattabbe ‘‘tayo’’ti ca liṅgavipallāso kato. Tayo saṅkhārupekkhā dhammāti vā yojetabbaṃ. Yehi cittaṃ vivaṭṭatīti yehi saṅkhārupekkhādhammehi vitakkavicārādito, uppādādito vā cittaṃ apagacchati. Vītarāgassāpi hi saṅkhārupekkhāsabbhāvato ca saṅkhārato cittaṃ vivaṭṭitvā nibbānaṃ pakkhandatīti vuttaṃ hoti. Aṭṭha samādhissa paccayāti samathavasena vuttā aṭṭha appanāsampāpakattā appanāsamādhissa paccayā. Dasa ñāṇassa gocarāti vipassanāvasena vuttā dasa maggañāṇassa phalañāṇassa ca bhūmiyo. Tiṇṇaṃ vimokkhāna paccayāti suññatānimittaappaṇihitavimokkhānaṃ upanissayapaccayā. Nānādiṭṭhīsu na kampatīti bhaṅgaṃ avissajjitvāva saṅkhāre aniccādivasena vipassanto sassatadiṭṭhiādīsu nānappakārāsu diṭṭhīsu na vedhatīti.
сан̇каарубзгкаан̃аан̣анид̣̇д̣̇зсаван̣н̣анаа нидтид̇аа.
Saṅkhārupekkhāñāṇaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 9. сан̇каарубзгкаан̃аан̣анид̣̇д̣̇зсо • 9. Saṅkhārupekkhāñāṇaniddeso
