| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
9. сан̇каарубзгкаан̃аан̣анид̣̇д̣̇зсо
9. Saṅkhārupekkhāñāṇaniddeso
54. гат̇ам̣ мун̃жид̇угамяад̇аабадисан̇каасанд̇идтанаа 1 бан̃н̃аа сан̇каарубзгкаасу н̃аан̣ам̣? уббаад̣̇ам̣ мун̃жид̇угамяад̇аабадисан̇каасанд̇идтанаа 2 бан̃н̃аа сан̇каарубзгкаасу н̃аан̣ам̣, бавад̇д̇ам̣ мун̃жид̇угамяад̇аабадисан̇каасанд̇идтанаа бан̃н̃аа сан̇каарубзгкаасу н̃аан̣ам̣, нимид̇д̇ам̣ мун̃жид̇угамяад̇аа…бз… ааяууханам̣ мун̃жид̇угамяад̇аа… бадисанд̇хим̣ мун̃жид̇угамяад̇аа… г̇ад̇им̣ мун̃жид̇угамяад̇аа… ниб̣б̣ад̇д̇им̣ мун̃жид̇угамяад̇аа… убабад̇д̇им̣ мун̃жид̇угамяад̇аа… ж̇аад̇им̣ мун̃жид̇угамяад̇аа… ж̇арам̣ мун̃жид̇угамяад̇аа… б̣яаад̇хим̣ мун̃жид̇угамяад̇аа… маран̣ам̣ мун̃жид̇угамяад̇аа… согам̣ мун̃жид̇угамяад̇аа… барид̣̇звам̣ мун̃жид̇угамяад̇аа…бз… убааяаасам̣ мун̃жид̇угамяад̇аабадисан̇каасанд̇идтанаа бан̃н̃аа сан̇каарубзгкаасу н̃аан̣ам̣.
54. Kathaṃ muñcitukamyatāpaṭisaṅkhāsantiṭṭhanā 3 paññā saṅkhārupekkhāsu ñāṇaṃ? Uppādaṃ muñcitukamyatāpaṭisaṅkhāsantiṭṭhanā 4 paññā saṅkhārupekkhāsu ñāṇaṃ, pavattaṃ muñcitukamyatāpaṭisaṅkhāsantiṭṭhanā paññā saṅkhārupekkhāsu ñāṇaṃ, nimittaṃ muñcitukamyatā…pe… āyūhanaṃ muñcitukamyatā… paṭisandhiṃ muñcitukamyatā… gatiṃ muñcitukamyatā… nibbattiṃ muñcitukamyatā… upapattiṃ muñcitukamyatā… jātiṃ muñcitukamyatā… jaraṃ muñcitukamyatā… byādhiṃ muñcitukamyatā… maraṇaṃ muñcitukamyatā… sokaṃ muñcitukamyatā… paridevaṃ muñcitukamyatā…pe… upāyāsaṃ muñcitukamyatāpaṭisaṅkhāsantiṭṭhanā paññā saṅkhārupekkhāsu ñāṇaṃ.
уббаад̣̇о д̣̇угканд̇и – мун̃жид̇угамяад̇аабадисан̇каасанд̇идтанаа бан̃н̃аа сан̇каарубзгкаасу н̃аан̣ам̣. бавад̇д̇ам̣ д̣̇угканд̇и – мун̃жид̇угамяад̇аабадисан̇каасанд̇идтанаа бан̃н̃аа сан̇каарубзгкаасу н̃аан̣ам̣…бз… убааяаасо д̣̇угканд̇и – мун̃жид̇угамяад̇аабадисан̇каасанд̇идтанаа бан̃н̃аа сан̇каарубзгкаасу н̃аан̣ам̣.
Uppādo dukkhanti – muñcitukamyatāpaṭisaṅkhāsantiṭṭhanā paññā saṅkhārupekkhāsu ñāṇaṃ. Pavattaṃ dukkhanti – muñcitukamyatāpaṭisaṅkhāsantiṭṭhanā paññā saṅkhārupekkhāsu ñāṇaṃ…pe… upāyāso dukkhanti – muñcitukamyatāpaṭisaṅkhāsantiṭṭhanā paññā saṅkhārupekkhāsu ñāṇaṃ.
уббаад̣̇о бхаяанд̇и – мун̃жид̇угамяад̇аабадисан̇каасанд̇идтанаа бан̃н̃аа сан̇каарубзгкаасу н̃аан̣ам̣. бавад̇д̇ам̣ бхаяанд̇и – мун̃жид̇угамяад̇аабадисан̇каасанд̇идтанаа бан̃н̃аа сан̇каарубзгкаасу н̃аан̣ам̣…бз… убааяаасо бхаяанд̇и – мун̃жид̇угамяад̇аабадисан̇каасанд̇идтанаа бан̃н̃аа сан̇каарубзгкаасу н̃аан̣ам̣.
Uppādo bhayanti – muñcitukamyatāpaṭisaṅkhāsantiṭṭhanā paññā saṅkhārupekkhāsu ñāṇaṃ. Pavattaṃ bhayanti – muñcitukamyatāpaṭisaṅkhāsantiṭṭhanā paññā saṅkhārupekkhāsu ñāṇaṃ…pe… upāyāso bhayanti – muñcitukamyatāpaṭisaṅkhāsantiṭṭhanā paññā saṅkhārupekkhāsu ñāṇaṃ.
уббаад̣̇о саамисанд̇и – мун̃жид̇угамяад̇аабадисан̇каасанд̇идтанаа бан̃н̃аа сан̇каарубзгкаасу н̃аан̣ам̣. бавад̇д̇ам̣ саамисанд̇и – мун̃жид̇угамяад̇аабадисан̇каасанд̇идтанаа бан̃н̃аа сан̇каарубзгкаасу н̃аан̣ам̣…бз… убааяаасо саамисанд̇и – мун̃жид̇угамяад̇аабадисан̇каасанд̇идтанаа бан̃н̃аа сан̇каарубзгкаасу н̃аан̣ам̣.
Uppādo sāmisanti – muñcitukamyatāpaṭisaṅkhāsantiṭṭhanā paññā saṅkhārupekkhāsu ñāṇaṃ. Pavattaṃ sāmisanti – muñcitukamyatāpaṭisaṅkhāsantiṭṭhanā paññā saṅkhārupekkhāsu ñāṇaṃ…pe… upāyāso sāmisanti – muñcitukamyatāpaṭisaṅkhāsantiṭṭhanā paññā saṅkhārupekkhāsu ñāṇaṃ.
уббаад̣̇о сан̇каараад̇и – мун̃жид̇угамяад̇аабадисан̇каасанд̇идтанаа бан̃н̃аа сан̇каарубзгкаасу н̃аан̣ам̣. бавад̇д̇ам̣ сан̇каараад̇и – мун̃жид̇угамяад̇аабадисан̇каасанд̇идтанаа бан̃н̃аа сан̇каарубзгкаасу н̃аан̣ам̣…бз… убааяаасо сан̇каараад̇и – мун̃жид̇угамяад̇аабадисан̇каасанд̇идтанаа бан̃н̃аа сан̇каарубзгкаасу н̃аан̣ам̣.
Uppādo saṅkhārāti – muñcitukamyatāpaṭisaṅkhāsantiṭṭhanā paññā saṅkhārupekkhāsu ñāṇaṃ. Pavattaṃ saṅkhārāti – muñcitukamyatāpaṭisaṅkhāsantiṭṭhanā paññā saṅkhārupekkhāsu ñāṇaṃ…pe… upāyāso saṅkhārāti – muñcitukamyatāpaṭisaṅkhāsantiṭṭhanā paññā saṅkhārupekkhāsu ñāṇaṃ.
уббаад̣̇о сан̇каараа, д̇з сан̇каарз аж̇жхубзгкад̇ийд̇и – сан̇каарубзгкаа. яз жа сан̇каараа яаа жа убзгкаа убхобзд̇з сан̇каараа, д̇з сан̇каарз аж̇жхубзгкад̇ийд̇и – сан̇каарубзгкаа. бавад̇д̇ам̣ сан̇каараа…бз… нимид̇д̇ам̣ сан̇каараа… ааяууханаа сан̇каараа… бадисанд̇хи сан̇каараа… г̇ад̇и сан̇каараа… ниб̣б̣ад̇д̇и сан̇каараа… убабад̇д̇и сан̇каараа… ж̇аад̇и сан̇каараа… ж̇араа сан̇каараа… б̣яаад̇хи сан̇каараа… маран̣ам̣ сан̇каараа… сого сан̇каараа… барид̣̇зво сан̇каараа…бз… убааяаасо сан̇каараа, д̇з сан̇каарз аж̇жхубзгкад̇ийд̇и – сан̇каарубзгкаа. яз жа сан̇каараа яаа жа убзгкаа убхобзд̇з сан̇каараа, д̇з сан̇каарз аж̇жхубзгкад̇ийд̇и – сан̇каарубзгкаа.
Uppādo saṅkhārā, te saṅkhāre ajjhupekkhatīti – saṅkhārupekkhā. Ye ca saṅkhārā yā ca upekkhā ubhopete saṅkhārā, te saṅkhāre ajjhupekkhatīti – saṅkhārupekkhā. Pavattaṃ saṅkhārā…pe… nimittaṃ saṅkhārā… āyūhanā saṅkhārā… paṭisandhi saṅkhārā… gati saṅkhārā… nibbatti saṅkhārā… upapatti saṅkhārā… jāti saṅkhārā… jarā saṅkhārā… byādhi saṅkhārā… maraṇaṃ saṅkhārā… soko saṅkhārā… paridevo saṅkhārā…pe… upāyāso saṅkhārā, te saṅkhāre ajjhupekkhatīti – saṅkhārupekkhā. Ye ca saṅkhārā yā ca upekkhā ubhopete saṅkhārā, te saṅkhāre ajjhupekkhatīti – saṅkhārupekkhā.
55. гад̇ихаагаарзхи сан̇каарубзгкааяа жид̇д̇асса абхинийхааро ход̇и? адтахаагаарзхи сан̇каарубзгкааяа жид̇д̇асса абхинийхааро ход̇и. бут̇уж̇ж̇анасса гад̇ихаагаарзхи сан̇каарубзгкааяа жид̇д̇асса абхинийхааро ход̇и? сзгкасса гад̇ихаагаарзхи сан̇каарубзгкааяа жид̇д̇асса абхинийхааро ход̇и? вийд̇арааг̇асса гад̇ихаагаарзхи сан̇каарубзгкааяа жид̇д̇асса абхинийхааро ход̇и? бут̇уж̇ж̇анасса д̣̇вийхаагаарзхи сан̇каарубзгкааяа жид̇д̇асса абхинийхааро ход̇и. сзгкасса д̇ийхаагаарзхи сан̇каарубзгкааяа жид̇д̇асса абхинийхааро ход̇и. вийд̇арааг̇асса д̇ийхаагаарзхи сан̇каарубзгкааяа жид̇д̇асса абхинийхааро ход̇и.
55. Katihākārehi saṅkhārupekkhāya cittassa abhinīhāro hoti? Aṭṭhahākārehi saṅkhārupekkhāya cittassa abhinīhāro hoti. Puthujjanassa katihākārehi saṅkhārupekkhāya cittassa abhinīhāro hoti? Sekkhassa katihākārehi saṅkhārupekkhāya cittassa abhinīhāro hoti? Vītarāgassa katihākārehi saṅkhārupekkhāya cittassa abhinīhāro hoti? Puthujjanassa dvīhākārehi saṅkhārupekkhāya cittassa abhinīhāro hoti. Sekkhassa tīhākārehi saṅkhārupekkhāya cittassa abhinīhāro hoti. Vītarāgassa tīhākārehi saṅkhārupekkhāya cittassa abhinīhāro hoti.
бут̇уж̇ж̇анасса гад̇амзхи д̣̇вийхаагаарзхи сан̇каарубзгкааяа жид̇д̇асса абхинийхааро ход̇и? бут̇уж̇ж̇ано сан̇каарубзгкам̣ абхинанд̣̇ад̇и ваа вибассад̇и ваа. бут̇уж̇ж̇анасса имзхи д̣̇вийхаагаарзхи сан̇каарубзгкааяа жид̇д̇асса абхинийхааро ход̇и. сзгкасса гад̇амзхи д̇ийхаагаарзхи сан̇каарубзгкааяа жид̇д̇асса абхинийхааро ход̇и? сзгко сан̇каарубзгкам̣ абхинанд̣̇ад̇и ваа вибассад̇и ваа бадисан̇кааяа ваа паласамаабад̇д̇им̣ самаабаж̇ж̇ад̇и. сзгкасса имзхи д̇ийхаагаарзхи сан̇каарубзгкааяа жид̇д̇асса абхинийхааро ход̇и. вийд̇арааг̇асса гад̇амзхи д̇ийхаагаарзхи сан̇каарубзгкааяа жид̇д̇асса абхинийхааро ход̇и? вийд̇арааг̇о сан̇каарубзгкам̣ вибассад̇и ваа бадисан̇кааяа ваа паласамаабад̇д̇им̣ самаабаж̇ж̇ад̇и, д̇ад̣̇аж̇жхубзгкид̇ваа сун̃н̃ад̇авихаарзна ваа анимид̇д̇авихаарзна ваа аббан̣ихид̇авихаарзна ваа вихарад̇и. вийд̇арааг̇асса имзхи д̇ийхаагаарзхи сан̇каарубзгкааяа жид̇д̇асса абхинийхааро ход̇и.
Puthujjanassa katamehi dvīhākārehi saṅkhārupekkhāya cittassa abhinīhāro hoti? Puthujjano saṅkhārupekkhaṃ abhinandati vā vipassati vā. Puthujjanassa imehi dvīhākārehi saṅkhārupekkhāya cittassa abhinīhāro hoti. Sekkhassa katamehi tīhākārehi saṅkhārupekkhāya cittassa abhinīhāro hoti? Sekkho saṅkhārupekkhaṃ abhinandati vā vipassati vā paṭisaṅkhāya vā phalasamāpattiṃ samāpajjati. Sekkhassa imehi tīhākārehi saṅkhārupekkhāya cittassa abhinīhāro hoti. Vītarāgassa katamehi tīhākārehi saṅkhārupekkhāya cittassa abhinīhāro hoti? Vītarāgo saṅkhārupekkhaṃ vipassati vā paṭisaṅkhāya vā phalasamāpattiṃ samāpajjati, tadajjhupekkhitvā suññatavihārena vā animittavihārena vā appaṇihitavihārena vā viharati. Vītarāgassa imehi tīhākārehi saṅkhārupekkhāya cittassa abhinīhāro hoti.
56. гат̇ам̣ бут̇уж̇ж̇анасса жа сзгкасса жа сан̇каарубзгкааяа жид̇д̇асса абхинийхааро згад̇д̇ам̣ ход̇и? бут̇уж̇ж̇анасса сан̇каарубзгкам̣ абхинанд̣̇ад̇о жид̇д̇ам̣ гилиссад̇и, бхааванааяа барибант̇о ход̇и, бадивзд̇хасса анд̇арааяо ход̇и, ааяад̇им̣ бадисанд̇хияаа бажжаяо ход̇и. сзгкассаби сан̇каарубзгкам̣ абхинанд̣̇ад̇о жид̇д̇ам̣ гилиссад̇и, бхааванааяа барибант̇о ход̇и, уд̇д̇арибадивзд̇хасса анд̇арааяо ход̇и, ааяад̇им̣ бадисанд̇хияаа бажжаяо ход̇и. звам̣ бут̇уж̇ж̇анасса жа сзгкасса жа сан̇каарубзгкааяа жид̇д̇асса абхинийхааро згад̇д̇ам̣ ход̇и абхинанд̣̇адтзна.
56. Kathaṃ puthujjanassa ca sekkhassa ca saṅkhārupekkhāya cittassa abhinīhāro ekattaṃ hoti? Puthujjanassa saṅkhārupekkhaṃ abhinandato cittaṃ kilissati, bhāvanāya paripantho hoti, paṭivedhassa antarāyo hoti, āyatiṃ paṭisandhiyā paccayo hoti. Sekkhassapi saṅkhārupekkhaṃ abhinandato cittaṃ kilissati, bhāvanāya paripantho hoti, uttaripaṭivedhassa antarāyo hoti, āyatiṃ paṭisandhiyā paccayo hoti. Evaṃ puthujjanassa ca sekkhassa ca saṅkhārupekkhāya cittassa abhinīhāro ekattaṃ hoti abhinandaṭṭhena.
гат̇ам̣ бут̇уж̇ж̇анасса жа сзгкасса жа вийд̇арааг̇асса жа сан̇каарубзгкааяа жид̇д̇асса абхинийхааро згад̇д̇ам̣ ход̇и? бут̇уж̇ж̇ано сан̇каарубзгкам̣ анижжад̇оби д̣̇угкад̇оби анад̇д̇ад̇оби вибассад̇и. сзгкоби сан̇каарубзгкам̣ анижжад̇оби д̣̇угкад̇оби анад̇д̇ад̇оби вибассад̇и. вийд̇арааг̇оби сан̇каарубзгкам̣ анижжад̇оби д̣̇угкад̇оби анад̇д̇ад̇оби вибассад̇и. звам̣ бут̇уж̇ж̇анасса жа сзгкасса жа вийд̇арааг̇асса жа сан̇каарубзгкааяа жид̇д̇асса абхинийхааро згад̇д̇ам̣ ход̇и анубассанадтзна.
Kathaṃ puthujjanassa ca sekkhassa ca vītarāgassa ca saṅkhārupekkhāya cittassa abhinīhāro ekattaṃ hoti? Puthujjano saṅkhārupekkhaṃ aniccatopi dukkhatopi anattatopi vipassati. Sekkhopi saṅkhārupekkhaṃ aniccatopi dukkhatopi anattatopi vipassati. Vītarāgopi saṅkhārupekkhaṃ aniccatopi dukkhatopi anattatopi vipassati. Evaṃ puthujjanassa ca sekkhassa ca vītarāgassa ca saṅkhārupekkhāya cittassa abhinīhāro ekattaṃ hoti anupassanaṭṭhena.
гат̇ам̣ бут̇уж̇ж̇анасса жа сзгкасса жа вийд̇арааг̇асса жа сан̇каарубзгкааяа жид̇д̇асса абхинийхааро наанад̇д̇ам̣ ход̇и? бут̇уж̇ж̇анасса сан̇каарубзгкаа гусалаа ход̇и. сзгкассаби сан̇каарубзгкаа гусалаа ход̇и. вийд̇арааг̇асса сан̇каарубзгкаа аб̣яаагад̇аа ход̇и. звам̣ бут̇уж̇ж̇анасса жа сзгкасса жа вийд̇арааг̇асса жа сан̇каарубзгкааяа жид̇д̇асса абхинийхааро наанад̇д̇ам̣ ход̇и гусалааб̣яаагад̇адтзна.
Kathaṃ puthujjanassa ca sekkhassa ca vītarāgassa ca saṅkhārupekkhāya cittassa abhinīhāro nānattaṃ hoti? Puthujjanassa saṅkhārupekkhā kusalā hoti. Sekkhassapi saṅkhārupekkhā kusalā hoti. Vītarāgassa saṅkhārupekkhā abyākatā hoti. Evaṃ puthujjanassa ca sekkhassa ca vītarāgassa ca saṅkhārupekkhāya cittassa abhinīhāro nānattaṃ hoti kusalābyākataṭṭhena.
гат̇ам̣ бут̇уж̇ж̇анасса жа сзгкасса жа вийд̇арааг̇асса жа сан̇каарубзгкааяа жид̇д̇асса абхинийхааро наанад̇д̇ам̣ ход̇и? бут̇уж̇ж̇анасса сан̇каарубзгкаа гин̃жигаалз сувид̣̇ид̇аа ход̇и, гин̃жигаалз на сувид̣̇ид̇аа ход̇и. сзгкассаби сан̇каарубзгкаа гин̃жигаалз сувид̣̇ид̇аа ход̇и, гин̃жигаалз на сувид̣̇ид̇аа ход̇и. вийд̇арааг̇асса сан̇каарубзгкаа ажжанд̇ам̣ сувид̣̇ид̇аа ход̇и. звам̣ бут̇уж̇ж̇анасса жа сзгкасса жа вийд̇арааг̇асса жа сан̇каарубзгкааяа жид̇д̇асса абхинийхааро наанад̇д̇ам̣ ход̇и вид̣̇ид̇адтзна жа авид̣̇ид̇адтзна жа.
Kathaṃ puthujjanassa ca sekkhassa ca vītarāgassa ca saṅkhārupekkhāya cittassa abhinīhāro nānattaṃ hoti? Puthujjanassa saṅkhārupekkhā kiñcikāle suviditā hoti, kiñcikāle na suviditā hoti. Sekkhassapi saṅkhārupekkhā kiñcikāle suviditā hoti, kiñcikāle na suviditā hoti. Vītarāgassa saṅkhārupekkhā accantaṃ suviditā hoti. Evaṃ puthujjanassa ca sekkhassa ca vītarāgassa ca saṅkhārupekkhāya cittassa abhinīhāro nānattaṃ hoti viditaṭṭhena ca aviditaṭṭhena ca.
гат̇ам̣ бут̇уж̇ж̇анасса жа сзгкасса жа вийд̇арааг̇асса жа сан̇каарубзгкааяа жид̇д̇асса абхинийхааро наанад̇д̇ам̣ ход̇и? бут̇уж̇ж̇ано сан̇каарубзгкам̣ ад̇ид̇д̇ад̇д̇аа вибассад̇и. сзгкоби сан̇каарубзгкам̣ ад̇ид̇д̇ад̇д̇аа вибассад̇и. вийд̇арааг̇о сан̇каарубзгкам̣ д̇ид̇д̇ад̇д̇аа вибассад̇и. звам̣ бут̇уж̇ж̇анасса жа сзгкасса жа вийд̇арааг̇асса жа сан̇каарубзгкааяа жид̇д̇асса абхинийхааро наанад̇д̇ам̣ ход̇и д̇ид̇д̇адтзна жа ад̇ид̇д̇адтзна жа.
Kathaṃ puthujjanassa ca sekkhassa ca vītarāgassa ca saṅkhārupekkhāya cittassa abhinīhāro nānattaṃ hoti? Puthujjano saṅkhārupekkhaṃ atittattā vipassati. Sekkhopi saṅkhārupekkhaṃ atittattā vipassati. Vītarāgo saṅkhārupekkhaṃ tittattā vipassati. Evaṃ puthujjanassa ca sekkhassa ca vītarāgassa ca saṅkhārupekkhāya cittassa abhinīhāro nānattaṃ hoti tittaṭṭhena ca atittaṭṭhena ca.
гат̇ам̣ бут̇уж̇ж̇анасса жа сзгкасса жа вийд̇арааг̇асса жа сан̇каарубзгкааяа жид̇д̇асса абхинийхааро наанад̇д̇ам̣ ход̇и? бут̇уж̇ж̇ано сан̇каарубзгкам̣ д̇ин̣н̣ам̣ сам̣яож̇анаанам̣ бахаанааяа сод̇аабад̇д̇имаг̇г̇ам̣ бадилаабхад̇т̇ааяа вибассад̇и. сзгко сан̇каарубзгкам̣ д̇ин̣н̣ам̣ сан̃н̃ож̇анаанам̣ бахийнад̇д̇аа уд̇д̇арибадилаабхад̇т̇ааяа вибассад̇и. вийд̇арааг̇о сан̇каарубзгкам̣ саб̣б̣агилзсаанам̣ бахийнад̇д̇аа д̣̇идтад̇хаммасукавихаарад̇т̇ааяа вибассад̇и. звам̣ бут̇уж̇ж̇анасса жа сзгкасса жа вийд̇арааг̇асса жа сан̇каарубзгкааяа жид̇д̇асса абхинийхааро наанад̇д̇ам̣ ход̇и бахийнадтзна жа аббахийнадтзна жа.
Kathaṃ puthujjanassa ca sekkhassa ca vītarāgassa ca saṅkhārupekkhāya cittassa abhinīhāro nānattaṃ hoti? Puthujjano saṅkhārupekkhaṃ tiṇṇaṃ saṃyojanānaṃ pahānāya sotāpattimaggaṃ paṭilābhatthāya vipassati. Sekkho saṅkhārupekkhaṃ tiṇṇaṃ saññojanānaṃ pahīnattā uttaripaṭilābhatthāya vipassati. Vītarāgo saṅkhārupekkhaṃ sabbakilesānaṃ pahīnattā diṭṭhadhammasukhavihāratthāya vipassati. Evaṃ puthujjanassa ca sekkhassa ca vītarāgassa ca saṅkhārupekkhāya cittassa abhinīhāro nānattaṃ hoti pahīnaṭṭhena ca appahīnaṭṭhena ca.
гат̇ам̣ сзгкасса жа вийд̇арааг̇асса жа сан̇каарубзгкааяа жид̇д̇асса абхинийхааро наанад̇д̇ам̣ ход̇и? сзгко сан̇каарубзгкам̣ абхинанд̣̇ад̇и ваа вибассад̇и ваа бадисан̇кааяа ваа паласамаабад̇д̇им̣ самаабаж̇ж̇ад̇и. вийд̇арааг̇о сан̇каарубзгкам̣ вибассад̇и ваа бадисан̇кааяа ваа паласамаабад̇д̇им̣ самаабаж̇ж̇ад̇и, д̇ад̣̇аж̇жхубзгкид̇ваа сун̃н̃ад̇авихаарзна ваа анимид̇д̇авихаарзна ваа аббан̣ихид̇авихаарзна ваа вихарад̇и. звам̣ сзгкасса жа вийд̇арааг̇асса жа сан̇каарубзгкааяа жид̇д̇асса абхинийхааро наанад̇д̇ам̣ ход̇и вихаарасамаабад̇д̇адтзна.
Kathaṃ sekkhassa ca vītarāgassa ca saṅkhārupekkhāya cittassa abhinīhāro nānattaṃ hoti? Sekkho saṅkhārupekkhaṃ abhinandati vā vipassati vā paṭisaṅkhāya vā phalasamāpattiṃ samāpajjati. Vītarāgo saṅkhārupekkhaṃ vipassati vā paṭisaṅkhāya vā phalasamāpattiṃ samāpajjati, tadajjhupekkhitvā suññatavihārena vā animittavihārena vā appaṇihitavihārena vā viharati. Evaṃ sekkhassa ca vītarāgassa ca saṅkhārupekkhāya cittassa abhinīhāro nānattaṃ hoti vihārasamāpattaṭṭhena.
57. гад̇и сан̇каарубзгкаа самат̇авасзна уббаж̇ж̇анд̇и? гад̇и сан̇каарубзгкаа вибассанаавасзна уббаж̇ж̇анд̇и? адта сан̇каарубзгкаа самат̇авасзна уббаж̇ж̇анд̇и. д̣̇аса сан̇каарубзгкаа вибассанаавасзна уббаж̇ж̇анд̇и.
57. Kati saṅkhārupekkhā samathavasena uppajjanti? Kati saṅkhārupekkhā vipassanāvasena uppajjanti? Aṭṭha saṅkhārupekkhā samathavasena uppajjanti. Dasa saṅkhārupekkhā vipassanāvasena uppajjanti.
гад̇амаа адта сан̇каарубзгкаа самат̇авасзна уббаж̇ж̇анд̇и? батамам̣ жхаанам̣ бадилаабхад̇т̇ааяа нийваран̣з бадисан̇каасанд̇идтанаа бан̃н̃аа сан̇каарубзгкаасу н̃аан̣ам̣. д̣̇уд̇ияам̣ жхаанам̣ бадилаабхад̇т̇ааяа вид̇аггавижаарз бадисан̇каасанд̇идтанаа бан̃н̃аа сан̇каарубзгкаасу н̃аан̣ам̣. д̇ад̇ияам̣ жхаанам̣ бадилаабхад̇т̇ааяа бийд̇им̣ бадисан̇каасанд̇идтанаа бан̃н̃аа сан̇каарубзгкаасу н̃аан̣ам̣ . жад̇уд̇т̇ам̣ жхаанам̣ бадилаабхад̇т̇ааяа сукад̣̇угкз бадисан̇каасанд̇идтанаа бан̃н̃аа сан̇каарубзгкаасу н̃аан̣ам̣. аагаасаанан̃жааяад̇анасамаабад̇д̇им̣ бадилаабхад̇т̇ааяа руубасан̃н̃ам̣ бадигхасан̃н̃ам̣ наанад̇д̇асан̃н̃ам̣ бадисан̇каасанд̇идтанаа бан̃н̃аа сан̇каарубзгкаасу н̃аан̣ам̣. вин̃н̃аан̣ан̃жааяад̇анасамаабад̇д̇им̣ бадилаабхад̇т̇ааяа аагаасаанан̃жааяад̇анасан̃н̃ам̣ бадисан̇каасанд̇идтанаа бан̃н̃аа сан̇каарубзгкаасу н̃аан̣ам̣. аагин̃жан̃н̃ааяад̇анасамаабад̇д̇им̣ бадилаабхад̇т̇ааяа вин̃н̃аан̣ан̃жааяад̇анасан̃н̃ам̣ бадисан̇каасанд̇идтанаа бан̃н̃аа сан̇каарубзгкаасу н̃аан̣ам̣. нзвасан̃н̃аанаасан̃н̃ааяад̇анасамаабад̇д̇им̣ бадилаабхад̇т̇ааяа аагин̃жан̃н̃ааяад̇анасан̃н̃ам̣ бадисан̇каасанд̇идтанаа бан̃н̃аа сан̇каарубзгкаасу н̃аан̣ам̣. имаа адта сан̇каарубзгкаа самат̇авасзна уббаж̇ж̇анд̇и.
Katamā aṭṭha saṅkhārupekkhā samathavasena uppajjanti? Paṭhamaṃ jhānaṃ paṭilābhatthāya nīvaraṇe paṭisaṅkhāsantiṭṭhanā paññā saṅkhārupekkhāsu ñāṇaṃ. Dutiyaṃ jhānaṃ paṭilābhatthāya vitakkavicāre paṭisaṅkhāsantiṭṭhanā paññā saṅkhārupekkhāsu ñāṇaṃ. Tatiyaṃ jhānaṃ paṭilābhatthāya pītiṃ paṭisaṅkhāsantiṭṭhanā paññā saṅkhārupekkhāsu ñāṇaṃ . Catutthaṃ jhānaṃ paṭilābhatthāya sukhadukkhe paṭisaṅkhāsantiṭṭhanā paññā saṅkhārupekkhāsu ñāṇaṃ. Ākāsānañcāyatanasamāpattiṃ paṭilābhatthāya rūpasaññaṃ paṭighasaññaṃ nānattasaññaṃ paṭisaṅkhāsantiṭṭhanā paññā saṅkhārupekkhāsu ñāṇaṃ. Viññāṇañcāyatanasamāpattiṃ paṭilābhatthāya ākāsānañcāyatanasaññaṃ paṭisaṅkhāsantiṭṭhanā paññā saṅkhārupekkhāsu ñāṇaṃ. Ākiñcaññāyatanasamāpattiṃ paṭilābhatthāya viññāṇañcāyatanasaññaṃ paṭisaṅkhāsantiṭṭhanā paññā saṅkhārupekkhāsu ñāṇaṃ. Nevasaññānāsaññāyatanasamāpattiṃ paṭilābhatthāya ākiñcaññāyatanasaññaṃ paṭisaṅkhāsantiṭṭhanā paññā saṅkhārupekkhāsu ñāṇaṃ. Imā aṭṭha saṅkhārupekkhā samathavasena uppajjanti.
гад̇амаа д̣̇аса сан̇каарубзгкаа вибассанаавасзна уббаж̇ж̇анд̇и? сод̇аабад̇д̇имаг̇г̇ам̣ бадилаабхад̇т̇ааяа уббаад̣̇ам̣ бавад̇д̇ам̣ нимид̇д̇ам̣ ааяууханам̣ бадисанд̇хим̣ г̇ад̇им̣ ниб̣б̣ад̇д̇им̣ убабад̇д̇им̣ ж̇аад̇им̣ ж̇арам̣ б̣яаад̇хим̣ маран̣ам̣ согам̣ барид̣̇звам̣ убааяаасам̣ бадисан̇каасанд̇идтанаа бан̃н̃аа сан̇каарубзгкаасу н̃аан̣ам̣. сод̇аабад̇д̇ипаласамаабад̇д̇ад̇т̇ааяа уббаад̣̇ам̣ бавад̇д̇ам̣ нимид̇д̇ам̣ ааяууханам̣ бадисанд̇хим̣…бз… бадисан̇каасанд̇идтанаа бан̃н̃аа сан̇каарубзгкаасу н̃аан̣ам̣. сагад̣̇ааг̇аамимаг̇г̇ам̣ бадилаабхад̇т̇ааяа…бз… сагад̣̇ааг̇аамипаласамаабад̇д̇ад̇т̇ааяа…бз… анааг̇аамимаг̇г̇ам̣ бадилаабхад̇т̇ааяа…бз… анааг̇аамипаласамаабад̇д̇ад̇т̇ааяа …бз… арахад̇д̇амаг̇г̇ам̣ бадилаабхад̇т̇ааяа уббаад̣̇ам̣ бавад̇д̇ам̣ нимид̇д̇ам̣ ааяууханам̣ бадисанд̇хим̣ г̇ад̇им̣ ниб̣б̣ад̇д̇им̣ убабад̇д̇им̣ ж̇аад̇им̣ ж̇арам̣ б̣яаад̇хим̣ маран̣ам̣ согам̣ барид̣̇звам̣ убааяаасам̣ бадисан̇каасанд̇идтанаа бан̃н̃аа сан̇каарубзгкаасу н̃аан̣ам̣. арахад̇д̇апаласамаабад̇д̇ад̇т̇ааяа…бз… сун̃н̃ад̇авихаарасамаабад̇д̇ад̇т̇ааяа…бз… анимид̇д̇авихаарасамаабад̇д̇ад̇т̇ааяа уббаад̣̇ам̣ бавад̇д̇ам̣ нимид̇д̇ам̣ ааяууханам̣ бадисанд̇хим̣…бз… бадисан̇каасанд̇идтанаа бан̃н̃аа сан̇каарубзгкаасу н̃аан̣ам̣. имаа д̣̇аса сан̇каарубзгкаа вибассанаавасзна уббаж̇ж̇анд̇и.
Katamā dasa saṅkhārupekkhā vipassanāvasena uppajjanti? Sotāpattimaggaṃ paṭilābhatthāya uppādaṃ pavattaṃ nimittaṃ āyūhanaṃ paṭisandhiṃ gatiṃ nibbattiṃ upapattiṃ jātiṃ jaraṃ byādhiṃ maraṇaṃ sokaṃ paridevaṃ upāyāsaṃ paṭisaṅkhāsantiṭṭhanā paññā saṅkhārupekkhāsu ñāṇaṃ. Sotāpattiphalasamāpattatthāya uppādaṃ pavattaṃ nimittaṃ āyūhanaṃ paṭisandhiṃ…pe… paṭisaṅkhāsantiṭṭhanā paññā saṅkhārupekkhāsu ñāṇaṃ. Sakadāgāmimaggaṃ paṭilābhatthāya…pe… sakadāgāmiphalasamāpattatthāya…pe… anāgāmimaggaṃ paṭilābhatthāya…pe… anāgāmiphalasamāpattatthāya …pe… arahattamaggaṃ paṭilābhatthāya uppādaṃ pavattaṃ nimittaṃ āyūhanaṃ paṭisandhiṃ gatiṃ nibbattiṃ upapattiṃ jātiṃ jaraṃ byādhiṃ maraṇaṃ sokaṃ paridevaṃ upāyāsaṃ paṭisaṅkhāsantiṭṭhanā paññā saṅkhārupekkhāsu ñāṇaṃ. Arahattaphalasamāpattatthāya…pe… suññatavihārasamāpattatthāya…pe… animittavihārasamāpattatthāya uppādaṃ pavattaṃ nimittaṃ āyūhanaṃ paṭisandhiṃ…pe… paṭisaṅkhāsantiṭṭhanā paññā saṅkhārupekkhāsu ñāṇaṃ. Imā dasa saṅkhārupekkhā vipassanāvasena uppajjanti.
58. гад̇и сан̇каарубзгкаа гусалаа, гад̇и агусалаа, гад̇и аб̣яаагад̇аа? баннараса сан̇каарубзгкаа гусалаа, д̇иссо сан̇каарубзгкаа аб̣яаагад̇аа. над̇т̇и сан̇каарубзгкаа агусалаа.
58. Kati saṅkhārupekkhā kusalā, kati akusalā, kati abyākatā? Pannarasa saṅkhārupekkhā kusalā, tisso saṅkhārupekkhā abyākatā. Natthi saṅkhārupekkhā akusalā.
бадисан̇каасанд̇идтанаа бан̃н̃аа, адта жид̇д̇асса г̇ожараа;
Paṭisaṅkhāsantiṭṭhanā paññā, aṭṭha cittassa gocarā;
бут̇уж̇ж̇анасса д̣̇вз хонд̇и, д̇аяо сзгкасса г̇ожараа;
Puthujjanassa dve honti, tayo sekkhassa gocarā;
д̇аяо жа вийд̇арааг̇асса, язхи жид̇д̇ам̣ виваддад̇и.
Tayo ca vītarāgassa, yehi cittaṃ vivaṭṭati.
адта самаад̇хисса бажжаяаа, д̣̇аса н̃аан̣асса г̇ожараа;
Aṭṭha samādhissa paccayā, dasa ñāṇassa gocarā;
адтаараса сан̇каарубзгкаа, д̇ин̣н̣ам̣ вимогкаана бажжаяаа.
Aṭṭhārasa saṅkhārupekkhā, tiṇṇaṃ vimokkhāna paccayā.
имз адтаарасаагаараа, бан̃н̃аа яасса барижжид̇аа;
Ime aṭṭhārasākārā, paññā yassa pariccitā;
гусало сан̇каарубзгкаасу, наанаад̣̇идтийсу на гамбад̇ийд̇и.
Kusalo saṅkhārupekkhāsu, nānādiṭṭhīsu na kampatīti.
д̇ам̣ н̃аад̇адтзна н̃аан̣ам̣, баж̇аананадтзна бан̃н̃аа. д̇зна вужжад̇и – ‘‘мун̃жид̇угамяад̇аабадисан̇каасанд̇идтанаа бан̃н̃аа сан̇каарубзгкаасу н̃аан̣ам̣’’.
Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘muñcitukamyatāpaṭisaṅkhāsantiṭṭhanā paññā saṅkhārupekkhāsu ñāṇaṃ’’.
сан̇каарубзгкаан̃аан̣анид̣̇д̣̇зсо навамо.
Saṅkhārupekkhāñāṇaniddeso navamo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / 9. сан̇каарубзгкаан̃аан̣анид̣̇д̣̇зсаван̣н̣анаа • 9. Saṅkhārupekkhāñāṇaniddesavaṇṇanā
