| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
7. ஸங்க²தலக்க²ணஸுத்தவண்ணனா
7. Saṅkhatalakkhaṇasuttavaṇṇanā
47. ஸத்தமே ஸங்க²தஸ்ஸாதி பச்சயேஹி ஸமாக³ந்த்வா கதஸ்ஸ. ஸங்க²தலக்க²ணானீதி ஸங்க²தங் ஏதந்தி ஸஞ்ஜானநகாரணானி நிமித்தானி. உப்பாதோ³தி ஜாதி. வயோதி பே⁴தோ³. டி²தஸ்ஸ அஞ்ஞத²த்தங் நாம ஜரா. தத்த² ஸங்க²தந்தி தேபூ⁴மகா த⁴ம்மா. மக்³க³ப²லானி பன அஸம்மஸனூபக³த்தா இத⁴ ந கதீ²யந்தி. உப்பாதா³த³யோ ஸங்க²தலக்க²ணா நாம. தேஸு உப்பாத³க்க²ணே உப்பாதோ³, டா²னக்க²ணே ஜரா, பே⁴த³க்க²ணே வயோ. லக்க²ணங் ந ஸங்க²தங், ஸங்க²தங் ந லக்க²ணங் , லக்க²ணேன பன ஸங்க²தங் பரிச்சி²ன்னங். யதா² ஹத்தி²அஸ்ஸகோ³மஹிங்ஸாதீ³னங் ஸத்திஸூலாதீ³னி ஸஞ்ஜானநலக்க²ணானி ந ஹத்தி²ஆத³யோ, நபி ஹத்தி²ஆத³யோ லக்க²ணானேவ, லக்க²ணேஹி பன தே ‘‘அஸுகஸ்ஸ ஹத்தீ², அஸுகஸ்ஸ அஸ்ஸோ, அஸுகஹத்தீ², அஸுகஅஸ்ஸோ’’தி வா பஞ்ஞாயந்தி, ஏவங்ஸம்பத³மித³ங் வேதி³தப்³ப³ங்.
47. Sattame saṅkhatassāti paccayehi samāgantvā katassa. Saṅkhatalakkhaṇānīti saṅkhataṃ etanti sañjānanakāraṇāni nimittāni. Uppādoti jāti. Vayoti bhedo. Ṭhitassa aññathattaṃ nāma jarā. Tattha saṅkhatanti tebhūmakā dhammā. Maggaphalāni pana asammasanūpagattā idha na kathīyanti. Uppādādayo saṅkhatalakkhaṇā nāma. Tesu uppādakkhaṇe uppādo, ṭhānakkhaṇe jarā, bhedakkhaṇe vayo. Lakkhaṇaṃ na saṅkhataṃ, saṅkhataṃ na lakkhaṇaṃ , lakkhaṇena pana saṅkhataṃ paricchinnaṃ. Yathā hatthiassagomahiṃsādīnaṃ sattisūlādīni sañjānanalakkhaṇāni na hatthiādayo, napi hatthiādayo lakkhaṇāneva, lakkhaṇehi pana te ‘‘asukassa hatthī, asukassa asso, asukahatthī, asukaasso’’ti vā paññāyanti, evaṃsampadamidaṃ veditabbaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 7. ஸங்க²தலக்க²ணஸுத்தங் • 7. Saṅkhatalakkhaṇasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 7. ஸங்க²தலக்க²ணஸுத்தவண்ணனா • 7. Saṅkhatalakkhaṇasuttavaṇṇanā
