| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
7. сан̇кад̇алагкан̣асуд̇д̇аван̣н̣анаа
7. Saṅkhatalakkhaṇasuttavaṇṇanā
47. сад̇д̇амз сан̇кад̇ассаад̇и бажжаязхи самааг̇анд̇ваа гад̇асса. сан̇кад̇алагкан̣аанийд̇и сан̇кад̇ам̣ зд̇анд̇и сан̃ж̇аананагааран̣аани нимид̇д̇аани. уббаад̣̇од̇и ж̇аад̇и. ваяод̇и бхзд̣̇о. тид̇асса ан̃н̃ат̇ад̇д̇ам̣ наама ж̇араа. д̇ад̇т̇а сан̇кад̇анд̇и д̇збхуумагаа д̇хаммаа. маг̇г̇апалаани бана асаммасануубаг̇ад̇д̇аа ид̇ха на гат̇ийяанд̇и. уббаад̣̇аад̣̇аяо сан̇кад̇алагкан̣аа наама. д̇зсу уббаад̣̇агкан̣з уббаад̣̇о, таанагкан̣з ж̇араа, бхзд̣̇агкан̣з ваяо. лагкан̣ам̣ на сан̇кад̇ам̣, сан̇кад̇ам̣ на лагкан̣ам̣ , лагкан̣зна бана сан̇кад̇ам̣ барижчиннам̣. яат̇аа хад̇т̇иассаг̇омахим̣саад̣̇ийнам̣ сад̇д̇исуулаад̣̇ийни сан̃ж̇аананалагкан̣аани на хад̇т̇иаад̣̇аяо, наби хад̇т̇иаад̣̇аяо лагкан̣аанзва, лагкан̣зхи бана д̇з ‘‘асугасса хад̇т̇ий, асугасса ассо, асугахад̇т̇ий, асугаассо’’д̇и ваа бан̃н̃ааяанд̇и, звам̣самбад̣̇амид̣̇ам̣ взд̣̇ид̇аб̣б̣ам̣.
47. Sattame saṅkhatassāti paccayehi samāgantvā katassa. Saṅkhatalakkhaṇānīti saṅkhataṃ etanti sañjānanakāraṇāni nimittāni. Uppādoti jāti. Vayoti bhedo. Ṭhitassa aññathattaṃ nāma jarā. Tattha saṅkhatanti tebhūmakā dhammā. Maggaphalāni pana asammasanūpagattā idha na kathīyanti. Uppādādayo saṅkhatalakkhaṇā nāma. Tesu uppādakkhaṇe uppādo, ṭhānakkhaṇe jarā, bhedakkhaṇe vayo. Lakkhaṇaṃ na saṅkhataṃ, saṅkhataṃ na lakkhaṇaṃ , lakkhaṇena pana saṅkhataṃ paricchinnaṃ. Yathā hatthiassagomahiṃsādīnaṃ sattisūlādīni sañjānanalakkhaṇāni na hatthiādayo, napi hatthiādayo lakkhaṇāneva, lakkhaṇehi pana te ‘‘asukassa hatthī, asukassa asso, asukahatthī, asukaasso’’ti vā paññāyanti, evaṃsampadamidaṃ veditabbaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 7. сан̇кад̇алагкан̣асуд̇д̇ам̣ • 7. Saṅkhatalakkhaṇasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7. сан̇кад̇алагкан̣асуд̇д̇аван̣н̣анаа • 7. Saṅkhatalakkhaṇasuttavaṇṇanā
