| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੭. ਸਙ੍ਖਤਲਕ੍ਖਣਸੁਤ੍ਤવਣ੍ਣਨਾ
7. Saṅkhatalakkhaṇasuttavaṇṇanā
੪੭. ਸਤ੍ਤਮੇ ਸਙ੍ਖਤਸ੍ਸਾਤਿ ਪਚ੍ਚਯੇਹਿ ਸਮਾਗਨ੍ਤ੍વਾ ਕਤਸ੍ਸ। ਸਙ੍ਖਤਲਕ੍ਖਣਾਨੀਤਿ ਸਙ੍ਖਤਂ ਏਤਨ੍ਤਿ ਸਞ੍ਜਾਨਨਕਾਰਣਾਨਿ ਨਿਮਿਤ੍ਤਾਨਿ। ਉਪ੍ਪਾਦੋਤਿ ਜਾਤਿ। વਯੋਤਿ ਭੇਦੋ। ਠਿਤਸ੍ਸ ਅਞ੍ਞਥਤ੍ਤਂ ਨਾਮ ਜਰਾ। ਤਤ੍ਥ ਸਙ੍ਖਤਨ੍ਤਿ ਤੇਭੂਮਕਾ ਧਮ੍ਮਾ। ਮਗ੍ਗਫਲਾਨਿ ਪਨ ਅਸਮ੍ਮਸਨੂਪਗਤ੍ਤਾ ਇਧ ਨ ਕਥੀਯਨ੍ਤਿ। ਉਪ੍ਪਾਦਾਦਯੋ ਸਙ੍ਖਤਲਕ੍ਖਣਾ ਨਾਮ। ਤੇਸੁ ਉਪ੍ਪਾਦਕ੍ਖਣੇ ਉਪ੍ਪਾਦੋ, ਠਾਨਕ੍ਖਣੇ ਜਰਾ, ਭੇਦਕ੍ਖਣੇ વਯੋ। ਲਕ੍ਖਣਂ ਨ ਸਙ੍ਖਤਂ, ਸਙ੍ਖਤਂ ਨ ਲਕ੍ਖਣਂ , ਲਕ੍ਖਣੇਨ ਪਨ ਸਙ੍ਖਤਂ ਪਰਿਚ੍ਛਿਨ੍ਨਂ। ਯਥਾ ਹਤ੍ਥਿਅਸ੍ਸਗੋਮਹਿਂਸਾਦੀਨਂ ਸਤ੍ਤਿਸੂਲਾਦੀਨਿ ਸਞ੍ਜਾਨਨਲਕ੍ਖਣਾਨਿ ਨ ਹਤ੍ਥਿਆਦਯੋ, ਨਪਿ ਹਤ੍ਥਿਆਦਯੋ ਲਕ੍ਖਣਾਨੇવ, ਲਕ੍ਖਣੇਹਿ ਪਨ ਤੇ ‘‘ਅਸੁਕਸ੍ਸ ਹਤ੍ਥੀ, ਅਸੁਕਸ੍ਸ ਅਸ੍ਸੋ, ਅਸੁਕਹਤ੍ਥੀ, ਅਸੁਕਅਸ੍ਸੋ’’ਤਿ વਾ ਪਞ੍ਞਾਯਨ੍ਤਿ, ਏવਂਸਮ੍ਪਦਮਿਦਂ વੇਦਿਤਬ੍ਬਂ।
47. Sattame saṅkhatassāti paccayehi samāgantvā katassa. Saṅkhatalakkhaṇānīti saṅkhataṃ etanti sañjānanakāraṇāni nimittāni. Uppādoti jāti. Vayoti bhedo. Ṭhitassa aññathattaṃ nāma jarā. Tattha saṅkhatanti tebhūmakā dhammā. Maggaphalāni pana asammasanūpagattā idha na kathīyanti. Uppādādayo saṅkhatalakkhaṇā nāma. Tesu uppādakkhaṇe uppādo, ṭhānakkhaṇe jarā, bhedakkhaṇe vayo. Lakkhaṇaṃ na saṅkhataṃ, saṅkhataṃ na lakkhaṇaṃ , lakkhaṇena pana saṅkhataṃ paricchinnaṃ. Yathā hatthiassagomahiṃsādīnaṃ sattisūlādīni sañjānanalakkhaṇāni na hatthiādayo, napi hatthiādayo lakkhaṇāneva, lakkhaṇehi pana te ‘‘asukassa hatthī, asukassa asso, asukahatthī, asukaasso’’ti vā paññāyanti, evaṃsampadamidaṃ veditabbaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੭. ਸਙ੍ਖਤਲਕ੍ਖਣਸੁਤ੍ਤਂ • 7. Saṅkhatalakkhaṇasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੭. ਸਙ੍ਖਤਲਕ੍ਖਣਸੁਤ੍ਤવਣ੍ਣਨਾ • 7. Saṅkhatalakkhaṇasuttavaṇṇanā
