| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੫-੨੨. ਸਙ੍ਕਿਲਿਟ੍ਠਤ੍ਤਿਕਾਦਿવਣ੍ਣਨਾ
5-22. Saṅkiliṭṭhattikādivaṇṇanā
ਸਙ੍ਕਿਲਿਟ੍ਠਸਙ੍ਕਿਲੇਸਿਕਤ੍ਤਿਕੇ ਸਬ੍ਬਂ ਕੁਸਲਤ੍ਤਿਕੇ વੁਤ੍ਤਨਯਾਨੁਸਾਰੇਨੇવ વੇਦਿਤਬ੍ਬਂ।
Saṅkiliṭṭhasaṅkilesikattike sabbaṃ kusalattike vuttanayānusāreneva veditabbaṃ.
੭੯. વਿਤਕ੍ਕਤ੍ਤਿਕੇ ਯਥਾਕਮ੍ਮੂਪਗਞਾਣਸ੍ਸ ਪਰਿਕਮ੍ਮਨ੍ਤਿ ਦਿਬ੍ਬਚਕ੍ਖੁਪਰਿਕਮ੍ਮਮੇવ ਤਸ੍ਸ ਉਪ੍ਪਾਦਨਤ੍ਥਾਯ ਪਰਿਕਮ੍ਮਂ। ਉਪ੍ਪਨ੍ਨਸ੍ਸ ਪਨ વਲ਼ਞ੍ਜਨਕਾਲੇ ਪਰਿਕਮ੍ਮਂ ਸਨ੍ਧਾਯੇਤਂ વੁਤ੍ਤਂ। ਸੇਸਮੇਤ੍ਥ ਯਥਾਪਾਲ਼ਿਮੇવ ਨਿਯ੍ਯਾਤਿ।
79. Vitakkattike yathākammūpagañāṇassa parikammanti dibbacakkhuparikammameva tassa uppādanatthāya parikammaṃ. Uppannassa pana vaḷañjanakāle parikammaṃ sandhāyetaṃ vuttaṃ. Sesamettha yathāpāḷimeva niyyāti.
੮੨. ਤਿ ਤਦਾਰਮ੍ਮਣਭવਙ੍ਗਮੂਲਭવਙ੍ਗਾਨਂ વਸੇਨ વੁਤ੍ਤਂ। ਸੇਸਮੇਤ੍ਥ ਸਬ੍ਬਂ ਪਾਲ਼ਿવਸੇਨੇવ વੇਦਿਤਬ੍ਬਂ।
82. Ti tadārammaṇabhavaṅgamūlabhavaṅgānaṃ vasena vuttaṃ. Sesamettha sabbaṃ pāḷivaseneva veditabbaṃ.
ਦਸ੍ਸਨਤ੍ਤਿਕੇ ਦਸ੍ਸਨੇਨ ਪਹਾਤਬ੍ਬੋ ਰਾਗੋ ਉਪ੍ਪਜ੍ਜਤੀਤਿਆਦੀਸੁ ਦਸ੍ਸਨੇਨ ਪਹਾਤਬ੍ਬੋ ਪੁਥੁਜ੍ਜਨਸ੍ਸ ਉਪ੍ਪਜ੍ਜਤਿ। ਭਾવਨਾਯ ਪਹਾਤਬ੍ਬੋ ਸੋਤਾਪਨ੍ਨਸ੍ਸਾਪੀਤਿ ਏવਂ ਉਪਰਿਮਸ੍ਸ ਉਪਰਿਮਸ੍ਸ ਹੇਟ੍ਠਿਮਾ ਹੇਟ੍ਠਿਮਾ ਨੁਪ੍ਪਜ੍ਜਨ੍ਤੀਤਿ વੇਦਿਤਬ੍ਬਾ। ਦਸ੍ਸਨੇਨ ਪਹਾਤਬ੍ਬੋ ਧਮ੍ਮੋ ਭਾવਨਾਯ ਪਹਾਤਬ੍ਬਸ੍ਸ ਧਮ੍ਮਸ੍ਸ ਏਕੇਨਪਿ ਪਚ੍ਚਯੇਨ ਪਚ੍ਚਯੋ ਨ ਹੋਤਿ। ਸੇਸਮੇਤ੍ਥ ਪਾਲ਼ਿਂ ਅਨੁਗਨ੍ਤ੍વਾ ਕੁਸਲਤ੍ਤਿਕੇ વੁਤ੍ਤਲਕ੍ਖਣવਸੇਨੇવ વੇਦਿਤਬ੍ਬਂ।
Dassanattike dassanena pahātabbo rāgo uppajjatītiādīsu dassanena pahātabbo puthujjanassa uppajjati. Bhāvanāya pahātabbo sotāpannassāpīti evaṃ uparimassa uparimassa heṭṭhimā heṭṭhimā nuppajjantīti veditabbā. Dassanena pahātabbo dhammo bhāvanāya pahātabbassa dhammassa ekenapi paccayena paccayo na hoti. Sesamettha pāḷiṃ anugantvā kusalattike vuttalakkhaṇavaseneva veditabbaṃ.
ਦਸ੍ਸਨੇਨਪਹਾਤਬ੍ਬਹੇਤੁਕਤ੍ਤਿਕੇ ਦਸ੍ਸਨੇਨਪਹਾਤਬ੍ਬਹੇਤੁਕਾਦੀਨਂ વਿਭਾਗੋ ਅਟ੍ਠਕਥਾਕਣ੍ਡੇ વੁਤ੍ਤਨਯੇਨੇવ વੇਦਿਤਬ੍ਬੋ। વਿਚਿਕਿਚ੍ਛੁਦ੍ਧਚ੍ਚਸਹਗਤੋ ਮੋਹੋ ਅਹੇਤੁਕਤ੍ਤਾ ਤਤਿਯਪਦੇ ਪવਿਟ੍ਠੋ। ਏવਮੇਤ੍ਥ ਯੇਸਂ ਦਸ੍ਸਨਭਾવਨਾਹਿ ਪਹਾਤਬ੍ਬੋ ਹੇਤੁ ਅਤ੍ਥਿ, ਤੇ ਪਹਾਤਬ੍ਬਹੇਤੁਕਾ। ਯੇਸਂ ਸੋ ਨਤ੍ਥਿ ਤੇ ਨੇવਦਸ੍ਸਨੇਨ ਨਭਾવਨਾਯਪਹਾਤਬ੍ਬਹੇਤੁਕਾਤਿ ਇਮਂ ਪਹਾਤਬ੍ਬਹੇਤੁਕવਿਭਾਗਂ ਞਤ੍વਾ ਸੇਸਂ ਦਸ੍ਸਨੇਨਪਹਾਤਬ੍ਬਤ੍ਤਿਕੇ ਚੇવ ਕੁਸਲਤ੍ਤਿਕੇ ਚ ਦਸ੍ਸਿਤਲਕ੍ਖਣਾਨੁਸਾਰੇਨੇવ વੇਦਿਤਬ੍ਬਂ।
Dassanenapahātabbahetukattike dassanenapahātabbahetukādīnaṃ vibhāgo aṭṭhakathākaṇḍe vuttanayeneva veditabbo. Vicikicchuddhaccasahagato moho ahetukattā tatiyapade paviṭṭho. Evamettha yesaṃ dassanabhāvanāhi pahātabbo hetu atthi, te pahātabbahetukā. Yesaṃ so natthi te nevadassanena nabhāvanāyapahātabbahetukāti imaṃ pahātabbahetukavibhāgaṃ ñatvā sesaṃ dassanenapahātabbattike ceva kusalattike ca dassitalakkhaṇānusāreneva veditabbaṃ.
ਆਚਯਗਾਮਿਤ੍ਤਿਕੇ ਚ ਪਟਿਚ੍ਚવਾਰਸਂਸਟ੍ਠવਾਰੇਸੁ ਅਨੁਲੋਮਂ ਕੁਸਲਤ੍ਤਿਕਸਦਿਸਮੇવ। ਸੇਸਂ વਿਸ੍ਸਜ੍ਜਨਤੋ ਗਣਨਤੋ ਚ ਯਥਾਪਾਲ਼ਿਮੇવ ਨਿਯ੍ਯਾਤਿ।
Ācayagāmittike ca paṭiccavārasaṃsaṭṭhavāresu anulomaṃ kusalattikasadisameva. Sesaṃ vissajjanato gaṇanato ca yathāpāḷimeva niyyāti.
ਸੇਕ੍ਖਤ੍ਤਿਕੇ ਅਸੇਕ੍ਖੋ ਧਮ੍ਮੋ ਸੇਕ੍ਖਸ੍ਸ ਧਮ੍ਮਸ੍ਸ ਨ ਕੇਨਚਿ ਪਚ੍ਚਯੇਨ ਪਚ੍ਚਯੋ। ਸੇਕ੍ਖੋ ਅਸੇਕ੍ਖਸ੍ਸ ਅਨਨ੍ਤਰਪਕਤੂਪਨਿਸ੍ਸਯੋ ਪਨ ਹੋਤਿ। ਸੇਸਮੇਤ੍ਥ ਯਥਾਪਾਲ਼ਿਮੇવ ਨਿਯ੍ਯਾਤਿ, ਤਥਾ ਪਰਿਤ੍ਤਤ੍ਤਿਕੇ।
Sekkhattike asekkho dhammo sekkhassa dhammassa na kenaci paccayena paccayo. Sekkho asekkhassa anantarapakatūpanissayo pana hoti. Sesamettha yathāpāḷimeva niyyāti, tathā parittattike.
ਪਰਿਤ੍ਤਾਰਮ੍ਮਣਤ੍ਤਿਕੇ ਅਪ੍ਪਮਾਣਾਰਮ੍ਮਣਾਚੇਤਨਾਤਿ ਸੇਕ੍ਖਾਨਂ ਗੋਤ੍ਰਭੁਚੇਤਨਾ, ਪਚ੍ਚવੇਕ੍ਖਣਚੇਤਨਾਤਿਪਿ વਤ੍ਤੁਂ વਟ੍ਟਤਿ। વਿਪਾਕਾਨਂ ਪਰਿਤ੍ਤਾਰਮ੍ਮਣਾਨਨ੍ਤਿ ਪਟਿਸਨ੍ਧਿਯਂ ਕਮ੍ਮਂ ਆਰਮ੍ਮਣਂ ਕਤ੍વਾ, ਪવਤ੍ਤੇ ਚਕ੍ਖੁવਿਞ੍ਞਾਣਾਦਿવਸੇਨਰੂਪਾਦਿਆਰਮ੍ਮਣਂ, ਤਦਾਰਮ੍ਮਣવਸੇਨ ਜવਨੇਨ ਗਹਿਤਪਰਿਤ੍ਤਾਰਮ੍ਮਣਞ੍ਚ ਆਰਮ੍ਮਣਂ ਕਤ੍વਾ ਉਪ੍ਪਨ੍ਨਾਨਂ। ਯੇ ਪਨ ‘‘ਗੋਤ੍ਰਭੁਚਿਤ੍ਤੇਨ ਨਤ੍ਥਿ ਪਟਿਸਨ੍ਧੀ’’ਤਿ વਦਨ੍ਤਿ, ਤੇ ਇਮਿਨਾ ਸੁਤ੍ਤੇਨ ਪਟਿਸੇਧੇਤਬ੍ਬਾ। ਸੇਸਮੇਤ੍ਥ ਪਾਲ਼ਿਨਯੇਨੇવ વੇਦਿਤਬ੍ਬਂ। ਹੀਨਤ੍ਤਿਕੋ ਸਙ੍ਕਿਲਿਟ੍ਠਤ੍ਤਿਕਸਦਿਸੋ।
Parittārammaṇattike appamāṇārammaṇācetanāti sekkhānaṃ gotrabhucetanā, paccavekkhaṇacetanātipi vattuṃ vaṭṭati. Vipākānaṃ parittārammaṇānanti paṭisandhiyaṃ kammaṃ ārammaṇaṃ katvā, pavatte cakkhuviññāṇādivasenarūpādiārammaṇaṃ, tadārammaṇavasena javanena gahitaparittārammaṇañca ārammaṇaṃ katvā uppannānaṃ. Ye pana ‘‘gotrabhucittena natthi paṭisandhī’’ti vadanti, te iminā suttena paṭisedhetabbā. Sesamettha pāḷinayeneva veditabbaṃ. Hīnattiko saṅkiliṭṭhattikasadiso.
ਮਿਚ੍ਛਤ੍ਤਤ੍ਤਿਕੇ ਮਿਚ੍ਛਤ੍ਤਨਿਯਤੋ ਸਮ੍ਮਤ੍ਤਨਿਯਤਸ੍ਸ, ਸਮ੍ਮਤ੍ਤਨਿਯਤੋ વਾ ਮਿਚ੍ਛਤ੍ਤਨਿਯਤਸ੍ਸ ਕੇਨਚਿ ਪਚ੍ਚਯੇਨ ਪਚ੍ਚਯੋ ਨ ਹੋਤਿ। ਮਿਚ੍ਛਤ੍ਤਨਿਯਤੋ વਾ ਸਮ੍ਮਤ੍ਤਨਿਯਤੋ વਾ ਸਹਜਾਤਾਧਿਪਤਿਰਹਿਤੋ ਨਾਮ ਨਤ੍ਥਿ। ਸਮ੍ਮਤ੍ਤਨਿਯਤੇ ਏਕਨ੍ਤਤੋ ਆਰਮ੍ਮਣਪੁਰੇਜਾਤਂ ਨਤ੍ਥਿ, ਮਿਚ੍ਛਤ੍ਤਨਿਯਤੇ ਸਿਯਾ ਆਰਮ੍ਮਣਪੁਰੇਜਾਤਂ। ਅਨਿਯਤਂ ਚਿਤ੍ਤਂ ਆਰਬ੍ਭ ਨਿਯਤਾ ਮਿਚ੍ਛਾਦਿਟ੍ਠਿ ਉਪ੍ਪਜ੍ਜੇਯ੍ਯ। ਸੇਸਾ ਨਿਯਤਂ ਆਰਬ੍ਭ ਨਿਯਤਂ ਨੁਪ੍ਪਜ੍ਜਤਿ, ਮਿਚ੍ਛਤ੍ਤਨਿਯਤਂ ਗਰੁਂ ਕਤ੍વਾ ਨ ਕੋਚਿ ਧਮ੍ਮੋ ਉਪ੍ਪਜ੍ਜਤਿ। ਕੁਸਲੋ ਮਿਚ੍ਛਤ੍ਤਸ੍ਸ ਉਪਨਿਸ੍ਸਯਪਚ੍ਚਯੋ ਨ ਹੋਤਿ। ਸੇਸਮੇਤ੍ਥ ਪਾਲ਼ਿਯਂ વੁਤ੍ਤਨਯੇਨੇવ વੇਦਿਤਬ੍ਬਂ।
Micchattattike micchattaniyato sammattaniyatassa, sammattaniyato vā micchattaniyatassa kenaci paccayena paccayo na hoti. Micchattaniyato vā sammattaniyato vā sahajātādhipatirahito nāma natthi. Sammattaniyate ekantato ārammaṇapurejātaṃ natthi, micchattaniyate siyā ārammaṇapurejātaṃ. Aniyataṃ cittaṃ ārabbha niyatā micchādiṭṭhi uppajjeyya. Sesā niyataṃ ārabbha niyataṃ nuppajjati, micchattaniyataṃ garuṃ katvā na koci dhammo uppajjati. Kusalo micchattassa upanissayapaccayo na hoti. Sesamettha pāḷiyaṃ vuttanayeneva veditabbaṃ.
ਮਗ੍ਗਾਰਮ੍ਮਣਤ੍ਤਿਕੇ ਪਟਿਚ੍ਚવਾਰਸ੍ਸ ਅਨੁਲੋਮੇ વਿਪਾਕਪਚ੍ਚਯੋ ਨਤ੍ਥਿ। ਕਮ੍ਮਪਚ੍ਚਯੇਪਿ ਇਮਸ੍ਮਿਂ ਤਿਕੇ ਨਾਨਾਕ੍ਖਣਿਕਂ ਨ ਲਬ੍ਭਤਿ, ਤਥਾ ਉਪ੍ਪਨ੍ਨਤ੍ਤਿਕਅਤੀਤਤ੍ਤਿਕੇਸੁ। ਪਚ੍ਚਨੀਯੇ ਅਹੇਤੁਕਂ ਮਗ੍ਗਾਰਮ੍ਮਣਨ੍ਤਿ ਅਹੇਤੁਕਂ ਮਗ੍ਗਾਰਮ੍ਮਣਂ, ਆવਜ੍ਜਨਂ ਸਨ੍ਧਾਯੇਤਂ વੁਤ੍ਤਂ। ਸੇਸਮੇਤ੍ਥ ਪਾਲ਼ਿਅਨੁਸਾਰੇਨੇવ વੇਦਿਤਬ੍ਬਂ।
Maggārammaṇattike paṭiccavārassa anulome vipākapaccayo natthi. Kammapaccayepi imasmiṃ tike nānākkhaṇikaṃ na labbhati, tathā uppannattikaatītattikesu. Paccanīye ahetukaṃ maggārammaṇanti ahetukaṃ maggārammaṇaṃ, āvajjanaṃ sandhāyetaṃ vuttaṃ. Sesamettha pāḷianusāreneva veditabbaṃ.
ਉਪ੍ਪਨ੍ਨਤ੍ਤਿਕੇ ਚ ਅਤੀਤਤ੍ਤਿਕੇ ਚ ਪਟਿਚ੍ਚવਾਰਾਦਯੋ ਨਤ੍ਥਿ, ਪਞ੍ਹਾવਾਰਮਤ੍ਤਮੇવ ਲਬ੍ਭਤਿ। ਕਸ੍ਮਾ? ਪਟਿਚ੍ਚવਾਰਾਦਯੋ ਹਿ ਸਹਜਾਤਪੁਰੇਜਾਤਾਨਞ੍ਞੇવ ਹੋਨ੍ਤਿ। ਇਮੇ ਚ ਤਿਕਾ ਅਤੀਤਾਨਾਗਤਮਿਸ੍ਸਕਾ। ਉਪ੍ਪਨ੍ਨਤ੍ਤਿਕੇ ਚੇਤ੍ਥ ਅਨਨ੍ਤਰਭਾਗਿਯਾਪਿ ਪਚ੍ਚਯਾ ਨ ਲਬ੍ਭਨ੍ਤਿ। ਕਸ੍ਮਾ? ਉਪ੍ਪਨ੍ਨਤ੍ਤਿਕੇ ਅਤੀਤਸ੍ਸ ਅਭਾવਤੋ। ਉਪ੍ਪਨ੍ਨੋ ਚ ਅਨੁਪ੍ਪਨ੍ਨੋ ਚਾਤਿ ਇਮੇ ਚੇਤ੍ਥ ਦ੍વੇ ਧਮ੍ਮਾ ਉਪ੍ਪਨ੍ਨਸ੍ਸ ਚ ਅਨੁਪ੍ਪਨ੍ਨਸ੍ਸ ਚਾਤਿ ਇਮੇਸਂ ਦ੍વਿਨ੍ਨਂ ਨ ਕੇਨਚਿ ਪਚ੍ਚਯੇਨ ਪਚ੍ਚਯੋ। ਅਨੁਪ੍ਪਨ੍ਨੋ ਚ ਉਪ੍ਪਾਦੀ ਚਾਤਿ ਇਮੇ ਪਨ ਦ੍વੇ ਉਪ੍ਪਨ੍ਨਸ੍ਸ ਆਰਮ੍ਮਣੂਪਨਿਸ੍ਸਯવਸੇਨ ਦ੍વੀਹਿ ਪਚ੍ਚਯੇਹਿ ਪਚ੍ਚਯੋ। ਸੇਸਮੇਤ੍ਥ ਪਾਲ਼ਿਯਂ ਆਗਤਨਯੇਨੇવ વੇਦਿਤਬ੍ਬਂ।
Uppannattike ca atītattike ca paṭiccavārādayo natthi, pañhāvāramattameva labbhati. Kasmā? Paṭiccavārādayo hi sahajātapurejātānaññeva honti. Ime ca tikā atītānāgatamissakā. Uppannattike cettha anantarabhāgiyāpi paccayā na labbhanti. Kasmā? Uppannattike atītassa abhāvato. Uppanno ca anuppanno cāti ime cettha dve dhammā uppannassa ca anuppannassa cāti imesaṃ dvinnaṃ na kenaci paccayena paccayo. Anuppanno ca uppādī cāti ime pana dve uppannassa ārammaṇūpanissayavasena dvīhi paccayehi paccayo. Sesamettha pāḷiyaṃ āgatanayeneva veditabbaṃ.
ਅਤੀਤਤ੍ਤਿਕੇ ਪਚ੍ਚੁਪ੍ਪਨ੍ਨਂ ਅਤੀਤਾਨਾਗਤਸ੍ਸ, ਅਤੀਤਾਨਾਗਤਞ੍ਚ ਅਤੀਤਾਨਾਗਤਸ੍ਸ ਨ ਕੇਨਚਿ ਪਚ੍ਚਯੇਨ ਪਚ੍ਚਯੋ। ਨਿਬ੍ਬਾਨਂ ਪਨ ਦ੍વੀਸੁਪਿ ਇਮੇਸੁ ਤਿਕੇਸੁ ਨੇવ ਪਚ੍ਚਯਤੋ ਨ ਪਚ੍ਚਯੁਪ੍ਪਨ੍ਨਤੋ ਲਬ੍ਭਤਿ। ਸੇਸਮਿਧਾਪਿ ਪਾਲ਼ਿਯਂ ਆਗਤਨਯੇਨੇવ વੇਦਿਤਬ੍ਬਂ।
Atītattike paccuppannaṃ atītānāgatassa, atītānāgatañca atītānāgatassa na kenaci paccayena paccayo. Nibbānaṃ pana dvīsupi imesu tikesu neva paccayato na paccayuppannato labbhati. Sesamidhāpi pāḷiyaṃ āgatanayeneva veditabbaṃ.
ਅਜ੍ਝਤ੍ਤਤ੍ਤਿਕੇ ਅਜ੍ਝਤ੍ਤਬਹਿਦ੍ਧਾਪਦਂ ਨ ਗਹਿਤਂ। ਅਜ੍ਝਤ੍ਤਬਹਿਦ੍ਧਾਸਙ੍ਖਾਤਾ ਹਿ ਉਭੋ ਰਾਸਯੋ ਨੇવ ਏਕਤੋ ਪਚ੍ਚਯਾ ਹੋਨ੍ਤਿ, ਨ ਪਚ੍ਚਯੁਪ੍ਪਨ੍ਨਾ; ਤਸ੍ਮਾ ਹਤ੍ਥਤਲੇ ਠਪਿਤਸ੍ਸ ਸਾਸਪਸ੍ਸ વਣ੍ਣੋਪਿ ਹਤ੍ਥਤਲવਣ੍ਣੇਨ ਸਦ੍ਧਿਂ ਏਕਤੋ ਆਰਮ੍ਮਣਂ ਨ ਹੋਤੀਤਿ વੇਦਿਤਬ੍ਬੋ। ਯਥਾ ਚ ਅਜ੍ਝਤ੍ਤਬਹਿਦ੍ਧਾਪਦਂ, ਏવਮੇਤ੍ਥ ਅਜ੍ਝਤ੍ਤਾਰਮ੍ਮਣਤ੍ਤਿਕੇਪਿ ਅਜ੍ਝਤ੍ਤਬਹਿਦ੍ਧਾਰਮ੍ਮਣਪਦਂ ਨ ਲਬ੍ਭਤਿ। ਸੇਸਂ ਯਥਾਪਾਲ਼ਿਮੇવ ਨਿਯ੍ਯਾਤਿ।
Ajjhattattike ajjhattabahiddhāpadaṃ na gahitaṃ. Ajjhattabahiddhāsaṅkhātā hi ubho rāsayo neva ekato paccayā honti, na paccayuppannā; tasmā hatthatale ṭhapitassa sāsapassa vaṇṇopi hatthatalavaṇṇena saddhiṃ ekato ārammaṇaṃ na hotīti veditabbo. Yathā ca ajjhattabahiddhāpadaṃ, evamettha ajjhattārammaṇattikepi ajjhattabahiddhārammaṇapadaṃ na labbhati. Sesaṃ yathāpāḷimeva niyyāti.
ਸਨਿਦਸ੍ਸਨਤ੍ਤਿਕੇਪਿ ਪਾਲ਼ਿવਸੇਨੇવ ਅਤ੍ਥੋ ਗਹੇਤਬ੍ਬੋ। ਗਣਨਾਪੇਤ੍ਥ ਪਾਲ਼ਿਯਂ ਆਗਤવਾਰੇ ਸਙ੍ਖਿਪਿਤ੍વਾ ਹੇਟ੍ਠਾ વੁਤ੍ਤਨਯੇਨੇવ ਸਂਸਨ੍ਦਨੇਸੁ ਸਂਸਨ੍ਦਿਤ੍વਾ વੇਦਿਤਬ੍ਬਾਤਿ।
Sanidassanattikepi pāḷivaseneva attho gahetabbo. Gaṇanāpettha pāḷiyaṃ āgatavāre saṅkhipitvā heṭṭhā vuttanayeneva saṃsandanesu saṃsanditvā veditabbāti.
ਧਮ੍ਮਾਨੁਲੋਮੇ ਤਿਕਪਟ੍ਠਾਨવਣ੍ਣਨਾ।
Dhammānulome tikapaṭṭhānavaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਪਟ੍ਠਾਨਪਾਲ਼ਿ • Paṭṭhānapāḷi
੫. ਸਂਕਿਲਿਟ੍ਠਤ੍ਤਿਕਂ • 5. Saṃkiliṭṭhattikaṃ
੬. વਿਤਕ੍ਕਤ੍ਤਿਕਂ • 6. Vitakkattikaṃ
੭. ਪੀਤਿਤ੍ਤਿਕਂ • 7. Pītittikaṃ
੮. ਦਸ੍ਸਨੇਨਪਹਾਤਬ੍ਬਤ੍ਤਿਕਂ • 8. Dassanenapahātabbattikaṃ
੯. ਦਸ੍ਸਨੇਨਪਹਾਤਬ੍ਬਹੇਤੁਕਤ੍ਤਿਕਂ • 9. Dassanenapahātabbahetukattikaṃ
੧੦. ਆਚਯਗਾਮਿਤ੍ਤਿਕਂ • 10. Ācayagāmittikaṃ
੧੧. ਸੇਕ੍ਖਤ੍ਤਿਕਂ • 11. Sekkhattikaṃ
੧੨. ਪਰਿਤ੍ਤਤ੍ਤਿਕਂ • 12. Parittattikaṃ
੧੩. ਪਰਿਤ੍ਤਾਰਮ੍ਮਣਤ੍ਤਿਕਂ • 13. Parittārammaṇattikaṃ
੧੪. ਹੀਨਤ੍ਤਿਕਂ • 14. Hīnattikaṃ
੧੫. ਮਿਚ੍ਛਤ੍ਤਨਿਯਤਤ੍ਤਿਕਂ • 15. Micchattaniyatattikaṃ
੧੬. ਮਗ੍ਗਾਰਮ੍ਮਣਤ੍ਤਿਕਂ • 16. Maggārammaṇattikaṃ
੧੭. ਉਪ੍ਪਨ੍ਨਤ੍ਤਿਕਂ • 17. Uppannattikaṃ
੧੮. ਅਤੀਤਤ੍ਤਿਕਂ • 18. Atītattikaṃ
੧੯. ਅਤੀਤਾਰਮ੍ਮਣਤ੍ਤਿਕਂ • 19. Atītārammaṇattikaṃ
੨੦. ਅਜ੍ਝਤ੍ਤਤ੍ਤਿਕਂ • 20. Ajjhattattikaṃ
੨੧. ਅਜ੍ਝਤ੍ਤਾਰਮ੍ਮਣਤ੍ਤਿਕਂ • 21. Ajjhattārammaṇattikaṃ
੨੨. ਸਨਿਦਸ੍ਸਨਸਪ੍ਪਟਿਘਤ੍ਤਿਕਂ • 22. Sanidassanasappaṭighattikaṃ
