| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༣. སཉྙཱཨཉྙཱཎསུཏྟཾ
3. Saññāaññāṇasuttaṃ
༦༠༩. སཱཝཏྠིནིདཱནཾ། ཨེཀམནྟཾ ནིསིནྣོ ཁོ ཝཙྪགོཏྟོ པརིབྦཱཛཀོ བྷགཝནྟཾ ཨེཏདཝོཙ – ‘‘ཀོ ནུ ཁོ, བྷོ གོཏམ, ཧེཏུ, ཀོ པཙྩཡོ, ཡཱནིམཱནི ཨནེཀཝིཧིཏཱནི དིཊྛིགཏཱནི ལོཀེ ཨུཔྤཛྫནྟི – སསྶཏོ ལོཀོཏི ཝཱ, ཨསསྶཏོ ལོཀོཏི ཝཱ…པེ॰… ནེཝ ཧོཏི ན ན ཧོཏི ཏཐཱགཏོ པརཾ མརཎཱཏི ཝཱ’’ཏི? ‘‘སཉྙཱཡ ཁོ, ཝཙྪ, ཨཉྙཱཎཱ, སཉྙཱསམུདཡེ ཨཉྙཱཎཱ, སཉྙཱནིརོདྷེ ཨཉྙཱཎཱ, སཉྙཱནིརོདྷགཱམིནིཡཱ པཊིཔདཱཡ ཨཉྙཱཎཱ; ཨེཝམིམཱནི ཨནེཀཝིཧིཏཱནི དིཊྛིགཏཱནི ལོཀེ ཨུཔྤཛྫནྟི – སསྶཏོ ལོཀོཏི ཝཱ, ཨསསྶཏོ ལོཀོཏི ཝཱ…པེ॰… ནེཝ ཧོཏི ན ན ཧོཏི ཏཐཱགཏོ པརཾ མརཎཱཏི ཝཱཏི། ཨཡཾ ཁོ, ཝཙྪ, ཧེཏུ, ཨཡཾ པཙྩཡོ, ཡཱནིམཱནི ཨནེཀཝིཧིཏཱནི དིཊྛིགཏཱནི ལོཀེ ཨུཔྤཛྫནྟི – སསྶཏོ ལོཀོཏི ཝཱ, ཨསསྶཏོ ལོཀོཏི ཝཱ…པེ॰… ནེཝ ཧོཏི ན ན ཧོཏི ཏཐཱགཏོ པརཾ མརཎཱཏི ཝཱ’’ཏི། ཏཏིཡཾ།
609. Sāvatthinidānaṃ. Ekamantaṃ nisinno kho vacchagotto paribbājako bhagavantaṃ etadavoca – ‘‘ko nu kho, bho gotama, hetu, ko paccayo, yānimāni anekavihitāni diṭṭhigatāni loke uppajjanti – sassato lokoti vā, asassato lokoti vā…pe… neva hoti na na hoti tathāgato paraṃ maraṇāti vā’’ti? ‘‘Saññāya kho, vaccha, aññāṇā, saññāsamudaye aññāṇā, saññānirodhe aññāṇā, saññānirodhagāminiyā paṭipadāya aññāṇā; evamimāni anekavihitāni diṭṭhigatāni loke uppajjanti – sassato lokoti vā, asassato lokoti vā…pe… neva hoti na na hoti tathāgato paraṃ maraṇāti vāti. Ayaṃ kho, vaccha, hetu, ayaṃ paccayo, yānimāni anekavihitāni diṭṭhigatāni loke uppajjanti – sassato lokoti vā, asassato lokoti vā…pe… neva hoti na na hoti tathāgato paraṃ maraṇāti vā’’ti. Tatiyaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡༢. ཝཙྪགོཏྟསཾཡུཏྟཝཎྞནཱ • 12. Vacchagottasaṃyuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡༢. ཝཙྪགོཏྟསཾཡུཏྟཝཎྞནཱ • 12. Vacchagottasaṃyuttavaṇṇanā
