| Library / Tipiṭaka / තිපිටක • Tipiṭaka / මිලින්‌දපඤ්‌හපාළි • Milindapañhapāḷi |
10. සඤ්‌ඤාලක්‌ඛණපඤ්‌හො
10. Saññālakkhaṇapañho
10. ‘‘භන්‌තෙ නාගසෙන, කිංලක්‌ඛණා සඤ්‌ඤා’’ති? ‘‘සඤ්‌ජානනලක්‌ඛණා, මහාරාජ, සඤ්‌ඤා. කිං සඤ්‌ජානාති? නීලම්‌පි සඤ්‌ජානාති, පීතම්‌පි සඤ්‌ජානාති, ලොහිතම්‌පි සඤ්‌ජානාති, ඔදාතම්‌පි සඤ්‌ජානාති, මඤ්‌ජිට්‌ඨම්‌පි 1 සඤ්‌ජානාති. එවං ඛො, මහාරාජ, සඤ්‌ජානනලක්‌ඛණා සඤ්‌ඤා’’ති.
10. ‘‘Bhante nāgasena, kiṃlakkhaṇā saññā’’ti? ‘‘Sañjānanalakkhaṇā, mahārāja, saññā. Kiṃ sañjānāti? Nīlampi sañjānāti, pītampi sañjānāti, lohitampi sañjānāti, odātampi sañjānāti, mañjiṭṭhampi 2 sañjānāti. Evaṃ kho, mahārāja, sañjānanalakkhaṇā saññā’’ti.
‘‘ඔපම්‌මං කරොහී’’ති. ‘‘යථා, මහාරාජ, රඤ්‌ඤො භණ්‌ඩාගාරිකො භණ්‌ඩාගාරං පවිසිත්‌වා නීලපීතලොහිතොදාතමඤ්‌ජිට්‌ඨානි 3 රාජභොගානි රූපානි පස්‌සිත්‌වා සඤ්‌ජානාති. එවං ඛො, මහාරාජ, සඤ්‌ජානනලක්‌ඛණා සඤ්‌ඤා’’ති.
‘‘Opammaṃ karohī’’ti. ‘‘Yathā, mahārāja, rañño bhaṇḍāgāriko bhaṇḍāgāraṃ pavisitvā nīlapītalohitodātamañjiṭṭhāni 4 rājabhogāni rūpāni passitvā sañjānāti. Evaṃ kho, mahārāja, sañjānanalakkhaṇā saññā’’ti.
‘‘කල්‌ලොසි, භන්‌තෙ නාගසෙනා’’ති.
‘‘Kallosi, bhante nāgasenā’’ti.
සඤ්‌ඤාලක්‌ඛණපඤ්‌හො දසමො.
Saññālakkhaṇapañho dasamo.
Footnotes:
