| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
7. ஸஞ்ஞானானத்தஸுத்தங்
7. Saññānānattasuttaṃ
91. ஸாவத்தி²யங் விஹரதி…பே॰… ‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச – ‘‘தா⁴துனானத்தங், பி⁴க்க²வே, படிச்ச உப்பஜ்ஜதி ஸஞ்ஞானானத்தங், ஸஞ்ஞானானத்தங் படிச்ச உப்பஜ்ஜதி ஸங்கப்பனானத்தங், ஸங்கப்பனானத்தங் படிச்ச உப்பஜ்ஜதி ச²ந்த³னானத்தங், ச²ந்த³னானத்தங் படிச்ச உப்பஜ்ஜதி பரிளாஹனானத்தங், பரிளாஹனானத்தங் படிச்ச உப்பஜ்ஜதி பரியேஸனானானத்தங். கதமஞ்ச, பி⁴க்க²வே, தா⁴துனானத்தங்? ரூபதா⁴து…பே॰… த⁴ம்மதா⁴து – இத³ங் வுச்சதி, பி⁴க்க²வே, தா⁴துனானத்தங்’’.
91. Sāvatthiyaṃ viharati…pe… ‘‘bhadante’’ti te bhikkhū bhagavato paccassosuṃ. Bhagavā etadavoca – ‘‘dhātunānattaṃ, bhikkhave, paṭicca uppajjati saññānānattaṃ, saññānānattaṃ paṭicca uppajjati saṅkappanānattaṃ, saṅkappanānattaṃ paṭicca uppajjati chandanānattaṃ, chandanānattaṃ paṭicca uppajjati pariḷāhanānattaṃ, pariḷāhanānattaṃ paṭicca uppajjati pariyesanānānattaṃ. Katamañca, bhikkhave, dhātunānattaṃ? Rūpadhātu…pe… dhammadhātu – idaṃ vuccati, bhikkhave, dhātunānattaṃ’’.
‘‘கத²ஞ்ச , பி⁴க்க²வே, தா⁴துனானத்தங் படிச்ச உப்பஜ்ஜதி ஸஞ்ஞானானத்தங், ஸஞ்ஞானானத்தங் படிச்ச உப்பஜ்ஜதி ஸங்கப்பனானத்தங், ஸங்கப்பனானத்தங் படிச்ச உப்பஜ்ஜதி ச²ந்த³னானத்தங், ச²ந்த³னானத்தங் படிச்ச உப்பஜ்ஜதி பரிளாஹனானத்தங், பரிளாஹனானத்தங் படிச்ச உப்பஜ்ஜதி பரியேஸனானானத்தங்?
‘‘Kathañca , bhikkhave, dhātunānattaṃ paṭicca uppajjati saññānānattaṃ, saññānānattaṃ paṭicca uppajjati saṅkappanānattaṃ, saṅkappanānattaṃ paṭicca uppajjati chandanānattaṃ, chandanānattaṃ paṭicca uppajjati pariḷāhanānattaṃ, pariḷāhanānattaṃ paṭicca uppajjati pariyesanānānattaṃ?
‘‘ரூபதா⁴துங், பி⁴க்க²வே, படிச்ச உப்பஜ்ஜதி ரூபஸஞ்ஞா , ரூபஸஞ்ஞங் படிச்ச உப்பஜ்ஜதி ரூபஸங்கப்போ, ரூபஸங்கப்பங் படிச்ச உப்பஜ்ஜதி ரூபச்ச²ந்தோ³, ரூபச்ச²ந்த³ங் படிச்ச உப்பஜ்ஜதி ரூபபரிளாஹோ, ரூபபரிளாஹங் படிச்ச உப்பஜ்ஜதி ரூபபரியேஸனா…பே॰… த⁴ம்மதா⁴துங் படிச்ச உப்பஜ்ஜதி த⁴ம்மஸஞ்ஞா, த⁴ம்மஸஞ்ஞங் படிச்ச உப்பஜ்ஜதி த⁴ம்மஸங்கப்போ, த⁴ம்மஸங்கப்பங் படிச்ச உப்பஜ்ஜதி த⁴ம்மச்ச²ந்தோ³, த⁴ம்மச்ச²ந்த³ங் படிச்ச உப்பஜ்ஜதி த⁴ம்மபரிளாஹோ, த⁴ம்மபரிளாஹங் படிச்ச உப்பஜ்ஜதி த⁴ம்மபரியேஸனா.
‘‘Rūpadhātuṃ, bhikkhave, paṭicca uppajjati rūpasaññā , rūpasaññaṃ paṭicca uppajjati rūpasaṅkappo, rūpasaṅkappaṃ paṭicca uppajjati rūpacchando, rūpacchandaṃ paṭicca uppajjati rūpapariḷāho, rūpapariḷāhaṃ paṭicca uppajjati rūpapariyesanā…pe… dhammadhātuṃ paṭicca uppajjati dhammasaññā, dhammasaññaṃ paṭicca uppajjati dhammasaṅkappo, dhammasaṅkappaṃ paṭicca uppajjati dhammacchando, dhammacchandaṃ paṭicca uppajjati dhammapariḷāho, dhammapariḷāhaṃ paṭicca uppajjati dhammapariyesanā.
‘‘ஏவங், கோ², பி⁴க்க²வே, தா⁴துனானத்தங் படிச்ச உப்பஜ்ஜதி ஸஞ்ஞானானத்தங், ஸஞ்ஞானானத்தங் படிச்ச உப்பஜ்ஜதி ஸங்கப்பனானத்தங், ஸங்கப்பனானத்தங் படிச்ச உப்பஜ்ஜதி ச²ந்த³னானத்தங், ச²ந்த³னானத்தங் படிச்ச உப்பஜ்ஜதி பரிளாஹனானத்தங், பரிளாஹனானத்தங் படிச்ச உப்பஜ்ஜதி பரியேஸனானானத்த’’ந்தி. ஸத்தமங்.
‘‘Evaṃ, kho, bhikkhave, dhātunānattaṃ paṭicca uppajjati saññānānattaṃ, saññānānattaṃ paṭicca uppajjati saṅkappanānattaṃ, saṅkappanānattaṃ paṭicca uppajjati chandanānattaṃ, chandanānattaṃ paṭicca uppajjati pariḷāhanānattaṃ, pariḷāhanānattaṃ paṭicca uppajjati pariyesanānānatta’’nti. Sattamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7. ஸஞ்ஞானானத்தஸுத்தவண்ணனா • 7. Saññānānattasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 7. ஸஞ்ஞானானத்தஸுத்தவண்ணனா • 7. Saññānānattasuttavaṇṇanā
