| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
7. сан̃н̃аанаанад̇д̇асуд̇д̇ам̣
7. Saññānānattasuttaṃ
91. саавад̇т̇ияам̣ вихарад̇и…бз… ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа – ‘‘д̇хаад̇унаанад̇д̇ам̣, бхигкавз, бадижжа уббаж̇ж̇ад̇и сан̃н̃аанаанад̇д̇ам̣, сан̃н̃аанаанад̇д̇ам̣ бадижжа уббаж̇ж̇ад̇и сан̇габбанаанад̇д̇ам̣, сан̇габбанаанад̇д̇ам̣ бадижжа уббаж̇ж̇ад̇и чанд̣̇анаанад̇д̇ам̣, чанд̣̇анаанад̇д̇ам̣ бадижжа уббаж̇ж̇ад̇и барил̣ааханаанад̇д̇ам̣, барил̣ааханаанад̇д̇ам̣ бадижжа уббаж̇ж̇ад̇и бариязсанаанаанад̇д̇ам̣. гад̇аман̃жа, бхигкавз, д̇хаад̇унаанад̇д̇ам̣? руубад̇хаад̇у…бз… д̇хаммад̇хаад̇у – ид̣̇ам̣ вужжад̇и, бхигкавз, д̇хаад̇унаанад̇д̇ам̣’’.
91. Sāvatthiyaṃ viharati…pe… ‘‘bhadante’’ti te bhikkhū bhagavato paccassosuṃ. Bhagavā etadavoca – ‘‘dhātunānattaṃ, bhikkhave, paṭicca uppajjati saññānānattaṃ, saññānānattaṃ paṭicca uppajjati saṅkappanānattaṃ, saṅkappanānattaṃ paṭicca uppajjati chandanānattaṃ, chandanānattaṃ paṭicca uppajjati pariḷāhanānattaṃ, pariḷāhanānattaṃ paṭicca uppajjati pariyesanānānattaṃ. Katamañca, bhikkhave, dhātunānattaṃ? Rūpadhātu…pe… dhammadhātu – idaṃ vuccati, bhikkhave, dhātunānattaṃ’’.
‘‘гат̇ан̃жа , бхигкавз, д̇хаад̇унаанад̇д̇ам̣ бадижжа уббаж̇ж̇ад̇и сан̃н̃аанаанад̇д̇ам̣, сан̃н̃аанаанад̇д̇ам̣ бадижжа уббаж̇ж̇ад̇и сан̇габбанаанад̇д̇ам̣, сан̇габбанаанад̇д̇ам̣ бадижжа уббаж̇ж̇ад̇и чанд̣̇анаанад̇д̇ам̣, чанд̣̇анаанад̇д̇ам̣ бадижжа уббаж̇ж̇ад̇и барил̣ааханаанад̇д̇ам̣, барил̣ааханаанад̇д̇ам̣ бадижжа уббаж̇ж̇ад̇и бариязсанаанаанад̇д̇ам̣?
‘‘Kathañca , bhikkhave, dhātunānattaṃ paṭicca uppajjati saññānānattaṃ, saññānānattaṃ paṭicca uppajjati saṅkappanānattaṃ, saṅkappanānattaṃ paṭicca uppajjati chandanānattaṃ, chandanānattaṃ paṭicca uppajjati pariḷāhanānattaṃ, pariḷāhanānattaṃ paṭicca uppajjati pariyesanānānattaṃ?
‘‘руубад̇хаад̇ум̣, бхигкавз, бадижжа уббаж̇ж̇ад̇и руубасан̃н̃аа , руубасан̃н̃ам̣ бадижжа уббаж̇ж̇ад̇и руубасан̇габбо, руубасан̇габбам̣ бадижжа уббаж̇ж̇ад̇и руубажчанд̣̇о, руубажчанд̣̇ам̣ бадижжа уббаж̇ж̇ад̇и руубабарил̣аахо, руубабарил̣аахам̣ бадижжа уббаж̇ж̇ад̇и руубабариязсанаа…бз… д̇хаммад̇хаад̇ум̣ бадижжа уббаж̇ж̇ад̇и д̇хаммасан̃н̃аа, д̇хаммасан̃н̃ам̣ бадижжа уббаж̇ж̇ад̇и д̇хаммасан̇габбо, д̇хаммасан̇габбам̣ бадижжа уббаж̇ж̇ад̇и д̇хаммажчанд̣̇о, д̇хаммажчанд̣̇ам̣ бадижжа уббаж̇ж̇ад̇и д̇хаммабарил̣аахо, д̇хаммабарил̣аахам̣ бадижжа уббаж̇ж̇ад̇и д̇хаммабариязсанаа.
‘‘Rūpadhātuṃ, bhikkhave, paṭicca uppajjati rūpasaññā , rūpasaññaṃ paṭicca uppajjati rūpasaṅkappo, rūpasaṅkappaṃ paṭicca uppajjati rūpacchando, rūpacchandaṃ paṭicca uppajjati rūpapariḷāho, rūpapariḷāhaṃ paṭicca uppajjati rūpapariyesanā…pe… dhammadhātuṃ paṭicca uppajjati dhammasaññā, dhammasaññaṃ paṭicca uppajjati dhammasaṅkappo, dhammasaṅkappaṃ paṭicca uppajjati dhammacchando, dhammacchandaṃ paṭicca uppajjati dhammapariḷāho, dhammapariḷāhaṃ paṭicca uppajjati dhammapariyesanā.
‘‘звам̣, ко, бхигкавз, д̇хаад̇унаанад̇д̇ам̣ бадижжа уббаж̇ж̇ад̇и сан̃н̃аанаанад̇д̇ам̣, сан̃н̃аанаанад̇д̇ам̣ бадижжа уббаж̇ж̇ад̇и сан̇габбанаанад̇д̇ам̣, сан̇габбанаанад̇д̇ам̣ бадижжа уббаж̇ж̇ад̇и чанд̣̇анаанад̇д̇ам̣, чанд̣̇анаанад̇д̇ам̣ бадижжа уббаж̇ж̇ад̇и барил̣ааханаанад̇д̇ам̣, барил̣ааханаанад̇д̇ам̣ бадижжа уббаж̇ж̇ад̇и бариязсанаанаанад̇д̇а’’нд̇и. сад̇д̇амам̣.
‘‘Evaṃ, kho, bhikkhave, dhātunānattaṃ paṭicca uppajjati saññānānattaṃ, saññānānattaṃ paṭicca uppajjati saṅkappanānattaṃ, saṅkappanānattaṃ paṭicca uppajjati chandanānattaṃ, chandanānattaṃ paṭicca uppajjati pariḷāhanānattaṃ, pariḷāhanānattaṃ paṭicca uppajjati pariyesanānānatta’’nti. Sattamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. сан̃н̃аанаанад̇д̇асуд̇д̇аван̣н̣анаа • 7. Saññānānattasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. сан̃н̃аанаанад̇д̇асуд̇д̇аван̣н̣анаа • 7. Saññānānattasuttavaṇṇanā
