| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
7. ஸஞ்ஞானானத்தஸுத்தவண்ணனா
7. Saññānānattasuttavaṇṇanā
91. ஸத்தமே ரூபதா⁴தூதி ஆபாதே² பதிதங் அத்தனோ வா பரஸ்ஸ வா ஸாடகவேட²னாதி³வத்து²கங் ரூபாரம்மணங். ரூபஸஞ்ஞாதி சக்கு²விஞ்ஞாணஸம்பயுத்தா ஸஞ்ஞா. ரூபஸங்கப்போதி ஸம்படிச்ச²னாதீ³ஹி தீஹி சித்தேஹி ஸம்பயுத்தோ ஸங்கப்போ. ரூபச்ச²ந்தோ³தி ரூபே ச²ந்தி³கதட்டே²ன ச²ந்தோ³. ரூபபரிளாஹோதி ரூபே அனுட³ஹனட்டே²ன பரிளாஹோ. ரூபபரியேஸனாதி பரிளாஹே உப்பன்னே ஸந்தி³ட்ட²ஸம்ப⁴த்தே க³ஹெத்வா தஸ்ஸ ரூபஸ்ஸ படிலாப⁴த்தா²ய பரியேஸனா. எத்த² ச ஸஞ்ஞாஸங்கப்பச²ந்தா³ ஏகஜவனவாரேபி நானாஜவனவாரேபி லப்³ப⁴ந்தி, பரிளாஹபரியேஸனா பன நானாஜவனவாரேயேவ லப்³ப⁴ந்தீதி. ஏவங் கோ², பி⁴க்க²வே, தா⁴துனானத்தந்தி எத்த² ச ஏவங் ரூபாதி³னானாஸபா⁴வங் தா⁴துங் படிச்ச ரூபஸஞ்ஞாதி³னானாஸபா⁴வஸஞ்ஞா உப்பஜ்ஜதீதி இமினா நயேன அத்தோ² வேதி³தப்³போ³. ஸத்தமங்.
91. Sattame rūpadhātūti āpāthe patitaṃ attano vā parassa vā sāṭakaveṭhanādivatthukaṃ rūpārammaṇaṃ. Rūpasaññāti cakkhuviññāṇasampayuttā saññā. Rūpasaṅkappoti sampaṭicchanādīhi tīhi cittehi sampayutto saṅkappo. Rūpacchandoti rūpe chandikataṭṭhena chando. Rūpapariḷāhoti rūpe anuḍahanaṭṭhena pariḷāho. Rūpapariyesanāti pariḷāhe uppanne sandiṭṭhasambhatte gahetvā tassa rūpassa paṭilābhatthāya pariyesanā. Ettha ca saññāsaṅkappachandā ekajavanavārepi nānājavanavārepi labbhanti, pariḷāhapariyesanā pana nānājavanavāreyeva labbhantīti. Evaṃ kho, bhikkhave, dhātunānattanti ettha ca evaṃ rūpādinānāsabhāvaṃ dhātuṃ paṭicca rūpasaññādinānāsabhāvasaññā uppajjatīti iminā nayena attho veditabbo. Sattamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 7. ஸஞ்ஞானானத்தஸுத்தங் • 7. Saññānānattasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 7. ஸஞ்ஞானானத்தஸுத்தவண்ணனா • 7. Saññānānattasuttavaṇṇanā
