| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
7. сан̃н̃аанаанад̇д̇асуд̇д̇аван̣н̣анаа
7. Saññānānattasuttavaṇṇanā
91. аабаат̇з бад̇ид̇анд̇и жагкусса аабаат̇аг̇ад̇ам̣ саадагавзтанаад̣̇исан̃н̃ид̇ам̣ бхууд̇асан̇гхаад̇ам̣ саммаа ниссид̇ам̣. жагкуд̣̇ваарз самбадижчанаад̣̇исамбаяуд̇д̇асан̃н̃аанам̣ сан̇габбаг̇ад̇игад̇д̇аа, жагкувин̃н̃аан̣асамбаяуд̇д̇асан̃н̃ааг̇ахан̣знзва ваа г̇ахзд̇аб̣б̣ад̇о ‘‘руубасан̃н̃аад̇и жагкувин̃н̃аан̣асамбаяуд̇д̇аа сан̃н̃аа’’д̇и вуд̇д̇ам̣ д̇ад̇т̇а сан̃н̃ааяа зва лаб̣бханад̇о. зд̇знзва хи д̇ам̣самбаяуд̇д̇о сан̇габбод̇и ид̣̇амби сам̣ван̣н̣ид̇анд̇и д̣̇адтаб̣б̣ам̣. д̇знааха ‘‘сан̃н̃аасан̇габбачанд̣̇аа згаж̇аванаваарзби наанааж̇аванаваарзби лаб̣бханд̇ий’’д̇и. ж̇аванасамбаяуд̇д̇асса вид̇аггасса чанд̣̇аг̇ад̇игад̇д̇аа вуд̇д̇ам̣ ‘‘д̇ийхи жид̇д̇зхи самбаяуд̇д̇о сан̇габбо’’д̇и. чанд̣̇игад̇адтзнаад̇и чанд̣̇агаран̣адтзна, ижчид̇адтзнаад̇и ад̇т̇о. ануд̣аханадтзнаад̇и барид̣аханадтзна. санниссаяад̣аахарасаа хи рааг̇аг̇г̇иаад̣̇аяо ‘‘руубз’’д̇и бана д̇асса аарамман̣ад̣̇ассанамзд̇ам̣. барил̣ааход̇и барил̣аахасийсзна абзгкам̣ вад̣̇ад̇и. д̇знааха ‘‘барил̣аахз уббаннз’’д̇иаад̣̇и. ‘‘барил̣аахо’’д̇и д̣̇ал̣хаж̇жхосаанаа б̣алаваагаараббад̇д̇аа вуд̇д̇аад̇и ааха ‘‘барил̣аахабариязсанаа бана наанааж̇аванаваарзязва лаб̣бханд̇ий’’д̇и. д̇аасам̣ лад̣̇д̇хуубаниссаяабхаавад̇од̇и д̣̇ассзд̇и. иминаа наязнаад̇и ‘‘уббаж̇ж̇ад̇и сан̃н̃аанаанад̇д̇а’’нд̇и зд̇т̇а вуд̇д̇анаязна ад̇т̇о взд̣̇ид̇аб̣б̣о. ‘‘руубасан̃н̃аад̣̇инаанаасабхаавам̣ сан̃н̃ам̣ бадижжа гаамасан̇габбаад̣̇инаанаасабхааво сан̇габбо уббаж̇ж̇ад̇ий’’д̇иаад̣̇инаа наязна взд̣̇ид̇аб̣б̣о.
91.Āpāthe patitanti cakkhussa āpāthagataṃ sāṭakaveṭhanādisaññitaṃ bhūtasaṅghātaṃ sammā nissitaṃ. Cakkhudvāre sampaṭicchanādisampayuttasaññānaṃ saṅkappagatikattā, cakkhuviññāṇasampayuttasaññāgahaṇeneva vā gahetabbato ‘‘rūpasaññāti cakkhuviññāṇasampayuttā saññā’’ti vuttaṃ tattha saññāya eva labbhanato. Eteneva hi taṃsampayutto saṅkappoti idampi saṃvaṇṇitanti daṭṭhabbaṃ. Tenāha ‘‘saññāsaṅkappachandā ekajavanavārepi nānājavanavārepi labbhantī’’ti. Javanasampayuttassa vitakkassa chandagatikattā vuttaṃ ‘‘tīhi cittehi sampayutto saṅkappo’’ti. Chandikataṭṭhenāti chandakaraṇaṭṭhena, icchitaṭṭhenāti attho. Anuḍahanaṭṭhenāti pariḍahanaṭṭhena. Sannissayaḍāharasā hi rāgaggiādayo ‘‘rūpe’’ti pana tassa ārammaṇadassanametaṃ. Pariḷāhoti pariḷāhasīsena apekkhaṃ vadati. Tenāha ‘‘pariḷāhe uppanne’’tiādi. ‘‘Pariḷāho’’ti daḷhajjhosānā balavākārappattā vuttāti āha ‘‘pariḷāhapariyesanā pana nānājavanavāreyeva labbhantī’’ti. Tāsaṃ laddhūpanissayabhāvatoti dasseti. Iminā nayenāti ‘‘uppajjati saññānānatta’’nti ettha vuttanayena attho veditabbo. ‘‘Rūpasaññādinānāsabhāvaṃ saññaṃ paṭicca kāmasaṅkappādinānāsabhāvo saṅkappo uppajjatī’’tiādinā nayena veditabbo.
сан̃н̃аанаанад̇д̇асуд̇д̇аван̣н̣анаа нидтид̇аа.
Saññānānattasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. сан̃н̃аанаанад̇д̇асуд̇д̇ам̣ • 7. Saññānānattasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. сан̃н̃аанаанад̇д̇асуд̇д̇аван̣н̣анаа • 7. Saññānānattasuttavaṇṇanā
