| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๗. สญฺญานานตฺตสุตฺตวณฺณนา
7. Saññānānattasuttavaṇṇanā
๙๑. สตฺตเม รูปธาตูติ อาปาเถ ปติตํ อตฺตโน วา ปรสฺส วา สาฎกเวฐนาทิวตฺถุกํ รูปารมฺมณํฯ รูปสญฺญาติ จกฺขุวิญฺญาณสมฺปยุตฺตา สญฺญาฯ รูปสงฺกโปฺปติ สมฺปฎิจฺฉนาทีหิ ตีหิ จิเตฺตหิ สมฺปยุโตฺต สงฺกโปฺปฯ รูปจฺฉโนฺทติ รูเป ฉนฺทิกตเฎฺฐน ฉโนฺทฯ รูปปริฬาโหติ รูเป อนุฑหนเฎฺฐน ปริฬาโหฯ รูปปริเยสนาติ ปริฬาเห อุปฺปเนฺน สนฺทิฎฺฐสมฺภเตฺต คเหตฺวา ตสฺส รูปสฺส ปฎิลาภตฺถาย ปริเยสนาฯ เอตฺถ จ สญฺญาสงฺกปฺปฉนฺทา เอกชวนวาเรปิ นานาชวนวาเรปิ ลพฺภนฺติ, ปริฬาหปริเยสนา ปน นานาชวนวาเรเยว ลพฺภนฺตีติฯ เอวํ โข, ภิกฺขเว, ธาตุนานตฺตนฺติ เอตฺถ จ เอวํ รูปาทินานาสภาวํ ธาตุํ ปฎิจฺจ รูปสญฺญาทินานาสภาวสญฺญา อุปฺปชฺชตีติ อิมินา นเยน อโตฺถ เวทิตโพฺพฯ สตฺตมํฯ
91. Sattame rūpadhātūti āpāthe patitaṃ attano vā parassa vā sāṭakaveṭhanādivatthukaṃ rūpārammaṇaṃ. Rūpasaññāti cakkhuviññāṇasampayuttā saññā. Rūpasaṅkappoti sampaṭicchanādīhi tīhi cittehi sampayutto saṅkappo. Rūpacchandoti rūpe chandikataṭṭhena chando. Rūpapariḷāhoti rūpe anuḍahanaṭṭhena pariḷāho. Rūpapariyesanāti pariḷāhe uppanne sandiṭṭhasambhatte gahetvā tassa rūpassa paṭilābhatthāya pariyesanā. Ettha ca saññāsaṅkappachandā ekajavanavārepi nānājavanavārepi labbhanti, pariḷāhapariyesanā pana nānājavanavāreyeva labbhantīti. Evaṃ kho, bhikkhave, dhātunānattanti ettha ca evaṃ rūpādinānāsabhāvaṃ dhātuṃ paṭicca rūpasaññādinānāsabhāvasaññā uppajjatīti iminā nayena attho veditabbo. Sattamaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๗. สญฺญานานตฺตสุตฺตํ • 7. Saññānānattasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๗. สญฺญานานตฺตสุตฺตวณฺณนา • 7. Saññānānattasuttavaṇṇanā
