| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༧. སཉྙཱནཱནཏྟསུཏྟཝཎྞནཱ
7. Saññānānattasuttavaṇṇanā
༩༡. སཏྟམེ རཱུཔདྷཱཏཱུཏི ཨཱཔཱཐེ པཏིཏཾ ཨཏྟནོ ཝཱ པརསྶ ཝཱ སཱཊཀཝེཋནཱདིཝཏྠུཀཾ རཱུཔཱརམྨཎཾ། རཱུཔསཉྙཱཏི ཙཀྑུཝིཉྙཱཎསམྤཡུཏྟཱ སཉྙཱ། རཱུཔསངྐཔྤོཏི སམྤཊིཙྪནཱདཱིཧི ཏཱིཧི ཙིཏྟེཧི སམྤཡུཏྟོ སངྐཔྤོ། རཱུཔཙྪནྡོཏི རཱུཔེ ཚནྡིཀཏཊྛེན ཚནྡོ། རཱུཔཔརིལཱ༹ཧོཏི རཱུཔེ ཨནུཌཧནཊྛེན པརིལཱ༹ཧོ། རཱུཔཔརིཡེསནཱཏི པརིལཱ༹ཧེ ཨུཔྤནྣེ སནྡིཊྛསམྦྷཏྟེ གཧེཏྭཱ ཏསྶ རཱུཔསྶ པཊིལཱབྷཏྠཱཡ པརིཡེསནཱ། ཨེཏྠ ཙ སཉྙཱསངྐཔྤཚནྡཱ ཨེཀཛཝནཝཱརེཔི ནཱནཱཛཝནཝཱརེཔི ལབྦྷནྟི, པརིལཱ༹ཧཔརིཡེསནཱ པན ནཱནཱཛཝནཝཱརེཡེཝ ལབྦྷནྟཱིཏི། ཨེཝཾ ཁོ, བྷིཀྑཝེ, དྷཱཏུནཱནཏྟནྟི ཨེཏྠ ཙ ཨེཝཾ རཱུཔཱདིནཱནཱསབྷཱཝཾ དྷཱཏུཾ པཊིཙྩ རཱུཔསཉྙཱདིནཱནཱསབྷཱཝསཉྙཱ ཨུཔྤཛྫཏཱིཏི ཨིམིནཱ ནཡེན ཨཏྠོ ཝེདིཏབྦོ། སཏྟམཾ།
91. Sattame rūpadhātūti āpāthe patitaṃ attano vā parassa vā sāṭakaveṭhanādivatthukaṃ rūpārammaṇaṃ. Rūpasaññāti cakkhuviññāṇasampayuttā saññā. Rūpasaṅkappoti sampaṭicchanādīhi tīhi cittehi sampayutto saṅkappo. Rūpacchandoti rūpe chandikataṭṭhena chando. Rūpapariḷāhoti rūpe anuḍahanaṭṭhena pariḷāho. Rūpapariyesanāti pariḷāhe uppanne sandiṭṭhasambhatte gahetvā tassa rūpassa paṭilābhatthāya pariyesanā. Ettha ca saññāsaṅkappachandā ekajavanavārepi nānājavanavārepi labbhanti, pariḷāhapariyesanā pana nānājavanavāreyeva labbhantīti. Evaṃ kho, bhikkhave, dhātunānattanti ettha ca evaṃ rūpādinānāsabhāvaṃ dhātuṃ paṭicca rūpasaññādinānāsabhāvasaññā uppajjatīti iminā nayena attho veditabbo. Sattamaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༧. སཉྙཱནཱནཏྟསུཏྟཾ • 7. Saññānānattasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༧. སཉྙཱནཱནཏྟསུཏྟཝཎྞནཱ • 7. Saññānānattasuttavaṇṇanā
