| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൭. സഞ്ഞാനാനത്തസുത്തവണ്ണനാ
7. Saññānānattasuttavaṇṇanā
൯൧. സത്തമേ രൂപധാതൂതി ആപാഥേ പതിതം അത്തനോ വാ പരസ്സ വാ സാടകവേഠനാദിവത്ഥുകം രൂപാരമ്മണം. രൂപസഞ്ഞാതി ചക്ഖുവിഞ്ഞാണസമ്പയുത്താ സഞ്ഞാ. രൂപസങ്കപ്പോതി സമ്പടിച്ഛനാദീഹി തീഹി ചിത്തേഹി സമ്പയുത്തോ സങ്കപ്പോ. രൂപച്ഛന്ദോതി രൂപേ ഛന്ദികതട്ഠേന ഛന്ദോ. രൂപപരിളാഹോതി രൂപേ അനുഡഹനട്ഠേന പരിളാഹോ. രൂപപരിയേസനാതി പരിളാഹേ ഉപ്പന്നേ സന്ദിട്ഠസമ്ഭത്തേ ഗഹേത്വാ തസ്സ രൂപസ്സ പടിലാഭത്ഥായ പരിയേസനാ. ഏത്ഥ ച സഞ്ഞാസങ്കപ്പഛന്ദാ ഏകജവനവാരേപി നാനാജവനവാരേപി ലബ്ഭന്തി, പരിളാഹപരിയേസനാ പന നാനാജവനവാരേയേവ ലബ്ഭന്തീതി. ഏവം ഖോ, ഭിക്ഖവേ, ധാതുനാനത്തന്തി ഏത്ഥ ച ഏവം രൂപാദിനാനാസഭാവം ധാതും പടിച്ച രൂപസഞ്ഞാദിനാനാസഭാവസഞ്ഞാ ഉപ്പജ്ജതീതി ഇമിനാ നയേന അത്ഥോ വേദിതബ്ബോ. സത്തമം.
91. Sattame rūpadhātūti āpāthe patitaṃ attano vā parassa vā sāṭakaveṭhanādivatthukaṃ rūpārammaṇaṃ. Rūpasaññāti cakkhuviññāṇasampayuttā saññā. Rūpasaṅkappoti sampaṭicchanādīhi tīhi cittehi sampayutto saṅkappo. Rūpacchandoti rūpe chandikataṭṭhena chando. Rūpapariḷāhoti rūpe anuḍahanaṭṭhena pariḷāho. Rūpapariyesanāti pariḷāhe uppanne sandiṭṭhasambhatte gahetvā tassa rūpassa paṭilābhatthāya pariyesanā. Ettha ca saññāsaṅkappachandā ekajavanavārepi nānājavanavārepi labbhanti, pariḷāhapariyesanā pana nānājavanavāreyeva labbhantīti. Evaṃ kho, bhikkhave, dhātunānattanti ettha ca evaṃ rūpādinānāsabhāvaṃ dhātuṃ paṭicca rūpasaññādinānāsabhāvasaññā uppajjatīti iminā nayena attho veditabbo. Sattamaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൭. സഞ്ഞാനാനത്തസുത്തം • 7. Saññānānattasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൭. സഞ്ഞാനാനത്തസുത്തവണ്ണനാ • 7. Saññānānattasuttavaṇṇanā
