| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
(৭) ২. সঞ্ঞাৰগ্গো
(7) 2. Saññāvaggo
১-৫. সঞ্ঞাসুত্তাদিৰণ্ণনা
1-5. Saññāsuttādivaṇṇanā
৬১-৬৫. দুতিযস্স পঠমে ‘‘মহপ্ফলা মহানিসংসা’’তি উভযম্পেতং অত্থতো একং, ব্যঞ্জনমেৰ নানন্তি আহ ‘‘মহপ্ফলা’’তিআদি। ‘‘পঞ্চিমে গহপতযো আনিসংসা’’তিআদীসু (উদা॰ ৭৬) আনিসংস-সদ্দো ফলপরিযাযোপি হোতি । মহতো লোকুত্তরস্স সুখস্স পচ্চযা হোন্তীতি মহানিসংসা। অমতোগধাতি অমতব্ভন্তরা অমতং অনুপ্পৰিট্ঠা নিব্বানদিট্ঠত্তা, ততো পরং ন গচ্ছন্তি। তেন ৰুত্তং ‘‘অমতপরিযোসানা’’তি। অমতং পরিযোসানং অৰসানং এতাসন্তি অমতপরিযোসানা। মরণসঞ্ঞাতি মরণানুপস্সনাঞাণেন সঞ্ঞা। আহারে পটিকূলসঞ্ঞাতি আহারং গমনাদিৰসেন পটিকূলতো পরিগ্গণ্হন্তস্স উপ্পন্নসঞ্ঞা। উক্কণ্ঠিতস্সাতি নিব্বিন্দন্তস্স কত্থচিপি অসজ্জন্তস্স। দুতিযাদীনি উত্তানত্থানেৰ।
61-65. Dutiyassa paṭhame ‘‘mahapphalā mahānisaṃsā’’ti ubhayampetaṃ atthato ekaṃ, byañjanameva nānanti āha ‘‘mahapphalā’’tiādi. ‘‘Pañcime gahapatayo ānisaṃsā’’tiādīsu (udā. 76) ānisaṃsa-saddo phalapariyāyopi hoti . Mahato lokuttarassa sukhassa paccayā hontīti mahānisaṃsā. Amatogadhāti amatabbhantarā amataṃ anuppaviṭṭhā nibbānadiṭṭhattā, tato paraṃ na gacchanti. Tena vuttaṃ ‘‘amatapariyosānā’’ti. Amataṃ pariyosānaṃ avasānaṃ etāsanti amatapariyosānā. Maraṇasaññāti maraṇānupassanāñāṇena saññā. Āhāre paṭikūlasaññāti āhāraṃ gamanādivasena paṭikūlato pariggaṇhantassa uppannasaññā. Ukkaṇṭhitassāti nibbindantassa katthacipi asajjantassa. Dutiyādīni uttānatthāneva.
সঞ্ঞাসুত্তাদিৰণ্ণনা নিট্ঠিতা।
Saññāsuttādivaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya
১. পঠমসঞ্ঞাসুত্তং • 1. Paṭhamasaññāsuttaṃ
২. দুতিযসঞ্ঞাসুত্তং • 2. Dutiyasaññāsuttaṃ
৩. পঠমৰড্ঢিসুত্তং • 3. Paṭhamavaḍḍhisuttaṃ
৪. দুতিযৰড্ঢিসুত্তং • 4. Dutiyavaḍḍhisuttaṃ
৫. সাকচ্ছসুত্তং • 5. Sākacchasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā)
১-২. সঞ্ঞাসুত্তদ্ৰযৰণ্ণনা • 1-2. Saññāsuttadvayavaṇṇanā
৩-৪. ৰড্ঢসুত্তদ্ৰযৰণ্ণনা • 3-4. Vaḍḍhasuttadvayavaṇṇanā
৫. সাকচ্ছসুত্তৰণ্ণনা • 5. Sākacchasuttavaṇṇanā
