| Library / Tipiṭaka / तिपिटक • Tipiṭaka / अङ्गुत्तरनिकाय (टीका) • Aṅguttaranikāya (ṭīkā) |
(७) २. सञ्ञावग्गो
(7) 2. Saññāvaggo
१-५. सञ्ञासुत्तादिवण्णना
1-5. Saññāsuttādivaṇṇanā
६१-६५. दुतियस्स पठमे ‘‘महप्फला महानिसंसा’’ति उभयम्पेतं अत्थतो एकं, ब्यञ्जनमेव नानन्ति आह ‘‘महप्फला’’तिआदि। ‘‘पञ्चिमे गहपतयो आनिसंसा’’तिआदीसु (उदा॰ ७६) आनिसंस-सद्दो फलपरियायोपि होति । महतो लोकुत्तरस्स सुखस्स पच्चया होन्तीति महानिसंसा। अमतोगधाति अमतब्भन्तरा अमतं अनुप्पविट्ठा निब्बानदिट्ठत्ता, ततो परं न गच्छन्ति। तेन वुत्तं ‘‘अमतपरियोसाना’’ति। अमतं परियोसानं अवसानं एतासन्ति अमतपरियोसाना। मरणसञ्ञाति मरणानुपस्सनाञाणेन सञ्ञा। आहारे पटिकूलसञ्ञाति आहारं गमनादिवसेन पटिकूलतो परिग्गण्हन्तस्स उप्पन्नसञ्ञा। उक्कण्ठितस्साति निब्बिन्दन्तस्स कत्थचिपि असज्जन्तस्स। दुतियादीनि उत्तानत्थानेव।
61-65. Dutiyassa paṭhame ‘‘mahapphalā mahānisaṃsā’’ti ubhayampetaṃ atthato ekaṃ, byañjanameva nānanti āha ‘‘mahapphalā’’tiādi. ‘‘Pañcime gahapatayo ānisaṃsā’’tiādīsu (udā. 76) ānisaṃsa-saddo phalapariyāyopi hoti . Mahato lokuttarassa sukhassa paccayā hontīti mahānisaṃsā. Amatogadhāti amatabbhantarā amataṃ anuppaviṭṭhā nibbānadiṭṭhattā, tato paraṃ na gacchanti. Tena vuttaṃ ‘‘amatapariyosānā’’ti. Amataṃ pariyosānaṃ avasānaṃ etāsanti amatapariyosānā. Maraṇasaññāti maraṇānupassanāñāṇena saññā. Āhāre paṭikūlasaññāti āhāraṃ gamanādivasena paṭikūlato pariggaṇhantassa uppannasaññā. Ukkaṇṭhitassāti nibbindantassa katthacipi asajjantassa. Dutiyādīni uttānatthāneva.
सञ्ञासुत्तादिवण्णना निट्ठिता।
Saññāsuttādivaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya
१. पठमसञ्ञासुत्तं • 1. Paṭhamasaññāsuttaṃ
२. दुतियसञ्ञासुत्तं • 2. Dutiyasaññāsuttaṃ
३. पठमवड्ढिसुत्तं • 3. Paṭhamavaḍḍhisuttaṃ
४. दुतियवड्ढिसुत्तं • 4. Dutiyavaḍḍhisuttaṃ
५. साकच्छसुत्तं • 5. Sākacchasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā)
१-२. सञ्ञासुत्तद्वयवण्णना • 1-2. Saññāsuttadvayavaṇṇanā
३-४. वड्ढसुत्तद्वयवण्णना • 3-4. Vaḍḍhasuttadvayavaṇṇanā
५. साकच्छसुत्तवण्णना • 5. Sākacchasuttavaṇṇanā
