| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
(၇) ၂. သညာဝဂ္ဂော
(7) 2. Saññāvaggo
၁-၅. သညာသုတ္တာဒိဝဏ္ဏနာ
1-5. Saññāsuttādivaṇṇanā
၆၁-၆၅. ဒုတိယသ္သ ပဌမေ ‘‘မဟပ္ဖလာ မဟာနိသံသာ’’တိ ဥဘယမ္ပေတံ အတ္ထတော ဧကံ, ဗ္ယဉ္ဇနမေဝ နာနန္တိ အာဟ ‘‘မဟပ္ဖလာ’’တိအာဒိ။ ‘‘ပဉ္စိမေ ဂဟပတယော အာနိသံသာ’’တိအာဒီသု (ဥဒာ. ၇၆) အာနိသံသ-သဒ္ဒော ဖလပရိယာယောပိ ဟောတိ ။ မဟတော လောကုတ္တရသ္သ သုခသ္သ ပစ္စယာ ဟောန္တီတိ မဟာနိသံသာ။ အမတောဂဓာတိ အမတဗ္ဘန္တရာ အမတံ အနုပ္ပဝိဋ္ဌာ နိဗ္ဗာနဒိဋ္ဌတ္တာ, တတော ပရံ န ဂစ္ဆန္တိ။ တေန ဝုတ္တံ ‘‘အမတပရိယောသာနာ’’တိ။ အမတံ ပရိယောသာနံ အဝသာနံ ဧတာသန္တိ အမတပရိယောသာနာ။ မရဏသညာတိ မရဏာနုပသ္သနာဉာဏေန သညာ။ အာဟာရေ ပဋိကူလသညာတိ အာဟာရံ ဂမနာဒိဝသေန ပဋိကူလတော ပရိဂ္ဂဏ္ဟန္တသ္သ ဥပ္ပန္နသညာ။ ဥက္ကဏ္ဌိတသ္သာတိ နိဗ္ဗိန္ဒန္တသ္သ ကတ္ထစိပိ အသဇ္ဇန္တသ္သ။ ဒုတိယာဒီနိ ဥတ္တာနတ္ထာနေဝ။
61-65. Dutiyassa paṭhame ‘‘mahapphalā mahānisaṃsā’’ti ubhayampetaṃ atthato ekaṃ, byañjanameva nānanti āha ‘‘mahapphalā’’tiādi. ‘‘Pañcime gahapatayo ānisaṃsā’’tiādīsu (udā. 76) ānisaṃsa-saddo phalapariyāyopi hoti . Mahato lokuttarassa sukhassa paccayā hontīti mahānisaṃsā. Amatogadhāti amatabbhantarā amataṃ anuppaviṭṭhā nibbānadiṭṭhattā, tato paraṃ na gacchanti. Tena vuttaṃ ‘‘amatapariyosānā’’ti. Amataṃ pariyosānaṃ avasānaṃ etāsanti amatapariyosānā. Maraṇasaññāti maraṇānupassanāñāṇena saññā. Āhāre paṭikūlasaññāti āhāraṃ gamanādivasena paṭikūlato pariggaṇhantassa uppannasaññā. Ukkaṇṭhitassāti nibbindantassa katthacipi asajjantassa. Dutiyādīni uttānatthāneva.
သညာသုတ္တာဒိဝဏ္ဏနာ နိဋ္ဌိတာ။
Saññāsuttādivaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya
၁. ပဌမသညာသုတ္တံ • 1. Paṭhamasaññāsuttaṃ
၂. ဒုတိယသညာသုတ္တံ • 2. Dutiyasaññāsuttaṃ
၃. ပဌမဝဍ္ဎိသုတ္တံ • 3. Paṭhamavaḍḍhisuttaṃ
၄. ဒုတိယဝဍ္ဎိသုတ္တံ • 4. Dutiyavaḍḍhisuttaṃ
၅. သာကစ္ဆသုတ္တံ • 5. Sākacchasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā)
၁-၂. သညာသုတ္တဒ္ဝယဝဏ္ဏနာ • 1-2. Saññāsuttadvayavaṇṇanā
၃-၄. ဝဍ္ဎသုတ္တဒ္ဝယဝဏ္ဏနာ • 3-4. Vaḍḍhasuttadvayavaṇṇanā
၅. သာကစ္ဆသုတ္တဝဏ္ဏနာ • 5. Sākacchasuttavaṇṇanā
