| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) |
(೭) ೨. ಸಞ್ಞಾವಗ್ಗೋ
(7) 2. Saññāvaggo
೧-೫. ಸಞ್ಞಾಸುತ್ತಾದಿವಣ್ಣನಾ
1-5. Saññāsuttādivaṇṇanā
೬೧-೬೫. ದುತಿಯಸ್ಸ ಪಠಮೇ ‘‘ಮಹಪ್ಫಲಾ ಮಹಾನಿಸಂಸಾ’’ತಿ ಉಭಯಮ್ಪೇತಂ ಅತ್ಥತೋ ಏಕಂ, ಬ್ಯಞ್ಜನಮೇವ ನಾನನ್ತಿ ಆಹ ‘‘ಮಹಪ್ಫಲಾ’’ತಿಆದಿ। ‘‘ಪಞ್ಚಿಮೇ ಗಹಪತಯೋ ಆನಿಸಂಸಾ’’ತಿಆದೀಸು (ಉದಾ॰ ೭೬) ಆನಿಸಂಸ-ಸದ್ದೋ ಫಲಪರಿಯಾಯೋಪಿ ಹೋತಿ । ಮಹತೋ ಲೋಕುತ್ತರಸ್ಸ ಸುಖಸ್ಸ ಪಚ್ಚಯಾ ಹೋನ್ತೀತಿ ಮಹಾನಿಸಂಸಾ। ಅಮತೋಗಧಾತಿ ಅಮತಬ್ಭನ್ತರಾ ಅಮತಂ ಅನುಪ್ಪವಿಟ್ಠಾ ನಿಬ್ಬಾನದಿಟ್ಠತ್ತಾ, ತತೋ ಪರಂ ನ ಗಚ್ಛನ್ತಿ। ತೇನ ವುತ್ತಂ ‘‘ಅಮತಪರಿಯೋಸಾನಾ’’ತಿ। ಅಮತಂ ಪರಿಯೋಸಾನಂ ಅವಸಾನಂ ಏತಾಸನ್ತಿ ಅಮತಪರಿಯೋಸಾನಾ। ಮರಣಸಞ್ಞಾತಿ ಮರಣಾನುಪಸ್ಸನಾಞಾಣೇನ ಸಞ್ಞಾ। ಆಹಾರೇ ಪಟಿಕೂಲಸಞ್ಞಾತಿ ಆಹಾರಂ ಗಮನಾದಿವಸೇನ ಪಟಿಕೂಲತೋ ಪರಿಗ್ಗಣ್ಹನ್ತಸ್ಸ ಉಪ್ಪನ್ನಸಞ್ಞಾ। ಉಕ್ಕಣ್ಠಿತಸ್ಸಾತಿ ನಿಬ್ಬಿನ್ದನ್ತಸ್ಸ ಕತ್ಥಚಿಪಿ ಅಸಜ್ಜನ್ತಸ್ಸ। ದುತಿಯಾದೀನಿ ಉತ್ತಾನತ್ಥಾನೇವ।
61-65. Dutiyassa paṭhame ‘‘mahapphalā mahānisaṃsā’’ti ubhayampetaṃ atthato ekaṃ, byañjanameva nānanti āha ‘‘mahapphalā’’tiādi. ‘‘Pañcime gahapatayo ānisaṃsā’’tiādīsu (udā. 76) ānisaṃsa-saddo phalapariyāyopi hoti . Mahato lokuttarassa sukhassa paccayā hontīti mahānisaṃsā. Amatogadhāti amatabbhantarā amataṃ anuppaviṭṭhā nibbānadiṭṭhattā, tato paraṃ na gacchanti. Tena vuttaṃ ‘‘amatapariyosānā’’ti. Amataṃ pariyosānaṃ avasānaṃ etāsanti amatapariyosānā. Maraṇasaññāti maraṇānupassanāñāṇena saññā. Āhāre paṭikūlasaññāti āhāraṃ gamanādivasena paṭikūlato pariggaṇhantassa uppannasaññā. Ukkaṇṭhitassāti nibbindantassa katthacipi asajjantassa. Dutiyādīni uttānatthāneva.
ಸಞ್ಞಾಸುತ್ತಾದಿವಣ್ಣನಾ ನಿಟ್ಠಿತಾ।
Saññāsuttādivaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya
೧. ಪಠಮಸಞ್ಞಾಸುತ್ತಂ • 1. Paṭhamasaññāsuttaṃ
೨. ದುತಿಯಸಞ್ಞಾಸುತ್ತಂ • 2. Dutiyasaññāsuttaṃ
೩. ಪಠಮವಡ್ಢಿಸುತ್ತಂ • 3. Paṭhamavaḍḍhisuttaṃ
೪. ದುತಿಯವಡ್ಢಿಸುತ್ತಂ • 4. Dutiyavaḍḍhisuttaṃ
೫. ಸಾಕಚ್ಛಸುತ್ತಂ • 5. Sākacchasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā)
೧-೨. ಸಞ್ಞಾಸುತ್ತದ್ವಯವಣ್ಣನಾ • 1-2. Saññāsuttadvayavaṇṇanā
೩-೪. ವಡ್ಢಸುತ್ತದ್ವಯವಣ್ಣನಾ • 3-4. Vaḍḍhasuttadvayavaṇṇanā
೫. ಸಾಕಚ್ಛಸುತ್ತವಣ್ಣನಾ • 5. Sākacchasuttavaṇṇanā
