| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
5-6. ஸஞ்ஞாஸுத்தத்³வயவண்ணனா
5-6. Saññāsuttadvayavaṇṇanā
48-49. பஞ்சமே அமதோக³தா⁴தி நிப்³பா³னபதிட்டா². அமதபரியோஸானாதி நிப்³பா³னாவஸானா. ச²ட்டே² மேது²னத⁴ம்மஸமாபத்தியாதி மேது²னத⁴ம்மேன ஸமங்கி³பா⁴வதோ. ந்ஹாருத³த்³து³லந்தி ந்ஹாருக²ண்ட³ங் ந்ஹாருவிலேக²னங் வா. அனுஸந்த³தீதி பவத்ததி. நத்தி² மே புப்³பே³னாபரங் விஸேஸோதி நத்தி² மய்ஹங் புப்³பே³ன அபா⁴விதகாலேன ஸத்³தி⁴ங் அபரங் பா⁴விதகாலே விஸேஸோ. லோகசித்ரேஸூதி திதா⁴துகலோகஸன்னிவாஸஸங்கா²தேஸு லோகசித்ரேஸு. ஆலஸ்யேதி ஆலஸியபா⁴வே. விஸ்ஸட்டி²யேதி விஸ்ஸட்ட²பா⁴வே. அனநுயோகே³தி யோக³ஸ்ஸ அனநுயுஞ்ஜனே. அஹங்காரமமங்காரமானாபக³தந்தி அஹங்காரதி³ட்டி²தோ ச மமங்காரதண்ஹாதோ ச நவவித⁴மானதோ ச அபக³தங். விதா⁴ஸமதிக்கந்தந்தி திஸ்ஸோ விதா⁴ அதிக்கந்தங். ஸந்தந்தி தப்பச்சனீககிலேஸேஹி ஸந்தங். ஸுவிமுத்தந்தி பஞ்சஹி விமுத்தீஹி ஸுட்டு² விமுத்தங்.
48-49. Pañcame amatogadhāti nibbānapatiṭṭhā. Amatapariyosānāti nibbānāvasānā. Chaṭṭhe methunadhammasamāpattiyāti methunadhammena samaṅgibhāvato. Nhārudaddulanti nhārukhaṇḍaṃ nhāruvilekhanaṃ vā. Anusandatīti pavattati. Natthi me pubbenāparaṃ visesoti natthi mayhaṃ pubbena abhāvitakālena saddhiṃ aparaṃ bhāvitakāle viseso. Lokacitresūti tidhātukalokasannivāsasaṅkhātesu lokacitresu. Ālasyeti ālasiyabhāve. Vissaṭṭhiyeti vissaṭṭhabhāve. Ananuyogeti yogassa ananuyuñjane. Ahaṅkāramamaṅkāramānāpagatanti ahaṅkāradiṭṭhito ca mamaṅkārataṇhāto ca navavidhamānato ca apagataṃ. Vidhāsamatikkantanti tisso vidhā atikkantaṃ. Santanti tappaccanīkakilesehi santaṃ. Suvimuttanti pañcahi vimuttīhi suṭṭhu vimuttaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya
5. பட²மஸஞ்ஞாஸுத்தங் • 5. Paṭhamasaññāsuttaṃ
6. து³தியஸஞ்ஞாஸுத்தங் • 6. Dutiyasaññāsuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā)
4-5. து³தியஅக்³கி³ஸுத்தாதி³வண்ணனா • 4-5. Dutiyaaggisuttādivaṇṇanā
6. து³தியஸஞ்ஞாஸுத்தவண்ணனா • 6. Dutiyasaññāsuttavaṇṇanā
