| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๕-๖. สญฺญาสุตฺตทฺวยวณฺณนา
5-6. Saññāsuttadvayavaṇṇanā
๔๘-๔๙. ปญฺจเม อมโตคธาติ นิพฺพานปติฎฺฐาฯ อมตปริโยสานาติ นิพฺพานาวสานาฯ ฉเฎฺฐ เมถุนธมฺมสมาปตฺติยาติ เมถุนธเมฺมน สมงฺคิภาวโตฯ นฺหารุททฺทุลนฺติ นฺหารุขณฺฑํ นฺหารุวิเลขนํ วาฯ อนุสนฺทตีติ ปวตฺตติฯ นตฺถิ เม ปุเพฺพนาปรํ วิเสโสติ นตฺถิ มยฺหํ ปุเพฺพน อภาวิตกาเลน สทฺธิํ อปรํ ภาวิตกาเล วิเสโสฯ โลกจิเตฺรสูติ ติธาตุกโลกสนฺนิวาสสงฺขาเตสุ โลกจิเตฺรสุฯ อาลเสฺยติ อาลสิยภาเวฯ วิสฺสฎฺฐิเยติ วิสฺสฎฺฐภาเวฯ อนนุโยเคติ โยคสฺส อนนุยุญฺชเนฯ อหงฺการมมงฺการมานาปคตนฺติ อหงฺการทิฎฺฐิโต จ มมงฺการตณฺหาโต จ นววิธมานโต จ อปคตํฯ วิธาสมติกฺกนฺตนฺติ ติโสฺส วิธา อติกฺกนฺตํฯ สนฺตนฺติ ตปฺปจฺจนีกกิเลเสหิ สนฺตํฯ สุวิมุตฺตนฺติ ปญฺจหิ วิมุตฺตีหิ สุฎฺฐุ วิมุตฺตํฯ
48-49. Pañcame amatogadhāti nibbānapatiṭṭhā. Amatapariyosānāti nibbānāvasānā. Chaṭṭhe methunadhammasamāpattiyāti methunadhammena samaṅgibhāvato. Nhārudaddulanti nhārukhaṇḍaṃ nhāruvilekhanaṃ vā. Anusandatīti pavattati. Natthi me pubbenāparaṃ visesoti natthi mayhaṃ pubbena abhāvitakālena saddhiṃ aparaṃ bhāvitakāle viseso. Lokacitresūti tidhātukalokasannivāsasaṅkhātesu lokacitresu. Ālasyeti ālasiyabhāve. Vissaṭṭhiyeti vissaṭṭhabhāve. Ananuyogeti yogassa ananuyuñjane. Ahaṅkāramamaṅkāramānāpagatanti ahaṅkāradiṭṭhito ca mamaṅkārataṇhāto ca navavidhamānato ca apagataṃ. Vidhāsamatikkantanti tisso vidhā atikkantaṃ. Santanti tappaccanīkakilesehi santaṃ. Suvimuttanti pañcahi vimuttīhi suṭṭhu vimuttaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya
๕. ปฐมสญฺญาสุตฺตํ • 5. Paṭhamasaññāsuttaṃ
๖. ทุติยสญฺญาสุตฺตํ • 6. Dutiyasaññāsuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā)
๔-๕. ทุติยอคฺคิสุตฺตาทิวณฺณนา • 4-5. Dutiyaaggisuttādivaṇṇanā
๖. ทุติยสญฺญาสุตฺตวณฺณนา • 6. Dutiyasaññāsuttavaṇṇanā
