| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
៥-៦. សញ្ញាសុត្តទ្វយវណ្ណនា
5-6. Saññāsuttadvayavaṇṇanā
៤៨-៤៩. បញ្ចមេ អមតោគធាតិ និព្ពានបតិដ្ឋា។ អមតបរិយោសានាតិ និព្ពានាវសានា។ ឆដ្ឋេ មេថុនធម្មសមាបត្តិយាតិ មេថុនធម្មេន សមង្គិភាវតោ។ ន្ហារុទទ្ទុលន្តិ ន្ហារុខណ្ឌំ ន្ហារុវិលេខនំ វា។ អនុសន្ទតីតិ បវត្តតិ។ នត្ថិ មេ បុព្ពេនាបរំ វិសេសោតិ នត្ថិ មយ្ហំ បុព្ពេន អភាវិតកាលេន សទ្ធិំ អបរំ ភាវិតកាលេ វិសេសោ។ លោកចិត្រេសូតិ តិធាតុកលោកសន្និវាសសង្ខាតេសុ លោកចិត្រេសុ។ អាលស្យេតិ អាលសិយភាវេ។ វិស្សដ្ឋិយេតិ វិស្សដ្ឋភាវេ។ អននុយោគេតិ យោគស្ស អននុយុញ្ជនេ។ អហង្ការមមង្ការមានាបគតន្តិ អហង្ការទិដ្ឋិតោ ច មមង្ការតណ្ហាតោ ច នវវិធមានតោ ច អបគតំ។ វិធាសមតិក្កន្តន្តិ តិស្សោ វិធា អតិក្កន្តំ។ សន្តន្តិ តប្បច្ចនីកកិលេសេហិ សន្តំ។ សុវិមុត្តន្តិ បញ្ចហិ វិមុត្តីហិ សុដ្ឋុ វិមុត្តំ។
48-49. Pañcame amatogadhāti nibbānapatiṭṭhā. Amatapariyosānāti nibbānāvasānā. Chaṭṭhe methunadhammasamāpattiyāti methunadhammena samaṅgibhāvato. Nhārudaddulanti nhārukhaṇḍaṃ nhāruvilekhanaṃ vā. Anusandatīti pavattati. Natthi me pubbenāparaṃ visesoti natthi mayhaṃ pubbena abhāvitakālena saddhiṃ aparaṃ bhāvitakāle viseso. Lokacitresūti tidhātukalokasannivāsasaṅkhātesu lokacitresu. Ālasyeti ālasiyabhāve. Vissaṭṭhiyeti vissaṭṭhabhāve. Ananuyogeti yogassa ananuyuñjane. Ahaṅkāramamaṅkāramānāpagatanti ahaṅkāradiṭṭhito ca mamaṅkārataṇhāto ca navavidhamānato ca apagataṃ. Vidhāsamatikkantanti tisso vidhā atikkantaṃ. Santanti tappaccanīkakilesehi santaṃ. Suvimuttanti pañcahi vimuttīhi suṭṭhu vimuttaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya
៥. បឋមសញ្ញាសុត្តំ • 5. Paṭhamasaññāsuttaṃ
៦. ទុតិយសញ្ញាសុត្តំ • 6. Dutiyasaññāsuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā)
៤-៥. ទុតិយអគ្គិសុត្តាទិវណ្ណនា • 4-5. Dutiyaaggisuttādivaṇṇanā
៦. ទុតិយសញ្ញាសុត្តវណ្ណនា • 6. Dutiyasaññāsuttavaṇṇanā
