| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၅-၆. သညာသုတ္တဒ္ဝယဝဏ္ဏနာ
5-6. Saññāsuttadvayavaṇṇanā
၄၈-၄၉. ပဉ္စမေ အမတောဂဓာတိ နိဗ္ဗာနပတိဋ္ဌာ။ အမတပရိယောသာနာတိ နိဗ္ဗာနာဝသာနာ။ ဆဋ္ဌေ မေထုနဓမ္မသမာပတ္တိယာတိ မေထုနဓမ္မေန သမင္ဂိဘာဝတော။ န္ဟာရုဒဒ္ဒုလန္တိ န္ဟာရုခဏ္ဍံ န္ဟာရုဝိလေခနံ ဝာ။ အနုသန္ဒတီတိ ပဝတ္တတိ။ နတ္ထိ မေ ပုဗ္ဗေနာပရံ ဝိသေသောတိ နတ္ထိ မယ္ဟံ ပုဗ္ဗေန အဘာဝိတကာလေန သဒ္ဓိံ အပရံ ဘာဝိတကာလေ ဝိသေသော။ လောကစိတ္ရေသူတိ တိဓာတုကလောကသန္နိဝာသသင္ခာတေသု လောကစိတ္ရေသု။ အာလသ္ယေတိ အာလသိယဘာဝေ။ ဝိသ္သဋ္ဌိယေတိ ဝိသ္သဋ္ဌဘာဝေ။ အနနုယောဂေတိ ယောဂသ္သ အနနုယုဉ္ဇနေ။ အဟင္ကာရမမင္ကာရမာနာပဂတန္တိ အဟင္ကာရဒိဋ္ဌိတော စ မမင္ကာရတဏ္ဟာတော စ နဝဝိဓမာနတော စ အပဂတံ။ ဝိဓာသမတိက္ကန္တန္တိ တိသ္သော ဝိဓာ အတိက္ကန္တံ။ သန္တန္တိ တပ္ပစ္စနီကကိလေသေဟိ သန္တံ။ သုဝိမုတ္တန္တိ ပဉ္စဟိ ဝိမုတ္တီဟိ သုဋ္ဌု ဝိမုတ္တံ။
48-49. Pañcame amatogadhāti nibbānapatiṭṭhā. Amatapariyosānāti nibbānāvasānā. Chaṭṭhe methunadhammasamāpattiyāti methunadhammena samaṅgibhāvato. Nhārudaddulanti nhārukhaṇḍaṃ nhāruvilekhanaṃ vā. Anusandatīti pavattati. Natthi me pubbenāparaṃ visesoti natthi mayhaṃ pubbena abhāvitakālena saddhiṃ aparaṃ bhāvitakāle viseso. Lokacitresūti tidhātukalokasannivāsasaṅkhātesu lokacitresu. Ālasyeti ālasiyabhāve. Vissaṭṭhiyeti vissaṭṭhabhāve. Ananuyogeti yogassa ananuyuñjane. Ahaṅkāramamaṅkāramānāpagatanti ahaṅkāradiṭṭhito ca mamaṅkārataṇhāto ca navavidhamānato ca apagataṃ. Vidhāsamatikkantanti tisso vidhā atikkantaṃ. Santanti tappaccanīkakilesehi santaṃ. Suvimuttanti pañcahi vimuttīhi suṭṭhu vimuttaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya
၅. ပဌမသညာသုတ္တံ • 5. Paṭhamasaññāsuttaṃ
၆. ဒုတိယသညာသုတ္တံ • 6. Dutiyasaññāsuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā)
၄-၅. ဒုတိယအဂ္ဂိသုတ္တာဒိဝဏ္ဏနာ • 4-5. Dutiyaaggisuttādivaṇṇanā
၆. ဒုတိယသညာသုတ္တဝဏ္ဏနာ • 6. Dutiyasaññāsuttavaṇṇanā
