| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༥-༦. སཉྙཱསུཏྟདྭཡཝཎྞནཱ
5-6. Saññāsuttadvayavaṇṇanā
༤༨-༤༩. པཉྩམེ ཨམཏོགདྷཱཏི ནིབྦཱནཔཏིཊྛཱ། ཨམཏཔརིཡོསཱནཱཏི ནིབྦཱནཱཝསཱནཱ། ཚཊྛེ མེཐུནདྷམྨསམཱཔཏྟིཡཱཏི མེཐུནདྷམྨེན སམངྒིབྷཱཝཏོ། ནྷཱརུདདྡུལནྟི ནྷཱརུཁཎྜཾ ནྷཱརུཝིལེཁནཾ ཝཱ། ཨནུསནྡཏཱིཏི པཝཏྟཏི། ནཏྠི མེ པུབྦེནཱཔརཾ ཝིསེསོཏི ནཏྠི མཡ྄ཧཾ པུབྦེན ཨབྷཱཝིཏཀཱལེན སདྡྷིཾ ཨཔརཾ བྷཱཝིཏཀཱལེ ཝིསེསོ། ལོཀཙིཏྲེསཱུཏི ཏིདྷཱཏུཀལོཀསནྣིཝཱསསངྑཱཏེསུ ལོཀཙིཏྲེསུ། ཨཱལསྱེཏི ཨཱལསིཡབྷཱཝེ། ཝིསྶཊྛིཡེཏི ཝིསྶཊྛབྷཱཝེ། ཨནནུཡོགེཏི ཡོགསྶ ཨནནུཡུཉྫནེ། ཨཧངྐཱརམམངྐཱརམཱནཱཔགཏནྟི ཨཧངྐཱརདིཊྛིཏོ ཙ མམངྐཱརཏཎྷཱཏོ ཙ ནཝཝིདྷམཱནཏོ ཙ ཨཔགཏཾ། ཝིདྷཱསམཏིཀྐནྟནྟི ཏིསྶོ ཝིདྷཱ ཨཏིཀྐནྟཾ། སནྟནྟི ཏཔྤཙྩནཱིཀཀིལེསེཧི སནྟཾ། སུཝིམུཏྟནྟི པཉྩཧི ཝིམུཏྟཱིཧི སུཊྛུ ཝིམུཏྟཾ།
48-49. Pañcame amatogadhāti nibbānapatiṭṭhā. Amatapariyosānāti nibbānāvasānā. Chaṭṭhe methunadhammasamāpattiyāti methunadhammena samaṅgibhāvato. Nhārudaddulanti nhārukhaṇḍaṃ nhāruvilekhanaṃ vā. Anusandatīti pavattati. Natthi me pubbenāparaṃ visesoti natthi mayhaṃ pubbena abhāvitakālena saddhiṃ aparaṃ bhāvitakāle viseso. Lokacitresūti tidhātukalokasannivāsasaṅkhātesu lokacitresu. Ālasyeti ālasiyabhāve. Vissaṭṭhiyeti vissaṭṭhabhāve. Ananuyogeti yogassa ananuyuñjane. Ahaṅkāramamaṅkāramānāpagatanti ahaṅkāradiṭṭhito ca mamaṅkārataṇhāto ca navavidhamānato ca apagataṃ. Vidhāsamatikkantanti tisso vidhā atikkantaṃ. Santanti tappaccanīkakilesehi santaṃ. Suvimuttanti pañcahi vimuttīhi suṭṭhu vimuttaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya
༥. པཋམསཉྙཱསུཏྟཾ • 5. Paṭhamasaññāsuttaṃ
༦. དུཏིཡསཉྙཱསུཏྟཾ • 6. Dutiyasaññāsuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā)
༤-༥. དུཏིཡཨགྒིསུཏྟཱདིཝཎྞནཱ • 4-5. Dutiyaaggisuttādivaṇṇanā
༦. དུཏིཡསཉྙཱསུཏྟཝཎྞནཱ • 6. Dutiyasaññāsuttavaṇṇanā
