| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৪. সঞ্ঞাসুত্তং
4. Saññāsuttaṃ
১১০. ‘‘তযোমে , ভিক্খৰে, ধম্মা। কতমে তযো? কামসঞ্ঞা, ব্যাপাদসঞ্ঞা, ৰিহিংসাসঞ্ঞা। ইমে খো, ভিক্খৰে, তযো ধম্মা। ইমেসং খো, ভিক্খৰে, তিণ্ণং ধম্মানং পহানায তযো ধম্মা ভাৰেতব্বা। কতমে তযো? কামসঞ্ঞায পহানায নেক্খম্মসঞ্ঞা ভাৰেতব্বা, ব্যাপাদসঞ্ঞায পহানায অব্যাপাদসঞ্ঞা ভাৰেতব্বা, ৰিহিংসাসঞ্ঞায পহানায অৰিহিংসাসঞ্ঞা ভাৰেতব্বা। ইমেসং খো, ভিক্খৰে, তিণ্ণং ধম্মানং পহানায ইমে তযো ধম্মা ভাৰেতব্বা’’তি। চতুত্থং।
110. ‘‘Tayome , bhikkhave, dhammā. Katame tayo? Kāmasaññā, byāpādasaññā, vihiṃsāsaññā. Ime kho, bhikkhave, tayo dhammā. Imesaṃ kho, bhikkhave, tiṇṇaṃ dhammānaṃ pahānāya tayo dhammā bhāvetabbā. Katame tayo? Kāmasaññāya pahānāya nekkhammasaññā bhāvetabbā, byāpādasaññāya pahānāya abyāpādasaññā bhāvetabbā, vihiṃsāsaññāya pahānāya avihiṃsāsaññā bhāvetabbā. Imesaṃ kho, bhikkhave, tiṇṇaṃ dhammānaṃ pahānāya ime tayo dhammā bhāvetabbā’’ti. Catutthaṃ.
Related texts:
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-১১. পাতুভাৰসুত্তাদিৰণ্ণনা • 1-11. Pātubhāvasuttādivaṇṇanā
