| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
7. සඤ්‌ඤාසුත්‌තං
7. Saññāsuttaṃ
27. ‘‘සත්‌ත වො, භික්‌ඛවෙ, අපරිහානියෙ ධම්‌මෙ දෙසෙස්‌සාමි. තං සුණාථ, සාධුකං මනසි කරොථ…පෙ.…. කතමෙ ච, භික්‌ඛවෙ, සත්‌ත අපරිහානියා ධම්‌මා? යාවකීවඤ්‌ච, භික්‌ඛවෙ, භික්‌ඛූ අනිච්‌චසඤ්‌ඤං භාවෙස්‌සන්‌ති; වුද්‌ධියෙව, භික්‌ඛවෙ, භික්‌ඛූනං පාටිකඞ්‌ඛා, නො පරිහානි.
27. ‘‘Satta vo, bhikkhave, aparihāniye dhamme desessāmi. Taṃ suṇātha, sādhukaṃ manasi karotha…pe…. Katame ca, bhikkhave, satta aparihāniyā dhammā? Yāvakīvañca, bhikkhave, bhikkhū aniccasaññaṃ bhāvessanti; vuddhiyeva, bhikkhave, bhikkhūnaṃ pāṭikaṅkhā, no parihāni.
‘‘යාවකීවඤ්‌ච , භික්‌ඛවෙ, භික්‌ඛූ අනත්‌තසඤ්‌ඤං භාවෙස්‌සන්‌ති…පෙ.… අසුභසඤ්‌ඤං භාවෙස්‌සන්‌ති… ආදීනවසඤ්‌ඤං භාවෙස්‌සන්‌ති… පහානසඤ්‌ඤං භාවෙස්‌සන්‌ති… විරාගසඤ්‌ඤං භාවෙස්‌සන්‌ති… නිරොධසඤ්‌ඤං භාවෙස්‌සන්‌ති ; වුද්‌ධියෙව, භික්‌ඛවෙ, භික්‌ඛූනං පාටිකඞ්‌ඛා, නො පරිහානි. ‘‘යාවකීවඤ්‌ච, භික්‌ඛවෙ, ඉමෙ සත්‌ත අපරිහානියා ධම්‌මා භික්‌ඛූසු ඨස්‌සන්‌ති, ඉමෙසු ච සත්‌තසු අපරිහානියෙසු ධම්‌මෙසු, භික්‌ඛූ සන්‌දිස්‌සිස්‌සන්‌ති; වුද්‌ධියෙව, භික්‌ඛවෙ, භික්‌ඛූනං පාටිකඞ්‌ඛා, නො පරිහානී’’ති 1. සත්‌තමං.
‘‘Yāvakīvañca , bhikkhave, bhikkhū anattasaññaṃ bhāvessanti…pe… asubhasaññaṃ bhāvessanti… ādīnavasaññaṃ bhāvessanti… pahānasaññaṃ bhāvessanti… virāgasaññaṃ bhāvessanti… nirodhasaññaṃ bhāvessanti ; vuddhiyeva, bhikkhave, bhikkhūnaṃ pāṭikaṅkhā, no parihāni. ‘‘Yāvakīvañca, bhikkhave, ime satta aparihāniyā dhammā bhikkhūsu ṭhassanti, imesu ca sattasu aparihāniyesu dhammesu, bhikkhū sandississanti; vuddhiyeva, bhikkhave, bhikkhūnaṃ pāṭikaṅkhā, no parihānī’’ti 2. Sattamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 7. සඤ්‌ඤාසුත්‌තවණ්‌ණනා • 7. Saññāsuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 7-11. සඤ්‌ඤාසුත්‌තාදිවණ්‌ණනා • 7-11. Saññāsuttādivaṇṇanā
