| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
8. саннид̇хигаарагасигкаабад̣̇ам̣
8. Sannidhikārakasikkhāpadaṃ
252. адтамз аб̣бханд̇арз ж̇аад̇о аб̣бханд̇аро. махаат̇зрод̇и маханд̇зхи т̇ираг̇ун̣зхи яуд̇д̇о. иминаа ‘‘б̣зладто’’д̇и сан̃н̃аанаамасса сан̃н̃инаамим̣ д̣̇ассзд̇и. бад̇хаанагхарзд̇и самат̇авибассанаанам̣ бад̣̇аханадтаанагхарасан̇каад̇з згасмим̣ ааваасз. сугкагуранд̇и зд̇т̇а сосанагурад̇д̇аа на сугкагурам̣ ход̇и, гзвалам̣ бана асуубаб̣яан̃ж̇анад̇д̇аад̇и ааха ‘‘асуубаб̣яан̃ж̇анам̣ од̣̇ана’’нд̇и. сосанагурамби яуд̇д̇амзва. вагкад̇и хи ‘‘д̇ам̣ бин̣д̣абаад̇ам̣ уд̣̇агзна д̇змзд̇ваа’’д̇и. ‘‘од̣̇ана’’нд̇ииминаа гурасад̣̇д̣̇асса од̣̇анабарияааяад̇ам̣ д̣̇ассзд̇и. од̣̇анан̃хи гарод̇и ааяуван̣н̣аад̣̇аяод̇и ‘‘гура’’нд̇и вужжад̇и. сод̇и б̣зладтасийсо. д̇ан̃жа код̇и д̇ан̃жа сугкагурам̣ аахарад̇ийд̇и самб̣анд̇хо. бажжаяаг̇ид̣̇д̇хад̇ааяаад̇и бин̣д̣абаад̇абажжаяз луд̣̇д̇хад̇ааяа. т̇зро бхун̃ж̇ад̇ийд̇и самб̣анд̇хо. мануссаанам̣ згаахаарасса сад̇д̇аахамад̇д̇адтид̇ад̇д̇аа ‘‘сад̇д̇ааха’’нд̇и вуд̇д̇ам̣. д̇ад̇од̇и бхун̃ж̇анад̇о баранд̇и самб̣анд̇хо. жад̇д̇аарибийд̇и зд̇т̇а бисад̣̇д̣̇зна ад̇хигааниби сад̇д̇аахаани г̇ахзд̇аб̣б̣аани.
252. Aṭṭhame abbhantare jāto abbhantaro. Mahātheroti mahantehi thiraguṇehi yutto. Iminā ‘‘belaṭṭho’’ti saññānāmassa saññināmiṃ dasseti. Padhānaghareti samathavipassanānaṃ padahanaṭṭhānagharasaṅkhāte ekasmiṃ āvāse. Sukkhakuranti ettha sosanakurattā na sukkhakuraṃ hoti, kevalaṃ pana asūpabyañjanattāti āha ‘‘asūpabyañjanaṃ odana’’nti. Sosanakurampi yuttameva. Vakkhati hi ‘‘taṃ piṇḍapātaṃ udakena temetvā’’ti. ‘‘Odana’’ntiiminā kurasaddassa odanapariyāyataṃ dasseti. Odanañhi karoti āyuvaṇṇādayoti ‘‘kura’’nti vuccati. Soti belaṭṭhasīso. Tañca khoti tañca sukkhakuraṃ āharatīti sambandho. Paccayagiddhatāyāti piṇḍapātapaccaye luddhatāya. Thero bhuñjatīti sambandho. Manussānaṃ ekāhārassa sattāhamattaṭṭhitattā ‘‘sattāha’’nti vuttaṃ. Tatoti bhuñjanato paranti sambandho. Cattāripīti ettha pisaddena adhikānipi sattāhāni gahetabbāni.
253. ид̇ийд̇и ид̣̇ам̣ д̇аяам̣. ‘‘саннид̇хи гааро ассаа’’д̇и самаасо висзсанабаранибаад̇авасзна г̇ахзд̇аб̣б̣о. ‘‘саннид̇хигирияанд̇и ад̇т̇о’’д̇и иминаа гарийяад̇ийд̇и гаарод̇и гаммад̇т̇ам̣ д̣̇ассзд̇и. згарад̇д̇анд̇и анд̇имабарижчзд̣̇авасзна вуд̇д̇ам̣ д̇ад̣̇ад̇хигаанамби ад̇хиббзд̇ад̇д̇аа. ассаад̇и ‘‘саннид̇хигаарага’’нд̇и бад̣̇асса.
253.Itīti idaṃ tayaṃ. ‘‘Sannidhi kāro assā’’ti samāso visesanaparanipātavasena gahetabbo. ‘‘Sannidhikiriyanti attho’’ti iminā karīyatīti kāroti kammatthaṃ dasseti. Ekarattanti antimaparicchedavasena vuttaṃ tadadhikānampi adhippetattā. Assāti ‘‘sannidhikāraka’’nti padassa.
саннид̇хигаарагасса сад̇д̇аахагаалигасса ниссаг̇г̇ияабаажид̇д̇ияаабад̇д̇ияаа бажжаяад̇д̇аа саннид̇хигаарагам̣ яаамагаалигам̣ каад̣̇анийяабхож̇анийяам̣ асамаанамби суд̣̇д̇хабаажид̇д̇ияаабад̇д̇ияаа бажжаяо ход̇ийд̇и ааха ‘‘яаамагаалигам̣ ваа’’д̇и. бадиг̇г̇ахан̣зд̇и бадиг̇г̇ахан̣з жа г̇ахан̣з жа. аж̇жхохарид̇угаамад̇ааяа хи бадиг̇г̇ахан̣з жа бадиг̇г̇ахзд̇ваа г̇ахан̣з жаад̇и вуд̇д̇ам̣ ход̇и. яам̣ бад̇д̇ам̣ ан̇г̇улияаа гхам̣санд̇асса лзкаа бан̃н̃ааяад̇и, со бад̇д̇о д̣̇уд̣̇д̇ход̇о ход̇и сажзд̇и яож̇анаа уд̇д̇араваагяз яам̣сад̣̇д̣̇ам̣ д̣̇исваа буб̣б̣аваагяз д̇ам̣сад̣̇д̣̇асса г̇аманийяад̇д̇аа. г̇ан̣тигабад̇д̇ассаад̇и б̣анд̇ханабад̇д̇асса. сод̇и снзхо. баг̇гхарад̇и санд̣̇иссад̇ийд̇и самб̣анд̇хо. д̇аад̣̇исзд̇и д̣̇уд̣̇д̇ход̇з, г̇ан̣тигз ваа. д̇ад̇т̇аад̇и д̇ховид̇абад̇д̇з аасин̃жид̇ваад̇и самб̣анд̇хо. хийд̇и сажжам̣. аб̣б̣охааригаад̇и на вохарид̇аб̣б̣аа, вохарид̇ум̣ на яуд̇д̇аад̇и ад̇т̇о. яанд̇и каад̣̇анийяабхож̇анийяам̣ барижжаж̇анд̇ийд̇и самб̣анд̇хо. хийд̇и сажжам̣, яасмаа ваа. д̇ад̇од̇и абарижжад̇д̇акаад̣̇анийяабхож̇анийяад̇о нийхарид̇ваад̇и самб̣анд̇хо.
Sannidhikārakassa sattāhakālikassa nissaggiyapācittiyāpattiyā paccayattā sannidhikārakaṃ yāmakālikaṃ khādanīyabhojanīyaṃ asamānampi suddhapācittiyāpattiyā paccayo hotīti āha ‘‘yāmakālikaṃ vā’’ti. Paṭiggahaṇeti paṭiggahaṇe ca gahaṇe ca. Ajjhoharitukāmatāya hi paṭiggahaṇe ca paṭiggahetvā gahaṇe cāti vuttaṃ hoti. Yaṃ pattaṃ aṅguliyā ghaṃsantassa lekhā paññāyati, so patto duddhoto hoti saceti yojanā uttaravākye yaṃsaddaṃ disvā pubbavākye taṃsaddassa gamanīyattā. Gaṇṭhikapattassāti bandhanapattassa. Soti sneho. Paggharati sandissatīti sambandho. Tādiseti duddhote, gaṇṭhike vā. Tatthāti dhovitapatte āsiñcitvāti sambandho. Hīti saccaṃ. Abbohārikāti na voharitabbā, voharituṃ na yuttāti attho. Yanti khādanīyabhojanīyaṃ pariccajantīti sambandho. Hīti saccaṃ, yasmā vā. Tatoti apariccattakhādanīyabhojanīyato nīharitvāti sambandho.
агаббияамам̣сзсууд̇и нид̣̇д̇хааран̣асамуд̣̇ааяо. сад̇и бажжаязд̇и бибаасасан̇каад̇з бажжаяз сад̇и. анад̇ирид̇д̇агад̇анд̇и ад̇ирид̇д̇зна агад̇ам̣ саннид̇хигаарагам̣ каад̣̇анийяабхож̇анийяанд̇и яож̇анаа. згамзва баажид̇д̇ияанд̇и самб̣анд̇хо. вигаббад̣̇ваязд̇и саамисанираамисасан̇каад̇з вигаббад̣̇ваяз. саб̣б̣авигаббзсууд̇и вигааласаннид̇хиагаббияамам̣саяаамагаалигабажжаяасан̇каад̇зсу саб̣б̣зсу вигаббзсу.
Akappiyamaṃsesūti niddhāraṇasamudāyo. Sati paccayeti pipāsasaṅkhāte paccaye sati. Anatirittakatanti atirittena akataṃ sannidhikārakaṃ khādanīyabhojanīyanti yojanā. Ekameva pācittiyanti sambandho. Vikappadvayeti sāmisanirāmisasaṅkhāte vikappadvaye. Sabbavikappesūti vikālasannidhiakappiyamaṃsayāmakālikapaccayasaṅkhātesu sabbesu vikappesu.
255. аамисасам̣садтанд̇и аамисзна сам̣садтам̣ сад̇д̇аахагаалигам̣ яааваж̇ийвигам̣.
255.Āmisasaṃsaṭṭhanti āmisena saṃsaṭṭhaṃ sattāhakālikaṃ yāvajīvikaṃ.
256. жад̇уб̣б̣ид̇хагаалигасса саруубан̃жа важанад̇т̇ан̃жа д̣̇ассзнд̇о ааха ‘‘вигаалабхож̇анасигкаабад̣̇з’’д̇иаад̣̇и. д̇ад̇т̇а нид̣̇д̣̇идтам̣ каад̣̇анийяабхож̇анийяа’’нд̇ииминаа яаавагаалигасса саруубам̣ д̣̇ассзд̇и. ‘‘яаава…бз… гаалига’’нд̇ииминаа важанад̇т̇ам̣ д̣̇ассзд̇и. ‘‘сад̣̇д̇хим̣…бз… баана’’нд̇ииминаа яаамагаалигасса саруубам̣ д̣̇ассзд̇и. ‘‘яаава…бз… гаалига’’нд̇ииминаа важанад̇т̇ам̣ д̣̇ассзд̇и. ‘‘саб̣б̣иаад̣̇и бан̃жавид̇хам̣ бхзсаж̇ж̇а’’нд̇ииминаа сад̇д̇аахагаалигасса саруубам̣ д̣̇ассзд̇и. ‘‘сад̇д̇аахам̣…бз… гаалига’’нд̇ииминаа важанад̇т̇ам̣ д̣̇ассзд̇и. ‘‘табзд̇ваа…бз… саб̣б̣амбий’’д̇ииминаа яааваж̇ийвигасса саруубам̣ д̣̇ассзд̇и. ‘‘яаава…бз… ж̇ийвига’’нд̇ииминаа важанад̇т̇ам̣ д̣̇ассзд̇и. саб̣б̣аважанад̇т̇о лахугамад̇д̇амзва, г̇аруго банзвам̣ взд̣̇ид̇аб̣б̣о – яаава яад̇д̇аго маж̇жханхиго гаало яаавагаало, со ассад̇т̇ий, д̇ам̣ ваа гаалам̣ бхун̃ж̇ид̇аб̣б̣анд̇и яаавагаалигам̣. яаамо гаало яаамагаало, со ассад̇т̇и, д̇ам̣ ваа гаалам̣ барибхун̃ж̇ийд̇аб̣б̣анд̇и яаамагаалигам̣. сад̇д̇аахо гаало сад̇д̇аахагаало, со ассад̇т̇и, д̇ам̣ ваа гаалам̣ нид̣̇ахид̇ваа барибхун̃ж̇ид̇аб̣б̣анд̇и сад̇д̇аахагаалигам̣. яаава яад̇д̇аго ж̇ийво яааваж̇ийво, со ассад̇т̇и, яааваж̇ийвам̣ ваа барихарид̇ваа барибхун̃ж̇ид̇аб̣б̣анд̇и яааваж̇ийвиганд̇и.
256. Catubbidhakālikassa sarūpañca vacanatthañca dassento āha ‘‘vikālabhojanasikkhāpade’’tiādi. Tattha niddiṭṭhaṃ khādanīyabhojanīya’’ntiiminā yāvakālikassa sarūpaṃ dasseti. ‘‘Yāva…pe… kālika’’ntiiminā vacanatthaṃ dasseti. ‘‘Saddhiṃ…pe… pāna’’ntiiminā yāmakālikassa sarūpaṃ dasseti. ‘‘Yāva…pe… kālika’’ntiiminā vacanatthaṃ dasseti. ‘‘Sabbiādi pañcavidhaṃ bhesajja’’ntiiminā sattāhakālikassa sarūpaṃ dasseti. ‘‘Sattāhaṃ…pe… kālika’’ntiiminā vacanatthaṃ dasseti. ‘‘Ṭhapetvā…pe… sabbampī’’tiiminā yāvajīvikassa sarūpaṃ dasseti. ‘‘Yāva…pe… jīvika’’ntiiminā vacanatthaṃ dasseti. Sabbavacanattho lahukamattameva, garuko panevaṃ veditabbo – yāva yattako majjhanhiko kālo yāvakālo, so assatthī, taṃ vā kālaṃ bhuñjitabbanti yāvakālikaṃ. Yāmo kālo yāmakālo, so assatthi, taṃ vā kālaṃ paribhuñjītabbanti yāmakālikaṃ. Sattāho kālo sattāhakālo, so assatthi, taṃ vā kālaṃ nidahitvā paribhuñjitabbanti sattāhakālikaṃ. Yāva yattako jīvo yāvajīvo, so assatthi, yāvajīvaṃ vā pariharitvā paribhuñjitabbanti yāvajīvikanti.
д̇ад̇т̇аад̇и жад̇уб̣б̣ид̇хзсу гаалигзсу. сад̇агкад̇д̇унд̇и анзгаваарам̣. яаава гаало наад̇иггамад̇и, д̇аава бхун̃ж̇анд̇ассаад̇и яож̇анаа. ахорад̇д̇ам̣ бхун̃ж̇анд̇ассаад̇и самб̣анд̇ход̇и. адтамам̣.
Tatthāti catubbidhesu kālikesu. Satakkhattunti anekavāraṃ. Yāva kālo nātikkamati, tāva bhuñjantassāti yojanā. Ahorattaṃ bhuñjantassāti sambandhoti. Aṭṭhamaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. бхож̇анаваг̇г̇о • 4. Bhojanavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 8. саннид̇хигаарагасигкаабад̣̇аван̣н̣анаа • 8. Sannidhikārakasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 8. саннид̇хигаарагасигкаабад̣̇аван̣н̣анаа • 8. Sannidhikārakasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 8. саннид̇хигаарагасигкаабад̣̇аван̣н̣анаа • 8. Sannidhikārakasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 8. саннид̇хигаарагасигкаабад̣̇аван̣н̣анаа • 8. Sannidhikārakasikkhāpadavaṇṇanā
