| Library / Tipiṭaka / திபிடக • Tipiṭaka / கங்கா²விதரணீ-புராண-டீகா • Kaṅkhāvitaraṇī-purāṇa-ṭīkā |
8. ஸன்னிதி⁴காரகஸிக்கா²பத³வண்ணனா
8. Sannidhikārakasikkhāpadavaṇṇanā
‘‘து³த்³தோ⁴தோ ஹோதீ’’திஆதி³னா நயேன இத⁴ வுத்தத்தா, ‘‘து³த்³தோ⁴தங் பத்தங் தோ⁴வித்வா புன
‘‘Duddhotohotī’’tiādinā nayena idha vuttattā, ‘‘duddhotaṃ pattaṃ dhovitvā puna
தத்த² அச்சோ²த³கங் வா ஆஸிஞ்சித்வா, அங்கு³லியா வா க⁴ங்ஸித்வா நிஸ்னேஹபா⁴வோ ஜானிதப்³போ³’’தி (பாசி॰ அட்ட²॰ 253) ஸமந்தபாஸாதி³காயங் வுத்தத்தா ச மத்திகாபத்தஸ்ஸ கபாலேன பீதோ ஸ்னேஹோ ஸன்னிதி⁴ங் கரோதீதி ஸித்³த⁴ந்தி லிகி²தங். ஸயங் படிக்³க³ஹெத்வா அபரிச்சத்தமேவாதி எத்த² அபரிச்சத்தங் நாம அனுபஸம்பன்னானங் நிரபெக்க²அபரிச்சத்தங் அவிஜஹிதங். ‘‘படிக்³க³ஹணந்தி எத்த² படிக்³க³ஹிதபா⁴வமவிஜஹிதமேவ ஸன்னிதி⁴ங் ஜனேதீ’’தி த⁴ம்மஸிரித்தே²ரோ, தங் ‘‘படிக்³க³ண்ஹாதி, ஆபத்தி து³க்கடஸ்ஸா’’தி (பாசி॰ 255) பாளியா விருஜ்ஜ²தி. தஸ்ஸ பன புன படிக்³க³ண்ஹனகிச்சாபா⁴வதோ வீமங்ஸிதப்³ப³ங்.
Tattha acchodakaṃ vā āsiñcitvā, aṅguliyā vā ghaṃsitvā nisnehabhāvo jānitabbo’’ti (pāci. aṭṭha. 253) samantapāsādikāyaṃ vuttattā ca mattikāpattassa kapālena pīto sneho sannidhiṃ karotīti siddhanti likhitaṃ. Sayaṃ paṭiggahetvā apariccattamevāti ettha apariccattaṃ nāma anupasampannānaṃ nirapekkhaapariccattaṃ avijahitaṃ. ‘‘Paṭiggahaṇanti ettha paṭiggahitabhāvamavijahitameva sannidhiṃ janetī’’ti dhammasiritthero, taṃ ‘‘paṭiggaṇhāti, āpatti dukkaṭassā’’ti (pāci. 255) pāḷiyā virujjhati. Tassa pana puna paṭiggaṇhanakiccābhāvato vīmaṃsitabbaṃ.
ஸன்னிதி⁴காரகஸிக்கா²பத³வண்ணனா நிட்டி²தா.
Sannidhikārakasikkhāpadavaṇṇanā niṭṭhitā.
