| Library / Tipiṭaka / তিপিটক • Tipiṭaka / কঙ্খাৰিতরণী-পুরাণ-টীকা • Kaṅkhāvitaraṇī-purāṇa-ṭīkā |
৮. সন্নিধিকারকসিক্খাপদৰণ্ণনা
8. Sannidhikārakasikkhāpadavaṇṇanā
‘‘দুদ্ধোতো হোতী’’তিআদিনা নযেন ইধ ৰুত্তত্তা, ‘‘দুদ্ধোতং পত্তং ধোৰিত্ৰা পুন
‘‘Duddhotohotī’’tiādinā nayena idha vuttattā, ‘‘duddhotaṃ pattaṃ dhovitvā puna
তত্থ অচ্ছোদকং ৰা আসিঞ্চিত্ৰা, অঙ্গুলিযা ৰা ঘংসিত্ৰা নিস্নেহভাৰো জানিতব্বো’’তি (পাচি॰ অট্ঠ॰ ২৫৩) সমন্তপাসাদিকাযং ৰুত্তত্তা চ মত্তিকাপত্তস্স কপালেন পীতো স্নেহো সন্নিধিং করোতীতি সিদ্ধন্তি লিখিতং। সযং পটিগ্গহেত্ৰা অপরিচ্চত্তমেৰাতি এত্থ অপরিচ্চত্তং নাম অনুপসম্পন্নানং নিরপেক্খঅপরিচ্চত্তং অৰিজহিতং। ‘‘পটিগ্গহণন্তি এত্থ পটিগ্গহিতভাৰমৰিজহিতমেৰ সন্নিধিং জনেতী’’তি ধম্মসিরিত্থেরো, তং ‘‘পটিগ্গণ্হাতি, আপত্তি দুক্কটস্সা’’তি (পাচি॰ ২৫৫) পাল়িযা ৰিরুজ্ঝতি। তস্স পন পুন পটিগ্গণ্হনকিচ্চাভাৰতো ৰীমংসিতব্বং।
Tattha acchodakaṃ vā āsiñcitvā, aṅguliyā vā ghaṃsitvā nisnehabhāvo jānitabbo’’ti (pāci. aṭṭha. 253) samantapāsādikāyaṃ vuttattā ca mattikāpattassa kapālena pīto sneho sannidhiṃ karotīti siddhanti likhitaṃ. Sayaṃ paṭiggahetvā apariccattamevāti ettha apariccattaṃ nāma anupasampannānaṃ nirapekkhaapariccattaṃ avijahitaṃ. ‘‘Paṭiggahaṇanti ettha paṭiggahitabhāvamavijahitameva sannidhiṃ janetī’’ti dhammasiritthero, taṃ ‘‘paṭiggaṇhāti, āpatti dukkaṭassā’’ti (pāci. 255) pāḷiyā virujjhati. Tassa pana puna paṭiggaṇhanakiccābhāvato vīmaṃsitabbaṃ.
সন্নিধিকারকসিক্খাপদৰণ্ণনা নিট্ঠিতা।
Sannidhikārakasikkhāpadavaṇṇanā niṭṭhitā.
