| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
8. саннид̇хигаарагасигкаабад̣̇аван̣н̣анаа
8. Sannidhikārakasikkhāpadavaṇṇanā
252. адтамасигкаабад̣̇з – б̣зладтасийсо наама ж̇адиласахассаб̣бханд̇аро махаат̇зро. аран̃н̃з вихарад̇ийд̇и ж̇зд̇аванасса авид̣̇уурз бад̇хаанагхарз згасмим̣ ааваасз васад̇и. сугкагуранд̇и асуубаб̣яан̃ж̇анам̣ од̣̇анам̣. со гира анд̇ог̇аамз бхун̃ж̇ид̇ваа бажчаа бин̣д̣ааяа жарид̇ваа д̇аад̣̇исам̣ од̣̇анам̣ аахарад̇и, д̇ан̃жа ко аббижчад̇ааяа, на бажжаяаг̇ид̣̇д̇хад̇ааяа. т̇зро гира сад̇д̇аахам̣ нирод̇хасамаабад̇д̇ияаа вийд̇инаамзд̇ваа самаабад̇д̇ид̇о вудтааяа д̇ам̣ бин̣д̣абаад̇ам̣ уд̣̇агзна д̇змзд̇ваа бхун̃ж̇ад̇и, д̇ад̇о буна сад̇д̇аахам̣ самаабад̇д̇ияаа нисийд̣̇ад̇и. звам̣ д̣̇взби д̇ийн̣иби жад̇д̇аариби сад̇д̇аахаани вийд̇инаамзд̇ваа г̇аамам̣ бин̣д̣ааяа бависад̇и. д̇зна вуд̇д̇ам̣ – ‘‘жирзна г̇аамам̣ бин̣д̣ааяа бависад̇ий’’д̇и.
252. Aṭṭhamasikkhāpade – belaṭṭhasīso nāma jaṭilasahassabbhantaro mahāthero. Araññe viharatīti jetavanassa avidūre padhānaghare ekasmiṃ āvāse vasati. Sukkhakuranti asūpabyañjanaṃ odanaṃ. So kira antogāme bhuñjitvā pacchā piṇḍāya caritvā tādisaṃ odanaṃ āharati, tañca kho appicchatāya, na paccayagiddhatāya. Thero kira sattāhaṃ nirodhasamāpattiyā vītināmetvā samāpattito vuṭṭhāya taṃ piṇḍapātaṃ udakena temetvā bhuñjati, tato puna sattāhaṃ samāpattiyā nisīdati. Evaṃ dvepi tīṇipi cattāripi sattāhāni vītināmetvā gāmaṃ piṇḍāya pavisati. Tena vuttaṃ – ‘‘cirena gāmaṃ piṇḍāya pavisatī’’ti.
253. гааро гаран̣ам̣ гирияаад̇и ад̇т̇ад̇о згам̣, саннид̇хигааро ассаад̇и саннид̇хигаарам̣; саннид̇хигаарамзва саннид̇хигаарагам̣. бадиг̇г̇ахзд̇ваа згарад̇д̇ам̣ вийд̇инаамид̇ассзд̇ам̣ ад̇хиважанам̣. д̇знзвасса бад̣̇абхааж̇анз вуд̇д̇ам̣ – ‘‘саннид̇хигаарагам̣ наама аж̇ж̇а бадиг̇г̇ахид̇ам̣ абараж̇ж̇уу’’д̇и.
253. Kāro karaṇaṃ kiriyāti atthato ekaṃ, sannidhikāro assāti sannidhikāraṃ; sannidhikārameva sannidhikārakaṃ. Paṭiggahetvā ekarattaṃ vītināmitassetaṃ adhivacanaṃ. Tenevassa padabhājane vuttaṃ – ‘‘sannidhikārakaṃ nāma ajja paṭiggahitaṃ aparajjū’’ti.
бадиг̇г̇ан̣хаад̇и аабад̇д̇и д̣̇уггадассаад̇и звам̣ саннид̇хигад̇ам̣ яам̣гин̃жи яаавагаалигам̣ ваа яаамагаалигам̣ ваа аж̇жхохарид̇угаамад̇ааяа г̇ан̣ханд̇асса бадиг̇г̇ахан̣з д̇аава аабад̇д̇и д̣̇уггадасса. аж̇жхохарад̇о бана згамзгасмим̣ аж̇жхохаарз баажид̇д̇ияам̣. сажзби бад̇д̇о д̣̇уд̣̇д̇ход̇о ход̇и, яам̣ ан̇г̇улияаа гхам̣санд̇асса лзкаа бан̃н̃ааяад̇и, г̇ан̣тигабад̇д̇асса ваа г̇ан̣тиганд̇арз снзхо бавидто ход̇и, со ун̣хз од̇аабзнд̇асса баг̇гхарад̇и, ун̣хаяааг̇уяаа ваа г̇ахид̇ааяа санд̣̇иссад̇и, д̇аад̣̇исз бад̇д̇зби бунад̣̇ивасз бхун̃ж̇анд̇асса баажид̇д̇ияам̣. д̇асмаа бад̇д̇ам̣ д̇ховид̇ваа буна д̇ад̇т̇а ажчод̣̇агам̣ ваа аасин̃жид̇ваа ан̇г̇улияаа ваа гхам̣сид̇ваа ниснзхабхааво ж̇аанид̇аб̣б̣о. сажз хи уд̣̇агз ваа снзхабхааво бад̇д̇з ваа ан̇г̇улилзкаа бан̃н̃ааяад̇и, д̣̇уд̣̇д̇ход̇о ход̇и. д̇злаван̣н̣абад̇д̇з бана ан̇г̇улилзкаа бан̃н̃ааяад̇и, саа аб̣б̣охааригаа. яам̣ бхигкуу нирабзгкаа сааман̣зраанам̣ барижжаж̇анд̇и, д̇ан̃жз сааман̣зраа нид̣̇ахид̇ваа д̣̇знд̇и, саб̣б̣ам̣ ваддад̇и. саяам̣ бадиг̇г̇ахзд̇ваа абарижжад̇д̇амзва хи д̣̇уд̇ияад̣̇ивасз на ваддад̇и. д̇ад̇о хи згасид̇т̇амби аж̇жхохарад̇о баажид̇д̇ияамзва.
Paṭiggaṇhāti āpatti dukkaṭassāti evaṃ sannidhikataṃ yaṃkiñci yāvakālikaṃ vā yāmakālikaṃ vā ajjhoharitukāmatāya gaṇhantassa paṭiggahaṇe tāva āpatti dukkaṭassa. Ajjhoharato pana ekamekasmiṃ ajjhohāre pācittiyaṃ. Sacepi patto duddhoto hoti, yaṃ aṅguliyā ghaṃsantassa lekhā paññāyati, gaṇṭhikapattassa vā gaṇṭhikantare sneho paviṭṭho hoti, so uṇhe otāpentassa paggharati, uṇhayāguyā vā gahitāya sandissati, tādise pattepi punadivase bhuñjantassa pācittiyaṃ. Tasmā pattaṃ dhovitvā puna tattha acchodakaṃ vā āsiñcitvā aṅguliyā vā ghaṃsitvā nisnehabhāvo jānitabbo. Sace hi udake vā snehabhāvo patte vā aṅgulilekhā paññāyati, duddhoto hoti. Telavaṇṇapatte pana aṅgulilekhā paññāyati, sā abbohārikā. Yaṃ bhikkhū nirapekkhā sāmaṇerānaṃ pariccajanti, tañce sāmaṇerā nidahitvā denti, sabbaṃ vaṭṭati. Sayaṃ paṭiggahetvā apariccattameva hi dutiyadivase na vaṭṭati. Tato hi ekasitthampi ajjhoharato pācittiyameva.
агаббияамам̣сзсу мануссамам̣сз т̇уллажжаязна сад̣̇вим̣ баажид̇д̇ияам̣, авасзсзсу д̣̇уггадзна сад̣̇д̇хим̣. яаамагаалигам̣ сад̇и бажжаяз аж̇жхохарад̇о баажид̇д̇ияам̣. аахаарад̇т̇ааяа аж̇жхохарад̇о д̣̇уггадзна сад̣̇д̇хим̣ баажид̇д̇ияам̣. сажз баваарид̇о худ̇ваа анад̇ирид̇д̇агад̇ам̣ аж̇жхохарад̇и, багад̇иаамисз д̣̇вз баажид̇д̇ияаани, мануссамам̣сз т̇уллажжаязна сад̣̇д̇хим̣ д̣̇вз, сзсаагаббияамам̣сз д̣̇уггадзна сад̣̇д̇хим̣, яаамагаалигам̣ сад̇и бажжаяз саамисзна мукзна аж̇жхохарад̇о д̣̇вз, нираамисзна згамзва. аахаарад̇т̇ааяа аж̇жхохарад̇о вигаббад̣̇ваязби д̣̇уггадам̣ вад̣дхад̇и. сажз вигаалз аж̇жхохарад̇и, багад̇ибхож̇анз саннид̇хибажжаяаа жа вигаалабхож̇анабажжаяаа жа д̣̇вз баажид̇д̇ияаани, агаббияамам̣сзсу т̇уллажжаяан̃жа д̣̇уггадан̃жа вад̣дхад̇и. яаамагаалигзсу вигаалабажжаяаа анаабад̇д̇и, анад̇ирид̇д̇абажжаяаа бана вигаалз саб̣б̣авигаббзсу анаабад̇д̇и.
Akappiyamaṃsesu manussamaṃse thullaccayena sadviṃ pācittiyaṃ, avasesesu dukkaṭena saddhiṃ. Yāmakālikaṃ sati paccaye ajjhoharato pācittiyaṃ. Āhāratthāya ajjhoharato dukkaṭena saddhiṃ pācittiyaṃ. Sace pavārito hutvā anatirittakataṃ ajjhoharati, pakatiāmise dve pācittiyāni, manussamaṃse thullaccayena saddhiṃ dve, sesaakappiyamaṃse dukkaṭena saddhiṃ, yāmakālikaṃ sati paccaye sāmisena mukhena ajjhoharato dve, nirāmisena ekameva. Āhāratthāya ajjhoharato vikappadvayepi dukkaṭaṃ vaḍḍhati. Sace vikāle ajjhoharati, pakatibhojane sannidhipaccayā ca vikālabhojanapaccayā ca dve pācittiyāni, akappiyamaṃsesu thullaccayañca dukkaṭañca vaḍḍhati. Yāmakālikesu vikālapaccayā anāpatti, anatirittapaccayā pana vikāle sabbavikappesu anāpatti.
255. сад̇д̇аахагаалигам̣ яааваж̇ийвигам̣ аахаарад̇т̇ааяаад̇и аахаарад̇т̇ааяа бадиг̇г̇ан̣хад̇о бадиг̇г̇ахан̣абажжаяаа д̇аава д̣̇уггадам̣, аж̇жхохарад̇о бана сажз нираамисам̣ ход̇и, аж̇жхохаарз аж̇жхохаарз д̣̇уггадам̣. ат̇а аамисасам̣садтам̣ бадиг̇г̇ахзд̇ваа табид̇ам̣ ход̇и, яат̇аавад̇т̇угам̣ баажид̇д̇ияамзва.
255.Sattāhakālikaṃ yāvajīvikaṃ āhāratthāyāti āhāratthāya paṭiggaṇhato paṭiggahaṇapaccayā tāva dukkaṭaṃ, ajjhoharato pana sace nirāmisaṃ hoti, ajjhohāre ajjhohāre dukkaṭaṃ. Atha āmisasaṃsaṭṭhaṃ paṭiggahetvā ṭhapitaṃ hoti, yathāvatthukaṃ pācittiyameva.
256. анаабад̇д̇и яаавагаалиганд̇иаад̣̇имхи вигаалабхож̇анасигкаабад̣̇з нид̣̇д̣̇идтам̣ каад̣̇анийяабхож̇анийяам̣ яаава маж̇жханд̇игасан̇каад̇о гаало, д̇аава бхун̃ж̇ид̇аб̣б̣ад̇о яаавагаалигам̣. сад̣̇д̇хим̣ ануломабаанзхи адтавид̇хам̣ баанам̣ яаава рад̇д̇ияаа бажчимаяаамасан̇каад̇о яаамо, д̇аава барибхун̃ж̇ид̇аб̣б̣ад̇о яаамо гаало ассаад̇и яаамагаалигам̣. саббиаад̣̇и бан̃жавид̇хам̣ бхзсаж̇ж̇ам̣ сад̇д̇аахам̣ нид̇хзд̇аб̣б̣ад̇о сад̇д̇аахо гаало ассаад̇и сад̇д̇аахагаалигам̣. табзд̇ваа уд̣̇агам̣ авасзсам̣ саб̣б̣амби яааваж̇ийвам̣ барихарид̇ваа сад̇и бажжаяз барибхун̃ж̇ид̇аб̣б̣ад̇о яааваж̇ийваганд̇и вужжад̇и .
256.Anāpatti yāvakālikantiādimhi vikālabhojanasikkhāpade niddiṭṭhaṃ khādanīyabhojanīyaṃ yāva majjhantikasaṅkhāto kālo, tāva bhuñjitabbato yāvakālikaṃ. Saddhiṃ anulomapānehi aṭṭhavidhaṃ pānaṃ yāva rattiyā pacchimayāmasaṅkhāto yāmo, tāva paribhuñjitabbato yāmo kālo assāti yāmakālikaṃ. Sappiādi pañcavidhaṃ bhesajjaṃ sattāhaṃ nidhetabbato sattāho kālo assāti sattāhakālikaṃ. Ṭhapetvā udakaṃ avasesaṃ sabbampi yāvajīvaṃ pariharitvā sati paccaye paribhuñjitabbato yāvajīvakanti vuccati .
д̇ад̇т̇а арун̣од̣̇аязва бадиг̇г̇ахид̇ам̣ яаавагаалигам̣ сад̇агкад̇д̇умби нид̣̇ахид̇ваа яаавагаало наад̇иггамад̇и д̇аава, яаамагаалигам̣ згам̣ ахорад̇д̇ам̣, сад̇д̇аахагаалигам̣ сад̇д̇арад̇д̇ам̣, ид̇арам̣ сад̇и бажжаяз, яааваж̇ийвамби барибхун̃ж̇анд̇асса анаабад̇д̇и. сзсамзд̇т̇а уд̇д̇аанамзва. адтагат̇аасу бана имасмим̣ таанз баанагат̇аа габбияаануломагат̇аа ‘‘габбад̇и ну ко яаавагаалигзна яаамагаалига’’нд̇иаад̣̇игат̇аа жа габбияабхуумигат̇аа жа вид̇т̇аарид̇аа, д̇ам̣ маяам̣ ааг̇ад̇адтаанзязва гат̇аяиссаама.
Tattha aruṇodayeva paṭiggahitaṃ yāvakālikaṃ satakkhattumpi nidahitvā yāvakālo nātikkamati tāva, yāmakālikaṃ ekaṃ ahorattaṃ, sattāhakālikaṃ sattarattaṃ, itaraṃ sati paccaye, yāvajīvampi paribhuñjantassa anāpatti. Sesamettha uttānameva. Aṭṭhakathāsu pana imasmiṃ ṭhāne pānakathā kappiyānulomakathā ‘‘kappati nu kho yāvakālikena yāmakālika’’ntiādikathā ca kappiyabhūmikathā ca vitthāritā, taṃ mayaṃ āgataṭṭhāneyeva kathayissāma.
зл̣агаломасамудтаанам̣ – гааяад̇о жа гааяажид̇д̇ад̇о жа самудтаад̇и, гирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, д̇ижид̇д̇ам̣, д̇ивзд̣̇ананд̇и.
Eḷakalomasamuṭṭhānaṃ – kāyato ca kāyacittato ca samuṭṭhāti, kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, ticittaṃ, tivedananti.
саннид̇хигаарагасигкаабад̣̇ам̣ адтамам̣.
Sannidhikārakasikkhāpadaṃ aṭṭhamaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. бхож̇анаваг̇г̇о • 4. Bhojanavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 8. саннид̇хигаарагасигкаабад̣̇аван̣н̣анаа • 8. Sannidhikārakasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 8. саннид̇хигаарагасигкаабад̣̇аван̣н̣анаа • 8. Sannidhikārakasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 8. саннид̇хигаарагасигкаабад̣̇аван̣н̣анаа • 8. Sannidhikārakasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 8. саннид̇хигаарагасигкаабад̣̇ам̣ • 8. Sannidhikārakasikkhāpadaṃ
