| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
8. саннид̇хигаарагасигкаабад̣̇аван̣н̣анаа
8. Sannidhikārakasikkhāpadavaṇṇanā
252-3. адтамз д̇аад̣̇исанд̇и асуубаб̣яан̃ж̇анам̣. яам̣гин̃жи яаавагаалигам̣ ваа яаамагаалигам̣ ваад̇и зд̇т̇а ‘‘яаамагаалига’’нд̇и иминаа на гзвалам̣ яаавагаалигз зва саннид̇хибажжаяаа баажид̇д̇ияам̣, ат̇а ко яаамагаалигзбийд̇и д̣̇ассзд̇и. нану жа яаамагаалигам̣ нзва каад̣̇анийязсу анд̇ог̇ад̇хам̣, на бхож̇анийязсу. д̇знзва бад̣̇абхааж̇анийяз ‘‘каад̣̇анийяам̣ наама бан̃жа бхож̇анаани яаамагаалигам̣ сад̇д̇аахагаалигам̣ яааваж̇ийвигам̣ табзд̇ваа авасзсам̣ каад̣̇анийяам̣ наама. бхож̇анийяам̣ наама бан̃жа бхож̇анааний’’д̇и вуд̇д̇ам̣, ‘‘яо бана бхигку саннид̇хигаарагам̣ каад̣̇анийяам̣ ваа бхож̇анийяам̣ ваа каад̣̇зяяа ваа бхун̃ж̇зяяа ваа, баажид̇д̇ияа’’нд̇и жа вуд̇д̇ам̣, д̇асмаа яаамагаалигз баажид̇д̇иязна бхавид̇аб̣б̣анд̇и гат̇ам̣ вин̃н̃ааяад̇ийд̇и? вужжад̇з – бад̣̇абхааж̇анз каад̣̇анийяа-сад̣̇д̣̇асса ад̇т̇ад̣̇ассанад̇т̇ам̣ ‘‘яаамагаалигам̣ табзд̇ваа’’д̇и вуд̇д̇ам̣, на бана саннид̇хибажжаяаа анаабад̇д̇ид̣̇ассанад̇т̇ам̣. каад̣̇ид̇аб̣б̣ан̃хи яам̣гин̃жи каад̣̇анийяанд̇и ад̇хиббзд̇ам̣, на жа яаамагаалигзсу гин̃жи каад̣̇ид̇аб̣б̣ам̣ ад̇т̇и баад̇аб̣яабхаавад̇о. д̇асмаа гин̃жааби яаамагаалигам̣ каад̣̇анийяабхож̇анийязхи на сан̇г̇ахид̇ам̣, д̇ат̇ааби анаабад̇д̇им̣ д̣̇ассзнд̇зна ‘‘анаабад̇д̇и яаамагаалигам̣ яаамз нид̣̇ахид̇ваа бхун̃ж̇ад̇ий’’д̇и важанад̇о яаамаад̇иггамз саннид̇хибажжаяаа баажид̇д̇иязна бхавид̇аб̣б̣анд̇и вин̃н̃ааяад̇и. ‘‘яаамагаалигзна, бхигкавз, сад̇д̇аахагаалигам̣ яааваж̇ийвигам̣ д̇ад̣̇ахубадиг̇г̇ахид̇ам̣ яаамз габбад̇и, яаамаад̇игганд̇з на габбад̇ий’’д̇и (махаава. 305) иминааби жааяамад̇т̇о сид̣̇д̇хо. д̇знзва бхаг̇авад̇о ад̇хиббааяан̃н̃уухи адтагат̇аажариязхи яаамагаалигз баажид̇д̇ияамзва вуд̇д̇ам̣.
252-3. Aṭṭhame tādisanti asūpabyañjanaṃ. Yaṃkiñci yāvakālikaṃ vā yāmakālikaṃ vāti ettha ‘‘yāmakālika’’nti iminā na kevalaṃ yāvakālike eva sannidhipaccayā pācittiyaṃ, atha kho yāmakālikepīti dasseti. Nanu ca yāmakālikaṃ neva khādanīyesu antogadhaṃ, na bhojanīyesu. Teneva padabhājanīye ‘‘khādanīyaṃ nāma pañca bhojanāni yāmakālikaṃ sattāhakālikaṃ yāvajīvikaṃ ṭhapetvā avasesaṃ khādanīyaṃ nāma. Bhojanīyaṃ nāma pañca bhojanānī’’ti vuttaṃ, ‘‘yo pana bhikkhu sannidhikārakaṃ khādanīyaṃ vā bhojanīyaṃ vā khādeyya vā bhuñjeyya vā, pācittiya’’nti ca vuttaṃ, tasmā yāmakālike pācittiyena bhavitabbanti kathaṃ viññāyatīti? Vuccate – padabhājane khādanīya-saddassa atthadassanatthaṃ ‘‘yāmakālikaṃ ṭhapetvā’’ti vuttaṃ, na pana sannidhipaccayā anāpattidassanatthaṃ. Khāditabbañhi yaṃkiñci khādanīyanti adhippetaṃ, na ca yāmakālikesu kiñci khāditabbaṃ atthi pātabyabhāvato. Tasmā kiñcāpi yāmakālikaṃ khādanīyabhojanīyehi na saṅgahitaṃ, tathāpi anāpattiṃ dassentena ‘‘anāpatti yāmakālikaṃ yāme nidahitvā bhuñjatī’’ti vacanato yāmātikkame sannidhipaccayā pācittiyena bhavitabbanti viññāyati. ‘‘Yāmakālikena, bhikkhave, sattāhakālikaṃ yāvajīvikaṃ tadahupaṭiggahitaṃ yāme kappati, yāmātikkante na kappatī’’ti (mahāva. 305) imināpi cāyamattho siddho. Teneva bhagavato adhippāyaññūhi aṭṭhakathācariyehi yāmakālike pācittiyameva vuttaṃ.
бадиг̇г̇ахан̣зд̇и г̇ахан̣амзва санд̇хааяа вуд̇д̇ам̣. бадиг̇г̇ахид̇амзва хи д̇ам̣, буна бадиг̇г̇ахан̣агижжам̣ над̇т̇и. д̇знзва ‘‘аж̇жхохарид̇угаамад̇ааяа г̇ан̣ханд̇асса бадиг̇г̇ахан̣з’’д̇и вуд̇д̇ам̣. маад̇игаадтагат̇ааяам̣ (ган̇каа. адта. саннид̇хигаарагасигкаабад̣̇аван̣н̣анаа) бана ‘‘аж̇жхохариссаамийд̇и г̇ан̣ханд̇асса бадиг̇г̇ахан̣з’’ижжзва вуд̇д̇ам̣. яанд̇и яам̣ бад̇д̇ам̣. санд̣̇иссад̇ийд̇и яааг̇уяаа убари санд̣̇иссад̇и. д̇злаван̣н̣з бад̇д̇з сад̇иби ниснзхабхаавз ан̇г̇улияаа гхам̣санд̇асса ван̣н̣авасзнзва лзкаа бан̃н̃ааяад̇и, д̇асмаа д̇ад̇т̇а анаабад̇д̇ийд̇и д̣̇ассанад̇т̇ам̣ ‘‘саа аб̣б̣охааригаа’’д̇и вуд̇д̇ам̣. саяам̣ бадиг̇г̇ахзд̇ваа абарижжад̇д̇амзва хи д̣̇уд̇ияад̣̇ивасз на ваддад̇ийд̇и зд̇т̇а бадиг̇г̇ахан̣з анабзгкависсаж̇ж̇анзна анубасамбаннасса нирабзгкад̣̇аанзна ваа виж̇ахид̇абадиг̇г̇ахан̣ам̣ барижжад̇д̇амзва ход̇ийд̇и ‘‘абарижжад̇д̇а’’нд̇и иминаа убхаяат̇ааби авиж̇ахид̇абадиг̇г̇ахан̣амзва вуд̇д̇ам̣. д̇асмаа яам̣ барасса барижжаж̇ид̇ваа ад̣̇иннамби сажз бадиг̇г̇ахан̣з нирабзгкависсаж̇ж̇анзна виж̇ахид̇абадиг̇г̇ахан̣ам̣ ход̇и, д̇амби д̣̇уд̇ияад̣̇ивасз ваддад̇ийд̇и взд̣̇ид̇аб̣б̣ам̣.
Paṭiggahaṇeti gahaṇameva sandhāya vuttaṃ. Paṭiggahitameva hi taṃ, puna paṭiggahaṇakiccaṃ natthi. Teneva ‘‘ajjhoharitukāmatāya gaṇhantassa paṭiggahaṇe’’ti vuttaṃ. Mātikāṭṭhakathāyaṃ (kaṅkhā. aṭṭha. sannidhikārakasikkhāpadavaṇṇanā) pana ‘‘ajjhoharissāmīti gaṇhantassa paṭiggahaṇe’’icceva vuttaṃ. Yanti yaṃ pattaṃ. Sandissatīti yāguyā upari sandissati. Telavaṇṇe patte satipi nisnehabhāve aṅguliyā ghaṃsantassa vaṇṇavaseneva lekhā paññāyati, tasmā tattha anāpattīti dassanatthaṃ ‘‘sā abbohārikā’’ti vuttaṃ. Sayaṃ paṭiggahetvā apariccattameva hi dutiyadivase na vaṭṭatīti ettha paṭiggahaṇe anapekkhavissajjanena anupasampannassa nirapekkhadānena vā vijahitapaṭiggahaṇaṃ pariccattameva hotīti ‘‘apariccatta’’nti iminā ubhayathāpi avijahitapaṭiggahaṇameva vuttaṃ. Tasmā yaṃ parassa pariccajitvā adinnampi sace paṭiggahaṇe nirapekkhavissajjanena vijahitapaṭiggahaṇaṃ hoti, tampi dutiyadivase vaṭṭatīti veditabbaṃ.
яад̣̇и звам̣ ‘‘бад̇д̇о д̣̇уд̣̇д̇ход̇о ход̇ий’’д̇иаад̣̇ийсу гасмаа аабад̇д̇и вуд̇д̇аад̇и? ‘‘бадиг̇г̇ахан̣ам̣ ависсаж̇ж̇зд̇ваава саяам̣ ваа ан̃н̃зна ваа д̇ужчам̣ гад̇ваа на саммаа д̇ховид̇ваа нидтаабид̇з бад̇д̇з лаг̇г̇амби авиж̇ахид̇абадиг̇г̇ахан̣амзва ход̇ийд̇и д̇ад̇т̇а аабад̇д̇ий’’д̇и д̇ийсуби г̇ан̣тибад̣̇зсу вуд̇д̇ам̣. гзжи бана ‘‘сааман̣зраанам̣ барижжаж̇анд̇ийд̇и имасмим̣ ад̇хигаарз тад̇ваа ‘абарижжад̇д̇амзваа’д̇и вуд̇д̇ад̇д̇аа анубасамбаннасса барижжад̇д̇амзва ваддад̇и, абарижжад̇д̇ам̣ на ваддад̇ийд̇и аабаннам̣, д̇асмаа нираалаяабхаавзна бадиг̇г̇ахан̣з виж̇ахид̇зби анубасамбаннасса абарижжад̇д̇ам̣ на ваддад̇ий’’д̇и вад̣̇анд̇и, д̇ам̣ яуд̇д̇ам̣ вияа на д̣̇иссад̇и. яад̣̇аг̇г̇зна хи бадиг̇г̇ахан̣ам̣ виж̇ахад̇и, д̇ад̣̇аг̇г̇зна саннид̇химби на гарод̇и виж̇ахид̇абадиг̇г̇ахан̣асса аббадиг̇г̇ахид̇асад̣̇исад̇д̇аа. бадиг̇г̇ахзд̇ваа нид̣̇ахид̇зязва жа саннид̇хибажжаяаа аабад̇д̇и вуд̇д̇аа. ‘‘бадиг̇г̇ахзд̇ваа згарад̇д̇ам̣ вийд̇инаамид̇ассзд̇ам̣ ад̇хиважана’’нд̇и хи вуд̇д̇ам̣.
Yadi evaṃ ‘‘patto duddhoto hotī’’tiādīsu kasmā āpatti vuttāti? ‘‘Paṭiggahaṇaṃ avissajjetvāva sayaṃ vā aññena vā tucchaṃ katvā na sammā dhovitvā niṭṭhāpite patte laggampi avijahitapaṭiggahaṇameva hotīti tattha āpattī’’ti tīsupi gaṇṭhipadesu vuttaṃ. Keci pana ‘‘sāmaṇerānaṃ pariccajantīti imasmiṃ adhikāre ṭhatvā ‘apariccattamevā’ti vuttattā anupasampannassa pariccattameva vaṭṭati, apariccattaṃ na vaṭṭatīti āpannaṃ, tasmā nirālayabhāvena paṭiggahaṇe vijahitepi anupasampannassa apariccattaṃ na vaṭṭatī’’ti vadanti, taṃ yuttaṃ viya na dissati. Yadaggena hi paṭiggahaṇaṃ vijahati, tadaggena sannidhimpi na karoti vijahitapaṭiggahaṇassa appaṭiggahitasadisattā. Paṭiggahetvā nidahiteyeva ca sannidhipaccayā āpatti vuttā. ‘‘Paṭiggahetvā ekarattaṃ vītināmitassetaṃ adhivacana’’nti hi vuttaṃ.
баал̣ияам̣ ‘‘сад̇д̇аахагаалигам̣ яааваж̇ийвигам̣ аахаарад̇т̇ааяа бадиг̇г̇ан̣хаад̇и, аабад̇д̇и д̣̇уггадассаа’’д̇иаад̣̇инаа саннихид̇зсу сад̇д̇аахагаалигаяааваж̇ийвигзсу бурзбхад̇д̇амби аахаарад̇т̇ааяа аж̇жхохаран̣зби д̣̇уггадасса вуд̇д̇ад̇д̇аа яаамагаалигзби аахаарад̇т̇ааяа аж̇жхохаран̣з висум̣ д̣̇уггадзнаби бхавид̇аб̣б̣анд̇и ааха ‘‘аахаарад̇т̇ааяа аж̇жхохарад̇о д̣̇уггадзна сад̣̇д̇хим̣ баажид̇д̇ияа’’нд̇и. багад̇иаамисзд̇и од̣̇анаад̣̇игаббияаамисз. яаамагаалигам̣ сад̇и бажжаяз саамисзна мукзна аж̇жхохарад̇о д̣̇взд̇и хияяо бадиг̇г̇ахид̇аяаамагаалигам̣ аж̇ж̇а бурзбхад̇д̇ам̣ саамисзна мукзна бхун̃ж̇ад̇о саннихид̇аяаамагаалигабажжаяаа згам̣ баажид̇д̇ияам̣, саннихид̇зна сам̣садтааамисабажжаяаа зганд̇и д̣̇вз баажид̇д̇ияаани. вигаббад̣̇ваязбийд̇и саамисзна нираамисзнаад̇и вуд̇д̇авид̇хаанад̣̇ваяз. д̣̇уггадам̣ вад̣дхад̇ийд̇и аахаарад̇т̇ааяа аж̇жхохаран̣абажжаяаа д̣̇уггадам̣ вад̣дхад̇и. т̇уллажжаяан̃жа д̣̇уггадан̃жа вад̣дхад̇ийд̇и мануссамам̣сз т̇уллажжаяам̣, сзсаагаббияамам̣сзсу д̣̇уггадам̣ вад̣дхад̇и.
Pāḷiyaṃ ‘‘sattāhakālikaṃ yāvajīvikaṃ āhāratthāya paṭiggaṇhāti, āpatti dukkaṭassā’’tiādinā sannihitesu sattāhakālikayāvajīvikesu purebhattampi āhāratthāya ajjhoharaṇepi dukkaṭassa vuttattā yāmakālikepi āhāratthāya ajjhoharaṇe visuṃ dukkaṭenapi bhavitabbanti āha ‘‘āhāratthāya ajjhoharato dukkaṭena saddhiṃ pācittiya’’nti. Pakatiāmiseti odanādikappiyāmise. Yāmakālikaṃ sati paccaye sāmisena mukhena ajjhoharato dveti hiyyo paṭiggahitayāmakālikaṃ ajja purebhattaṃ sāmisena mukhena bhuñjato sannihitayāmakālikapaccayā ekaṃ pācittiyaṃ, sannihitena saṃsaṭṭhaāmisapaccayā ekanti dve pācittiyāni. Vikappadvayepīti sāmisena nirāmisenāti vuttavidhānadvaye. Dukkaṭaṃ vaḍḍhatīti āhāratthāya ajjhoharaṇapaccayā dukkaṭaṃ vaḍḍhati. Thullaccayañca dukkaṭañca vaḍḍhatīti manussamaṃse thullaccayaṃ, sesaakappiyamaṃsesu dukkaṭaṃ vaḍḍhati.
255. бадиг̇г̇ахан̣абажжаяаа д̇аава д̣̇уггаданд̇и зд̇т̇а саннихид̇ад̇д̇аа бурзбхад̇д̇амби д̣̇уггадамзва. сад̇и бажжаяз бана саннихид̇амби сад̇д̇аахагаалигам̣ яааваж̇ийвигам̣ бхзсаж̇ж̇ад̇т̇ааяа г̇ан̣ханд̇асса барибхун̃ж̇анд̇асса жа анаабад̇д̇иязва. сзсамзд̇т̇а уд̇д̇аанамзва. яаавагаалигаяаамагаалигад̇аа, саннид̇хибхааво, д̇асса аж̇жхохаран̣анд̇и имаани банзд̇т̇а д̇ийн̣и ан̇г̇аани.
255.Paṭiggahaṇapaccayā tāva dukkaṭanti ettha sannihitattā purebhattampi dukkaṭameva. Sati paccaye pana sannihitampi sattāhakālikaṃ yāvajīvikaṃ bhesajjatthāya gaṇhantassa paribhuñjantassa ca anāpattiyeva. Sesamettha uttānameva. Yāvakālikayāmakālikatā, sannidhibhāvo, tassa ajjhoharaṇanti imāni panettha tīṇi aṅgāni.
саннид̇хигаарагасигкаабад̣̇аван̣н̣анаа нидтид̇аа.
Sannidhikārakasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. бхож̇анаваг̇г̇о • 4. Bhojanavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 8. саннид̇хигаарагасигкаабад̣̇аван̣н̣анаа • 8. Sannidhikārakasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 8. саннид̇хигаарагасигкаабад̣̇аван̣н̣анаа • 8. Sannidhikārakasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 8. саннид̇хигаарагасигкаабад̣̇аван̣н̣анаа • 8. Sannidhikārakasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 8. саннид̇хигаарагасигкаабад̣̇ам̣ • 8. Sannidhikārakasikkhāpadaṃ
