| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
8. саннид̇хигаарагасигкаабад̣̇аван̣н̣анаа
8. Sannidhikārakasikkhāpadavaṇṇanā
253. абараж̇ж̇у саннид̇хи наама ход̇ийд̇и ад̇т̇о. аж̇ж̇а бадиг̇г̇ахид̇анд̇и на гзвалам̣ бадиг̇г̇ахид̇амзва, ат̇а ко уг̇г̇ахид̇агамби, д̇знзва адтагат̇ааяам̣ ‘‘бадиг̇г̇ан̣хаад̇и, аабад̇д̇и д̣̇уггадассаад̇и звам̣ саннид̇хигад̇ам̣ яам̣ гин̃жи яаавагаалигам̣ ваа яаамагаалигам̣ ваа аж̇жхохарид̇угаамад̇ааяа г̇ан̣ханд̇асса бадиг̇г̇ахан̣з д̇аава аабад̇д̇и д̣̇уггадассаа’’д̇и вуд̇д̇ам̣. яад̣̇и д̇ам̣ батамамзва бадиг̇г̇ахид̇ам̣, ‘‘бадиг̇г̇ахан̣з д̇ааваа’’д̇и на вад̇д̇аб̣б̣ам̣, д̇асмаа взд̣̇ид̇аб̣б̣амзд̇ам̣ ‘‘ад̇д̇ано гаалз г̇ахид̇ам̣ аж̇ж̇а бадиг̇г̇ахид̇а’нд̇и вуд̇д̇а’’нд̇и.
253. Aparajju sannidhi nāma hotīti attho. Ajja paṭiggahitanti na kevalaṃ paṭiggahitameva, atha kho uggahitakampi, teneva aṭṭhakathāyaṃ ‘‘paṭiggaṇhāti, āpatti dukkaṭassāti evaṃ sannidhikataṃ yaṃ kiñci yāvakālikaṃ vā yāmakālikaṃ vā ajjhoharitukāmatāya gaṇhantassa paṭiggahaṇe tāva āpatti dukkaṭassā’’ti vuttaṃ. Yadi taṃ paṭhamameva paṭiggahitaṃ, ‘‘paṭiggahaṇe tāvā’’ti na vattabbaṃ, tasmā veditabbametaṃ ‘‘attano kāle gahitaṃ ajja paṭiggahita’nti vutta’’nti.
зд̇т̇ааха – яат̇аа бан̃жа бхзсаж̇ж̇аани уг̇г̇ахид̇агаани анад̇хиббзд̇аани. сад̇д̇аахаад̇иггамз анаабад̇д̇и анаж̇жхохаран̣ийяад̇д̇аа, д̇ат̇аа ид̇хааби уг̇г̇ахид̇агам̣ наад̇хиббзд̇анд̇и? зд̇т̇а вужжад̇и – бхзсаж̇ж̇асигкаабад̣̇з (баараа. 618 аад̣̇аяо) уг̇г̇ахид̇агам̣ наад̇хиббзд̇анд̇и яуд̇д̇ам̣ ад̇д̇ано гаалаад̇иггаманамад̇д̇зна д̇ад̇т̇а аабад̇д̇иббасан̇г̇ад̇о. зд̇т̇а на яуд̇д̇ам̣ ад̇д̇ано гаалаад̇иггаманамад̇д̇зна аабад̇д̇иббасан̇г̇аабхаавад̇о. аж̇жхохаран̣знзва хи зд̇т̇а аабад̇д̇ийд̇и ад̇хиббааяо, д̇асмаа ануг̇ан̣тибад̣̇амад̇зна аж̇ж̇а уг̇г̇ахзд̇ваа бунад̣̇ивасз бхун̃ж̇анд̇о д̣̇вз аабад̇д̇ияо аабаж̇ж̇ад̇и.
Etthāha – yathā pañca bhesajjāni uggahitakāni anadhippetāni. Sattāhātikkame anāpatti anajjhoharaṇīyattā, tathā idhāpi uggahitakaṃ nādhippetanti? Ettha vuccati – bhesajjasikkhāpade (pārā. 618 ādayo) uggahitakaṃ nādhippetanti yuttaṃ attano kālātikkamanamattena tattha āpattippasaṅgato. Ettha na yuttaṃ attano kālātikkamanamattena āpattippasaṅgābhāvato. Ajjhoharaṇeneva hi ettha āpattīti adhippāyo, tasmā anugaṇṭhipadamatena ajja uggahetvā punadivase bhuñjanto dve āpattiyo āpajjati.
д̇ад̇рааяам̣ вижааран̣аа – ад̇д̇анаа бхун̃ж̇ид̇угаамо аж̇ж̇а уг̇г̇ахзд̇ваа бунад̣̇ивасз бхун̃ж̇ад̇и, д̣̇вз аабад̇д̇ияо аабаж̇ж̇ад̇и. сааман̣зраад̣̇ийнам̣язва ад̇т̇ааяа уг̇г̇ахзд̇ваа г̇ахид̇ам̣ бунад̣̇ивасз бадиг̇г̇ахзд̇ваа бхун̃ж̇анд̇о аабад̇д̇ияаа на гаарзд̇аб̣б̣од̇и. бадиг̇г̇ан̣хаад̇и, аабад̇д̇и д̣̇уггадассаад̇и зд̇т̇ааяамад̇хиббааяо – сажз б̣зладтасийсо вияа д̣̇уд̇ияад̇ад̇ияаад̣̇ид̣̇ивасад̇т̇ааяа аж̇ж̇а бадиг̇г̇ахзд̇ваа сааман̣зраад̣̇ийнам̣ г̇обанад̇т̇ааяа д̣̇зд̇и, д̇асса бунад̣̇ивасз аж̇жхохаран̣ад̇т̇ам̣ бадиг̇г̇ахан̣з аабад̇д̇и д̣̇уггадассаад̇и самбхавад̇и. саяамзва сажз д̇ам̣ г̇обзд̇ваа табзд̇и, бунад̣̇ивасз бад̇ид̇ам̣ гажаварам̣ д̣̇исваа вимад̇ивасзна ваа бадиг̇г̇ан̣хад̇о бадиг̇г̇ахан̣ад̇ова аабад̇д̇и д̣̇уггадассаад̇и самбхавад̇и. но жз бадиг̇г̇ан̣хаад̇и, д̇ам̣ д̣̇уггадам̣ над̇т̇и. ‘‘ид̣̇ан̃хи ‘згам̣ баад̣̇ам̣ ад̇иггаамзд̇и, аабад̇д̇и т̇уллажжаяассаа’д̇иаад̣̇и вияаа’’д̇и вуд̇д̇ам̣. яо бана згаббахаарзнзва д̣̇взби баад̣̇з ад̇иггаамзд̇и, д̇асса д̇ам̣ т̇уллажжаяам̣ над̇т̇и, звам̣самбад̣̇амид̣̇анд̇и взд̣̇ид̇аб̣б̣ам̣. зд̇т̇а бадиг̇г̇ахид̇абхаавам̣ авиж̇аханд̇амзва саннид̇хим̣ ж̇анзд̇ийд̇и д̇хаммасирид̇т̇зро, д̇ам̣ ‘‘бадиг̇г̇ан̣хаад̇и, аабад̇д̇и д̣̇уггадассаа’’д̇и баал̣ияаа вируж̇жхад̇и. габаалзна бийд̇о бана снзхо аб̣б̣охаариго. гин̃жааби ун̣хз од̇аабзнд̇асса баг̇гхарад̇и, д̇ат̇ааби ‘‘бхзсаж̇ж̇асигкаабад̣̇з вияаа’’д̇и вуд̇д̇ам̣. ид̇арат̇аа габаалзна бийд̇аа саббиаад̣̇аяоби сад̇д̇аахаад̇иггамз аабад̇д̇им̣ ж̇анзяяунд̇и. саяам̣ бадиг̇г̇ахзд̇ваад̇и ид̇хааби буб̣б̣з вуд̇д̇авид̇хиязва. д̣̇уд̣̇д̇ход̇абад̇д̇агат̇ааби зд̇зна самзд̇и вияа . аахаарад̇т̇ааяаад̇и гаалзби лаб̣бхад̇и. багад̇иаамисзд̇и габбияаамисз. саамисзна мукзна аж̇жхохарад̇о д̣̇взд̇и ‘‘хияяо бадиг̇г̇ахид̇аяаамагаалигам̣ аж̇ж̇а бурзбхад̇д̇ам̣ саамисзна мукзна аж̇жхохарад̇о д̣̇вз баажид̇д̇ияааний’’д̇и ликид̇ам̣. аж̇ж̇а бадиг̇г̇ахид̇ам̣ яаавагаалигамби хи яаамаад̇игганд̇абаанагзна сам̣садтам̣ саннид̇хим̣ гарод̇и. агаббияамам̣сзсу мануссамам̣сз т̇уллажжаяам̣, сзсамам̣сз д̣̇уггадан̃жа вад̣дхад̇и.
Tatrāyaṃ vicāraṇā – attanā bhuñjitukāmo ajja uggahetvā punadivase bhuñjati, dve āpattiyo āpajjati. Sāmaṇerādīnaṃyeva atthāya uggahetvā gahitaṃ punadivase paṭiggahetvā bhuñjanto āpattiyā na kāretabboti. Paṭiggaṇhāti, āpatti dukkaṭassāti etthāyamadhippāyo – sace belaṭṭhasīso viya dutiyatatiyādidivasatthāya ajja paṭiggahetvā sāmaṇerādīnaṃ gopanatthāya deti, tassa punadivase ajjhoharaṇatthaṃ paṭiggahaṇe āpatti dukkaṭassāti sambhavati. Sayameva sace taṃ gopetvā ṭhapeti, punadivase patitaṃ kacavaraṃ disvā vimativasena vā paṭiggaṇhato paṭiggahaṇatova āpatti dukkaṭassāti sambhavati. No ce paṭiggaṇhāti, taṃ dukkaṭaṃ natthi. ‘‘Idañhi ‘ekaṃ pādaṃ atikkāmeti, āpatti thullaccayassā’tiādi viyā’’ti vuttaṃ. Yo pana ekappahāreneva dvepi pāde atikkāmeti, tassa taṃ thullaccayaṃ natthi, evaṃsampadamidanti veditabbaṃ. Ettha paṭiggahitabhāvaṃ avijahantameva sannidhiṃ janetīti dhammasiritthero, taṃ ‘‘paṭiggaṇhāti, āpatti dukkaṭassā’’ti pāḷiyā virujjhati. Kapālena pīto pana sneho abbohāriko. Kiñcāpi uṇhe otāpentassa paggharati, tathāpi ‘‘bhesajjasikkhāpade viyā’’ti vuttaṃ. Itarathā kapālena pītā sappiādayopi sattāhātikkame āpattiṃ janeyyunti. Sayaṃ paṭiggahetvāti idhāpi pubbe vuttavidhiyeva. Duddhotapattakathāpi etena sameti viya . Āhāratthāyāti kālepi labbhati. Pakatiāmiseti kappiyāmise. Sāmisena mukhena ajjhoharato dveti ‘‘hiyyo paṭiggahitayāmakālikaṃ ajja purebhattaṃ sāmisena mukhena ajjhoharato dve pācittiyānī’’ti likhitaṃ. Ajja paṭiggahitaṃ yāvakālikampi hi yāmātikkantapānakena saṃsaṭṭhaṃ sannidhiṃ karoti. Akappiyamaṃsesu manussamaṃse thullaccayaṃ, sesamaṃse dukkaṭañca vaḍḍhati.
255. сад̇д̇аахагаалигам̣ яааваж̇ийвигам̣ аахаарад̇т̇ааяаад̇и гаалзби д̣̇уггадамзва саннид̇хим̣ анаабаж̇ж̇анад̇од̇и гзжи. д̇ад̣̇аху бадиг̇г̇ахид̇ам̣ д̇ад̣̇аху бурзбхад̇д̇ам̣ ваддад̇ийд̇и жз? на, баал̣ияамби адтагат̇ааяамби висзсасса над̇т̇ид̇ааяа. бхзсаж̇ж̇асигкаабад̣̇з бурзбхад̇д̇ам̣ яат̇аасукам̣ барибхун̃ж̇анам̣ вуд̇д̇анд̇и жз? аахаарз саббиаад̣̇и сан̇г̇ахам̣ яаад̇и, д̇зна д̇аг̇г̇ад̇игавасзна вуд̇д̇ам̣, на бхзсаж̇ж̇авасзна вуд̇д̇анд̇и убад̇иссо.
255.Sattāhakālikaṃ yāvajīvikaṃ āhāratthāyāti kālepi dukkaṭameva sannidhiṃ anāpajjanatoti keci. Tadahu paṭiggahitaṃ tadahu purebhattaṃ vaṭṭatīti ce? Na, pāḷiyampi aṭṭhakathāyampi visesassa natthitāya. Bhesajjasikkhāpade purebhattaṃ yathāsukhaṃ paribhuñjanaṃ vuttanti ce? Āhāre sappiādi saṅgahaṃ yāti, tena taggatikavasena vuttaṃ, na bhesajjavasena vuttanti upatisso.
саннид̇хигаарагасигкаабад̣̇аван̣н̣анаа нидтид̇аа.
Sannidhikārakasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. бхож̇анаваг̇г̇о • 4. Bhojanavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 8. саннид̇хигаарагасигкаабад̣̇аван̣н̣анаа • 8. Sannidhikārakasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 8. саннид̇хигаарагасигкаабад̣̇аван̣н̣анаа • 8. Sannidhikārakasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 8. саннид̇хигаарагасигкаабад̣̇аван̣н̣анаа • 8. Sannidhikārakasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 8. саннид̇хигаарагасигкаабад̣̇ам̣ • 8. Sannidhikārakasikkhāpadaṃ
