| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੮. ਸਨ੍ਨਿਧਿਕਾਰਕਸਿਕ੍ਖਾਪਦવਣ੍ਣਨਾ
8. Sannidhikārakasikkhāpadavaṇṇanā
੨੫੨. ਅਟ੍ਠਮਸਿਕ੍ਖਾਪਦੇ – ਬੇਲਟ੍ਠਸੀਸੋ ਨਾਮ ਜਟਿਲਸਹਸ੍ਸਬ੍ਭਨ੍ਤਰੋ ਮਹਾਥੇਰੋ। ਅਰਞ੍ਞੇ વਿਹਰਤੀਤਿ ਜੇਤવਨਸ੍ਸ ਅવਿਦੂਰੇ ਪਧਾਨਘਰੇ ਏਕਸ੍ਮਿਂ ਆવਾਸੇ વਸਤਿ। ਸੁਕ੍ਖਕੁਰਨ੍ਤਿ ਅਸੂਪਬ੍ਯਞ੍ਜਨਂ ਓਦਨਂ। ਸੋ ਕਿਰ ਅਨ੍ਤੋਗਾਮੇ ਭੁਞ੍ਜਿਤ੍વਾ ਪਚ੍ਛਾ ਪਿਣ੍ਡਾਯ ਚਰਿਤ੍વਾ ਤਾਦਿਸਂ ਓਦਨਂ ਆਹਰਤਿ, ਤਞ੍ਚ ਖੋ ਅਪ੍ਪਿਚ੍ਛਤਾਯ, ਨ ਪਚ੍ਚਯਗਿਦ੍ਧਤਾਯ। ਥੇਰੋ ਕਿਰ ਸਤ੍ਤਾਹਂ ਨਿਰੋਧਸਮਾਪਤ੍ਤਿਯਾ વੀਤਿਨਾਮੇਤ੍વਾ ਸਮਾਪਤ੍ਤਿਤੋ વੁਟ੍ਠਾਯ ਤਂ ਪਿਣ੍ਡਪਾਤਂ ਉਦਕੇਨ ਤੇਮੇਤ੍વਾ ਭੁਞ੍ਜਤਿ, ਤਤੋ ਪੁਨ ਸਤ੍ਤਾਹਂ ਸਮਾਪਤ੍ਤਿਯਾ ਨਿਸੀਦਤਿ। ਏવਂ ਦ੍વੇਪਿ ਤੀਣਿਪਿ ਚਤ੍ਤਾਰਿਪਿ ਸਤ੍ਤਾਹਾਨਿ વੀਤਿਨਾਮੇਤ੍વਾ ਗਾਮਂ ਪਿਣ੍ਡਾਯ ਪવਿਸਤਿ। ਤੇਨ વੁਤ੍ਤਂ – ‘‘ਚਿਰੇਨ ਗਾਮਂ ਪਿਣ੍ਡਾਯ ਪવਿਸਤੀ’’ਤਿ।
252. Aṭṭhamasikkhāpade – belaṭṭhasīso nāma jaṭilasahassabbhantaro mahāthero. Araññe viharatīti jetavanassa avidūre padhānaghare ekasmiṃ āvāse vasati. Sukkhakuranti asūpabyañjanaṃ odanaṃ. So kira antogāme bhuñjitvā pacchā piṇḍāya caritvā tādisaṃ odanaṃ āharati, tañca kho appicchatāya, na paccayagiddhatāya. Thero kira sattāhaṃ nirodhasamāpattiyā vītināmetvā samāpattito vuṭṭhāya taṃ piṇḍapātaṃ udakena temetvā bhuñjati, tato puna sattāhaṃ samāpattiyā nisīdati. Evaṃ dvepi tīṇipi cattāripi sattāhāni vītināmetvā gāmaṃ piṇḍāya pavisati. Tena vuttaṃ – ‘‘cirena gāmaṃ piṇḍāya pavisatī’’ti.
੨੫੩. ਕਾਰੋ ਕਰਣਂ ਕਿਰਿਯਾਤਿ ਅਤ੍ਥਤੋ ਏਕਂ, ਸਨ੍ਨਿਧਿਕਾਰੋ ਅਸ੍ਸਾਤਿ ਸਨ੍ਨਿਧਿਕਾਰਂ; ਸਨ੍ਨਿਧਿਕਾਰਮੇવ ਸਨ੍ਨਿਧਿਕਾਰਕਂ। ਪਟਿਗ੍ਗਹੇਤ੍વਾ ਏਕਰਤ੍ਤਂ વੀਤਿਨਾਮਿਤਸ੍ਸੇਤਂ ਅਧਿવਚਨਂ। ਤੇਨੇવਸ੍ਸ ਪਦਭਾਜਨੇ વੁਤ੍ਤਂ – ‘‘ਸਨ੍ਨਿਧਿਕਾਰਕਂ ਨਾਮ ਅਜ੍ਜ ਪਟਿਗ੍ਗਹਿਤਂ ਅਪਰਜ੍ਜੂ’’ਤਿ।
253. Kāro karaṇaṃ kiriyāti atthato ekaṃ, sannidhikāro assāti sannidhikāraṃ; sannidhikārameva sannidhikārakaṃ. Paṭiggahetvā ekarattaṃ vītināmitassetaṃ adhivacanaṃ. Tenevassa padabhājane vuttaṃ – ‘‘sannidhikārakaṃ nāma ajja paṭiggahitaṃ aparajjū’’ti.
ਪਟਿਗ੍ਗਣ੍ਹਾਤਿ ਆਪਤ੍ਤਿ ਦੁਕ੍ਕਟਸ੍ਸਾਤਿ ਏવਂ ਸਨ੍ਨਿਧਿਕਤਂ ਯਂਕਿਞ੍ਚਿ ਯਾવਕਾਲਿਕਂ વਾ ਯਾਮਕਾਲਿਕਂ વਾ ਅਜ੍ਝੋਹਰਿਤੁਕਾਮਤਾਯ ਗਣ੍ਹਨ੍ਤਸ੍ਸ ਪਟਿਗ੍ਗਹਣੇ ਤਾવ ਆਪਤ੍ਤਿ ਦੁਕ੍ਕਟਸ੍ਸ। ਅਜ੍ਝੋਹਰਤੋ ਪਨ ਏਕਮੇਕਸ੍ਮਿਂ ਅਜ੍ਝੋਹਾਰੇ ਪਾਚਿਤ੍ਤਿਯਂ। ਸਚੇਪਿ ਪਤ੍ਤੋ ਦੁਦ੍ਧੋਤੋ ਹੋਤਿ, ਯਂ ਅਙ੍ਗੁਲਿਯਾ ਘਂਸਨ੍ਤਸ੍ਸ ਲੇਖਾ ਪਞ੍ਞਾਯਤਿ, ਗਣ੍ਠਿਕਪਤ੍ਤਸ੍ਸ વਾ ਗਣ੍ਠਿਕਨ੍ਤਰੇ ਸ੍ਨੇਹੋ ਪવਿਟ੍ਠੋ ਹੋਤਿ, ਸੋ ਉਣ੍ਹੇ ਓਤਾਪੇਨ੍ਤਸ੍ਸ ਪਗ੍ਘਰਤਿ, ਉਣ੍ਹਯਾਗੁਯਾ વਾ ਗਹਿਤਾਯ ਸਨ੍ਦਿਸ੍ਸਤਿ, ਤਾਦਿਸੇ ਪਤ੍ਤੇਪਿ ਪੁਨਦਿવਸੇ ਭੁਞ੍ਜਨ੍ਤਸ੍ਸ ਪਾਚਿਤ੍ਤਿਯਂ। ਤਸ੍ਮਾ ਪਤ੍ਤਂ ਧੋવਿਤ੍વਾ ਪੁਨ ਤਤ੍ਥ ਅਚ੍ਛੋਦਕਂ વਾ ਆਸਿਞ੍ਚਿਤ੍વਾ ਅਙ੍ਗੁਲਿਯਾ વਾ ਘਂਸਿਤ੍વਾ ਨਿਸ੍ਨੇਹਭਾવੋ ਜਾਨਿਤਬ੍ਬੋ। ਸਚੇ ਹਿ ਉਦਕੇ વਾ ਸ੍ਨੇਹਭਾવੋ ਪਤ੍ਤੇ વਾ ਅਙ੍ਗੁਲਿਲੇਖਾ ਪਞ੍ਞਾਯਤਿ, ਦੁਦ੍ਧੋਤੋ ਹੋਤਿ। ਤੇਲવਣ੍ਣਪਤ੍ਤੇ ਪਨ ਅਙ੍ਗੁਲਿਲੇਖਾ ਪਞ੍ਞਾਯਤਿ, ਸਾ ਅਬ੍ਬੋਹਾਰਿਕਾ। ਯਂ ਭਿਕ੍ਖੂ ਨਿਰਪੇਕ੍ਖਾ ਸਾਮਣੇਰਾਨਂ ਪਰਿਚ੍ਚਜਨ੍ਤਿ, ਤਞ੍ਚੇ ਸਾਮਣੇਰਾ ਨਿਦਹਿਤ੍વਾ ਦੇਨ੍ਤਿ, ਸਬ੍ਬਂ વਟ੍ਟਤਿ। ਸਯਂ ਪਟਿਗ੍ਗਹੇਤ੍વਾ ਅਪਰਿਚ੍ਚਤ੍ਤਮੇવ ਹਿ ਦੁਤਿਯਦਿવਸੇ ਨ વਟ੍ਟਤਿ। ਤਤੋ ਹਿ ਏਕਸਿਤ੍ਥਮ੍ਪਿ ਅਜ੍ਝੋਹਰਤੋ ਪਾਚਿਤ੍ਤਿਯਮੇવ।
Paṭiggaṇhāti āpatti dukkaṭassāti evaṃ sannidhikataṃ yaṃkiñci yāvakālikaṃ vā yāmakālikaṃ vā ajjhoharitukāmatāya gaṇhantassa paṭiggahaṇe tāva āpatti dukkaṭassa. Ajjhoharato pana ekamekasmiṃ ajjhohāre pācittiyaṃ. Sacepi patto duddhoto hoti, yaṃ aṅguliyā ghaṃsantassa lekhā paññāyati, gaṇṭhikapattassa vā gaṇṭhikantare sneho paviṭṭho hoti, so uṇhe otāpentassa paggharati, uṇhayāguyā vā gahitāya sandissati, tādise pattepi punadivase bhuñjantassa pācittiyaṃ. Tasmā pattaṃ dhovitvā puna tattha acchodakaṃ vā āsiñcitvā aṅguliyā vā ghaṃsitvā nisnehabhāvo jānitabbo. Sace hi udake vā snehabhāvo patte vā aṅgulilekhā paññāyati, duddhoto hoti. Telavaṇṇapatte pana aṅgulilekhā paññāyati, sā abbohārikā. Yaṃ bhikkhū nirapekkhā sāmaṇerānaṃ pariccajanti, tañce sāmaṇerā nidahitvā denti, sabbaṃ vaṭṭati. Sayaṃ paṭiggahetvā apariccattameva hi dutiyadivase na vaṭṭati. Tato hi ekasitthampi ajjhoharato pācittiyameva.
ਅਕਪ੍ਪਿਯਮਂਸੇਸੁ ਮਨੁਸ੍ਸਮਂਸੇ ਥੁਲ੍ਲਚ੍ਚਯੇਨ ਸਦ੍વਿਂ ਪਾਚਿਤ੍ਤਿਯਂ, ਅવਸੇਸੇਸੁ ਦੁਕ੍ਕਟੇਨ ਸਦ੍ਧਿਂ। ਯਾਮਕਾਲਿਕਂ ਸਤਿ ਪਚ੍ਚਯੇ ਅਜ੍ਝੋਹਰਤੋ ਪਾਚਿਤ੍ਤਿਯਂ। ਆਹਾਰਤ੍ਥਾਯ ਅਜ੍ਝੋਹਰਤੋ ਦੁਕ੍ਕਟੇਨ ਸਦ੍ਧਿਂ ਪਾਚਿਤ੍ਤਿਯਂ। ਸਚੇ ਪવਾਰਿਤੋ ਹੁਤ੍વਾ ਅਨਤਿਰਿਤ੍ਤਕਤਂ ਅਜ੍ਝੋਹਰਤਿ, ਪਕਤਿਆਮਿਸੇ ਦ੍વੇ ਪਾਚਿਤ੍ਤਿਯਾਨਿ, ਮਨੁਸ੍ਸਮਂਸੇ ਥੁਲ੍ਲਚ੍ਚਯੇਨ ਸਦ੍ਧਿਂ ਦ੍વੇ, ਸੇਸਅਕਪ੍ਪਿਯਮਂਸੇ ਦੁਕ੍ਕਟੇਨ ਸਦ੍ਧਿਂ, ਯਾਮਕਾਲਿਕਂ ਸਤਿ ਪਚ੍ਚਯੇ ਸਾਮਿਸੇਨ ਮੁਖੇਨ ਅਜ੍ਝੋਹਰਤੋ ਦ੍વੇ, ਨਿਰਾਮਿਸੇਨ ਏਕਮੇવ। ਆਹਾਰਤ੍ਥਾਯ ਅਜ੍ਝੋਹਰਤੋ વਿਕਪ੍ਪਦ੍વਯੇਪਿ ਦੁਕ੍ਕਟਂ વਡ੍ਢਤਿ। ਸਚੇ વਿਕਾਲੇ ਅਜ੍ਝੋਹਰਤਿ, ਪਕਤਿਭੋਜਨੇ ਸਨ੍ਨਿਧਿਪਚ੍ਚਯਾ ਚ વਿਕਾਲਭੋਜਨਪਚ੍ਚਯਾ ਚ ਦ੍વੇ ਪਾਚਿਤ੍ਤਿਯਾਨਿ, ਅਕਪ੍ਪਿਯਮਂਸੇਸੁ ਥੁਲ੍ਲਚ੍ਚਯਞ੍ਚ ਦੁਕ੍ਕਟਞ੍ਚ વਡ੍ਢਤਿ। ਯਾਮਕਾਲਿਕੇਸੁ વਿਕਾਲਪਚ੍ਚਯਾ ਅਨਾਪਤ੍ਤਿ, ਅਨਤਿਰਿਤ੍ਤਪਚ੍ਚਯਾ ਪਨ વਿਕਾਲੇ ਸਬ੍ਬવਿਕਪ੍ਪੇਸੁ ਅਨਾਪਤ੍ਤਿ।
Akappiyamaṃsesu manussamaṃse thullaccayena sadviṃ pācittiyaṃ, avasesesu dukkaṭena saddhiṃ. Yāmakālikaṃ sati paccaye ajjhoharato pācittiyaṃ. Āhāratthāya ajjhoharato dukkaṭena saddhiṃ pācittiyaṃ. Sace pavārito hutvā anatirittakataṃ ajjhoharati, pakatiāmise dve pācittiyāni, manussamaṃse thullaccayena saddhiṃ dve, sesaakappiyamaṃse dukkaṭena saddhiṃ, yāmakālikaṃ sati paccaye sāmisena mukhena ajjhoharato dve, nirāmisena ekameva. Āhāratthāya ajjhoharato vikappadvayepi dukkaṭaṃ vaḍḍhati. Sace vikāle ajjhoharati, pakatibhojane sannidhipaccayā ca vikālabhojanapaccayā ca dve pācittiyāni, akappiyamaṃsesu thullaccayañca dukkaṭañca vaḍḍhati. Yāmakālikesu vikālapaccayā anāpatti, anatirittapaccayā pana vikāle sabbavikappesu anāpatti.
੨੫੫. ਸਤ੍ਤਾਹਕਾਲਿਕਂ ਯਾવਜੀવਿਕਂ ਆਹਾਰਤ੍ਥਾਯਾਤਿ ਆਹਾਰਤ੍ਥਾਯ ਪਟਿਗ੍ਗਣ੍ਹਤੋ ਪਟਿਗ੍ਗਹਣਪਚ੍ਚਯਾ ਤਾવ ਦੁਕ੍ਕਟਂ, ਅਜ੍ਝੋਹਰਤੋ ਪਨ ਸਚੇ ਨਿਰਾਮਿਸਂ ਹੋਤਿ, ਅਜ੍ਝੋਹਾਰੇ ਅਜ੍ਝੋਹਾਰੇ ਦੁਕ੍ਕਟਂ। ਅਥ ਆਮਿਸਸਂਸਟ੍ਠਂ ਪਟਿਗ੍ਗਹੇਤ੍વਾ ਠਪਿਤਂ ਹੋਤਿ, ਯਥਾવਤ੍ਥੁਕਂ ਪਾਚਿਤ੍ਤਿਯਮੇવ।
255.Sattāhakālikaṃ yāvajīvikaṃ āhāratthāyāti āhāratthāya paṭiggaṇhato paṭiggahaṇapaccayā tāva dukkaṭaṃ, ajjhoharato pana sace nirāmisaṃ hoti, ajjhohāre ajjhohāre dukkaṭaṃ. Atha āmisasaṃsaṭṭhaṃ paṭiggahetvā ṭhapitaṃ hoti, yathāvatthukaṃ pācittiyameva.
੨੫੬. ਅਨਾਪਤ੍ਤਿ ਯਾવਕਾਲਿਕਨ੍ਤਿਆਦਿਮ੍ਹਿ વਿਕਾਲਭੋਜਨਸਿਕ੍ਖਾਪਦੇ ਨਿਦ੍ਦਿਟ੍ਠਂ ਖਾਦਨੀਯਭੋਜਨੀਯਂ ਯਾવ ਮਜ੍ਝਨ੍ਤਿਕਸਙ੍ਖਾਤੋ ਕਾਲੋ, ਤਾવ ਭੁਞ੍ਜਿਤਬ੍ਬਤੋ ਯਾવਕਾਲਿਕਂ। ਸਦ੍ਧਿਂ ਅਨੁਲੋਮਪਾਨੇਹਿ ਅਟ੍ਠવਿਧਂ ਪਾਨਂ ਯਾવ ਰਤ੍ਤਿਯਾ ਪਚ੍ਛਿਮਯਾਮਸਙ੍ਖਾਤੋ ਯਾਮੋ, ਤਾવ ਪਰਿਭੁਞ੍ਜਿਤਬ੍ਬਤੋ ਯਾਮੋ ਕਾਲੋ ਅਸ੍ਸਾਤਿ ਯਾਮਕਾਲਿਕਂ। ਸਪ੍ਪਿਆਦਿ ਪਞ੍ਚવਿਧਂ ਭੇਸਜ੍ਜਂ ਸਤ੍ਤਾਹਂ ਨਿਧੇਤਬ੍ਬਤੋ ਸਤ੍ਤਾਹੋ ਕਾਲੋ ਅਸ੍ਸਾਤਿ ਸਤ੍ਤਾਹਕਾਲਿਕਂ। ਠਪੇਤ੍વਾ ਉਦਕਂ ਅવਸੇਸਂ ਸਬ੍ਬਮ੍ਪਿ ਯਾવਜੀવਂ ਪਰਿਹਰਿਤ੍વਾ ਸਤਿ ਪਚ੍ਚਯੇ ਪਰਿਭੁਞ੍ਜਿਤਬ੍ਬਤੋ ਯਾવਜੀવਕਨ੍ਤਿ વੁਚ੍ਚਤਿ ।
256.Anāpatti yāvakālikantiādimhi vikālabhojanasikkhāpade niddiṭṭhaṃ khādanīyabhojanīyaṃ yāva majjhantikasaṅkhāto kālo, tāva bhuñjitabbato yāvakālikaṃ. Saddhiṃ anulomapānehi aṭṭhavidhaṃ pānaṃ yāva rattiyā pacchimayāmasaṅkhāto yāmo, tāva paribhuñjitabbato yāmo kālo assāti yāmakālikaṃ. Sappiādi pañcavidhaṃ bhesajjaṃ sattāhaṃ nidhetabbato sattāho kālo assāti sattāhakālikaṃ. Ṭhapetvā udakaṃ avasesaṃ sabbampi yāvajīvaṃ pariharitvā sati paccaye paribhuñjitabbato yāvajīvakanti vuccati .
ਤਤ੍ਥ ਅਰੁਣੋਦਯੇવ ਪਟਿਗ੍ਗਹਿਤਂ ਯਾવਕਾਲਿਕਂ ਸਤਕ੍ਖਤ੍ਤੁਮ੍ਪਿ ਨਿਦਹਿਤ੍વਾ ਯਾવਕਾਲੋ ਨਾਤਿਕ੍ਕਮਤਿ ਤਾવ, ਯਾਮਕਾਲਿਕਂ ਏਕਂ ਅਹੋਰਤ੍ਤਂ, ਸਤ੍ਤਾਹਕਾਲਿਕਂ ਸਤ੍ਤਰਤ੍ਤਂ, ਇਤਰਂ ਸਤਿ ਪਚ੍ਚਯੇ, ਯਾવਜੀવਮ੍ਪਿ ਪਰਿਭੁਞ੍ਜਨ੍ਤਸ੍ਸ ਅਨਾਪਤ੍ਤਿ। ਸੇਸਮੇਤ੍ਥ ਉਤ੍ਤਾਨਮੇવ। ਅਟ੍ਠਕਥਾਸੁ ਪਨ ਇਮਸ੍ਮਿਂ ਠਾਨੇ ਪਾਨਕਥਾ ਕਪ੍ਪਿਯਾਨੁਲੋਮਕਥਾ ‘‘ਕਪ੍ਪਤਿ ਨੁ ਖੋ ਯਾવਕਾਲਿਕੇਨ ਯਾਮਕਾਲਿਕ’’ਨ੍ਤਿਆਦਿਕਥਾ ਚ ਕਪ੍ਪਿਯਭੂਮਿਕਥਾ ਚ વਿਤ੍ਥਾਰਿਤਾ, ਤਂ ਮਯਂ ਆਗਤਟ੍ਠਾਨੇਯੇવ ਕਥਯਿਸ੍ਸਾਮ।
Tattha aruṇodayeva paṭiggahitaṃ yāvakālikaṃ satakkhattumpi nidahitvā yāvakālo nātikkamati tāva, yāmakālikaṃ ekaṃ ahorattaṃ, sattāhakālikaṃ sattarattaṃ, itaraṃ sati paccaye, yāvajīvampi paribhuñjantassa anāpatti. Sesamettha uttānameva. Aṭṭhakathāsu pana imasmiṃ ṭhāne pānakathā kappiyānulomakathā ‘‘kappati nu kho yāvakālikena yāmakālika’’ntiādikathā ca kappiyabhūmikathā ca vitthāritā, taṃ mayaṃ āgataṭṭhāneyeva kathayissāma.
ਏਲ਼ਕਲੋਮਸਮੁਟ੍ਠਾਨਂ – ਕਾਯਤੋ ਚ ਕਾਯਚਿਤ੍ਤਤੋ ਚ ਸਮੁਟ੍ਠਾਤਿ, ਕਿਰਿਯਂ, ਨੋਸਞ੍ਞਾવਿਮੋਕ੍ਖਂ, ਅਚਿਤ੍ਤਕਂ, ਪਣ੍ਣਤ੍ਤਿવਜ੍ਜਂ, ਕਾਯਕਮ੍ਮਂ, ਤਿਚਿਤ੍ਤਂ, ਤਿવੇਦਨਨ੍ਤਿ।
Eḷakalomasamuṭṭhānaṃ – kāyato ca kāyacittato ca samuṭṭhāti, kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, ticittaṃ, tivedananti.
ਸਨ੍ਨਿਧਿਕਾਰਕਸਿਕ੍ਖਾਪਦਂ ਅਟ੍ਠਮਂ।
Sannidhikārakasikkhāpadaṃ aṭṭhamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੪. ਭੋਜਨવਗ੍ਗੋ • 4. Bhojanavaggo
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੮. ਸਨ੍ਨਿਧਿਕਾਰਕਸਿਕ੍ਖਾਪਦવਣ੍ਣਨਾ • 8. Sannidhikārakasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੮. ਸਨ੍ਨਿਧਿਕਾਰਕਸਿਕ੍ਖਾਪਦવਣ੍ਣਨਾ • 8. Sannidhikārakasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੮. ਸਨ੍ਨਿਧਿਕਾਰਕਸਿਕ੍ਖਾਪਦવਣ੍ਣਨਾ • 8. Sannidhikārakasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੮. ਸਨ੍ਨਿਧਿਕਾਰਕਸਿਕ੍ਖਾਪਦਂ • 8. Sannidhikārakasikkhāpadaṃ
