| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
2. убосат̇агканд̇хагам̣
2. Uposathakkhandhakaṃ
саннибаад̇аануж̇аананаад̣̇игат̇аа
Sannipātānujānanādikathā
132. убосат̇агканд̇хагз – ан̃н̃ад̇ид̇т̇ияаад̇и зд̇т̇а д̇ид̇т̇ам̣ вужжад̇и лад̣̇д̇хи; ан̃н̃ам̣ д̇ид̇т̇ам̣ ан̃н̃ад̇ид̇т̇ам̣; ан̃н̃ад̇ид̇т̇ам̣ зд̇зсам̣ ад̇т̇ийд̇и ан̃н̃ад̇ид̇т̇ияаа; ид̇о ан̃н̃алад̣̇д̇хигаад̇и вуд̇д̇ам̣ ход̇и. д̇хаммам̣ бхаасанд̇ийд̇и яам̣ д̇зсам̣ гад̇д̇аб̣б̣аагад̇д̇аб̣б̣ам̣, д̇ам̣ гат̇знд̇и. д̇з лабханд̇ийд̇и д̇з мануссаа лабханд̇и. мууг̇асуугараад̇и т̇ууласарийрасуугараа.
132. Uposathakkhandhake – aññatitthiyāti ettha titthaṃ vuccati laddhi; aññaṃ titthaṃ aññatitthaṃ; aññatitthaṃ etesaṃ atthīti aññatitthiyā; ito aññaladdhikāti vuttaṃ hoti. Dhammaṃ bhāsantīti yaṃ tesaṃ kattabbākattabbaṃ, taṃ kathenti. Te labhantīti te manussā labhanti. Mūgasūkarāti thūlasarīrasūkarā.
135. анаж̇жхаабанно ваа ход̇и аабаж̇ж̇ид̇ваа ваа вудтид̇од̇и зд̇т̇а яам̣ аабад̇д̇им̣ бхигку анаж̇жхаабанно ваа ход̇и, аабаж̇ж̇ид̇ваа ваа вудтид̇о, аяам̣ асанд̇ий наама аабад̇д̇ийд̇и звамад̇т̇о взд̣̇ид̇аб̣б̣о. самбаж̇аанамусааваад̣̇з гим̣ ход̇ийд̇и явааяам̣ самбаж̇аанамусааваад̣̇о асса ход̇ийд̇и вуд̇д̇о, со аабад̇д̇ид̇о гим̣ ход̇и, гад̇араа аабад̇д̇и ход̇ийд̇и ад̇т̇о. д̣̇уггадам̣ ход̇ийд̇и д̣̇уггадаабад̇д̇и ход̇и; саа жа ко на мусааваад̣̇алагкан̣зна; бхаг̇авад̇о бана важанзна важийд̣̇ваарз агирияасамудтаанаа аабад̇д̇и ход̇ийд̇и взд̣̇ид̇аб̣б̣аа. вагкад̇и хи –
135.Anajjhāpanno vā hoti āpajjitvā vā vuṭṭhitoti ettha yaṃ āpattiṃ bhikkhu anajjhāpanno vā hoti, āpajjitvā vā vuṭṭhito, ayaṃ asantī nāma āpattīti evamattho veditabbo. Sampajānamusāvāde kiṃ hotīti yvāyaṃ sampajānamusāvādo assa hotīti vutto, so āpattito kiṃ hoti, katarā āpatti hotīti attho. Dukkaṭaṃ hotīti dukkaṭāpatti hoti; sā ca kho na musāvādalakkhaṇena; bhagavato pana vacanena vacīdvāre akiriyasamuṭṭhānā āpatti hotīti veditabbā. Vakkhati hi –
‘‘анаалабанд̇о мануж̇зна гзнажи,
‘‘Anālapanto manujena kenaci,
ваажааг̇ирам̣ но жа барз бхан̣зяяа;
Vācāgiraṃ no ca pare bhaṇeyya;
аабаж̇ж̇зяяа ваажасигам̣ на гааяигам̣,
Āpajjeyya vācasikaṃ na kāyikaṃ,
бан̃хаа мзсаа гусалзхи жинд̇ид̇аа’’д̇и. (бари. 479);
Pañhā mesā kusalehi cintitā’’ti. (pari. 479);
анд̇арааяигод̇и анд̇арааяагаро. гисса паасу ход̇ийд̇и гимад̇т̇ааяа паасу ход̇и. батамасса жхаанасса ад̇хиг̇амааяаад̇и батамасса жхаанасса ад̇хиг̇аманад̇т̇ааяа д̇асса бхигкуно паасу ход̇и сукам̣ ход̇и. зса наяо саб̣б̣ад̇т̇а. ид̇и бхаг̇аваа уд̣̇д̣̇зсад̇о жа нид̣̇д̣̇зсад̇о жа батамам̣ баад̇имогкуд̣̇д̣̇зсам̣ д̣̇ассзси.
Antarāyikoti antarāyakaro. Kissa phāsu hotīti kimatthāya phāsu hoti. Paṭhamassa jhānassa adhigamāyāti paṭhamassa jhānassa adhigamanatthāya tassa bhikkhuno phāsu hoti sukhaṃ hoti. Esa nayo sabbattha. Iti bhagavā uddesato ca niddesato ca paṭhamaṃ pātimokkhuddesaṃ dassesi.
136. д̣̇звасиганд̇и д̣̇ивасз д̣̇ивасз. жаад̇уд̣̇д̣̇асз ваа баннарасз ваад̇и згасса уд̇уно д̇ад̇ияз жа сад̇д̇амз жа багкз д̣̇вигкад̇д̇ум̣ жаад̇уд̣̇д̣̇асз авасзсз чагкад̇д̇ум̣ баннарасз; аяам̣ д̇аава зго ад̇т̇о. аяам̣ бана багад̇ижаарид̇д̇авасзна вуд̇д̇о ‘‘сагим̣ багкасса жаад̇уд̣̇д̣̇асз ваа баннарасз ваа’’д̇и важанад̇о бана д̇ат̇ааруубз бажжаяз сад̇и яасмим̣ д̇асмим̣ жаад̇уд̣̇д̣̇асз ваа баннарасз ваа уд̣̇д̣̇исид̇ум̣ ваддад̇и, ааваасигаанам̣ бхигкуунам̣ жаад̇уд̣̇д̣̇асо ход̇и, ааг̇анд̇угаанам̣ баннарасо. сажз ааваасигаа б̣ахуд̇араа хонд̇и, ааг̇анд̇угзхи ааваасигаанам̣ анувад̇д̇ид̇аб̣б̣а’’нд̇и важанад̇оби жзд̇ам̣ взд̣̇ид̇аб̣б̣ам̣.
136.Devasikanti divase divase. Cātuddase vā pannarase vāti ekassa utuno tatiye ca sattame ca pakkhe dvikkhattuṃ cātuddase avasese chakkhattuṃ pannarase; ayaṃ tāva eko attho. Ayaṃ pana pakaticārittavasena vutto ‘‘sakiṃ pakkhassa cātuddase vā pannarase vā’’ti vacanato pana tathārūpe paccaye sati yasmiṃ tasmiṃ cātuddase vā pannarase vā uddisituṃ vaṭṭati, āvāsikānaṃ bhikkhūnaṃ cātuddaso hoti, āgantukānaṃ pannaraso. Sace āvāsikā bahutarā honti, āgantukehi āvāsikānaṃ anuvattitabba’’nti vacanatopi cetaṃ veditabbaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
68. саннибаад̇аануж̇аананаа • 68. Sannipātānujānanā
69. баад̇имогкуд̣̇д̣̇зсаануж̇аананаа • 69. Pātimokkhuddesānujānanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / саннибаад̇аануж̇аананаад̣̇игат̇ааван̣н̣анаа • Sannipātānujānanādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / саннибаад̇аануж̇аананаад̣̇игат̇ааван̣н̣анаа • Sannipātānujānanādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / саннибаад̇аануж̇аананаад̣̇игат̇ааван̣н̣анаа • Sannipātānujānanādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 68. саннибаад̇аануж̇аананаад̣̇игат̇аа • 68. Sannipātānujānanādikathā
