| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
2. உபோஸத²க்க²ந்த⁴கோ
2. Uposathakkhandhako
ஸன்னிபாதானுஜானநாதி³கதா²வண்ணனா
Sannipātānujānanādikathāvaṇṇanā
132. உபோஸத²க்க²ந்த⁴கே தரந்தி ஓதரந்தி எத்தா²தி தித்த²ங், லத்³தி⁴. இதோதி ஸாஸனலத்³தி⁴தோ.
132. Uposathakkhandhake taranti otaranti etthāti titthaṃ, laddhi. Itoti sāsanaladdhito.
135. ஆபஜ்ஜித்வா வா வுட்டி²தோதி எத்த² தே³ஸனாரோசனானம்பி ஸங்க³ஹோ. தேனேவ மாதிகாட்ட²கதா²யங் ‘‘வுட்டி²தா வா தே³ஸிதா வா ஆரோசிதா வா ஆபத்தி…பே॰… அஸந்தீ நாம ஹோதீ’’தி (கங்கா²॰ அட்ட²॰ நிதா³னவண்ணனா) வுத்தங்.
135.Āpajjitvā vā vuṭṭhitoti ettha desanārocanānampi saṅgaho. Teneva mātikāṭṭhakathāyaṃ ‘‘vuṭṭhitā vā desitā vā ārocitā vā āpatti…pe… asantī nāma hotī’’ti (kaṅkhā. aṭṭha. nidānavaṇṇanā) vuttaṃ.
மனுஜேனாதி ஆஸன்னேன ஸஹ. பரேதி தூ³ரட்டே²பி பரபுக்³க³லே ஸந்தா⁴ய கி³ரங் நோ ச ப⁴ணெய்யாதி யோஜனா.
Manujenāti āsannena saha. Pareti dūraṭṭhepi parapuggale sandhāya giraṃ no ca bhaṇeyyāti yojanā.
‘‘ஆவிகதா ஹிஸ்ஸ பா²ஸு ஹோதீ’’தி (மஹாவ॰ 134) வுத்தத்தா க³ருகாபத்திபி ஆவிகரணமத்தேன வுட்டா²தீதி கேசி வத³ந்தி, தங் தேஸங் மதிமத்தங் பரிவாஸாதி³விதா⁴னஸுத்தேஹி விருஜ்ஜ²னதோ. அயங் பனெத்த² அதி⁴ப்பாயோ – யதா²பூ⁴தஞ்ஹி அத்தானமாவிகரொந்தங் பேஸலா பி⁴க்கூ² ‘‘அகாமா பரிவத்த²ப்³ப³’’ந்திஆதி³வசனங் நிஸ்ஸாய அனிச்ச²மானம்பி நங் உபாயேன பரிவாஸாதீ³னி த³த்வா அவஸ்ஸங் ஸுத்³த⁴ந்தே பதிட்டா²பெஸ்ஸந்தி, ததோ தஸ்ஸ அவிப்படிஸாராதீ³னங் வஸேன பா²ஸு ஹோதி. பட²மங் பாதிமொக்கு²த்³தே³ஸந்தி நிதா³னுத்³தே³ஸங் த³ஸ்ஸேதி. புப்³பே³ அவிஜ்ஜமானங் பஞ்ஞாபேஸீதி. ந கேவலஞ்ச ஏதங், புப்³பே³ பஞ்ஞத்தம்பி பன பாராஜிகாதி³ஸிக்கா²பத³ங் ஸப்³ப³ங் ப⁴க³வா ‘‘தத்ரிமே சத்தாரோ பாராஜிகா த⁴ம்மா உத்³தே³ஸங் ஆக³ச்ச²ந்தீ’’திஆதி³னா பாராஜிகுத்³தே³ஸாதி³வஸேன வினயமாதிகங் கத்வா நிதா³னுத்³தே³ஸேன ஸஹ ஸயமேவ ஸங்க³ஹெத்வா ‘‘பாதிமொக்க²’’ந்தி பஞ்ஞாபேஸீதி த³ட்ட²ப்³ப³ங். ததே³தங் ஸப்³ப³ம்பி ஸந்தா⁴ய ‘‘அனுஜானாமி, பி⁴க்க²வே, பாதிமொக்க²ங் உத்³தி³ஸிது’’ந்தி (மஹாவ॰ 133) வுத்தங்.
‘‘Āvikatā hissa phāsu hotī’’ti (mahāva. 134) vuttattā garukāpattipi āvikaraṇamattena vuṭṭhātīti keci vadanti, taṃ tesaṃ matimattaṃ parivāsādividhānasuttehi virujjhanato. Ayaṃ panettha adhippāyo – yathābhūtañhi attānamāvikarontaṃ pesalā bhikkhū ‘‘akāmā parivatthabba’’ntiādivacanaṃ nissāya anicchamānampi naṃ upāyena parivāsādīni datvā avassaṃ suddhante patiṭṭhāpessanti, tato tassa avippaṭisārādīnaṃ vasena phāsu hoti. Paṭhamaṃ pātimokkhuddesanti nidānuddesaṃ dasseti. Pubbe avijjamānaṃ paññāpesīti. Na kevalañca etaṃ, pubbe paññattampi pana pārājikādisikkhāpadaṃ sabbaṃ bhagavā ‘‘tatrime cattāro pārājikā dhammā uddesaṃ āgacchantī’’tiādinā pārājikuddesādivasena vinayamātikaṃ katvā nidānuddesena saha sayameva saṅgahetvā ‘‘pātimokkha’’nti paññāpesīti daṭṭhabbaṃ. Tadetaṃ sabbampi sandhāya ‘‘anujānāmi, bhikkhave, pātimokkhaṃ uddisitu’’nti (mahāva. 133) vuttaṃ.
136. ஏதங் 34 வேதி³தப்³ப³ந்தி யஸ்மிங் தஸ்மிங் சாதுத்³த³ஸே வா பன்னரஸே வாதி ஏவங் அத்த²ஜாதங்.
136.Etaṃ 34 veditabbanti yasmiṃ tasmiṃ cātuddase vā pannarase vāti evaṃ atthajātaṃ.
ஸன்னிபாதானுஜானநாதி³கதா²வண்ணனா நிட்டி²தா.
Sannipātānujānanādikathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi
68. ஸன்னிபாதானுஜானநா • 68. Sannipātānujānanā
69. பாதிமொக்கு²த்³தே³ஸானுஜானநா • 69. Pātimokkhuddesānujānanā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / ஸன்னிபாதானுஜானநாதி³கதா² • Sannipātānujānanādikathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / ஸன்னிபாதானுஜானநாதி³கதா²வண்ணனா • Sannipātānujānanādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / ஸன்னிபாதானுஜானநாதி³கதா²வண்ணனா • Sannipātānujānanādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 68. ஸன்னிபாதானுஜானநாதி³கதா² • 68. Sannipātānujānanādikathā
