| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
੨. ਉਪੋਸਥਕ੍ਖਨ੍ਧਕੋ
2. Uposathakkhandhako
ਸਨ੍ਨਿਪਾਤਾਨੁਜਾਨਨਾਦਿਕਥਾવਣ੍ਣਨਾ
Sannipātānujānanādikathāvaṇṇanā
੧੩੨. ਉਪੋਸਥਕ੍ਖਨ੍ਧਕੇ ਤਰਨ੍ਤਿ ਓਤਰਨ੍ਤਿ ਏਤ੍ਥਾਤਿ ਤਿਤ੍ਥਂ, ਲਦ੍ਧਿ। ਇਤੋਤਿ ਸਾਸਨਲਦ੍ਧਿਤੋ।
132. Uposathakkhandhake taranti otaranti etthāti titthaṃ, laddhi. Itoti sāsanaladdhito.
੧੩੫. ਆਪਜ੍ਜਿਤ੍વਾ વਾ વੁਟ੍ਠਿਤੋਤਿ ਏਤ੍ਥ ਦੇਸਨਾਰੋਚਨਾਨਮ੍ਪਿ ਸਙ੍ਗਹੋ। ਤੇਨੇવ ਮਾਤਿਕਾਟ੍ਠਕਥਾਯਂ ‘‘વੁਟ੍ਠਿਤਾ વਾ ਦੇਸਿਤਾ વਾ ਆਰੋਚਿਤਾ વਾ ਆਪਤ੍ਤਿ…ਪੇ॰… ਅਸਨ੍ਤੀ ਨਾਮ ਹੋਤੀ’’ਤਿ (ਕਙ੍ਖਾ॰ ਅਟ੍ਠ॰ ਨਿਦਾਨવਣ੍ਣਨਾ) વੁਤ੍ਤਂ।
135.Āpajjitvā vā vuṭṭhitoti ettha desanārocanānampi saṅgaho. Teneva mātikāṭṭhakathāyaṃ ‘‘vuṭṭhitā vā desitā vā ārocitā vā āpatti…pe… asantī nāma hotī’’ti (kaṅkhā. aṭṭha. nidānavaṇṇanā) vuttaṃ.
ਮਨੁਜੇਨਾਤਿ ਆਸਨ੍ਨੇਨ ਸਹ। ਪਰੇਤਿ ਦੂਰਟ੍ਠੇਪਿ ਪਰਪੁਗ੍ਗਲੇ ਸਨ੍ਧਾਯ ਗਿਰਂ ਨੋ ਚ ਭਣੇਯ੍ਯਾਤਿ ਯੋਜਨਾ।
Manujenāti āsannena saha. Pareti dūraṭṭhepi parapuggale sandhāya giraṃ no ca bhaṇeyyāti yojanā.
‘‘ਆવਿਕਤਾ ਹਿਸ੍ਸ ਫਾਸੁ ਹੋਤੀ’’ਤਿ (ਮਹਾવ॰ ੧੩੪) વੁਤ੍ਤਤ੍ਤਾ ਗਰੁਕਾਪਤ੍ਤਿਪਿ ਆવਿਕਰਣਮਤ੍ਤੇਨ વੁਟ੍ਠਾਤੀਤਿ ਕੇਚਿ વਦਨ੍ਤਿ, ਤਂ ਤੇਸਂ ਮਤਿਮਤ੍ਤਂ ਪਰਿવਾਸਾਦਿવਿਧਾਨਸੁਤ੍ਤੇਹਿ વਿਰੁਜ੍ਝਨਤੋ। ਅਯਂ ਪਨੇਤ੍ਥ ਅਧਿਪ੍ਪਾਯੋ – ਯਥਾਭੂਤਞ੍ਹਿ ਅਤ੍ਤਾਨਮਾવਿਕਰੋਨ੍ਤਂ ਪੇਸਲਾ ਭਿਕ੍ਖੂ ‘‘ਅਕਾਮਾ ਪਰਿવਤ੍ਥਬ੍ਬ’’ਨ੍ਤਿਆਦਿવਚਨਂ ਨਿਸ੍ਸਾਯ ਅਨਿਚ੍ਛਮਾਨਮ੍ਪਿ ਨਂ ਉਪਾਯੇਨ ਪਰਿવਾਸਾਦੀਨਿ ਦਤ੍વਾ ਅવਸ੍ਸਂ ਸੁਦ੍ਧਨ੍ਤੇ ਪਤਿਟ੍ਠਾਪੇਸ੍ਸਨ੍ਤਿ, ਤਤੋ ਤਸ੍ਸ ਅવਿਪ੍ਪਟਿਸਾਰਾਦੀਨਂ વਸੇਨ ਫਾਸੁ ਹੋਤਿ। ਪਠਮਂ ਪਾਤਿਮੋਕ੍ਖੁਦ੍ਦੇਸਨ੍ਤਿ ਨਿਦਾਨੁਦ੍ਦੇਸਂ ਦਸ੍ਸੇਤਿ। ਪੁਬ੍ਬੇ ਅવਿਜ੍ਜਮਾਨਂ ਪਞ੍ਞਾਪੇਸੀਤਿ। ਨ ਕੇવਲਞ੍ਚ ਏਤਂ, ਪੁਬ੍ਬੇ ਪਞ੍ਞਤ੍ਤਮ੍ਪਿ ਪਨ ਪਾਰਾਜਿਕਾਦਿਸਿਕ੍ਖਾਪਦਂ ਸਬ੍ਬਂ ਭਗવਾ ‘‘ਤਤ੍ਰਿਮੇ ਚਤ੍ਤਾਰੋ ਪਾਰਾਜਿਕਾ ਧਮ੍ਮਾ ਉਦ੍ਦੇਸਂ ਆਗਚ੍ਛਨ੍ਤੀ’’ਤਿਆਦਿਨਾ ਪਾਰਾਜਿਕੁਦ੍ਦੇਸਾਦਿવਸੇਨ વਿਨਯਮਾਤਿਕਂ ਕਤ੍વਾ ਨਿਦਾਨੁਦ੍ਦੇਸੇਨ ਸਹ ਸਯਮੇવ ਸਙ੍ਗਹੇਤ੍વਾ ‘‘ਪਾਤਿਮੋਕ੍ਖ’’ਨ੍ਤਿ ਪਞ੍ਞਾਪੇਸੀਤਿ ਦਟ੍ਠਬ੍ਬਂ। ਤਦੇਤਂ ਸਬ੍ਬਮ੍ਪਿ ਸਨ੍ਧਾਯ ‘‘ਅਨੁਜਾਨਾਮਿ, ਭਿਕ੍ਖવੇ, ਪਾਤਿਮੋਕ੍ਖਂ ਉਦ੍ਦਿਸਿਤੁ’’ਨ੍ਤਿ (ਮਹਾવ॰ ੧੩੩) વੁਤ੍ਤਂ।
‘‘Āvikatā hissa phāsu hotī’’ti (mahāva. 134) vuttattā garukāpattipi āvikaraṇamattena vuṭṭhātīti keci vadanti, taṃ tesaṃ matimattaṃ parivāsādividhānasuttehi virujjhanato. Ayaṃ panettha adhippāyo – yathābhūtañhi attānamāvikarontaṃ pesalā bhikkhū ‘‘akāmā parivatthabba’’ntiādivacanaṃ nissāya anicchamānampi naṃ upāyena parivāsādīni datvā avassaṃ suddhante patiṭṭhāpessanti, tato tassa avippaṭisārādīnaṃ vasena phāsu hoti. Paṭhamaṃ pātimokkhuddesanti nidānuddesaṃ dasseti. Pubbe avijjamānaṃ paññāpesīti. Na kevalañca etaṃ, pubbe paññattampi pana pārājikādisikkhāpadaṃ sabbaṃ bhagavā ‘‘tatrime cattāro pārājikā dhammā uddesaṃ āgacchantī’’tiādinā pārājikuddesādivasena vinayamātikaṃ katvā nidānuddesena saha sayameva saṅgahetvā ‘‘pātimokkha’’nti paññāpesīti daṭṭhabbaṃ. Tadetaṃ sabbampi sandhāya ‘‘anujānāmi, bhikkhave, pātimokkhaṃ uddisitu’’nti (mahāva. 133) vuttaṃ.
੧੩੬. ਏਤਂ ੩੪ વੇਦਿਤਬ੍ਬਨ੍ਤਿ ਯਸ੍ਮਿਂ ਤਸ੍ਮਿਂ ਚਾਤੁਦ੍ਦਸੇ વਾ ਪਨ੍ਨਰਸੇ વਾਤਿ ਏવਂ ਅਤ੍ਥਜਾਤਂ।
136.Etaṃ 34 veditabbanti yasmiṃ tasmiṃ cātuddase vā pannarase vāti evaṃ atthajātaṃ.
ਸਨ੍ਨਿਪਾਤਾਨੁਜਾਨਨਾਦਿਕਥਾવਣ੍ਣਨਾ ਨਿਟ੍ਠਿਤਾ।
Sannipātānujānanādikathāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi
੬੮. ਸਨ੍ਨਿਪਾਤਾਨੁਜਾਨਨਾ • 68. Sannipātānujānanā
੬੯. ਪਾਤਿਮੋਕ੍ਖੁਦ੍ਦੇਸਾਨੁਜਾਨਨਾ • 69. Pātimokkhuddesānujānanā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਸਨ੍ਨਿਪਾਤਾਨੁਜਾਨਨਾਦਿਕਥਾ • Sannipātānujānanādikathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਸਨ੍ਨਿਪਾਤਾਨੁਜਾਨਨਾਦਿਕਥਾવਣ੍ਣਨਾ • Sannipātānujānanādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਸਨ੍ਨਿਪਾਤਾਨੁਜਾਨਨਾਦਿਕਥਾવਣ੍ਣਨਾ • Sannipātānujānanādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੬੮. ਸਨ੍ਨਿਪਾਤਾਨੁਜਾਨਨਾਦਿਕਥਾ • 68. Sannipātānujānanādikathā
