| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
4. саннидтаабагад̇т̇зраабад̣̇аанаван̣н̣анаа
4. Sanniṭṭhāpakattheraapadānavaṇṇanā
аран̃н̃з гудигам̣ гад̇ваад̇иаад̣̇игам̣ ааяасмад̇о саннидтаабагад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о гаалз гулаг̇зхз ниб̣б̣ад̇д̇о вин̃н̃уд̇ам̣ бад̇д̇о гхараб̣анд̇ханзна б̣ад̣̇д̇хо гхарааваасз аад̣̇ийнавам̣ д̣̇исваа вад̇т̇угаамагилзсагаамз бахааяа химаванд̇асса авид̣̇уурз баб̣б̣ад̇анд̇арз аран̃н̃аваасам̣ габбзси. д̇асмим̣ гаалз бад̣̇умуд̇д̇аро бхаг̇аваа вивзгагаамад̇ааяа д̇ам̣ таанам̣ баабун̣и. ат̇а со д̇аабасо бхаг̇аванд̇ам̣ д̣̇исваа басаннамаанасо ванд̣̇ид̇ваа нисийд̣̇анад̇т̇ааяа д̇ин̣асант̇арам̣ бан̃н̃аабзд̇ваа ад̣̇ааси. д̇ад̇т̇а нисиннам̣ бхаг̇аванд̇ам̣ анзгзхи мад̇хурзхи д̇ин̣д̣угаад̣̇ийхи палаапалзхи санд̇аббзси. со д̇зна бун̃н̃агаммзна д̇ад̇о жуд̇о д̣̇звзсу жа мануссзсу жа абараабарам̣ сам̣саранд̇о д̣̇вз самбад̇д̇ияо анубхавид̇ваа имасмим̣ б̣уд̣̇д̇хуббаад̣̇з згасмим̣ гулаг̇зхз ниб̣б̣ад̇д̇о сад̣̇д̇хаасамбанно баб̣б̣аж̇ид̇о вибассанам̣ вад̣дхзд̇ваа нажирассзва арахаа ахоси. кураг̇г̇з арахад̇д̇апалаббад̇д̇ияам̣ вияа нируссаахзнзва санд̇ибад̣̇асан̇каад̇з ниб̣б̣аанз судту тид̇ад̇д̇аа саннидтаабагад̇т̇зрод̇и баагадо.
Araññekuṭikaṃ katvātiādikaṃ āyasmato sanniṭṭhāpakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle kulagehe nibbatto viññutaṃ patto gharabandhanena baddho gharāvāse ādīnavaṃ disvā vatthukāmakilesakāme pahāya himavantassa avidūre pabbatantare araññavāsaṃ kappesi. Tasmiṃ kāle padumuttaro bhagavā vivekakāmatāya taṃ ṭhānaṃ pāpuṇi. Atha so tāpaso bhagavantaṃ disvā pasannamānaso vanditvā nisīdanatthāya tiṇasantharaṃ paññāpetvā adāsi. Tattha nisinnaṃ bhagavantaṃ anekehi madhurehi tiṇḍukādīhi phalāphalehi santappesi. So tena puññakammena tato cuto devesu ca manussesu ca aparāparaṃ saṃsaranto dve sampattiyo anubhavitvā imasmiṃ buddhuppāde ekasmiṃ kulagehe nibbatto saddhāsampanno pabbajito vipassanaṃ vaḍḍhetvā nacirasseva arahā ahosi. Khuragge arahattaphalappattiyaṃ viya nirussāheneva santipadasaṅkhāte nibbāne suṭṭhu ṭhitattā sanniṭṭhāpakattheroti pākaṭo.
70. арахаа бана худ̇ваа ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о аран̃н̃з гудигам̣ гад̇ваад̇иаад̣̇имааха. д̇ад̇т̇а аран̃н̃зд̇и сийхаб̣яаг̇гхаад̣̇ийнам̣ бхаязна мануссаа зд̇т̇а на раж̇ж̇анд̇и на раманд̇и на аллийяанд̇ийд̇и аран̃н̃ам̣, д̇асмим̣ аран̃н̃з. гудиганд̇и д̇ин̣ажчад̣̇анагудигам̣ гад̇ваа баб̣б̣ад̇анд̇арз васаами ваасам̣ габбзсинд̇и ад̇т̇о. лаабхзна жа алаабхзна жа яасзна жа аяасзна жа санд̇удто вихаасинд̇и самб̣анд̇хо.
70. Arahā pana hutvā attano pubbakammaṃ saritvā somanassajāto pubbacaritāpadānaṃ pakāsento araññe kuṭikaṃ katvātiādimāha. Tattha araññeti sīhabyagghādīnaṃ bhayena manussā ettha na rajjanti na ramanti na allīyantīti araññaṃ, tasmiṃ araññe. Kuṭikanti tiṇacchadanakuṭikaṃ katvā pabbatantare vasāmi vāsaṃ kappesinti attho. Lābhena ca alābhena ca yasena ca ayasena ca santuṭṭho vihāsinti sambandho.
72. ж̇алаж̇уд̇д̇аманаамаганд̇и ж̇алз ж̇аад̇ам̣ ж̇алаж̇ам̣, бад̣̇умам̣, ж̇алаж̇ам̣ уд̇д̇амам̣ ж̇алаж̇уд̇д̇амам̣, ж̇алаж̇уд̇д̇амзна самаанам̣ наамам̣ яасса со ж̇алаж̇уд̇д̇аманаамаго, д̇ам̣ ж̇алаж̇уд̇д̇аманаамагам̣ б̣уд̣̇д̇ханд̇и ад̇т̇о. сзсам̣ баал̣инаяаануяог̇зна сувин̃н̃зяяамзваад̇и.
72.Jalajuttamanāmakanti jale jātaṃ jalajaṃ, padumaṃ, jalajaṃ uttamaṃ jalajuttamaṃ, jalajuttamena samānaṃ nāmaṃ yassa so jalajuttamanāmako, taṃ jalajuttamanāmakaṃ buddhanti attho. Sesaṃ pāḷinayānuyogena suviññeyyamevāti.
саннидтаабагад̇т̇зраабад̣̇аанаван̣н̣анаа самад̇д̇аа.
Sanniṭṭhāpakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 4. саннидтаабагад̇т̇зраабад̣̇аанам̣ • 4. Sanniṭṭhāpakattheraapadānaṃ
