| Library / Tipiṭaka / তিপিটক • Tipiṭaka / ইতিৰুত্তক-অট্ঠকথা • Itivuttaka-aṭṭhakathā |
৪. সন্ততরসুত্তৰণ্ণনা
4. Santatarasuttavaṇṇanā
৭৩. চতুত্থে রূপেহীতি রূপাৰচরধম্মেহি। সন্ততরাতি অতিসযেন সন্তা। রূপাৰচরধম্মা হি কিলেসৰিক্খম্ভনতো ৰিতক্কাদিওল়ারিকঙ্গপ্পহানতো সমাধিভূমিভাৰতো চ সন্তা নাম, আরুপ্পা পন তেহিপি অঙ্গসন্ততায চেৰ আরম্মণসন্ততায চ অতিসযেন সন্তৰুত্তিকা, তেন সন্ততরাতি ৰুত্তা। নিরোধোতি নিব্বানং। সঙ্খারাৰসেসসুখুমভাৰপ্পত্তিতোপি হি চতুত্থারুপ্পতো ফলসমাপত্তিযোৰ সন্ততরা কিলেসদরথপটিপস্সদ্ধিতো নিব্বানারম্মণতো চ, কিমঙ্গং পন সব্বসঙ্খারসমথো নিব্বানং। তেন ৰুত্তং ‘‘আরুপ্পেহি নিরোধো সন্ততরো’’তি।
73. Catutthe rūpehīti rūpāvacaradhammehi. Santatarāti atisayena santā. Rūpāvacaradhammā hi kilesavikkhambhanato vitakkādioḷārikaṅgappahānato samādhibhūmibhāvato ca santā nāma, āruppā pana tehipi aṅgasantatāya ceva ārammaṇasantatāya ca atisayena santavuttikā, tena santatarāti vuttā. Nirodhoti nibbānaṃ. Saṅkhārāvasesasukhumabhāvappattitopi hi catutthāruppato phalasamāpattiyova santatarā kilesadarathapaṭipassaddhito nibbānārammaṇato ca, kimaṅgaṃ pana sabbasaṅkhārasamatho nibbānaṃ. Tena vuttaṃ ‘‘āruppehi nirodho santataro’’ti.
গাথাসু রূপূপগাতি রূপভৰূপগা। রূপভৰো হি ইধ রূপন্তি ৰুত্তো, ‘‘রূপূপপত্তিযা মগ্গং ভাৰেতী’’তিআদীসু ৰিয। অরূপট্ঠাযিনোতি অরূপাৰচরা। নিরোধং অপ্পজানন্তা, আগন্তারো পুনব্ভৰন্তি এতেন রূপারূপাৰচরধম্মেহি নিরোধস্স সন্তভাৰমেৰ দস্সেতি। অরূপেসু অসণ্ঠিতাতি অরূপরাগেন অরূপভৰেসু অপ্পতিট্ঠহন্তা, তেপি পরিজানন্তাতি অত্থো। নিরোধে যে ৰিমুচ্চন্তীতি এত্থ যেতি নিপাতমত্তং। সেসং হেট্ঠা ৰুত্তনযমেৰ।
Gāthāsu rūpūpagāti rūpabhavūpagā. Rūpabhavo hi idha rūpanti vutto, ‘‘rūpūpapattiyā maggaṃ bhāvetī’’tiādīsu viya. Arūpaṭṭhāyinoti arūpāvacarā. Nirodhaṃ appajānantā, āgantāro punabbhavanti etena rūpārūpāvacaradhammehi nirodhassa santabhāvameva dasseti. Arūpesu asaṇṭhitāti arūparāgena arūpabhavesu appatiṭṭhahantā, tepi parijānantāti attho. Nirodhe ye vimuccantīti ettha yeti nipātamattaṃ. Sesaṃ heṭṭhā vuttanayameva.
চতুত্থসুত্তৰণ্ণনা নিট্ঠিতা।
Catutthasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / খুদ্দকনিকায • Khuddakanikāya / ইতিৰুত্তকপাল়ি • Itivuttakapāḷi / ৪. সন্ততরসুত্তং • 4. Santatarasuttaṃ
