| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
9. санд̇авимогкасуд̇д̇ам̣
9. Santavimokkhasuttaṃ
9. ‘‘сад̣̇д̇хо жа, бхигкавз, бхигку ход̇и, но жа сийлаваа…бз… сийлаваа жа, но жа б̣ахуссуд̇о… б̣ахуссуд̇о жа, но жа д̇хаммагат̇иго… д̇хаммагат̇иго жа, но жа барисааважаро… барисааважаро жа, но жа висаарад̣̇о барисааяа д̇хаммам̣ д̣̇зсзд̇и… висаарад̣̇о жа барисааяа д̇хаммам̣ д̣̇зсзд̇и, но жа винаяад̇харо… винаяад̇харо жа, но жа ааран̃н̃иго банд̇асзнаасано… ааран̃н̃иго жа банд̇асзнаасано, но жа яз д̇з санд̇аа вимогкаа ад̇иггамма руубз ааруббаа д̇з гааязна пусид̇ваа вихарад̇и… яз д̇з санд̇аа вимогкаа ад̇иггамма руубз ааруббаа д̇з жа гааязна пусид̇ваа вихарад̇и, но жа аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇и. звам̣ со д̇знан̇г̇зна абарибууро ход̇и. д̇зна д̇ам̣ ан̇г̇ам̣ барибуурзд̇аб̣б̣ам̣ – ‘гинд̇аахам̣ сад̣̇д̇хо жа ассам̣, сийлаваа жа, б̣ахуссуд̇о жа, д̇хаммагат̇иго жа, барисааважаро жа, висаарад̣̇о жа барисааяа д̇хаммам̣ д̣̇зсзяяам̣, винаяад̇харо жа, ааран̃н̃иго жа банд̇асзнаасано, яз д̇з санд̇аа вимогкаа ад̇иггамма руубз ааруббаа д̇з жа гааязна пусид̇ваа вихарзяяам̣, аасаваанан̃жа каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарзяяа’нд̇и.
9. ‘‘Saddho ca, bhikkhave, bhikkhu hoti, no ca sīlavā…pe… sīlavā ca, no ca bahussuto… bahussuto ca, no ca dhammakathiko… dhammakathiko ca, no ca parisāvacaro… parisāvacaro ca, no ca visārado parisāya dhammaṃ deseti… visārado ca parisāya dhammaṃ deseti, no ca vinayadharo… vinayadharo ca, no ca āraññiko pantasenāsano… āraññiko ca pantasenāsano, no ca ye te santā vimokkhā atikkamma rūpe āruppā te kāyena phusitvā viharati… ye te santā vimokkhā atikkamma rūpe āruppā te ca kāyena phusitvā viharati, no ca āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. Evaṃ so tenaṅgena aparipūro hoti. Tena taṃ aṅgaṃ paripūretabbaṃ – ‘kintāhaṃ saddho ca assaṃ, sīlavā ca, bahussuto ca, dhammakathiko ca, parisāvacaro ca, visārado ca parisāya dhammaṃ deseyyaṃ, vinayadharo ca, āraññiko ca pantasenāsano, ye te santā vimokkhā atikkamma rūpe āruppā te ca kāyena phusitvā vihareyyaṃ, āsavānañca khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja vihareyya’nti.
‘‘яад̇о жа ко, бхигкавз, бхигку сад̣̇д̇хо жа ход̇и, сийлаваа жа, б̣ахуссуд̇о жа, д̇хаммагат̇иго жа, барисааважаро жа, висаарад̣̇о жа барисааяа д̇хаммам̣ д̣̇зсзд̇и, винаяад̇харо жа, ааран̃н̃иго жа банд̇асзнаасано, яз д̇з санд̇аа вимогкаа ад̇иггамма руубз ааруббаа д̇з жа гааязна пусид̇ваа вихарад̇и, аасаваанан̃жа каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇и; звам̣ со д̇знан̇г̇зна барибууро ход̇и. имзхи ко, бхигкавз, д̣̇асахи д̇хаммзхи саманнааг̇ад̇о бхигку саманд̇абаасаад̣̇иго жа ход̇и саб̣б̣аагаарабарибууро жаа’’д̇и. навамам̣.
‘‘Yato ca kho, bhikkhave, bhikkhu saddho ca hoti, sīlavā ca, bahussuto ca, dhammakathiko ca, parisāvacaro ca, visārado ca parisāya dhammaṃ deseti, vinayadharo ca, āraññiko ca pantasenāsano, ye te santā vimokkhā atikkamma rūpe āruppā te ca kāyena phusitvā viharati, āsavānañca khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati; evaṃ so tenaṅgena paripūro hoti. Imehi kho, bhikkhave, dasahi dhammehi samannāgato bhikkhu samantapāsādiko ca hoti sabbākāraparipūro cā’’ti. Navamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 9. санд̇авимогкасуд̇д̇аван̣н̣анаа • 9. Santavimokkhasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-7. авиж̇ж̇аасуд̇д̇аад̣̇иван̣н̣анаа • 1-7. Avijjāsuttādivaṇṇanā
