| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
(14) 4. ஸந்தா²ரவக்³க³வண்ணனா
(14) 4. Santhāravaggavaṇṇanā
152. சதுத்த²ஸ்ஸ பட²மே ஆமிஸஸ்ஸ ச த⁴ம்மஸ்ஸ ச அலாபே⁴ன அத்தனோ பரஸ்ஸ ச அந்தரே ஸம்ப⁴வந்தஸ்ஸ சி²த்³த³ஸ்ஸ விவரஸ்ஸ பே⁴த³ஸ்ஸ ஸந்த²ரணங் பித³ஹனங் ஸங்க³ண்ஹனங் ஸந்தா²ரோ. அயஞ்ஹி லோகஸன்னிவாஸோ அலப்³ப⁴மானேன ஆமிஸேன த⁴ம்மேன சாதி த்³வீஹி சி²த்³தோ³. தஸ்ஸ தங் சி²த்³த³ங் யதா² ந பஞ்ஞாயதி , ஏவங் பீட²ஸ்ஸ விய பச்சத்த²ரணேன ஆமிஸேன த⁴ம்மேன ச ஸந்த²ரணங் ஸங்க³ண்ஹனங் ஸந்தா²ரோதி வுச்சதி. எத்த² ச ஆமிஸேன ஸங்க³ஹோ ஆமிஸஸந்தா²ரோ நாம. தங் கரொந்தேன மாதாபிதூனங் பி⁴க்கு²க³திகஸ்ஸ வெய்யாவச்சகரஸ்ஸ ரஞ்ஞோ சோரானஞ்ச அக்³க³ங் அக்³க³ஹெத்வாபி தா³துங் வட்டதி. ஆமஸித்வா தி³ன்னேஹி ராஜானோ ச சோரா ச அனத்த²ம்பி கரொந்தி, ஜீவிதக்க²யம்பி பாபெந்தி. அனாமஸித்வா தி³ன்னேன அத்தமனா ஹொந்தி, சோரனாக³வத்து²ஆதீ³னி செத்த² வத்தூ²னி கதே²தப்³பா³னி. தானி ஸமந்தபாஸாதி³காய வினயட்ட²கதா²யங் (பாரா॰ 185) வித்தா²ரிதானி. ஸக்கச்சங் உத்³தே³ஸதா³னங் பாளிவண்ணனா த⁴ம்மகதா²கத²னந்தி ஏவங் த⁴ம்மேன ஸங்க³ஹோ த⁴ம்மஸந்தா²ரோ நாம.
152. Catutthassa paṭhame āmisassa ca dhammassa ca alābhena attano parassa ca antare sambhavantassa chiddassa vivarassa bhedassa santharaṇaṃ pidahanaṃ saṅgaṇhanaṃ santhāro. Ayañhi lokasannivāso alabbhamānena āmisena dhammena cāti dvīhi chiddo. Tassa taṃ chiddaṃ yathā na paññāyati , evaṃ pīṭhassa viya paccattharaṇena āmisena dhammena ca santharaṇaṃ saṅgaṇhanaṃ santhāroti vuccati. Ettha ca āmisena saṅgaho āmisasanthāro nāma. Taṃ karontena mātāpitūnaṃ bhikkhugatikassa veyyāvaccakarassa rañño corānañca aggaṃ aggahetvāpi dātuṃ vaṭṭati. Āmasitvā dinnehi rājāno ca corā ca anatthampi karonti, jīvitakkhayampi pāpenti. Anāmasitvā dinnena attamanā honti, coranāgavatthuādīni cettha vatthūni kathetabbāni. Tāni samantapāsādikāya vinayaṭṭhakathāyaṃ (pārā. 185) vitthāritāni. Sakkaccaṃ uddesadānaṃ pāḷivaṇṇanā dhammakathākathananti evaṃ dhammena saṅgaho dhammasanthāro nāma.
153-163. து³தியாதீ³னி உத்தானத்தா²னேவ.
153-163. Dutiyādīni uttānatthāneva.
ஸந்தா²ரவக்³க³வண்ணனா நிட்டி²தா.
Santhāravaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / (14) 4. ஸந்தா²ரவக்³கோ³ • (14) 4. Santhāravaggo
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / (14) 4. ஸந்தா²ரவக்³க³வண்ணனா • (14) 4. Santhāravaggavaṇṇanā
