| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
(১৪) ৪. সন্থারৰগ্গৰণ্ণনা
(14) 4. Santhāravaggavaṇṇanā
১৫২. চতুত্থস্স পঠমে আমিসস্স চ ধম্মস্স চ অলাভেন অত্তনো পরস্স চ অন্তরে সম্ভৰন্তস্স ছিদ্দস্স ৰিৰরস্স ভেদস্স সন্থরণং পিদহনং সঙ্গণ্হনং সন্থারো। অযঞ্হি লোকসন্নিৰাসো অলব্ভমানেন আমিসেন ধম্মেন চাতি দ্ৰীহি ছিদ্দো। তস্স তং ছিদ্দং যথা ন পঞ্ঞাযতি , এৰং পীঠস্স ৰিয পচ্চত্থরণেন আমিসেন ধম্মেন চ সন্থরণং সঙ্গণ্হনং সন্থারোতি ৰুচ্চতি। এত্থ চ আমিসেন সঙ্গহো আমিসসন্থারো নাম। তং করোন্তেন মাতাপিতূনং ভিক্খুগতিকস্স ৰেয্যাৰচ্চকরস্স রঞ্ঞো চোরানঞ্চ অগ্গং অগ্গহেত্ৰাপি দাতুং ৰট্টতি। আমসিত্ৰা দিন্নেহি রাজানো চ চোরা চ অনত্থম্পি করোন্তি, জীৰিতক্খযম্পি পাপেন্তি। অনামসিত্ৰা দিন্নেন অত্তমনা হোন্তি, চোরনাগৰত্থুআদীনি চেত্থ ৰত্থূনি কথেতব্বানি। তানি সমন্তপাসাদিকায ৰিনযট্ঠকথাযং (পারা॰ ১৮৫) ৰিত্থারিতানি। সক্কচ্চং উদ্দেসদানং পাল়িৰণ্ণনা ধম্মকথাকথনন্তি এৰং ধম্মেন সঙ্গহো ধম্মসন্থারো নাম।
152. Catutthassa paṭhame āmisassa ca dhammassa ca alābhena attano parassa ca antare sambhavantassa chiddassa vivarassa bhedassa santharaṇaṃ pidahanaṃ saṅgaṇhanaṃ santhāro. Ayañhi lokasannivāso alabbhamānena āmisena dhammena cāti dvīhi chiddo. Tassa taṃ chiddaṃ yathā na paññāyati , evaṃ pīṭhassa viya paccattharaṇena āmisena dhammena ca santharaṇaṃ saṅgaṇhanaṃ santhāroti vuccati. Ettha ca āmisena saṅgaho āmisasanthāro nāma. Taṃ karontena mātāpitūnaṃ bhikkhugatikassa veyyāvaccakarassa rañño corānañca aggaṃ aggahetvāpi dātuṃ vaṭṭati. Āmasitvā dinnehi rājāno ca corā ca anatthampi karonti, jīvitakkhayampi pāpenti. Anāmasitvā dinnena attamanā honti, coranāgavatthuādīni cettha vatthūni kathetabbāni. Tāni samantapāsādikāya vinayaṭṭhakathāyaṃ (pārā. 185) vitthāritāni. Sakkaccaṃ uddesadānaṃ pāḷivaṇṇanā dhammakathākathananti evaṃ dhammena saṅgaho dhammasanthāro nāma.
১৫৩-১৬৩. দুতিযাদীনি উত্তানত্থানেৰ।
153-163. Dutiyādīni uttānatthāneva.
সন্থারৰগ্গৰণ্ণনা নিট্ঠিতা।
Santhāravaggavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / (১৪) ৪. সন্থারৰগ্গো • (14) 4. Santhāravaggo
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / (১৪) ৪. সন্থারৰগ্গৰণ্ণনা • (14) 4. Santhāravaggavaṇṇanā
