| Library / Tipiṭaka / തിപിടക • Tipiṭaka / അങ്ഗുത്തരനികായ (ടീകാ) • Aṅguttaranikāya (ṭīkā) |
(൧൪) ൪. സന്ഥാരവഗ്ഗവണ്ണനാ
(14) 4. Santhāravaggavaṇṇanā
൧൫൨. ചതുത്ഥസ്സ പഠമേ ആമിസസ്സ ച ധമ്മസ്സ ച അലാഭേന അത്തനോ പരസ്സ ച അന്തരേ സമ്ഭവന്തസ്സ ഛിദ്ദസ്സ വിവരസ്സ ഭേദസ്സ സന്ഥരണം പിദഹനം സങ്ഗണ്ഹനം സന്ഥാരോ. അയഞ്ഹി ലോകസന്നിവാസോ അലബ്ഭമാനേന ആമിസേന ധമ്മേന ചാതി ദ്വീഹി ഛിദ്ദോ. തസ്സ തം ഛിദ്ദം യഥാ ന പഞ്ഞായതി , ഏവം പീഠസ്സ വിയ പച്ചത്ഥരണേന ആമിസേന ധമ്മേന ച സന്ഥരണം സങ്ഗണ്ഹനം സന്ഥാരോതി വുച്ചതി. ഏത്ഥ ച ആമിസേന സങ്ഗഹോ ആമിസസന്ഥാരോ നാമ. തം കരോന്തേന മാതാപിതൂനം ഭിക്ഖുഗതികസ്സ വേയ്യാവച്ചകരസ്സ രഞ്ഞോ ചോരാനഞ്ച അഗ്ഗം അഗ്ഗഹേത്വാപി ദാതും വട്ടതി. ആമസിത്വാ ദിന്നേഹി രാജാനോ ച ചോരാ ച അനത്ഥമ്പി കരോന്തി, ജീവിതക്ഖയമ്പി പാപേന്തി. അനാമസിത്വാ ദിന്നേന അത്തമനാ ഹോന്തി, ചോരനാഗവത്ഥുആദീനി ചേത്ഥ വത്ഥൂനി കഥേതബ്ബാനി. താനി സമന്തപാസാദികായ വിനയട്ഠകഥായം (പാരാ॰ ൧൮൫) വിത്ഥാരിതാനി. സക്കച്ചം ഉദ്ദേസദാനം പാളിവണ്ണനാ ധമ്മകഥാകഥനന്തി ഏവം ധമ്മേന സങ്ഗഹോ ധമ്മസന്ഥാരോ നാമ.
152. Catutthassa paṭhame āmisassa ca dhammassa ca alābhena attano parassa ca antare sambhavantassa chiddassa vivarassa bhedassa santharaṇaṃ pidahanaṃ saṅgaṇhanaṃ santhāro. Ayañhi lokasannivāso alabbhamānena āmisena dhammena cāti dvīhi chiddo. Tassa taṃ chiddaṃ yathā na paññāyati , evaṃ pīṭhassa viya paccattharaṇena āmisena dhammena ca santharaṇaṃ saṅgaṇhanaṃ santhāroti vuccati. Ettha ca āmisena saṅgaho āmisasanthāro nāma. Taṃ karontena mātāpitūnaṃ bhikkhugatikassa veyyāvaccakarassa rañño corānañca aggaṃ aggahetvāpi dātuṃ vaṭṭati. Āmasitvā dinnehi rājāno ca corā ca anatthampi karonti, jīvitakkhayampi pāpenti. Anāmasitvā dinnena attamanā honti, coranāgavatthuādīni cettha vatthūni kathetabbāni. Tāni samantapāsādikāya vinayaṭṭhakathāyaṃ (pārā. 185) vitthāritāni. Sakkaccaṃ uddesadānaṃ pāḷivaṇṇanā dhammakathākathananti evaṃ dhammena saṅgaho dhammasanthāro nāma.
൧൫൩-൧൬൩. ദുതിയാദീനി ഉത്താനത്ഥാനേവ.
153-163. Dutiyādīni uttānatthāneva.
സന്ഥാരവഗ്ഗവണ്ണനാ നിട്ഠിതാ.
Santhāravaggavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / (൧൪) ൪. സന്ഥാരവഗ്ഗോ • (14) 4. Santhāravaggo
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / (൧൪) ൪. സന്ഥാരവഗ്ഗവണ്ണനാ • (14) 4. Santhāravaggavaṇṇanā
