| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
сант̇ад̇ажад̇уггабхзд̣̇агат̇ааван̣н̣анаа
Santhatacatukkabhedakathāvaṇṇanā
61-2. бадибаннагассаад̇и аарад̣̇д̇хавибассагасса. убаад̣̇иннаганд̇и гааяинд̣̇рияам̣ санд̇хааяа вуд̇д̇ам̣. убаад̣̇иннагзна пусад̇ийд̇и убаад̣̇иннагзна пусийяад̇и гхаддийяад̇ийд̇и звам̣ гаммани яа-гааралобзна ад̇т̇о взд̣̇ид̇аб̣б̣о. ат̇а ваа звам̣ гаронд̇о гин̃жи убаад̣̇иннагам̣ убаад̣̇иннагзна на пусад̇и на гхаддзд̇ийд̇и звамзд̇т̇а ад̇т̇о д̣̇адтаб̣б̣о. лзсам̣ од̣д̣зссанд̇ийд̇и лзсам̣ самудтаабзссанд̇и, баригаббзссанд̇ийд̇и вуд̇д̇ам̣ ход̇и. сант̇ад̇аад̣̇ибхзд̣̇зхи бхинд̣̇ид̇ваад̇и сант̇ад̇аад̣̇ивисзсанзхи висзсзд̇ваа, сант̇ад̇аад̣̇ийхи жад̇уухи яож̇зд̇ваад̇и вуд̇д̇ам̣ ход̇и.
61-2.Paṭipannakassāti āraddhavipassakassa. Upādinnakanti kāyindriyaṃ sandhāya vuttaṃ. Upādinnakena phusatīti upādinnakena phusīyati ghaṭṭīyatīti evaṃ kammani ya-kāralopena attho veditabbo. Atha vā evaṃ karonto kiñci upādinnakaṃ upādinnakena na phusati na ghaṭṭetīti evamettha attho daṭṭhabbo. Lesaṃ oḍḍessantīti lesaṃ samuṭṭhāpessanti, parikappessantīti vuttaṃ hoti. Santhatādibhedehi bhinditvāti santhatādivisesanehi visesetvā, santhatādīhi catūhi yojetvāti vuttaṃ hoti.
сант̇ад̇ааяаад̇и згад̣̇зсз самуд̣̇ааяавохааро ‘‘бадо д̣̇ад̣дхо’’д̇иаад̣̇ийсу вияа. д̇ат̇аа хи бадасса згад̣̇зсзби д̣̇ад̣дхз ‘‘бадо д̣̇ад̣дхо’’д̇и вохаранд̇и , звам̣ ид̇т̇ияаа важжамаг̇г̇аад̣̇ийсу гисмин̃жи маг̇г̇з сант̇ад̇з ид̇т̇ий ‘‘сант̇ад̇аа’’д̇и вужжад̇и. д̇знааха ‘‘сант̇ад̇аа наамаа’’д̇иаад̣̇и. вад̇т̇аад̣̇ийни анд̇о аббавзсзд̇ваа б̣ахи табзд̇ваа б̣анд̇ханам̣ санд̇хааяа ‘‘баливзтзд̇ваа’’д̇и вуд̇д̇ам̣. згад̣̇зсз самуд̣̇ааяавохааравасзнзва бхигкуби ‘‘сант̇ад̇о’’д̇и вужжад̇ийд̇и ааха ‘‘сант̇ад̇о наамаа’’д̇иаад̣̇и. яад̇д̇агз бавидтзд̇и д̇илапаламад̇д̇з бавидтз. агкиаад̣̇имхи сант̇ад̇зби яат̇аавад̇т̇угамзваад̇и ааха ‘‘т̇уллажжаяагкзд̇д̇з т̇уллажжаяам̣, д̣̇уггадагкзд̇д̇з д̣̇уггадамзва ход̇ий’’д̇и.
Santhatāyāti ekadese samudāyavohāro ‘‘paṭo daḍḍho’’tiādīsu viya. Tathā hi paṭassa ekadesepi daḍḍhe ‘‘paṭo daḍḍho’’ti voharanti , evaṃ itthiyā vaccamaggādīsu kismiñci magge santhate itthī ‘‘santhatā’’ti vuccati. Tenāha ‘‘santhatā nāmā’’tiādi. Vatthādīni anto appavesetvā bahi ṭhapetvā bandhanaṃ sandhāya ‘‘paliveṭhetvā’’ti vuttaṃ. Ekadese samudāyavohāravaseneva bhikkhupi ‘‘santhato’’ti vuccatīti āha ‘‘santhato nāmā’’tiādi. Yattake paviṭṭheti tilaphalamatte paviṭṭhe. Akkhiādimhi santhatepi yathāvatthukamevāti āha ‘‘thullaccayakkhette thullaccayaṃ, dukkaṭakkhette dukkaṭameva hotī’’ti.
каан̣ум̣ гхаддзнд̇асса д̣̇уггаданд̇и ид̇т̇инимид̇д̇асса анд̇о каан̣ум̣ бавзсзд̇ваа самад̇алам̣ ад̇ирид̇д̇ам̣ ваа каан̣ум̣ гхаддзнд̇асса д̣̇уггадам̣ бавзсаабхаавад̇о. сажз бана ийсагам̣ анд̇о бависид̇ваа тид̇ам̣ каан̣угамзва ан̇г̇аж̇аад̇зна чубад̇и, баарааж̇игамзва. д̇асса д̇аланд̇и взл̣унал̣аад̣̇игасса анд̇од̇алам̣. винийд̇авад̇т̇уусу ‘‘д̇зна ко бана самаязна ан̃н̃ад̇аро бхигку сийват̇игам̣ г̇анд̇ваа чиннасийсам̣ бассид̇ваа ваддагад̇з мукз ажчубанд̇ам̣ ан̇г̇аж̇аад̇ам̣ бавзсзси. д̇асса гуггужжам̣ ахоси…бз… анаабад̇д̇и бхигку баарааж̇игасса, аабад̇д̇и д̣̇уггадассаа’’д̇и вуд̇д̇ад̇д̇аа д̇асса суд̇д̇асса ануломад̇о ‘‘аагаасаг̇ад̇амзва гад̇ваа бавзсзд̇ваа нийхарад̇и, д̣̇уггада’’нд̇и (баараа. 73) вуд̇д̇ам̣. б̣ахид̣̇д̇хаа каан̣угзд̇и анд̇обавзсид̇авзн̣убаб̣б̣аад̣̇игасса б̣ахи нигканд̇акаан̣угз. мзт̇унарааг̇зна инд̣̇рияаб̣ад̣̇д̇хааанинд̣̇рияаб̣ад̣̇д̇хасанд̇аанзсу яад̇т̇а гад̇т̇ажи убаггаманд̇асса на саггаа анаабад̇д̇ияаа бхавид̇унд̇и ‘‘д̣̇уггадамзваа’’д̇и вуд̇д̇ам̣. д̇знзва винийд̇авад̇т̇умхи адтигзсу убаггаманд̇асса д̣̇уггадам̣ вуд̇д̇ам̣.
Khāṇuṃ ghaṭṭentassa dukkaṭanti itthinimittassa anto khāṇuṃ pavesetvā samatalaṃ atirittaṃ vā khāṇuṃ ghaṭṭentassa dukkaṭaṃ pavesābhāvato. Sace pana īsakaṃ anto pavisitvā ṭhitaṃ khāṇukameva aṅgajātena chupati, pārājikameva. Tassa talanti veḷunaḷādikassa antotalaṃ. Vinītavatthūsu ‘‘tena kho pana samayena aññataro bhikkhu sīvathikaṃ gantvā chinnasīsaṃ passitvā vaṭṭakate mukhe acchupantaṃ aṅgajātaṃ pavesesi. Tassa kukkuccaṃ ahosi…pe… anāpatti bhikkhu pārājikassa, āpatti dukkaṭassā’’ti vuttattā tassa suttassa anulomato ‘‘ākāsagatameva katvā pavesetvā nīharati, dukkaṭa’’nti (pārā. 73) vuttaṃ. Bahiddhā khāṇuketi antopavesitaveṇupabbādikassa bahi nikkhantakhāṇuke. Methunarāgena indriyabaddhaānindriyabaddhasantānesu yattha katthaci upakkamantassa na sakkā anāpattiyā bhavitunti ‘‘dukkaṭamevā’’ti vuttaṃ. Teneva vinītavatthumhi aṭṭhikesu upakkamantassa dukkaṭaṃ vuttaṃ.
сант̇ад̇ажад̇уггабхзд̣̇агат̇ааван̣н̣анаа нидтид̇аа.
Santhatacatukkabhedakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. батамабаарааж̇игам̣ • 1. Paṭhamapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. батамабаарааж̇игам̣ • 1. Paṭhamapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / сант̇ад̇ажад̇уггабхзд̣̇агагат̇ааван̣н̣анаа • Santhatacatukkabhedakakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / сант̇ад̇ажад̇уггабхзд̣̇агат̇ааван̣н̣анаа • Santhatacatukkabhedakathāvaṇṇanā
