| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
сант̇ад̇ажад̇уггабхзд̣̇агат̇ааван̣н̣анаа
Santhatacatukkabhedakathāvaṇṇanā
61-2. бадибаннагассаад̇и аарад̣̇д̇хавибассагасса. убаад̣̇иннаганд̇и гааяинд̣̇рияам̣ санд̇хааяа вуд̇д̇ам̣. убаад̣̇иннагзна пусад̇ийд̇и убаад̣̇иннагасарийрзна пусийяад̇ийд̇и гаммасаад̇ханзна ад̇т̇о д̣̇адтаб̣б̣о. ат̇а ваа звам̣ гаронд̇о бхигку гин̃жи убаад̣̇иннагам̣ убаад̣̇иннагзна на пусад̇ийд̇и ад̇т̇о. лзсам̣ од̣д̣зссанд̇ийд̇и лзсам̣ табзссанд̇и, баригаббзссанд̇ийд̇и ад̇т̇о. сант̇ад̇аад̣̇ибхзд̣̇зхи бхинд̣̇ид̇ваад̇и сант̇ад̇аад̣̇ивисзсанзхи висзсзд̇ваа. сант̇ад̇ааяаад̇и самуд̣̇ааяз згад̣̇зсавохааро д̣̇ад̣дхасса бадасса чид̣̇д̣̇анд̇иаад̣̇ийсу вияа. яат̇аа хи бадасса згад̣̇зсова вад̇т̇ад̇о д̣̇ад̣дход̇и вужжад̇и, д̇ам̣ згад̣̇зсавохаарам̣ самуд̣̇ааяз бадз убажаарад̇о ааробзд̇ваа буна д̇ам̣ самуд̣̇ааяам̣ д̣̇ад̣дхаббад̣̇зсасан̇каад̇ачид̣̇д̣̇асамб̣анд̇хийбхаавзна ‘‘д̣̇ад̣дхасса бадасса чид̣̇д̣̇а’’нд̇и вохаранд̇и, звамид̇хааби ид̇т̇ияаа маг̇г̇аббад̣̇зсавохаарам̣ самуд̣̇ааяабхууд̇ааяа ид̇т̇ияаа ааробзд̇ваа буна д̇ам̣ ид̇т̇им̣ сант̇ад̇амаг̇г̇асамб̣анд̇хиним̣ гад̇ваа сант̇ад̇ааяа ид̇т̇ияаа важжамаг̇г̇знаад̇иаад̣̇и вуд̇д̇ам̣. саарад̇т̇ад̣̇ийбанияам̣ (саарад̇т̇а. дий. баарааж̇игаган̣д̣а 2.61-62) банзд̇т̇а ‘‘згад̣̇зсз самуд̣̇ааяавохааро’’д̇и вуд̇д̇ам̣, д̇ам̣ на яуд̇д̇ам̣ аваяававохаарзна самуд̣̇ааяассзва бад̇ийяамаанад̇д̇аа. ид̇арат̇аа хи сант̇ад̇ааяа важжамаг̇г̇знаад̇и ид̇т̇илин̇г̇ад̇аа маг̇г̇асамб̣анд̇хид̇аа жа на сияаа, згад̣̇зсз самуд̣̇ааяобажаарасса бана згад̣̇зсова ад̇т̇о саакааяа чиж̇ж̇амаанааяа ругко чиж̇ж̇ад̇ийд̇иаад̣̇ийсу вияа.
61-2.Paṭipannakassāti āraddhavipassakassa. Upādinnakanti kāyindriyaṃ sandhāya vuttaṃ. Upādinnakena phusatīti upādinnakasarīrena phusīyatīti kammasādhanena attho daṭṭhabbo. Atha vā evaṃ karonto bhikkhu kiñci upādinnakaṃ upādinnakena na phusatīti attho. Lesaṃ oḍḍessantīti lesaṃ ṭhapessanti, parikappessantīti attho. Santhatādibhedehi bhinditvāti santhatādivisesanehi visesetvā. Santhatāyāti samudāye ekadesavohāro daḍḍhassa paṭassa chiddantiādīsu viya. Yathā hi paṭassa ekadesova vatthato daḍḍhoti vuccati, taṃ ekadesavohāraṃ samudāye paṭe upacārato āropetvā puna taṃ samudāyaṃ daḍḍhappadesasaṅkhātachiddasambandhībhāvena ‘‘daḍḍhassa paṭassa chidda’’nti voharanti, evamidhāpi itthiyā maggappadesavohāraṃ samudāyabhūtāya itthiyā āropetvā puna taṃ itthiṃ santhatamaggasambandhiniṃ katvā santhatāya itthiyā vaccamaggenātiādi vuttaṃ. Sāratthadīpaniyaṃ (sārattha. ṭī. pārājikakaṇḍa 2.61-62) panettha ‘‘ekadese samudāyavohāro’’ti vuttaṃ, taṃ na yuttaṃ avayavavohārena samudāyasseva patīyamānattā. Itarathā hi santhatāya vaccamaggenāti itthiliṅgatā maggasambandhitā ca na siyā, ekadese samudāyopacārassa pana ekadesova attho sākhāya chijjamānāya rukkho chijjatītiādīsu viya.
вад̇т̇аад̣̇ийни маг̇г̇асса анд̇о аббавзсзд̇ваа б̣ахиязва взтанам̣ санд̇хааяа ‘‘баливзтзд̇ваа’’д̇и вуд̇д̇ам̣. самуд̣̇ааяз аваяавуубажаарзнзва бхигкуби сант̇ад̇о наамаад̇иаад̣̇и вуд̇д̇ам̣. яад̇д̇агз бавидтзд̇и д̇илаб̣ийж̇амад̇д̇з бавидтз. агкинаасаад̣̇ийнам̣ сант̇ад̇ад̇д̇зби яат̇аавад̇т̇угамзваад̇и ааха т̇уллажжаяагкзд̇д̇з т̇уллажжаяанд̇иаад̣̇и. каан̣ум̣ гхаддзнд̇асса д̣̇уггаданд̇и ид̇т̇инимид̇д̇асса анд̇о каан̣ум̣ бавзсзд̇ваа самад̇алам̣, ад̇ирид̇д̇ам̣ ваа тид̇ам̣ каан̣ум̣ сажз гхаддзд̇и, гхаддзнд̇асса д̣̇уггадам̣ бавзсаабхаавад̇о. сажз бана ийсагам̣ анд̇о аллогаасз бавзсзд̇ваа тид̇ам̣ анубаад̣̇иннамзва каан̣усийсам̣ ан̇г̇аж̇аад̇зна чубад̇и, баарааж̇игамзва. д̇асса д̇аланд̇и взл̣унал̣аад̣̇игасса анд̇од̇алам̣. б̣ахид̣̇д̇хаа каан̣угзд̇и анд̇о бавзсид̇авзл̣убаб̣б̣аад̣̇игасса б̣ахи нигканд̇асийсам̣ санд̇хааяа вуд̇д̇ам̣. яат̇аа жа ид̇т̇инимид̇д̇зд̇иаад̣̇ийсу яат̇аа ид̇т̇ияаа бассаавамаг̇г̇з каан̣ум̣ гад̇ваа гхадданаад̣̇игам̣ вуд̇д̇ам̣, звам̣ саб̣б̣ад̇т̇а важжамаг̇г̇аад̣̇ийсуби лагкан̣ам̣ взд̣̇ид̇аб̣б̣анд̇и ад̇т̇о.
Vatthādīni maggassa anto appavesetvā bahiyeva veṭhanaṃ sandhāya ‘‘paliveṭhetvā’’ti vuttaṃ. Samudāye avayavūpacāreneva bhikkhupi santhato nāmātiādi vuttaṃ. Yattake paviṭṭheti tilabījamatte paviṭṭhe. Akkhināsādīnaṃ santhatattepi yathāvatthukamevāti āha thullaccayakkhette thullaccayantiādi. Khāṇuṃ ghaṭṭentassa dukkaṭanti itthinimittassa anto khāṇuṃ pavesetvā samatalaṃ, atirittaṃ vā ṭhitaṃ khāṇuṃ sace ghaṭṭeti, ghaṭṭentassa dukkaṭaṃ pavesābhāvato. Sace pana īsakaṃ anto allokāse pavesetvā ṭhitaṃ anupādinnameva khāṇusīsaṃ aṅgajātena chupati, pārājikameva. Tassa talanti veḷunaḷādikassa antotalaṃ. Bahiddhā khāṇuketi anto pavesitaveḷupabbādikassa bahi nikkhantasīsaṃ sandhāya vuttaṃ. Yathā ca itthinimittetiādīsu yathā itthiyā passāvamagge khāṇuṃ katvā ghaṭṭanādikaṃ vuttaṃ, evaṃ sabbattha vaccamaggādīsupi lakkhaṇaṃ veditabbanti attho.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. батамабаарааж̇игам̣ • 1. Paṭhamapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. батамабаарааж̇игам̣ • 1. Paṭhamapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сант̇ад̇ажад̇уггабхзд̣̇агат̇ааван̣н̣анаа • Santhatacatukkabhedakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / сант̇ад̇ажад̇уггабхзд̣̇агагат̇ааван̣н̣анаа • Santhatacatukkabhedakakathāvaṇṇanā
