| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
5. сант̇ававаг̇г̇о
5. Santhavavaggo
1. сант̇авабан̃хо
1. Santhavapañho
1. ‘‘бханд̇з нааг̇асзна, бхаасид̇амбзд̇ам̣ бхаг̇авад̇аа –
1. ‘‘Bhante nāgasena, bhāsitampetaṃ bhagavatā –
‘‘‘сант̇авад̇о бхаяам̣ ж̇аад̇ам̣, нигзд̇аа ж̇ааяад̇з раж̇о;
‘‘‘Santhavato bhayaṃ jātaṃ, niketā jāyate rajo;
анигзд̇амасант̇авам̣, зд̇ам̣ вз мунид̣̇ассана’нд̇и.
Aniketamasanthavaṃ, etaṃ ve munidassana’nti.
‘‘буна жа бхаг̇авад̇аа бхан̣ид̇ам̣ ‘вихаарз гаараяз раммз, ваасаязд̇т̇а б̣ахуссуд̇з’д̇и. яад̣̇и, бханд̇з нааг̇асзна, д̇ат̇ааг̇ад̇зна бхан̣ид̇ам̣ ‘сант̇авад̇о бхаяам̣ ж̇аад̇ам̣, нигзд̇аа ж̇ааяад̇з раж̇о. анигзд̇амасант̇авам̣, зд̇ам̣ вз мунид̣̇ассана’нд̇и, д̇зна хи ‘вихаарз гаараяз раммз, ваасаязд̇т̇а б̣ахуссуд̇з’д̇и яам̣ важанам̣, д̇ам̣ мижчаа. яад̣̇и д̇ат̇ааг̇ад̇зна бхан̣ид̇ам̣ ‘вихаарз гаараяз раммз, ваасаязд̇т̇а б̣ахуссуд̇з’д̇и, д̇зна хи ‘сант̇авад̇о бхаяам̣ ж̇аад̇ам̣, нигзд̇аа ж̇ааяад̇з раж̇о. анигзд̇амасант̇авам̣, зд̇ам̣ вз мунид̣̇ассана’нд̇и д̇амби важанам̣ мижчаа. аяамби убхад̇о годиго бан̃хо д̇аваануббад̇д̇о, со д̇аяаа ниб̣б̣аахид̇аб̣б̣о’’д̇и.
‘‘Puna ca bhagavatā bhaṇitaṃ ‘vihāre kāraye ramme, vāsayettha bahussute’ti. Yadi, bhante nāgasena, tathāgatena bhaṇitaṃ ‘santhavato bhayaṃ jātaṃ, niketā jāyate rajo. Aniketamasanthavaṃ, etaṃ ve munidassana’nti, tena hi ‘vihāre kāraye ramme, vāsayettha bahussute’ti yaṃ vacanaṃ, taṃ micchā. Yadi tathāgatena bhaṇitaṃ ‘vihāre kāraye ramme, vāsayettha bahussute’ti, tena hi ‘santhavato bhayaṃ jātaṃ, niketā jāyate rajo. Aniketamasanthavaṃ, etaṃ ve munidassana’nti tampi vacanaṃ micchā. Ayampi ubhato koṭiko pañho tavānuppatto, so tayā nibbāhitabbo’’ti.
‘‘бхаасид̇амбзд̇ам̣ , махаарааж̇а, бхаг̇авад̇аа ‘сант̇авад̇о бхаяам̣ ж̇аад̇ам̣, нигзд̇аа ж̇ааяад̇з раж̇о. анигзд̇амасант̇авам̣, зд̇ам̣ вз мунид̣̇ассана’нд̇и. бхан̣ид̇ан̃жа ‘вихаарз гаараяз раммз, ваасаязд̇т̇а б̣ахуссуд̇з’д̇и. яам̣, махаарааж̇а, бхаг̇авад̇аа бхан̣ид̇ам̣ ‘сант̇авад̇о бхаяам̣ ж̇аад̇ам̣, нигзд̇аа ж̇ааяад̇з раж̇о. анигзд̇амасант̇авам̣, зд̇ам̣ вз мунид̣̇ассана’нд̇и, д̇ам̣ сабхаававажанам̣ асзсаважанам̣ ниссзсаважанам̣ ниббарияааяаважанам̣ саман̣аанужчавам̣ саман̣асааруббам̣ саман̣аббад̇ируубам̣ саман̣аарахам̣ саман̣аг̇ожарам̣ саман̣аббадибад̣̇аа саман̣аббадибад̇д̇и. яат̇аа, махаарааж̇а, ааран̃н̃аго миг̇о аран̃н̃з баванз жарамаано нираалаяо анигзд̇о яат̇ижчагам̣ саяад̇и, звамзва ко, махаарааж̇а, бхигкунаа ‘сант̇авад̇о бхаяам̣ ж̇аад̇ам̣, нигзд̇аа ж̇ааяад̇з раж̇о. анигзд̇амасант̇авам̣, зд̇ам̣ вз мунид̣̇ассана’нд̇и жинд̇зд̇аб̣б̣ам̣.
‘‘Bhāsitampetaṃ , mahārāja, bhagavatā ‘santhavato bhayaṃ jātaṃ, niketā jāyate rajo. Aniketamasanthavaṃ, etaṃ ve munidassana’nti. Bhaṇitañca ‘vihāre kāraye ramme, vāsayettha bahussute’ti. Yaṃ, mahārāja, bhagavatā bhaṇitaṃ ‘santhavato bhayaṃ jātaṃ, niketā jāyate rajo. Aniketamasanthavaṃ, etaṃ ve munidassana’nti, taṃ sabhāvavacanaṃ asesavacanaṃ nissesavacanaṃ nippariyāyavacanaṃ samaṇānucchavaṃ samaṇasāruppaṃ samaṇappatirūpaṃ samaṇārahaṃ samaṇagocaraṃ samaṇappaṭipadā samaṇappaṭipatti. Yathā, mahārāja, āraññako migo araññe pavane caramāno nirālayo aniketo yathicchakaṃ sayati, evameva kho, mahārāja, bhikkhunā ‘santhavato bhayaṃ jātaṃ, niketā jāyate rajo. Aniketamasanthavaṃ, etaṃ ve munidassana’nti cintetabbaṃ.
‘‘яам̣ бана, махаарааж̇а, бхаг̇авад̇аа бхан̣ид̇ам̣ ‘вихаарз гаараяз раммз, ваасаязд̇т̇а б̣ахуссуд̇з’д̇и, д̇ам̣ д̣̇вз ад̇т̇авасз самбассамаанзна бхаг̇авад̇аа бхан̣ид̇ам̣. гад̇амз д̣̇вз? вихаарад̣̇аанам̣ наама саб̣б̣аб̣уд̣̇д̇хзхи ван̣н̣ид̇ам̣ анумад̇ам̣ т̇омид̇ам̣ басад̇т̇ам̣, д̇ам̣ д̇з вихаарад̣̇аанам̣ д̣̇ад̇ваа ж̇аад̇иж̇араамаран̣аа баримужжиссанд̇ийд̇и. аяам̣ д̇аава батамо аанисам̣со вихаарад̣̇аанз.
‘‘Yaṃ pana, mahārāja, bhagavatā bhaṇitaṃ ‘vihāre kāraye ramme, vāsayettha bahussute’ti, taṃ dve atthavase sampassamānena bhagavatā bhaṇitaṃ. Katame dve? Vihāradānaṃ nāma sabbabuddhehi vaṇṇitaṃ anumataṃ thomitaṃ pasatthaṃ, taṃ te vihāradānaṃ datvā jātijarāmaraṇā parimuccissantīti. Ayaṃ tāva paṭhamo ānisaṃso vihāradāne.
‘‘буна жабарам̣ вихаарз виж̇ж̇амаанз бхигкунияо б̣яад̇д̇асан̇гзд̇аа бхависсанд̇и, сулабхам̣ д̣̇ассанам̣ д̣̇ассанагаамаанам̣, анигзд̇з д̣̇уд̣̇д̣̇ассанаа бхависсанд̇ийд̇и. аяам̣ д̣̇уд̇ияо аанисам̣со вихаарад̣̇аанз. имз д̣̇вз ад̇т̇авасз самбассамаанзна бхаг̇авад̇аа бхан̣ид̇ам̣ ‘вихаарз гаараяз раммз, ваасаязд̇т̇а б̣ахуссуд̇з’д̇и, на д̇ад̇т̇а б̣уд̣̇д̇хабуд̇д̇зна аалаяо гаран̣ийяо нигзд̇з’’д̇и. ‘‘саад̇ху, бханд̇з нааг̇асзна, звамзд̇ам̣ д̇ат̇аа самбадижчаамий’’д̇и.
‘‘Puna caparaṃ vihāre vijjamāne bhikkhuniyo byattasaṅketā bhavissanti, sulabhaṃ dassanaṃ dassanakāmānaṃ, anikete duddassanā bhavissantīti. Ayaṃ dutiyo ānisaṃso vihāradāne. Ime dve atthavase sampassamānena bhagavatā bhaṇitaṃ ‘vihāre kāraye ramme, vāsayettha bahussute’ti, na tattha buddhaputtena ālayo karaṇīyo nikete’’ti. ‘‘Sādhu, bhante nāgasena, evametaṃ tathā sampaṭicchāmī’’ti.
сант̇авабан̃хо батамо.
Santhavapañho paṭhamo.
