| Library / Tipiṭaka / ਤਿਪਿਟਕ • Tipiṭaka / ਖੁਦ੍ਦਸਿਕ੍ਖਾ-ਮੂਲਸਿਕ੍ਖਾ • Khuddasikkhā-mūlasikkhā |
੪੮. ਸਨ੍ਤੋਸਨਿਦ੍ਦੇਸવਣ੍ਣਨਾ
48. Santosaniddesavaṇṇanā
੪੫੯. ‘‘ਚਤ੍ਤਾਰਿਮਾਨਿ , ਭਿਕ੍ਖવੇ, ਅਪ੍ਪਾਨਿ ਚੇવ ਸੁਲਭਾਨਿ ਚ, ਤਾਨਿ ਚ ਅਨવਜ੍ਜਾਨਿ। ਕਤਮਾਨਿ ਚਤ੍ਤਾਰਿ? ਪਂਸੁਕੂਲਂ, ਭਿਕ੍ਖવੇ, ਚੀવਰਾਨਂ ਅਪ੍ਪਞ੍ਚ ਸੁਲਭਞ੍ਚ, ਤਞ੍ਚ ਅਨવਜ੍ਜਂ। ਪਿਣ੍ਡਿਯਾਲੋਪੋ, ਭਿਕ੍ਖવੇ, ਭੋਜਨਾਨਂ ਅਪ੍ਪਞ੍ਚ ਸੁਲਭਞ੍ਚ, ਤਞ੍ਚ ਅਨવਜ੍ਜਂ। ਰੁਕ੍ਖਮੂਲਂ , ਭਿਕ੍ਖવੇ, ਸੇਨਾਸਨਾਨਂ ਅਪ੍ਪਞ੍ਚ ਸੁਲਭਞ੍ਚ, ਤਞ੍ਚ ਅਨવਜ੍ਜਂ। ਪੂਤਿਮੁਤ੍ਤਭੇਸਜ੍ਜਂ, ਭਿਕ੍ਖવੇ, ਭੇਸਜ੍ਜਾਨਂ ਅਪ੍ਪਞ੍ਚ ਸੁਲਭਞ੍ਚ, ਤਞ੍ਚ ਅਨવਜ੍ਜਂ। ਇਮਾਨਿ ਖੋ, ਭਿਕ੍ਖવੇ, ਚਤ੍ਤਾਰਿ ਅਪ੍ਪਾਨਿ ਚੇવ ਸੁਲਭਾਨਿ ਚ, ਤਾਨਿ ਚ ਅਨવਜ੍ਜਾਨੀ’’ਤਿ (ਅ॰ ਨਿ॰ ੪.੨੭; ਇਤਿવੁ॰ ੧੦੧) વਚਨਤੋ ‘‘ਅਪ੍ਪੇਨਾ’’ਤਿਆਦਿ વੁਤ੍ਤਂ।
459. ‘‘Cattārimāni , bhikkhave, appāni ceva sulabhāni ca, tāni ca anavajjāni. Katamāni cattāri? Paṃsukūlaṃ, bhikkhave, cīvarānaṃ appañca sulabhañca, tañca anavajjaṃ. Piṇḍiyālopo, bhikkhave, bhojanānaṃ appañca sulabhañca, tañca anavajjaṃ. Rukkhamūlaṃ , bhikkhave, senāsanānaṃ appañca sulabhañca, tañca anavajjaṃ. Pūtimuttabhesajjaṃ, bhikkhave, bhesajjānaṃ appañca sulabhañca, tañca anavajjaṃ. Imāni kho, bhikkhave, cattāri appāni ceva sulabhāni ca, tāni ca anavajjānī’’ti (a. ni. 4.27; itivu. 101) vacanato ‘‘appenā’’tiādi vuttaṃ.
ਸਨ੍ਤੁਟ੍ਠੋਤਿ ਏਤ੍ਥ ਯਥਾਲਾਭਯਥਾਬਲਯਥਾਸਾਰੁਪ੍ਪਸਨ੍ਤੋਸਾਨਂ વਸੇਨ ਏਕੇਕਸ੍ਮਿਂ ਪਚ੍ਚਯੇ ਤਯੋ ਤਯੋ ਕਤ੍વਾ ਚਤੂਸੁ ਪਚ੍ਚਯੇਸੁ ਦ੍વਾਦਸ ਸਨ੍ਤੋਸਾ ਹੋਨ੍ਤਿ। ਮਤ੍ਤਞ੍ਞੂਤਿ ਏਤ੍ਥ (ਮ॰ ਨਿ॰ ਅਟ੍ਠ॰ ੧.੪੨੨; ਸਂ॰ ਨਿ॰ ਅਟ੍ਠ॰ ੩.੪.੨੩੯; ਅ॰ ਨਿ॰ ਅਟ੍ਠ॰ ੨.੩.੧੬; ਇਤਿવੁ॰ ਅਟ੍ਠ॰ ੨੮; ਧ॰ ਸ॰ ਅਟ੍ਠ॰ ੧੨੪-੧੩੪) ਚਤ੍ਤਾਰੋ ਮਤ੍ਤਾ ਪਰਿਯੇਸਨਮਤ੍ਤਾ ਪਟਿਗ੍ਗਹਣਮਤ੍ਤਾ ਪਰਿਭੋਗਮਤ੍ਤਾ વਿਸ੍ਸਜ੍ਜਨਮਤ੍ਤਾਤਿ। ਇਤਰੀਤਰੇਨ ਯਾਪੇਨ੍ਤੋ ਸੁਭਰੋ ਨਾਮ। ਸਨ੍ਤੋਸવਿਨਿਚ੍ਛਯੋ।
Santuṭṭhoti ettha yathālābhayathābalayathāsāruppasantosānaṃ vasena ekekasmiṃ paccaye tayo tayo katvā catūsu paccayesu dvādasa santosā honti. Mattaññūti ettha (ma. ni. aṭṭha. 1.422; saṃ. ni. aṭṭha. 3.4.239; a. ni. aṭṭha. 2.3.16; itivu. aṭṭha. 28; dha. sa. aṭṭha. 124-134) cattāro mattā pariyesanamattā paṭiggahaṇamattā paribhogamattā vissajjanamattāti. Itarītarena yāpento subharo nāma. Santosavinicchayo.
ਸਨ੍ਤੋਸਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Santosaniddesavaṇṇanā niṭṭhitā.
