| Library / Tipiṭaka / തിപിടക • Tipiṭaka / ഖുദ്ദസിക്ഖാ-മൂലസിക്ഖാ • Khuddasikkhā-mūlasikkhā |
൪൮. സന്തോസനിദ്ദേസവണ്ണനാ
48. Santosaniddesavaṇṇanā
൪൫൯. ‘‘ചത്താരിമാനി , ഭിക്ഖവേ, അപ്പാനി ചേവ സുലഭാനി ച, താനി ച അനവജ്ജാനി. കതമാനി ചത്താരി? പംസുകൂലം, ഭിക്ഖവേ, ചീവരാനം അപ്പഞ്ച സുലഭഞ്ച, തഞ്ച അനവജ്ജം. പിണ്ഡിയാലോപോ, ഭിക്ഖവേ, ഭോജനാനം അപ്പഞ്ച സുലഭഞ്ച, തഞ്ച അനവജ്ജം. രുക്ഖമൂലം , ഭിക്ഖവേ, സേനാസനാനം അപ്പഞ്ച സുലഭഞ്ച, തഞ്ച അനവജ്ജം. പൂതിമുത്തഭേസജ്ജം, ഭിക്ഖവേ, ഭേസജ്ജാനം അപ്പഞ്ച സുലഭഞ്ച, തഞ്ച അനവജ്ജം. ഇമാനി ഖോ, ഭിക്ഖവേ, ചത്താരി അപ്പാനി ചേവ സുലഭാനി ച, താനി ച അനവജ്ജാനീ’’തി (അ॰ നി॰ ൪.൨൭; ഇതിവു॰ ൧൦൧) വചനതോ ‘‘അപ്പേനാ’’തിആദി വുത്തം.
459. ‘‘Cattārimāni , bhikkhave, appāni ceva sulabhāni ca, tāni ca anavajjāni. Katamāni cattāri? Paṃsukūlaṃ, bhikkhave, cīvarānaṃ appañca sulabhañca, tañca anavajjaṃ. Piṇḍiyālopo, bhikkhave, bhojanānaṃ appañca sulabhañca, tañca anavajjaṃ. Rukkhamūlaṃ , bhikkhave, senāsanānaṃ appañca sulabhañca, tañca anavajjaṃ. Pūtimuttabhesajjaṃ, bhikkhave, bhesajjānaṃ appañca sulabhañca, tañca anavajjaṃ. Imāni kho, bhikkhave, cattāri appāni ceva sulabhāni ca, tāni ca anavajjānī’’ti (a. ni. 4.27; itivu. 101) vacanato ‘‘appenā’’tiādi vuttaṃ.
സന്തുട്ഠോതി ഏത്ഥ യഥാലാഭയഥാബലയഥാസാരുപ്പസന്തോസാനം വസേന ഏകേകസ്മിം പച്ചയേ തയോ തയോ കത്വാ ചതൂസു പച്ചയേസു ദ്വാദസ സന്തോസാ ഹോന്തി. മത്തഞ്ഞൂതി ഏത്ഥ (മ॰ നി॰ അട്ഠ॰ ൧.൪൨൨; സം॰ നി॰ അട്ഠ॰ ൩.൪.൨൩൯; അ॰ നി॰ അട്ഠ॰ ൨.൩.൧൬; ഇതിവു॰ അട്ഠ॰ ൨൮; ധ॰ സ॰ അട്ഠ॰ ൧൨൪-൧൩൪) ചത്താരോ മത്താ പരിയേസനമത്താ പടിഗ്ഗഹണമത്താ പരിഭോഗമത്താ വിസ്സജ്ജനമത്താതി. ഇതരീതരേന യാപേന്തോ സുഭരോ നാമ. സന്തോസവിനിച്ഛയോ.
Santuṭṭhoti ettha yathālābhayathābalayathāsāruppasantosānaṃ vasena ekekasmiṃ paccaye tayo tayo katvā catūsu paccayesu dvādasa santosā honti. Mattaññūti ettha (ma. ni. aṭṭha. 1.422; saṃ. ni. aṭṭha. 3.4.239; a. ni. aṭṭha. 2.3.16; itivu. aṭṭha. 28; dha. sa. aṭṭha. 124-134) cattāro mattā pariyesanamattā paṭiggahaṇamattā paribhogamattā vissajjanamattāti. Itarītarena yāpento subharo nāma. Santosavinicchayo.
സന്തോസനിദ്ദേസവണ്ണനാ നിട്ഠിതാ.
Santosaniddesavaṇṇanā niṭṭhitā.
