| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
5. гассабасам̣яуд̇д̇ам̣
5. Kassapasaṃyuttaṃ
1. санд̇удтасуд̇д̇аван̣н̣анаа
1. Santuṭṭhasuttavaṇṇanā
144. санд̇удтод̇и сагзна ужжааважзна бажжаязна самамзва жа д̇уссанаго. д̇знааха ‘‘ид̇арийд̇арзнаа’’д̇иаад̣̇и. д̇ад̇т̇а д̣̇увид̇хам̣ ид̇арийд̇арам̣ – баагад̇игам̣, н̃аан̣асан̃ж̇анид̇ан̃жаад̇и. д̇ад̇т̇а баагад̇игам̣ бадигкибид̇ваа н̃аан̣асан̃ж̇анид̇амзва д̣̇ассзнд̇о ‘‘т̇ууласукумаа’’д̇иаад̣̇имааха. ид̇арам̣ вужжад̇и хийнам̣ бан̣ийд̇ад̇о ан̃н̃ад̇д̇аа. д̇ат̇аа бан̣ийд̇амби ид̇арам̣ хийнад̇о ан̃н̃ад̇д̇аа. абзгкаасад̣̇д̣̇аа хи ид̇арийд̇араад̇и. ид̇и язна гзнажи хийнзна ваа бан̣ийд̇зна ваа жийвараад̣̇ибажжаязна санд̇уссид̇о д̇ат̇аабавад̇д̇о алобхо ид̇арийд̇арабажжаяасанд̇осо, д̇ам̣саман̇г̇ид̇ааяа санд̇удто. яат̇аалаабхам̣ ад̇д̇ано лаабхаануруубам̣ санд̇осо яат̇аалаабхасанд̇осо. сзсабад̣̇ад̣̇ваязби зсзва наяо. лаб̣бхад̇ийд̇и ваа лаабхо, яо яо лаабхо яат̇аалаабхо, д̇зна санд̇осо яат̇аалаабхасанд̇осо. б̣аланд̇и гааяаб̣алам̣. сааруббанд̇и бхигкуно анужчавигад̇аа.
144.Santuṭṭhoti sakena uccāvacena paccayena samameva ca tussanako. Tenāha ‘‘itarītarenā’’tiādi. Tattha duvidhaṃ itarītaraṃ – pākatikaṃ, ñāṇasañjanitañcāti. Tattha pākatikaṃ paṭikkhipitvā ñāṇasañjanitameva dassento ‘‘thūlasukhumā’’tiādimāha. Itaraṃ vuccati hīnaṃ paṇītato aññattā. Tathā paṇītampi itaraṃ hīnato aññattā. Apekkhāsaddā hi itarītarāti. Iti yena kenaci hīnena vā paṇītena vā cīvarādipaccayena santussito tathāpavatto alobho itarītarapaccayasantoso, taṃsamaṅgitāya santuṭṭho. Yathālābhaṃ attano lābhānurūpaṃ santoso yathālābhasantoso. Sesapadadvayepi eseva nayo. Labbhatīti vā lābho, yo yo lābho yathālābho, tena santoso yathālābhasantoso. Balanti kāyabalaṃ. Sāruppanti bhikkhuno anucchavikatā.
яат̇аалад̣̇д̇хад̇о ан̃н̃асса абад̇т̇анаа наама сияаа аббижчад̇ааяа бавад̇д̇иаагаарод̇и д̇ад̇о винивад̇д̇ид̇амзва санд̇осасса саруубам̣ д̣̇ассзнд̇о ‘‘лабханд̇оби на г̇ан̣хаад̇ий’’д̇и ааха. д̇ам̣ баривад̇д̇зд̇ваад̇и багад̇ид̣̇уб̣б̣алаад̣̇ийнам̣ г̇аружийварам̣ на паасубхааваавахам̣ сарийраб̣аад̇хаавахан̃жа ход̇ийд̇и баяож̇анавасзна, наад̇рижчад̇аад̣̇ивасзна баривад̇д̇зд̇ваа. лахугажийварабарибхог̇з санд̇осавирод̇хи на ход̇ийд̇и ааха ‘‘лахугзна яаабзнд̇оби санд̇удтова ход̇ий’’д̇и. махаг̇гхажийварам̣ б̣ахууни ваа жийвараани лабхид̇ваа д̇аани виссаж̇ж̇зд̇ваа ан̃н̃асса г̇ахан̣ам̣ яат̇аасааруббанаяз тид̇ад̇д̇аа на санд̇осавирод̇хийд̇и ааха ‘‘д̇зсам̣…бз… д̇хаарзнд̇оби санд̇удтова ход̇ий’’д̇и. звам̣ сзсабажжаязсу яат̇ааб̣алаяат̇аасааруббанид̣̇д̣̇зсзсу аби-сад̣̇д̣̇аг̇г̇ахан̣з ад̇хиббааяо взд̣̇ид̇аб̣б̣о.
Yathāladdhato aññassa apatthanā nāma siyā appicchatāya pavattiākāroti tato vinivattitameva santosassa sarūpaṃ dassento ‘‘labhantopi na gaṇhātī’’ti āha. Taṃ parivattetvāti pakatidubbalādīnaṃ garucīvaraṃ na phāsubhāvāvahaṃ sarīrabādhāvahañca hotīti payojanavasena, nātricchatādivasena parivattetvā. Lahukacīvaraparibhoge santosavirodhi na hotīti āha ‘‘lahukena yāpentopi santuṭṭhova hotī’’ti. Mahagghacīvaraṃ bahūni vā cīvarāni labhitvā tāni vissajjetvā aññassa gahaṇaṃ yathāsāruppanaye ṭhitattā na santosavirodhīti āha ‘‘tesaṃ…pe… dhārentopi santuṭṭhova hotī’’ti. Evaṃ sesapaccayesu yathābalayathāsāruppaniddesesu api-saddaggahaṇe adhippāyo veditabbo.
багад̇ийд̇и ваажаабагад̇иаад̣̇игаа. авасзсанид̣̇д̣̇ааяа абхибхууд̇ад̇д̇аа бадиб̣уж̇жхад̇о сахасаа баабагаа вид̇аггаа баад̇убхаванд̇ийд̇и.
Pakatīti vācāpakatiādikā. Avasesaniddāya abhibhūtattā paṭibujjhato sahasā pāpakā vitakkā pātubhavantīti.
муд̇д̇ахарийд̇аганд̇и г̇омуд̇д̇абарибхаавид̇ам̣, бууд̇ибхаавзна ваа чад̣д̣ид̇ад̇д̇аа муд̇д̇ахарийд̇агам̣. б̣уд̣̇д̇хаад̣̇ийхи ван̣н̣ид̇анд̇и ‘‘бууд̇имуд̇д̇абхзсаж̇ж̇ам̣ ниссааяа яаа баб̣б̣аж̇ж̇аа’’д̇иаад̣̇инаа саммаасамб̣уд̣̇д̇хаад̣̇ийхи басад̇т̇ам̣.
Muttaharītakanti gomuttaparibhāvitaṃ, pūtibhāvena vā chaḍḍitattā muttaharītakaṃ. Buddhādīhi vaṇṇitanti ‘‘pūtimuttabhesajjaṃ nissāya yā pabbajjā’’tiādinā sammāsambuddhādīhi pasatthaṃ.
зго згажжо санд̇удто ход̇и, санд̇осасса ван̣н̣ам̣ на гат̇зд̇и сзяяат̇ааби ааяасмаа б̣аагулад̇т̇зро. на санд̇уддо ход̇и, санд̇осасса ван̣н̣ам̣ гат̇зд̇и сзяяат̇ааби т̇зро убананд̣̇о сагяабуд̇д̇о. нзва санд̇удто ход̇и, на санд̇осасса ван̣н̣ам̣ гат̇зд̇и сзяяат̇ааби т̇зро лаал̣уд̣̇ааяий. аяанд̇и ааяасмаа махаагассабо. анзсананд̇и аяонисо мижчааж̇ийвавасзна бажжаяабариязсанам̣. уд̇д̇асад̇ийд̇и ‘‘гат̇ам̣ ну ко лабхзяяа’’нд̇и ж̇аад̇уд̇д̇аасзна уд̇д̇асад̇и. д̇ат̇аа барид̇ассад̇и. аяанд̇и махаагассабад̇т̇зро. звам̣ яат̇аавуд̇д̇азгажжабхигку вияа на барид̇ассад̇и, алаабхабарид̇д̇аасзна вигхаад̇аббад̇д̇ияаа на барид̇д̇аасам̣ аабаж̇ж̇ад̇и. лобхоязва аарамман̣зна сад̣̇д̇хим̣ г̇ант̇анадтзна б̣аж̇жханадтзна г̇зд̇хо лобхаг̇зд̇хо. мужчанд̇и г̇зд̇хам̣ момуухад̇д̇абхаавам̣. аад̣̇ийнаванд̇и д̣̇осам̣. ниссаран̣амзваад̇и жийварз ид̣̇амад̇т̇ид̇аад̣̇ассанабуб̣б̣агам̣ алаг̇г̇абхаавасан̇каад̇анияяаанамзва баж̇аананд̇о. яат̇аалад̣̇д̇хаад̣̇ийнанд̇и яат̇аалад̣̇д̇хабин̣д̣абаад̇аад̣̇ийнам̣. нид̣̇д̇хааран̣з жзд̇ам̣ саамиважанам̣.
Eko ekacco santuṭṭho hoti, santosassa vaṇṇaṃ na katheti seyyathāpi āyasmā bākulatthero. Na santuṭṭo hoti, santosassa vaṇṇaṃ katheti seyyathāpi thero upanando sakyaputto. Neva santuṭṭho hoti, na santosassa vaṇṇaṃ katheti seyyathāpi thero lāḷudāyī. Ayanti āyasmā mahākassapo. Anesananti ayoniso micchājīvavasena paccayapariyesanaṃ. Uttasatīti ‘‘kathaṃ nu kho labheyya’’nti jātuttāsena uttasati. Tathā paritassati. Ayanti mahākassapatthero. Evaṃ yathāvuttaekaccabhikkhu viya na paritassati, alābhaparittāsena vighātappattiyā na parittāsaṃ āpajjati. Lobhoyeva ārammaṇena saddhiṃ ganthanaṭṭhena bajjhanaṭṭhena gedho lobhagedho. Mucchanti gedhaṃ momūhattabhāvaṃ. Ādīnavanti dosaṃ. Nissaraṇamevāti cīvare idamatthitādassanapubbakaṃ alaggabhāvasaṅkhātaniyyānameva pajānanto. Yathāladdhādīnanti yathāladdhapiṇḍapātādīnaṃ. Niddhāraṇe cetaṃ sāmivacanaṃ.
яат̇аа махаагассабад̇т̇зрод̇и ад̇д̇анаа вад̇д̇аб̣б̣анияаамзна вад̣̇ад̇и, бхаг̇авад̇аа бана вад̇д̇аб̣б̣анияаамзна ‘‘яат̇аа гассабо бхигкуу’’д̇и бхавид̇аб̣б̣ам̣. гассабзна нид̣̇ассанабхууд̇зна. гат̇анам̣ наама бхааро ‘‘муд̇д̇о можзяяа’’нд̇и бадин̃н̃аануруубад̇д̇аа. бадибад̇д̇им̣ барибуурам̣ гад̇ваа бууран̣ам̣ бхааро сад̇т̇у аан̣ааяа сирасаа самбадижчид̇аб̣б̣ад̇о.
Yathā mahākassapattheroti attanā vattabbaniyāmena vadati, bhagavatā pana vattabbaniyāmena ‘‘yathā kassapo bhikkhū’’ti bhavitabbaṃ. Kassapena nidassanabhūtena. Kathanaṃ nāma bhāro ‘‘mutto moceyya’’nti paṭiññānurūpattā. Paṭipattiṃ paripūraṃ katvā pūraṇaṃ bhāro satthu āṇāya sirasā sampaṭicchitabbato.
санд̇удтасуд̇д̇аван̣н̣анаа нидтид̇аа.
Santuṭṭhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. санд̇удтасуд̇д̇ам̣ • 1. Santuṭṭhasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. санд̇удтасуд̇д̇аван̣н̣анаа • 1. Santuṭṭhasuttavaṇṇanā
