| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๗. สนฺตุฎฺฐิสุตฺตํ
7. Santuṭṭhisuttaṃ
๒๗. ‘‘จตฺตาริมานิ , ภิกฺขเว, อปฺปานิ จ 1 สุลภานิ จ, ตานิ จ อนวชฺชานิฯ กตมานิ จตฺตาริ? ปํสุกูลํ, ภิกฺขเว, จีวรานํ อปฺปญฺจ สุลภญฺจ , ตญฺจ อนวชฺชํฯ ปิณฺฑิยาโลโป, ภิกฺขเว, โภชนานํ อปฺปญฺจ สุลภญฺจ, ตญฺจ อนวชฺชํฯ รุกฺขมูลํ, ภิกฺขเว, เสนาสนานํ อปฺปญฺจ สุลภญฺจ, ตญฺจ อนวชฺชํฯ ปูติมุตฺตํ, ภิกฺขเว, เภสชฺชานํ อปฺปญฺจ สุลภญฺจ, ตญฺจ อนวชฺชํฯ อิมานิ โข, ภิกฺขเว, จตฺตาริ อปฺปานิ จ สุลภานิ จ, ตานิ จ อนวชฺชานิฯ ยโต โข, ภิกฺขเว, ภิกฺขุ อเปฺปน จ ตุโฎฺฐ โหติ สุลเภน จ, อิทมสฺสาหํ อญฺญตรํ สามญฺญงฺคนฺติ 2 วทามี’’ติฯ
27. ‘‘Cattārimāni , bhikkhave, appāni ca 3 sulabhāni ca, tāni ca anavajjāni. Katamāni cattāri? Paṃsukūlaṃ, bhikkhave, cīvarānaṃ appañca sulabhañca , tañca anavajjaṃ. Piṇḍiyālopo, bhikkhave, bhojanānaṃ appañca sulabhañca, tañca anavajjaṃ. Rukkhamūlaṃ, bhikkhave, senāsanānaṃ appañca sulabhañca, tañca anavajjaṃ. Pūtimuttaṃ, bhikkhave, bhesajjānaṃ appañca sulabhañca, tañca anavajjaṃ. Imāni kho, bhikkhave, cattāri appāni ca sulabhāni ca, tāni ca anavajjāni. Yato kho, bhikkhave, bhikkhu appena ca tuṭṭho hoti sulabhena ca, idamassāhaṃ aññataraṃ sāmaññaṅganti 4 vadāmī’’ti.
‘‘อนวเชฺชน ตุฎฺฐสฺส, อเปฺปน สุลเภน จ;
‘‘Anavajjena tuṭṭhassa, appena sulabhena ca;
น เสนาสนมารพฺภ, จีวรํ ปานโภชนํ;
Na senāsanamārabbha, cīvaraṃ pānabhojanaṃ;
วิฆาโต โหติ จิตฺตสฺส, ทิสา นปฺปฎิหญฺญติฯ
Vighāto hoti cittassa, disā nappaṭihaññati.
‘‘เย จสฺส ธมฺมา อกฺขาตา, สามญฺญสฺสานุโลมิกา;
‘‘Ye cassa dhammā akkhātā, sāmaññassānulomikā;
อธิคฺคหิตา ตุฎฺฐสฺส, อปฺปมตฺตสฺส สิกฺขโต’’ติฯ สตฺตมํ;
Adhiggahitā tuṭṭhassa, appamattassa sikkhato’’ti. sattamaṃ;
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๗. สนฺตุฎฺฐิสุตฺตวณฺณนา • 7. Santuṭṭhisuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๗. สนฺตุฎฺฐิสุตฺตวณฺณนา • 7. Santuṭṭhisuttavaṇṇanā
