| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
7. සන්‌තුට්‌ඨිසුත්‌තං
7. Santuṭṭhisuttaṃ
27. ‘‘චත්‌තාරිමානි , භික්‌ඛවෙ, අප්‌පානි ච 1 සුලභානි ච, තානි ච අනවජ්‌ජානි. කතමානි චත්‌තාරි? පංසුකූලං, භික්‌ඛවෙ, චීවරානං අප්‌පඤ්‌ච සුලභඤ්‌ච , තඤ්‌ච අනවජ්‌ජං. පිණ්‌ඩියාලොපො, භික්‌ඛවෙ, භොජනානං අප්‌පඤ්‌ච සුලභඤ්‌ච, තඤ්‌ච අනවජ්‌ජං. රුක්‌ඛමූලං, භික්‌ඛවෙ, සෙනාසනානං අප්‌පඤ්‌ච සුලභඤ්‌ච, තඤ්‌ච අනවජ්‌ජං. පූතිමුත්‌තං, භික්‌ඛවෙ, භෙසජ්‌ජානං අප්‌පඤ්‌ච සුලභඤ්‌ච, තඤ්‌ච අනවජ්‌ජං. ඉමානි ඛො, භික්‌ඛවෙ, චත්‌තාරි අප්‌පානි ච සුලභානි ච, තානි ච අනවජ්‌ජානි. යතො ඛො, භික්‌ඛවෙ, භික්‌ඛු අප්‌පෙන ච තුට්‌ඨො හොති සුලභෙන ච, ඉදමස්‌සාහං අඤ්‌ඤතරං සාමඤ්‌ඤඞ්‌ගන්‌ති 2 වදාමී’’ති.
27. ‘‘Cattārimāni , bhikkhave, appāni ca 3 sulabhāni ca, tāni ca anavajjāni. Katamāni cattāri? Paṃsukūlaṃ, bhikkhave, cīvarānaṃ appañca sulabhañca , tañca anavajjaṃ. Piṇḍiyālopo, bhikkhave, bhojanānaṃ appañca sulabhañca, tañca anavajjaṃ. Rukkhamūlaṃ, bhikkhave, senāsanānaṃ appañca sulabhañca, tañca anavajjaṃ. Pūtimuttaṃ, bhikkhave, bhesajjānaṃ appañca sulabhañca, tañca anavajjaṃ. Imāni kho, bhikkhave, cattāri appāni ca sulabhāni ca, tāni ca anavajjāni. Yato kho, bhikkhave, bhikkhu appena ca tuṭṭho hoti sulabhena ca, idamassāhaṃ aññataraṃ sāmaññaṅganti 4 vadāmī’’ti.
‘‘අනවජ්‌ජෙන තුට්‌ඨස්‌ස, අප්‌පෙන සුලභෙන ච;
‘‘Anavajjena tuṭṭhassa, appena sulabhena ca;
න සෙනාසනමාරබ්‌භ, චීවරං පානභොජනං;
Na senāsanamārabbha, cīvaraṃ pānabhojanaṃ;
විඝාතො හොති චිත්‌තස්‌ස, දිසා නප්‌පටිහඤ්‌ඤති.
Vighāto hoti cittassa, disā nappaṭihaññati.
‘‘යෙ චස්‌ස ධම්‌මා අක්‌ඛාතා, සාමඤ්‌ඤස්‌සානුලොමිකා;
‘‘Ye cassa dhammā akkhātā, sāmaññassānulomikā;
අධිග්‌ගහිතා තුට්‌ඨස්‌ස, අප්‌පමත්‌තස්‌ස සික්‌ඛතො’’ති. සත්‌තමං;
Adhiggahitā tuṭṭhassa, appamattassa sikkhato’’ti. sattamaṃ;
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 7. සන්‌තුට්‌ඨිසුත්‌තවණ්‌ණනා • 7. Santuṭṭhisuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 7. සන්‌තුට්‌ඨිසුත්‌තවණ්‌ණනා • 7. Santuṭṭhisuttavaṇṇanā
